jump to navigation

រាជ​បុត្រី​ថៃ​ឈាម​ខ្មែរ​ចូល​ទិវង្គត ថ្ងៃ​ព្រហស្បតិ៍ 28 ខែកក្កដា 2011

Posted by សុភ័ក្ត្រ in ภาษาไทย.
trackback

សម្តេច​ព្រះ​ចៅ​ភគិនីធើចៅហ្វា​ពេជ្ររ័ត្ន​រាជ​សុតា​សិរិសោភា​ពណ្ណវតី (ថៃ​​​​​​​​​​​​​​៖ พระเจ้าภคินีเธอ เจ้าฟ้าเพชรรัตนราชสุดา สิริโสภาพัณณวดี) បាន​ចូល​ទិវង្គត​ហើយ កាល​ពី​រសៀល​ថ្ងៃ​ទី​២៧ ខែ​កក្កដា ឆ្នាំ​២០១១​ នេះ ក្នុង​ព្រះ​ជន្ម​៨៥​វស្សា។ ព្រះ​អង្គ​គឺ​រាជ​បុត្រី​​ទោល​​ដែល​មាន​តំណ​ពូជ​វង្ស​ជា​ជាតិ និង​ព្រះ​ញាតិ​វង្ស​ខ្មែរ​ (អាន​អត្ថបទ៖ សាវតារ​ត្រកូល «អភ័យវង្ស») នៃ​​​អតីត​ព្រះ​មហាក្ស័ត្រិយ៍​ថៃ រជ្ជកាល​ទី​៦ ព្រះ​បាទ​សម្ដេច​ព្រះ​មង្កុដ​ក្លៅ​ចៅ​យូ​ហួ

ព្រះ​រាជ​ប្រវត្តិ

សម្តេច​ព្រះ​ចៅ​ភគិនីធើចៅហ្វា​ពេជ្ររ័ត្ន​រាជ​សុតា​សិរិសោភា​ពណ្ណវតី ប្រសូត​នៅ​ថ្ងៃ​ទី​២៤ ខែ​វិច្ឆិកា ឆ្នាំ​១៩២៥ ជា​ព្រះ​រាជ​ធិតា​អង្គ​ទោល​នៃ​ព្រះ​បាទ​សម្ដេច​ព្រះ​មង្កុដ​ក្លៅ​ចៅ​យូហួ ជាមួយ​នឹង​ព្រះ​នាង​ចៅ​សុវទនា ព្រះ​វរ​រាជ​ទេវី នៅ​ឯ​ព្រះ​ទី​ន័ង​ទេព​ស្ថាន​ពិលាស ក្នុង​ក្រុម​ព្រះ​មហា​មន្ទីរ ព្រះ​បរម​មហា​រាជ​វាំង ក្រុង​ទេព​មហា​នគរ តែ​មុន​មួយ​ថ្ងៃ​ប៉ុណ្ណោះ​ដែល​ព្រះ​បិតា​ទ្រង់​ចូល​សុវណ្ណ​គត។

តំណ​ពូជ​ពង្ស​​រាជ​ត្រកូល​ខ្មែរ

អាច​និយាយ​បាន​ថា សម្តេច​ព្រះ​ចៅ​ភគិនីធើចៅហ្វា​ពេជ្ររ័ត្ន​រាជ​សុតា​សិរិសោភា​ពណ្ណវតី គឺ​ជា​ខ្សែ​ព្រះ​ញាតិ​វង្ស​នៃ​នគរ​ចំនួន​ពីរ​គឺ​ក្រុង​ស្យាម (ខាង​ព្រះ​បិតា) និង​ក្រុង​កម្ពុជា​ធិបតី (ខាង​ព្រះ​មាតា)។ ដោយ​រាប់​ខាង​ព្រះ​ញាតិ​មាតា​របស់​ទ្រង់ សម្តេច​ព្រះ​ចៅ​ភគិនីធើចៅហ្វា​ពេជ្ររ័ត្ន​រាជ​សុតា​សិរិសោភា​ពណ្ណវតី គឺ​មាន​ឈាម​ញ័រ​ជា​ខេមរ​ជន ដ៏​មាន​បណ្ដា​ស័ក្ដិ​ខ្ពង់​ខ្ពស់​ជា​អ្នក​គ្រប់​គ្រង​ខេត្ត​បាត់ដំបង ឬ​ជា​ពូជ​ពង្ស​ដែល​បាន​ក្បត់​នគរ​ខ្មែរ​ទៅ​ចំណុះ​នគរ​សៀម​ផង​ដែរ។ មិន​តែ​ប៉ុណ្ណោះ សម្តេច​ព្រះ​ចៅ​ភគិនីធើចៅហ្វា​ពេជ្ររ័ត្ន​រាជ​សុតា​សិរិសោភា​ពណ្ណវតី ក៏​មាន​ជាប់​ខ្សែ​ស្រឡាញ​ជា​មួយ​នឹង​ព្រះ​ញាតិ​វង្ស​ខ្មែរ​ផង​ដែរ។

ព្រះ​មាតា​របស់​សម្តេច​ព្រះ​ចៅ​ភគិនីធើចៅហ្វា​ពេជ្ររ័ត្ន​រាជ​សុតា​សិរិសោភា​ពណ្ណវតី គឺ​ព្រះ​នាង​ចៅ​សុវទនា ព្រះ​វរ​រាជ​ទេវី ដែល​ជា​អគ្គ​មហេសី​នៃ​​ព្រះ​មហាក្ស័ត្រិយ៍​ថៃ ព្រះ​បាទ​សម្ដេច​ព្រះ​មង្កុដ​ក្លៅ​ចៅ​យូ​ហួ នោះ​គឺ​ជា​នារី​ខ្មែរ​មួយ​រូប​​តំណ​ពង្ស​លោក​ម្ចាស់​បាត់​ដំបង ដែល​មាន​នាម​ដើម​ជា​ គ្រឿកែវ អភ័យវង្ស។ នាង គ្រឿកែវ អភ័យវង្ស នេះ​គឺ​ជា​ចៅ​ស្រី​របស់​ជំទាវ​ស្រី​សុន្ទ្រនាដ ជា​អ្នក​ដែល​មាន​ជំនាញ​ខាង​នាដ​សិល្បៈ និង​តន្ត្រី​ថៃ ហើយ​ដែល​ជា​ឱកាស​នាំ​ទៅ​ដល់​ជិត​ដិត​នឹង​ព្រះ​ចៅ​ផែន​ដី​សៀម។

ជំទាវ ស្រី​សុទ្ទ្រ​នាដ នេះ​ជា​ចៅ​ទួត​របស់​ចៅ​ចម​មាតា​ អៀម បុស្បា ដែល​​ជា​ព្រះ​មហេសី​នៃ​ព្រះ​ករុណា ​ព្រះ​បាទ​សម្ដេច​ព្រះ ​នរោត្តម ​បរម​រាមា​ទេវាវតារ ព្រះ​ចៅ​ក្រុង​កម្ពុជា​ធិបតី​ ហើយ​ដែល​ត្រូវ​ជា​ទួត​នៃ​ព្រះ​ករុណា​ព្រះ​​មហាវីរក្ស័ត្រិយ៍ នរោត្ដម សីហនុ។ ហេតុ​ដូច​នេះ សម្តេច​ព្រះ​ចៅ​ភគិនីធើចៅហ្វា​ពេជ្ររ័ត្ន​រាជ​សុតា​សិរិសោភា​ពណ្ណវតី និង​សម្ដេច​ព្រះ នរោត្ដម សីហនុ គឺ​ជា​ព្រះ​ញាតិ​នឹង​គ្នា ពី​តំណ​ពង្ស​រាជ​ត្រកូល​ជំទាវ​ស្រី​សុន្ទ្រនាដ និងចៅ​ចម​មាតា​ អៀម បុស្បា នេះ​ឯង។

ការ​ចូល​ទិវង្គត

សម្តេច​ព្រះ​ចៅ​ភគិនីធើចៅហ្វា​ពេជ្ររ័ត្ន​រាជ​សុតា​សិរិសោភា​ពណ្ណវតី បាន​ចូល​ទៅ​ប្រថាប់​រក្សា​រោគ​សរសៃ​ឈាម នៅ​ឯ​មន្ទីរ​ពេទ្យ​សិរិរាជ នា​ក្រុង​បាងកក តាំង​ពី​ថ្ងៃ​ទី​១៣ ខែ​កក្កដា ឆ្នាំ​២០១១ តែ​អាការៈ​បាន​ធ្ងន់​ទៅ​រហូត​ទ្រង់​បាន​ចូល​ទិវង្គត​នៅ​វេលា​ម៉ោង​១៦​និង​៣៧​នាទី នា​ថ្ងៃ​ពុធ​ ទី​២៧ ខែ​កក្កដា ឆ្នាំ​២០១១ (ម្សិល​មិញ​នេះ) រួម​ព្រះ​ជន្ម​វស្សា​៨៥​ឆ្នាំ។

ការ​កំណត់​ធ្វើ​ពិធី​បុណ្យ​ព្រះ​សព ត្រូវ​បាន​ព្រះ​មហា​ក្ស័ត្រិយ៍​ថៃ​ទ្រង់​រាជា​នុញ្ញាតិ​ឲ្យ​រាជ​វង្ស​ថៃ​កាន់​ទុក្ខ​ចំនួន​១០០​ថ្ងៃ ចាប់​តាំង​ពី​ថ្ងៃ​អស់​ព្រះ​ជន្ម។ ចំណែក​ឯ​រដ្ឋាភិបាល​ថៃ​វិញ បាន​ប្រកាស​ឲ្យ​គ្រប់​មន្ទីរ​រដ្ឋ បង្ហូត​ទង់​ជាតិ​ថៃ​ពាក់​កណ្ដាល​ដង និង​កាន់​ទុក្ខ​កំណត់​១៥​ថ្ងៃ ចាប់​តាំង​ពី​ថ្ងៃ​ទី​២៩ ខែ​កក្កដា ឆ្នាំ​២០១១ ត​ទៅ៕

ខាង​ក្រោម​នេះ​គឺ​ជា​គំនូស​តារាង​ខ្សែ​ស្រឡាញ​ខាង​ព្រះ​មាតា ដែល​មាន​តំណ​វង្ស​ជា​ខ្មែរ​នៃ​សម្តេច​ព្រះ​ចៅ​ភគិនីធើចៅហ្វា​ពេជ្ររ័ត្ន​រាជ​សុតា​សិរិសោភា​ពណ្ណវតី៖

____________________________________________________________
អានផងដែរ
១. សាវតារត្រកូល «អភ័យវង្ស»
២. នាយករដ្ឋមន្ត្រីថៃ ដែលមានកំណើតខ្មែរ
៣. ម្ចាស់បង ស្ដេចថៃសោយទិវង្គត
៤. ក្រុងស្យាមចាត់ព្រះរាជពិធីបុណ្យរំលាយព្រះសពអតីតបុត្រីស្ដេចថៃដែលមានឈាមខ្មែរ
៥. ព្រះ​បាទ​សម្ដេច​ព្រះ​មង្កុដ​ក្លៅ​ចៅ​យូហួ ឬ​រាមា​ទី​៦ នៃ​រាជ​វង្ស​ចក្រី​ថៃ

មតិ»

1. Somongkol Teng - ថ្ងៃសៅរ៍ 30 ខែកក្កដា 2011

រជ្ជកាលទី​ ៦ទេ

2. កំឡោះខ្មែរ - ថ្ងៃអាទិត្យ 31 ខែកក្កដា 2011

ខ្មែរថា​ ចូលទីវង្គត់! សៀមថា តាយឡែវ! យៀកណាម​ ថា ចេតរ៉យ!

3. គាំង - ថ្ងៃចន្ទ 1 ខែសីហា 2011

រាជបុត្រីនៃរជ្ជកាលទី ​6 (វជិរាវុធ​​ រឺ ព្រះបាទសម្តេចព្រះមង្កុដក្លៅចៅយូហួ) នឹង ព្រះនាងសុវ័ទនាដែលជាបុត្រីចៅព្រះយាអភ័យភូបេស អតីតចៅហ្វាយមឿងបាត់ដំបង

4. វីរីយ៉ា - ថ្ងៃចន្ទ 1 ខែសីហា 2011

រជ្ជកាលទី៦ទេ!
បើ​រាប់​តាម​សាច់​ញាតិ​ស្តេចរាល់ថ្ងៃ ជា​បងស្រីជីដូន​មួយ…

5. សាវតារ​ត្រកូល «អភ័យវង្ស» « -:- កំណត់ហេតុ​សុភ័ក្ត្រ -:- - ថ្ងៃអង្គារ 2 ខែសីហា 2011

[…] […]

6. នាយករដ្ឋមន្ត្រី​ថៃ ដែល​មាន​កំណើត​ខ្មែរ « -:- កំណត់ហេតុ​សុភ័ក្ត្រ -:- - ថ្ងៃអង្គារ 2 ខែសីហា 2011

[…] […]

7. ម្ចាស់​បង ស្ដេច​ថៃ​សោយ​ទិវង្គត « ស្រែ​ខ្មុក - ថ្ងៃចន្ទ 9 ខែ​មេសា 2012

[…] រាជបុត្រីថៃឈាមខ្មែរចូលទិវង្គត Like this:LikeBe the first to like this . […]

8. ពូជ​ក្បត់ជាតិ ? | តាម៉ាប់ & យាយ​ម៉ាប់ - ថ្ងៃ​ព្រហស្បតិ៍ 23 ខែសីហា 2012

[…] […]


ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: