jump to navigation

មហា​សង្ក្រាន្ត​ឆ្នាំ​ថោះ ត្រី​ស័ក ពុទ្ធសករាជ​២៥៥៥ ថ្ងៃ ចន្ទ 11 ខែ​មេសា 2011

Posted by សុភ័ក្ត្រ in ពីនេះពីនោះ, អំពីស្រុកខ្មែរ.
trackback

មហាសង្ក្រាន្តឆ្នាំថោះ ត្រីស័ក
ចុល្លសករាជ ១៣៧៣ – មហាសករាជ ១៩៣៣
ពុទ្ធសករាជ ២៥៥៥ – គ្រឹស្តសករាជ ២០១១

សុភមស្ដុ! វរមង្គលាជយាតិរេក

ព្រះ​ពុទ្ធ​សករាជ​ព្រះ​សាសនា អតិក្កន្តា​កន្លង​ទៅ​បាន ២៥៥៤ ព្រះ​វស្សា ត្រឹម​ថ្ងៃ ១៥ កើត ខែ​ពិសាខ លុះ​ដល់​ថ្ងៃ ១ រោច ខែ​ពិសាខ ឆ្នាំ​ថោះ ត្រី​ស័ក​តទៅ​ចូល​ពុទ្ធ​សករាជ ២៥៥៥។

នឹង​គណនា​ឆ្នាំ​ថោះ ឥឡូវ​នេះ​សង្ក្រាន្ត​ចូល​មក​នៅ​ថ្ងៃ​ព្រហស្បតិ៍ ១១ កើត ខែ​ចេត្រ ត្រូវ​នឹង​ថ្ងៃ​ទី​១៤ ខែ​មេសា គ.ស.​២០១១ វេលា​ម៉ោង ១៣ និង ១២ នាទី រសៀល។ ពេល​នោះ​ព្រះ​អាទិត្យ​ចេញ​ពី​មីនរាសី​ទៅ​ឋិត​នៅ​ឯ​មេសរាសី​ ដើរ​តាម​ផ្លូវ​គោវិថី ​គឺ​ផ្លូវ​កណ្ដាល ទើប​មាន​ទេពធីតា​មួយ​ព្រះ​អង្គ​ជា​មគ្គនាយិកា​ព្រះ​នាម កិរិណីទេវី ជា​បុត្រ​ទី​៥​នៃ​កបិល​មហាព្រហ្ម គង់​នៅ​ចាតុម្មហារាជិកា ទ្រង់​អម្ពរ​ពណ៌​បៃតង លម្អ​នៅ​ព្រះ​កាណ៌​ដោយ​សៀត ផ្កា​មន្ទារ អភរណៈ​ទ្រង់​ពាក់ កែវមក៌ត ភក្សាហារ​ទ្រង់​សោយ​ផ្លែ​សណ្ដែក​ល្ង ព្រះ​ហស្ត​ស្ដាំ​ទ្រង់​កង្វេរ ព្រះ​ហស្ត​ឆ្វេង​ទ្រង់​កាំភ្លើង ទ្រង់​អង្គុយ​ពាក់​ឆៀង​លើ​ខ្នង​គុជសារ (សត្វ​ដំរី) ដែល​ជា​ពាហនៈ។ ទើប​នាំ​អស់​ទេវបុត្រ ទេវធីតា​ទាំង​មួយសែន​កោដិ​ហោះ​ទៅ​កាន់ គុហា​កែវ ធម្មមាលី នា​ទី​ភ្នំ​កៃលាស​ខេត្ត​ហិមពាន្ត ជា​ទី​តម្កល់​ទុក​នូវ​ព្រះ​សិរសា កបិល​មហាព្រហ្ម ដែល​តម្កល់​លើ​ពាន​មាស នាំ​មក​ដង្ហែ​ប្រទក្សិណ ភ្នំ​ព្រះ​សុមេរុរាជ​តាម​ផ្លូវ​ព្រះ​អាទិត្យ​ចរ ចំនួន ៦០ នាទី (២៤​ម៉ោង)។ ទើប​នាំ​យក​ទៅ​តម្កល់​ទុក​កន្លែង​ដើម​វិញ ហើយ​ប្រជុំ ទេវបុត្រ ទេវធីតា​ទាំង​មួយ​សែន​កោដិ​ចូល​ទៅ​ស្រង់​ទឹក អនោតត្តម​មហា​ស្រះ ដែល​មាន​ទឹក​ហូរ​ចេញ​ពី​បំពង់​ថ្ម​កែវ​ដែល​ជា​មាត់​គោ ឧសភរាជ​ទាំង​៧ ត្រជាក់​ក្សេមក្សាន្ត​ព្រះ​រាជ​ហ្ឬទ័យ ហើយ​នាំ​គ្នា​ចូល​ទៅ​សមាទាន​រក្សា​សីល​ដោយ​សោមនស្ស​រីករាយ​គ្រប់​ព្រះ​អង្គ ក្នុង​ភគវតី​សភា​សាលា ដែល​វិស្សកម្ម​ទេវបុត្រ​និមិត្ត​ថ្វាយ ដើម្បី​បន្ទោរ​បង់​អពមង្គល​ឲ្យ​​ជ្រះ​ស្រឡះ ហើយ​ចម្រើន​នូវ​សិរី​សួស្ដី​ជ័យ​មង្គល ជន្មាយុ​យឺនយូរដល់​ទេវតា និង​មនុស្ស​សត្វ​ផង​ទាំងឡាយ​តាំង​ពី​ឆ្នាំ​ថ្មី​ចូល​មក​នេះ​បាន​ធូរ​ទូលំ​​ទូលាយ សុខ​ក្សេមក្សាន្ត ត​រៀង​ទៅ។

  • ថ្ងៃ​ព្រហស្បតិ៍ ១១ កើត ខែ​ចេត្រ ត្រូវ​នឹង​ថ្ងៃ​ទី​១៤ ខែ​មេសា គ្រឹស្ត​សករាជ ២០១១ វេលា​ម៉ោង ១៣ និង ១២ នាទី​ ជា​ថ្ងៃ​ចូល​ឆ្នាំ​ថោះ ត្រីស័ក។
  • ថ្ងៃ​សុក្រ ១២ កើត ខែ​ចេត្រ ​ត្រូវ​នឹង​ថ្ងៃ​ទី​១៥ ខែ​មេសា គ្រឹស្ត​សករាជ ២០១១ ជា​វារៈ វ័នបត។
  • ថ្ងៃ​សៅរ៍ ១៣ កើត ខែ​ចេត្រ ត្រូវ​នឹង​ថ្ងៃ​ទី​១៦ ខែ​មេសា គ្រឹស្ត​សករាជ ២០១១ នៅ​វេលា​ម៉ោង ១៥ និង ៣០ នាទី ១២ វិនាទី ជា​វារៈ​ឡើង​ស័ក គម្រប់​ជា​សង្ក្រាន្ត​បី​ថ្ងៃ ស្រេច​បរិបូណ៌​ចូល​ជា​សកល ឆ្នាំ​ថោះ ត្រីស័ក ចុល្លសករាជ ១៣៧៣ និង​មហា​សករាជ ១៩៣៣ តទៅ។

ក្នុង​ឱកាស​សង្ក្រាន្ត​បី​ ថ្ងៃ សូម​អស់​ប្រជា​ពលរដ្ឋ​ប្រុស​ស្រី​ផង​ទាំងឡាយ​រៀបចំ​ពលិកា​គ្រឿង​សក្ការ​បូជា អុច​ប្រទីប​ជ្វាលា ថ្វាយ​ព្រះ​រតនត្រ័យ និង​ទទួល​ស្វាគមន៍​ទេវបុត្រ ទេវធីតា​ឆ្នាំ​ថ្មី ហើយ​ខំ​លះបង់​ចិត្ត​អាក្រក់​អន្យតិរ្ថីយ​ជា​ចិត្ត​អប្រីយ៍ ជាប់​ដោយ​គំនុំ​គុំគួន​ព្យាបាទ​ឈ្នានីស​ដែល​កើត​មាន​ក្នុង​ឆ្នាំ​ចាស់​ឲ្យ​ ជ្រះ​ស្រឡះ​តាំង​ចិត្ត​ប្រព្រឹត្ត​ល្អ ប្រកប​ដោយ មេត្តា ករុណា មុទិតា ឧបេក្ខា និង​បញ្ញា ធ្វើ​បុណ្យ​សុន្ទរ៍ទាន​តាម​ប្រពៃណី រក្សា​សីល​ប្រាំ​ឲ្យ​​បាន​ជាប់​ជានិច្ច នោះ​ទើប​ទេវតា​នឹង​ឲ្យ​ពរ សព្ទសាធុការ លោក​អ្នក​នឹង​មាន​សិរី​សួស្ដី សុភមង្គល វិបុលសុខ​គ្រប់​ប្រការ តាំង​ពី​ឆ្នាំ​ថ្មី​នេះ​ត​រៀង​ទៅ។

រណ្ដាប់ទទួលទេវតា

រណ្ដាប់​ទទួល​នូវ​ទេវតា​តាម​ទំនៀម​ពី​បុរាណ​រៀង​រហូត​មក ត្រូវ​រៀប​រាន​ទទួល​ទេវតា​នៅ​ខាង​មុខ​ផ្ទះ​មួយ សម្រាប់​តាំង​គ្រឿង​ពលីការ​ផ្សេង​ៗ។ ត្រូវ​រៀប​ក្រាល​សំពត់​ពណ៌​​ស ឬ​ស្រគាំ ហើយ​រៀប​បាយសី ៩ ថ្នាក់​មួយ​គូ បាយសី ៧ ថ្នាក់​មួយ​គូ បាយសី ៥ ថ្នាក់​មួយ​គូ បាយសី ៣ ថ្នាក់​មួយ​គូ បាយសី​ប៉ាឆាម​មួយ​គូ ស្លាធម៌​មួយ​គូ ទឹកអប់​មួយ​គូ (ទៀន ៥ ធូប ៥) លាជ ៥ ផ្កា ៥ ដាក់​លើ​ជើងពាន ១ គូ ចេកនួន ចេក​ណាំវ៉ា ពីរ​ជើងពាន ផ្លែ​ឈើ ១១ មុខ រៀប​ដាក់​ជើងពាន ១១ គូ ដូងឡៅ​មួយ​គូ ទឹក​ស្អាត​ពីរ​កែវ។ ឆ្នាំ​នេះ​គួរ​រក​សណ្ដែក និង​ល្ង ដាក់​ទទួល​ទេវតា​ផង ព្រោះ​ជា​ភក្សាហារ របស់​ទេវធីតា។

កំណត់សម្គាល់

ចំពោះ​បាយសី ៩ ថ្នាក់ ៧ ថ្នាក់ សម្រាប់​នៅ​ព្រះ​បរម​រាជវាំង ចំពោះ​ប្រជារាស្ត្រ​គួរ​ធ្វើ​ត្រឹម ៥ ថ្នាក់​ចុះ​មក ឬ​រៀប​ត្រឹម​គ្រឿង​សក្ការៈ​បូជា​ដែល​មាន​ទៀន​ប្រាំ ធូប​ប្រាំ ស្លាធម៌ កូន​ចេក​មួយ​គូ​ក៏​ល្អ​ដែរ។ ចំពោះ​ផ្លែ​ឈើ​សម្រាប់​ប្រជារាស្ត្រ គួរ​រៀប​ឲ្យ​បាន​ត្រឹម ៣ ឬ ៥ មុខ​ជា​ការ​ប្រសើរ គឺ​រៀប​ទៅ​តាម​ធនធាន​របស់​ខ្លួន។ នៅ​គ្រប់​ដង្វាយ​ទាំងអស់​ត្រូវ​ដាក់​ផ្កា​ម្លិះ​ភួង​ពី​លើ​គ្រប់​ដង្វាយ នៅ​លើ​ជើងពាន និង​លើ​បាយសី​ត្រូវ​ដោត​ទៀន​ហើយ​ដុត​បំភ្លឺ។

ទំនាយប្រចាំឆ្នាំ

  • កែនព្រះពិរុណសាស្ត្រៈ ឆ្នាំ​នេះ ភព​ពុធ ​​ជាអធិបតី នាំ​ផ្លូវ​ទៅ​សុំ​ទឹក​ភ្លៀង​ពី​ស្ដេច​នាគ ហើយ​បាន​នាគ​៣​បង្អុរ​ទឹក​​ភ្លៀង​៦០០​មេ។ ភ្លៀង​ធ្លាក់​នៅ​ចក្រវាឡ​២៤០​មេ ព្រៃហេមពាន្ត​១៨០មេ មហា​សមុទ្ទ​១២០​មេ ជម្ពូ​ទ្វីប​មនុស្ស​លោក​៦០​មេ។ ភ្លៀង​ដើម​ឆ្នាំ​​តិច កណ្ដាល​ឆ្នាំ​ភ្លៀង​ល្អ និង​ចុង​​ឆ្នាំ​ភ្លៀង​ឧត្ដម​ល្អ។
  • កែនធារាទិគុណរៈ ឆ្នាំ​នេះ​មាន​កេណ្ឌ​ មួយ (១) តេជោ​ធាតុ​ចុះ​ទំនាយ​ថា នឹង​មាន​ភ្លើង​កាច​សាហាវ​ជាង​ឆ្នាំ​កន្លង​ទៅ។

- ទឹកជំនន់ និងទឹកទន្លេៈ ឆ្នាំ​នេះ​ទឹក​ជំនន់​ដោយ​ភ្លៀង និង​ទឹក​ទន្លេ​មាន​ច្រើន គឺ​មាន​កម្រិត ១០​លើ​១៦ គឺ​មាន​សំណល់​១០ ទឹក​មាន​ជា​មធ្យម។

  • កែនធញ្ញាហារៈ ឆ្នាំ​នេះ​មាន​កេណ្ឌ​ (៦) ឈ្មោះ​ថា​លាភៈ ទំនាយ​ថា ស្រូវ សំណាប ស្រែ​ចម្ការ​​បាន​ផល​៩​ភាគ​ ខូច​១​ភាគ ប្រជា​នុរាស្ត្រ​ នឹង​មាន​សេចក្ដី​សុខ​សួស្ដី ចម្រើន​ជា​ភិយោភាព ធញ្ញាហារ មង្សាហារ ផល្លាហារ នឹង​មាន​បរិបូណ៌​ឧត្ដម​ល្អ​ណាស់។

ស្រង់ចេញពីសៀវភៅមហាសង្ក្រាន្តរបស់ក្រសួងធម្មការ និងសាសនា

____________________________________________________
អានផងដែរ៖
១. មហាសង្ក្រាន្តខ្មែរ ពុទ្ធសករាជ ២៥៥១
២. មហាសង្ក្រាន្ត ឆ្នាំជូត សំរឹទ្ធិស័ក ពុទ្ធសករាជ២៥៥២
៣. មហាសង្ក្រាន្តឆ្នាំឆ្លូវ ឯកស័ក ពុទ្ធសករាជ២៥៥៣
៤. មហាសង្ក្រាន្តឆ្នាំខាល ទោស័ក ពុទ្ធសករាជ២៥៥៤
៥. មហាសង្ក្រាន្តឆ្នាំរោង ចត្វាស័ក ពុទ្ធសករាជ២៥៥៦
៦. មហា​សង្ក្រាន្ត​ឆ្នាំ​ម្សាញ់ បញ្ច​ស័ក ពុទ្ធសករាជ​២៥៥៧
៧. មហា​សង្ក្រាន្ត​ឆ្នាំ​មមី ឆ​ស័ក ពុទ្ធសករាជ​២៥៥៨

About these ads

មតិ»

1. កែវ ឌីណា - ថ្ងៃ អង្គារ 12 ខែ​មេសា 2011

អុញ! ទេវតាមានប្រើកាំភ្លើងដែរហ្ន៎ :)

វិចូច - ថ្ងៃ អង្គារ 12 ខែ​មេសា 2011

:lol: ពិបាក​នឹង​យល់​ដែរ :D

សុភ័ក្ត្រ - ថ្ងៃ អង្គារ 12 ខែ​មេសា 2011

ការពារ​ព្រះ​រាជ​អាណាចក្រ

2. កែវ ឌីណា - ថ្ងៃ អង្គារ 12 ខែ​មេសា 2011

ប្រុសៗប៉ាយ៉ាត់ប៉ាយែងទៅ ទេវតាកាន់អាវុធប៉ុណ្ណេះហើយ មិនធម្មតារ៉េ !

3. វុឌ្ឍី វុឌ្ឍ - ថ្ងៃពុធ 13 ខែ​មេសា 2011

សាហាវមេស មានកំាភ្លើងក្នុងដៃទៀត!

សុភ័ក្ត្រ - ថ្ងៃពុធ 13 ខែ​មេសា 2011

ទុក​បាញ់​ពួក​ចោរ​ឈ្លាន​ពាន :D

MV - ថ្ងៃពុធ 13 ខែ​មេសា 2011

មាន​គេសួរ​ថា​ ទេវតា​ ម៉េច​ប្រើ​អាវុធ​សម័យ​ថ្មី អញ្ចឹង? ហើយ​ការ​កំណត់ថា​កាន់កាំភ្លើង​ហ្នឹងគេ​យោង​ ឬ​សំអាង​លើ​អ្វី​ដែរ?​

4. រដ្ឋ - ថ្ងៃពុធ 13 ខែ​មេសា 2011

ចុម សម័យ​តាព្រហ្ម​មាន​ប្រើ​កាំភ្លើង​ដែរ??​ម៉ាយ​ហ្កត! សង្ស័យ​ឆ្នាំ​ក្រោយ​ព្រះ​នាង ព្រះហស្តទ្រង់ipad ហើយ​យ៉ាង!

វុឌ្ឍី វុឌ្ឍ - ថ្ងៃពុធ 13 ខែ​មេសា 2011

ហាហា ប្រហែលហើយ!

MV - ថ្ងៃពុធ 13 ខែ​មេសា 2011

iPad2 or 3 hahaha

5. កំឡោះខ្មែរ - ថ្ងៃពុធ 13 ខែ​មេសា 2011

បើជ្រុលកាន់កាំភ្លើងអញ្ចឹងហើយ ម៉េចក៏មិនព្រមជិះរថក្រោះ ឬ ជិះM16 ចុះមកទៅ! ប្រហែលជាទេវតាហ្នឹង អត់មានលុយទិញជិះទេមើលទៅ!

6. វិចូច - ថ្ងៃពុធ 13 ខែ​មេសា 2011

:lol: បើ​មើល​តាម​រូប​មហាសង្ក្រាន្ត​ប្រទេស​លាវ​វិញ ឃើញ​ថា​គេ​គូរ​បាន​ស្អាត ហើយ​កាំភ្លើង​ទៀត​សោត ក៏​មិន​មែន​អា​សម័យ​ថ្មី​ដែរ គឺ​ជា​លក្ខណៈ​កាំភ្លើង​បុរាណ។ ច្រណែន​នឹង​គេ​ដែរ ដល់​ពេល​គេ​គូរ​ស្អាត​ចឹង :D

សុភ័ក្ត្រ - ថ្ងៃពុធ 13 ខែ​មេសា 2011

hahaha… កាំភ្លើង​ហ្នឹង​ខ្ញុំ​កាត់​ត​ដាក់​ហ្នឹង រូប​ដើម​គេ​ គេ​គូរ​ដាក់​កាន់​ធ្នូ… :D

វិចូច - ថ្ងៃពុធ 13 ខែ​មេសា 2011

:lol: ចុះ​ម៉េច​មិន​យក​រូប​ដែល​គេ​គូស​រួច​មក? ចាំ​បាច់​យក​រូប​ចាស់ៗ​មក​កាត់​ត?

សុភ័ក្ត្រ - ថ្ងៃពុធ 13 ខែ​មេសា 2011

អត់​ចង់

7. កុយ - ថ្ងៃ សុក្រ 15 ខែ​មេសា 2011

គង់មានថ្ងៃស្រីលីបេមិនខាន

8. សាយ័ន្ត - ថ្ងៃ សុក្រ 15 ខែ​មេសា 2011

តើ សង្រ្កាន្ត ខ្មែរ អាចមកពី ឥទ្ធិពលនយោបាយ ដែរឬទេ? ខ្ញុំគិតថា សម័យមុនមិនទាន់មានកាំភ្លើងណាទេ សម័យនេះ ម៉េចក៏មាន ! ទេវតាក៏ចេះអាប់ដែតដែរ ! ហេហេ តែបើសិនជា ប្រទេសជាតិជួបសុខ សប្បាយកាន់អីកាន់ទៅ ! តែបើសិនជាកាន់ iphone or ipad ប៉ាយ័ត្នគេប្តឹង សងជម្ងឺចិត្ត! ហេហេ

Chhin Dina - ថ្ងៃ អាទិត្យ 7 ខែ​មេសា 2013

កុំប្រមាថទេវតាពេកfuck

9. khmerling ភាសាខ្មែរ - ថ្ងៃ សៅរ៍ 16 ខែ​មេសា 2011

មិនច្បាស់ថារូបនេះជាត្រូវបានធ្វើដោយក្រុមអ្នកហោរាសាស្ត្រឬក្រុមទំនៀមទម្លាប់ឬយ៉ាងណា ។ បើគេធ្វើរូបនេះដូចនេះមែន គង់ឆ្នាំក្រោយគេលែងឲ្យ​ទេវតាជិះសត្វអីទៀតហើយ ។ ដើម្បីឲ្យលឿននិងទំនើបជាងនេះ ទេវតា​ត្រូវតែដូរមកទុំលើ F16 ឬ Boeing វិញហើយ ៕

10. សង្ខេប​ព្រឹត្តិការណ៍​ឆ្នាំ​២០១១ ក្នុង​ប្លក់​សុភ័ក្ត្រ « ស្រែ​ខ្មុក - ថ្ងៃ​ព្រហស្បតិ៍ 26 ខែមករា 2012

[...] [...]

11. មហា​សង្ក្រាន្ត​ឆ្នាំ​ខាល ទោ​ស័ក ពុទ្ធសករាជ​២៥៥៤ « ស្រែ​ខ្មុក - ថ្ងៃ សៅរ៍ 31 ខែ​មីនា 2012

[...] [...]

12. មហា​សង្ក្រាន្ត​ឆ្នាំ​ខាល ទោ​ស័ក ពុទ្ធសករាជ​២៥៥៤ « ស្រែ​ខ្មុក - ថ្ងៃ សៅរ៍ 31 ខែ​មីនា 2012

[...] [...]

13. មហា​សង្ក្រាន្ត​ឆ្នាំ​ឆ្លូវ ឯក​ស័ក ពុទ្ធសករាជ​២៥៥៣ « ស្រែ​ខ្មុក - ថ្ងៃ សៅរ៍ 31 ខែ​មីនា 2012

[...] [...]

14. មហា​សង្ក្រាន្ត ឆ្នាំ​ជូត​ សំរឹទ្ធិ​ស័ក ពុទ្ធ​សករាជ​២៥៥២ « ស្រែ​ខ្មុក - ថ្ងៃ សៅរ៍ 31 ខែ​មីនា 2012

[...] [...]

15. មហា​សង្ក្រាន្ត​ខ្មែរ ពុទ្ធ​សករាជ ២៥៥១ « ស្រែ​ខ្មុក - ថ្ងៃ សៅរ៍ 31 ខែ​មីនា 2012

[...] [...]

16. មហា​សង្ក្រាន្ត​ឆ្នាំ​រោង ចត្វា​ស័ក ពុទ្ធសករាជ​២៥៥៦ « ស្រែ​ខ្មុក - ថ្ងៃពុធ 11 ខែ​មេសា 2012

[...] [...]

17. មហា​សង្ក្រាន្ត​ខ្មែរ ពុទ្ធ​សករាជ ២៥៥១ | ស្រែ​ខ្មុក - ថ្ងៃ សុក្រ 5 ខែ​មេសា 2013

[...] [...]

18. មហា​សង្ក្រាន្ត ឆ្នាំ​ជូត​ សំរឹទ្ធិ​ស័ក ពុទ្ធ​សករាជ​២៥៥២ | ស្រែ​ខ្មុក - ថ្ងៃ សុក្រ 5 ខែ​មេសា 2013

[...] [...]

19. មហា​សង្ក្រាន្ត​ឆ្នាំ​ម្សាញ់ បញ្ច​ស័ក ពុទ្ធសករាជ​២៥៥៧ | ស្រែ​ខ្មុក - ថ្ងៃ​ព្រហស្បតិ៍ 11 ខែ​មេសា 2013

[...] [...]

20. មហា​សង្ក្រាន្ត​ខ្មែរ ពុទ្ធ​សករាជ ២៥៥១ | ស្រែ​ខ្មុក - ថ្ងៃ ចន្ទ 13 ខែមករា 2014

[…] […]

21. មហា​សង្ក្រាន្ត ឆ្នាំ​ជូត​ សំរឹទ្ធិ​ស័ក ពុទ្ធ​សករាជ​២៥៥២ | ស្រែ​ខ្មុក - ថ្ងៃ ចន្ទ 13 ខែមករា 2014

[…] […]

22. មហា​សង្ក្រាន្ត​ឆ្នាំ​មមី ឆ​ស័ក ពុទ្ធសករាជ​២៥៥៨ | ស្រែ​ខ្មុក - ថ្ងៃ សុក្រ 11 ខែ​មេសា 2014

[…] […]


ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូបភាព​ពី Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

តាមដាន

Get every new post delivered to your Inbox.

Join 147 other followers

%d bloggers like this: