jump to navigation

មហា​សង្ក្រាន្ត​ឆ្នាំ​រោង ចត្វា​ស័ក ពុទ្ធសករាជ​២៥៥៦ ថ្ងៃពុធ 11 ខែ​មេសា 2012

Posted by សុភ័ក្ត្រ in អំពីស្រុកខ្មែរ.
trackback


មហាសង្ក្រាន្តឆ្នាំរោង ចត្វាស័ក
ចុល្លសករាជ ១៣៧៤ – មហាសករាជ ១៩៣៤
ពុទ្ធសករាជ ២៥៥៦ – គ្រឹស្តសករាជ ២០១២

សុភមស្ដុ! វរមង្គលាជយាតិរេក

ព្រះ​ពុទ្ធ​សករាជ​ព្រះ​សាសនា អតិក្កន្តា​កន្លង​ទៅ​បាន ២៥៥៥ ព្រះ​វស្សា ត្រឹម​ថ្ងៃ ១៥ កើត ខែ​ពិសាខ លុះ​ដល់​ថ្ងៃ ១ រោច ខែ​ពិសាខ ឆ្នាំ​រោង ចត្វា​ស័ក​ តទៅ​ចូល​ពុទ្ធ​សករាជ ២៥៥៦។

នឹង​គណនា​ឆ្នាំ​រោង ឥឡូវ​នេះ​សង្ក្រាន្ត​ចូល​មក​នៅ​ថ្ងៃ​សុក្រ ៧​រោច ខែ​ចេត្រ ត្រូវ​នឹង​ថ្ងៃ​ទី​១៣ ខែ​មេសា គ.ស.​២០១២ វេលា​ម៉ោង ១៩ និង ១១ នាទី ល្ងាច។ ពេល​នោះ​ព្រះ​អាទិត្យ​ចេញ​ពី​មីនរាសី​ទៅ​ឋិត​នៅ​ឯ​មេសរាសី​ ដើរ​តាម​ផ្លូវ​គោវិថី ​គឺ​ផ្លូវ​កណ្ដាល ទើប​មាន​ទេពធីតា​មួយ​ព្រះ​អង្គ​ជា​មគ្គនាយិកា​ព្រះ​នាម កិមិរា​ទេវី ជា​បុត្រ​ទី​៦​នៃ​កបិល​មហាព្រហ្ម គង់​នៅ​ចាតុម្មហារាជិកា ទ្រង់​អម្ពរ​ពណ៌​សេត លម្អ​នៅ​ព្រះ​កាណ៌​ដោយ​សៀត ផ្កា​ចង្កុលណី អភរណៈ​ទ្រង់​ពាក់ កែវបុស្សរាគ័ម ភក្សាហារ​ទ្រង់​សោយ​ចេក​ណាំវ៉ា ចេក​ទឹក ព្រះ​ហស្ត​ស្ដាំ​ទ្រង់​ព្រះ​ខ័ន ព្រះ​ហស្ត​ឆ្វេង​ទ្រង់​ពិណ ទ្រង់​ផ្ទុំ​បើក​ព្រះ​នេត្រ​លើ​ខ្នង​មហឹង្សា (សត្វ​ក្របី) ជា​ពាហនៈ។ ទើប​នាំ​អស់​ទេវបុត្រ ទេវធីតា​ទាំង​មួយសែន​កោដិ​ហោះ​ទៅ​កាន់ គុហា​កែវ ធម្មមាលី នា​ទី​ភ្នំ​កៃលាស​ខេត្ត​ហិមពាន្ត ជា​ទី​តម្កល់​ទុក​នូវ​ព្រះ​សិរសា កបិល​មហាព្រហ្ម ដែល​តម្កល់​លើ​ពាន​មាស នាំ​មក​ដង្ហែ​ប្រទក្សិណ ភ្នំ​ព្រះ​សុមេរុរាជ​តាម​ផ្លូវ​ព្រះ​អាទិត្យ​ចរ ចំនួន ៦០ នាទី (២៤​ម៉ោង)។ ទើប​នាំ​យក​ទៅ​តម្កល់​ទុក​កន្លែង​ដើម​វិញ ហើយ​ប្រជុំ ទេវបុត្រ ទេវធីតា​ទាំង​មួយ​សែន​កោដិ​ចូល​ទៅ​ស្រង់​ទឹក អនោតត្តម​មហា​ស្រះ ដែល​មាន​ទឹក​ហូរ​ចេញ​ពី​បំពង់​ថ្ម​កែវ​ដែល​ជា​មាត់​គោ ឧសភរាជ​ទាំង​៧ ត្រជាក់​ក្សេមក្សាន្ត​ព្រះ​រាជ​ហ្ឬទ័យ ហើយ​នាំ​គ្នា​ចូល​ទៅ​សមាទាន​រក្សា​សីល​ដោយ​សោមនស្ស​រីករាយ​គ្រប់​ព្រះ​អង្គ ក្នុង​ភគវតី​សភា​សាលា ដែល​វិស្សកម្ម​ទេវបុត្រ​និមិត្ត​ថ្វាយ ដើម្បី​បន្ទោរ​បង់​អពមង្គល​ឲ្យ​​ជ្រះ​ស្រឡះ ហើយ​ចម្រើន​នូវ​សិរី​សួស្ដី​ជ័យ​មង្គល ជន្មាយុ​យឺនយូរដល់​ទេវតា និង​មនុស្ស​សត្វ​ផង​ទាំងឡាយ​តាំង​ពី​ឆ្នាំ​ថ្មី​ចូល​មក​នេះ​បាន​ធូរ​ទូលំ​​ទូលាយ សុខ​ក្សេមក្សាន្ត ត​រៀង​ទៅ។

  • ថ្ងៃ​សុក្រ ៧​​រោច ខែ​ចេត្រ ត្រូវ​នឹង​ថ្ងៃ​ទី​១៣ ខែ​មេសា គ្រឹស្ត​សករាជ ២០១២ វេលា​ម៉ោង ១៩ និង ១១ នាទី​ល្ងាច​ ជា​ថ្ងៃ​ចូល​ឆ្នាំ​រោង ចត្វាស័ក។
  • ថ្ងៃ​សៅរ៍ ៨​រោច ខែ​ចេត្រ ​ត្រូវ​នឹង​ថ្ងៃ​ទី​១៤ ខែ​មេសា គ្រឹស្ត​សករាជ ២០១២ ជា​វារៈ វ័នបត។
  • ថ្ងៃ​អាទិត្យ ៩​រោច ខែ​ចេត្រ ត្រូវ​នឹង​ថ្ងៃ​ទី​១៥ ខែ​មេសា គ្រឹស្ត​សករាជ ២០១២ នៅ​វេលា​ម៉ោង ២៣ និង ៤៣ នាទី ៤៨ វិនាទី ជា​វារៈ​ឡើង​ស័ក គម្រប់​ជា​សង្ក្រាន្ត​បី​ថ្ងៃ ស្រេច​បរិបូណ៌​ចូល​ជា​សកល ឆ្នាំ​រោង ចត្វា​ស័ក ចុល្លសករាជ ១៣៧៤ និង​មហា​សករាជ ១៩៣៤ តទៅ។

ក្នុង​ឱកាស​សង្ក្រាន្ត​បី​ ថ្ងៃ សូម​អស់​ប្រជា​ពលរដ្ឋ​ប្រុស​ស្រី​ផង​ទាំងឡាយ​រៀបចំ​ពលិកា​គ្រឿង​សក្ការ​បូជា អុច​ប្រទីប​ជ្វាលា ថ្វាយ​ព្រះ​រតនត្រ័យ និង​ទទួល​ស្វាគមន៍​ទេវបុត្រ ទេវធីតា​ឆ្នាំ​ថ្មី ហើយ​ខំ​លះបង់​ចិត្ត​អាក្រក់​អន្យតិរ្ថីយ​ជា​ចិត្ត​អប្រីយ៍ ជាប់​ដោយ​គំនុំ​គុំគួន​ព្យាបាទ​ឈ្នានីស​ដែល​កើត​មាន​ក្នុង​ឆ្នាំ​ចាស់​ឲ្យ​ ជ្រះ​ស្រឡះ​តាំង​ចិត្ត​ប្រព្រឹត្ត​ល្អ ប្រកប​ដោយ មេត្តា ករុណា មុទិតា ឧបេក្ខា និង​បញ្ញា ធ្វើ​បុណ្យ​សុន្ទរ៍ទាន​តាម​ប្រពៃណី រក្សា​សីល​ប្រាំ​ឲ្យ​​បាន​ជាប់​ជានិច្ច នោះ​ទើប​ទេវតា​នឹង​ឲ្យ​ពរ សព្ទសាធុការ លោក​អ្នក​នឹង​មាន​សិរី​សួស្ដី សុភមង្គល វិបុលសុខ​គ្រប់​ប្រការ តាំង​ពី​ឆ្នាំ​ថ្មី​នេះ​ត​រៀង​ទៅ។

រណ្ដាប់ទទួលទេវតា

រណ្ដាប់​ទទួល​នូវ​ទេវតា​តាម​ទំនៀម​ពី​បុរាណ​រៀង​រហូត​មក ត្រូវ​រៀប​រាន​ទទួល​ទេវតា​នៅ​ខាង​មុខ​ផ្ទះ​មួយ សម្រាប់​តាំង​គ្រឿង​ពលីការ​ផ្សេង​ៗ។ ត្រូវ​រៀប​ក្រាល​សំពត់​ពណ៌​​ស ឬ​ស្រគាំ ហើយ​រៀប​បាយសី ៩ ថ្នាក់​មួយ​គូ បាយសី ៧ ថ្នាក់​មួយ​គូ បាយសី ៥ ថ្នាក់​មួយ​គូ បាយសី ៣ ថ្នាក់​មួយ​គូ បាយសី​ប៉ាឆាម​មួយ​គូ ស្លាធម៌​មួយ​គូ ទឹកអប់​មួយ​គូ (ទៀន ៥ ធូប ៥) លាជ ៥ ផ្កា ៥ ដាក់​លើ​ជើងពាន ១ គូ ចេកនួន ចេក​ណាំវ៉ា ពីរ​ជើងពាន ផ្លែ​ឈើ ១១ មុខ រៀប​ដាក់​ជើងពាន ១១ គូ ដូងឡៅ​មួយ​គូ ទឹក​ស្អាត​ពីរ​កែវ។ ឆ្នាំ​នេះ​គួរ​រក ចេក​ណាំវ៉ា និង​ចេក​ទឹក ដាក់​ទទួល​ទេវតា​ផង ព្រោះ​ជា​ភក្សាហារ របស់​ទេវធីតា។ ស្រេច​ហើយ នៅ​វេលា​ម៉ោង​ដែល​ទេវតា​ចុះ ត្រូវ​ជួប​ប្រជុំ​ក្រុម​គ្រួសារ​ដើម្បី​ថ្វាយ​បង្គំ​ព្រះ នមស្សការ​ព្រះ​រតនត្រ័យ ព្រះ​ពុទ្ធ​ ព្រះ​ធម៌​ ព្រះ​សង្ឃ ជា​ទី​ពឹង​ទី​រឮក លុះ​ចប់​ពិធី​ទទួល​ទេវតា។

កំណត់សម្គាល់

ចំពោះ​បាយសី ៩ ថ្នាក់ ៧ ថ្នាក់ សម្រាប់​នៅ​ព្រះ​បរម​រាជវាំង ចំពោះ​ប្រជារាស្ត្រ​គួរ​ធ្វើ​ត្រឹម ៥ ថ្នាក់​ចុះ​មក ឬ​រៀប​ត្រឹម​គ្រឿង​សក្ការៈ​បូជា​ដែល​មាន​ទៀន​ប្រាំ ធូប​ប្រាំ ស្លាធម៌ កូន​ចេក​មួយ​គូ​ក៏​ល្អ​ដែរ។ ចំពោះ​ផ្លែ​ឈើ​សម្រាប់​ប្រជារាស្ត្រ គួរ​រៀប​ឲ្យ​បាន​ត្រឹម ៣ ឬ ៥ មុខ​ជា​ការ​ប្រសើរ គឺ​រៀប​ទៅ​តាម​ធនធាន​របស់​ខ្លួន។ នៅ​គ្រប់​ដង្វាយ​ទាំងអស់​ត្រូវ​ដាក់​ផ្កា​ម្លិះ​ភួង​ពី​លើ​គ្រប់​ដង្វាយ នៅ​លើ​ជើងពាន និង​លើ​បាយសី​ត្រូវ​ដោត​ទៀន​ហើយ​ដុត​បំភ្លឺ។

ទំនាយប្រចាំឆ្នាំ

  • កែនព្រះពិរុណសាស្ត្រៈឆ្នាំ​នេះ ភព​ព្រហស្បតិ៍ ​​ជាអធិបតី នាំ​ផ្លូវ​ទៅ​សុំ​ទឹក​ភ្លៀង​ពី​ស្ដេច​នាគ ហើយ​បាន​នាគ​៣​បង្អុរ​ទឹក​​ភ្លៀង​៥០០​មេ។ ភ្លៀង​ធ្លាក់​នៅ​ចក្រវាឡ​២០០​មេ ព្រៃហេមពាន្ត​១៥០មេ មហា​សមុទ្ទ​១០០​មេ ជម្ពូ​ទ្វីប​មនុស្ស​លោក​៥០​មេ។ ភ្លៀង​ដើម​ឆ្នាំ​​ច្រើន កណ្ដាល​ឆ្នាំ​ភ្លៀង​ល្អ និង​ចុង​​ឆ្នាំ​ភ្លៀង​តិច។
  • កែនធារាទិគុណរៈ ឆ្នាំ​នេះ​មាន​កេណ្ឌ​ ពីរ (២) បឋវី​ធាតុ​ចុះ​ទំនាយ​ថា ធាតុ​អាកាស​មិន​ក្ដៅ មិន​ត្រជាក់។

ទឹកជំនន់ និងទឹកទន្លេៈ ឆ្នាំ​នេះ​ទឹក​ជំនន់​ដោយ​ភ្លៀង និង​ទឹក​ទន្លេ​មាន​ច្រើន គឺ​មាន​កម្រិត ៨​លើ​១៦ គឺ​មាន​សំណល់​៨ ទឹក​មាន​ជា​មធ្យម តែ​ប្រហែល​នឹង​ឆ្នាំ​កន្លង​ទៅ។

  • កែនធញ្ញាហារៈ ឆ្នាំ​នេះ​មាន​កេណ្ឌ​ (០) ឈ្មោះ​ថា​បាបៈ ទំនាយ​ថា ស្រូវ សំណាប ស្រែ​ចម្ការ​​បាន​ផល​១​ភាគ​ ខូច​៩​ភាគ ស្រូវ​ដុះ​ល្អ​តែ​ពី​ដំបូង និង​កើត​ទូរ្ភឹក្ស (អត់​បាយ) ប្រជានុរាស្ត្រ​នឹង​ទទួល​នូវ​ក្ដី​ទុក្ខ​លំបាក​ព្រោះ​ធញ្ញាហារ​មាន​តម្លៃ​ខ្លាំង។ តំបន់​ខ្លះ​កកើត​អន្តរាយ​ជា​អនេក​ដោយ​ទុក្ខ​លំបាក​ក្សត់​ខ្សោយ​ទ័ល​ក្រ ព្រោះ​សត្វ​កណ្ដុរ​ស៊ី​បំផ្លាញ​ផល​ដំណាំ។

ស្រង់ចេញពីសៀវភៅមហាសង្ក្រាន្តរបស់ក្រសួងធម្មការ និងសាសនា

____________________________________________________
អានផងដែរ៖
១. មហាសង្ក្រាន្តខ្មែរ ពុទ្ធសករាជ ២៥៥១
២. មហាសង្ក្រាន្ត ឆ្នាំជូត សំរឹទ្ធិស័ក ពុទ្ធសករាជ២៥៥២
៣. មហាសង្ក្រាន្តឆ្នាំឆ្លូវ ឯកស័ក ពុទ្ធសករាជ២៥៥៣
៤. មហាសង្ក្រាន្តឆ្នាំខាល ទោស័ក ពុទ្ធសករាជ២៥៥៤
៥. មហាសង្ក្រាន្តឆ្នាំថោះ ត្រីស័ក ពុទ្ធសករាជ២៥៥៥
៦. មហា​សង្ក្រាន្ត​ឆ្នាំ​ម្សាញ់ បញ្ច​ស័ក ពុទ្ធសករាជ​២៥៥៧
៧. មហា​សង្ក្រាន្ត​ឆ្នាំ​មមី ឆ​ស័ក ពុទ្ធសករាជ​២៥៥៨
៨. មហា​សង្ក្រាន្ត​ឆ្នាំ​មមែ សប្ដ​ស័ក ពុទ្ធសករាជ​២៥៥៩
៩. មហា​សង្ក្រាន្ត​ឆ្នាំ​វក អដ្ឋ​ស័ក ពុទ្ធសករាជ​២៥៦០

មតិ»

1. មហា​សង្ក្រាន្ត​ខ្មែរ ពុទ្ធ​សករាជ ២៥៥១ | ស្រែ​ខ្មុក - ថ្ងៃសុក្រ 5 ខែ​មេសា 2013

[…] […]

2. មហា​សង្ក្រាន្ត ឆ្នាំ​ជូត​ សំរឹទ្ធិ​ស័ក ពុទ្ធ​សករាជ​២៥៥២ | ស្រែ​ខ្មុក - ថ្ងៃសុក្រ 5 ខែ​មេសា 2013

[…] […]

3. មហា​សង្ក្រាន្ត​ឆ្នាំ​ឆ្លូវ ឯក​ស័ក ពុទ្ធសករាជ​២៥៥៣ | ស្រែ​ខ្មុក - ថ្ងៃសុក្រ 5 ខែ​មេសា 2013

[…] […]

4. មហា​សង្ក្រាន្ត​ឆ្នាំ​ខាល ទោ​ស័ក ពុទ្ធសករាជ​២៥៥៤ | ស្រែ​ខ្មុក - ថ្ងៃសុក្រ 5 ខែ​មេសា 2013

[…] […]

5. មហា​សង្ក្រាន្ត​ឆ្នាំ​ថោះ ត្រី​ស័ក ពុទ្ធសករាជ​២៥៥៥ | ស្រែ​ខ្មុក - ថ្ងៃសុក្រ 5 ខែ​មេសា 2013

[…] […]

6. មហា​សង្ក្រាន្ត​ឆ្នាំ​ម្សាញ់ បញ្ច​ស័ក ពុទ្ធសករាជ​២៥៥៧ | ស្រែ​ខ្មុក - ថ្ងៃ​ព្រហស្បតិ៍ 11 ខែ​មេសា 2013

[…] អានផងដែរ៖ ១. មហាសង្ក្រាន្តខ្មែរ ពុទ្ធសករាជ ២៥៥១ ២. មហាសង្ក្រាន្ត ឆ្នាំជូត សំរឹទ្ធិស័ក ពុទ្ធសករាជ២៥៥២ ៣. មហាសង្ក្រាន្តឆ្នាំឆ្លូវ ឯកស័ក ពុទ្ធសករាជ២៥៥៣ ៤. មហាសង្ក្រាន្តឆ្នាំខាល ទោស័ក ពុទ្ធសករាជ២៥៥៤ ៥. មហាសង្ក្រាន្តឆ្នាំថោះ ត្រីស័ក ពុទ្ធសករាជ២៥៥៥ ៦. មហា​សង្ក្រាន្ត​ឆ្នាំ​រោង ចត្វា​ស័ក… […]

7. មហា​សង្ក្រាន្ត​ខ្មែរ ពុទ្ធ​សករាជ ២៥៥១ | ស្រែ​ខ្មុក - ថ្ងៃចន្ទ 13 ខែមករា 2014

[…] […]

8. មហា​សង្ក្រាន្ត ឆ្នាំ​ជូត​ សំរឹទ្ធិ​ស័ក ពុទ្ធ​សករាជ​២៥៥២ | ស្រែ​ខ្មុក - ថ្ងៃចន្ទ 13 ខែមករា 2014

[…] […]

9. មហា​សង្ក្រាន្ត​ឆ្នាំ​មមី ឆ​ស័ក ពុទ្ធសករាជ​២៥៥៨ | ស្រែ​ខ្មុក - ថ្ងៃសុក្រ 11 ខែ​មេសា 2014

[…] ត្រីស័ក ពុទ្ធសករាជ២៥៥៥ ៦. មហា​សង្ក្រាន្ត​ឆ្នាំ​រោង ចត្វា​ស័ក…៧. មហា​សង្ក្រាន្ត​ឆ្នាំ​ម្សាញ់ […]

10. មហា​សង្ក្រាន្ត​ឆ្នាំ​មមែ សប្ដ​ស័ក ពុទ្ធសករាជ​២៥៥៩ | ស្រែ​ខ្មុក - ថ្ងៃសៅរ៍ 11 ខែ​មេសា 2015

[…] ត្រីស័ក ពុទ្ធសករាជ២៥៥៥ ៦. មហា​សង្ក្រាន្ត​ឆ្នាំ​រោង ចត្វា​ស័ក…៧. មហា​សង្ក្រាន្ត​ឆ្នាំ​ម្សាញ់ […]

11. មហា​សង្ក្រាន្ត​ឆ្នាំ​វក អដ្ឋ​ស័ក ពុទ្ធសករាជ​២៥៦០ | ស្រែ​ខ្មុក - ថ្ងៃចន្ទ 11 ខែ​មេសា 2016

[…] ត្រីស័ក ពុទ្ធសករាជ២៥៥៥ ៦. មហា​សង្ក្រាន្ត​ឆ្នាំ​រោង ចត្វា​ស័ក…៧. មហា​សង្ក្រាន្ត​ឆ្នាំ​ម្សាញ់ […]


ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: