jump to navigation

មហា​សង្ក្រាន្ត​ឆ្នាំ​ម្សាញ់ បញ្ច​ស័ក ពុទ្ធសករាជ​២៥៥៧ ថ្ងៃ​ព្រហស្បតិ៍ 11 ខែ​មេសា 2013

Posted by សុភ័ក្ត្រ in អំពីស្រុកខ្មែរ.
trackback


មហាសង្ក្រាន្តឆ្នាំម្សាញ់ បញ្ចស័ក
ចុល្លសករាជ ១៣៧៥ – មហាសករាជ ១៩៣៥
ពុទ្ធសករាជ ២៥៥៧ – គ្រឹស្តសករាជ ២០១៣

សុភមស្ដុ! វរមង្គលាជយាតិរេក

ព្រះ​ពុទ្ធ​សករាជ​ព្រះ​សាសនា អតិក្កន្តា​កន្លង​ទៅ​បាន ២៥៥៦ ព្រះ​វស្សា ត្រឹម​ថ្ងៃ​ពេញ​បូណ៌មី ខែ​ពិសាខ លុះ​ដល់​ថ្ងៃ ១ រោច ខែ​ពិសាខ ​ចូល​ព្រះ​​ពុទ្ធ​សករាជ ២៥៥៧ ព្រះ​វស្សា​ត​ទៅ។

នឹង​គណនា​ឆ្នាំ​ម្សាញ់ ឥឡូវ​នេះ ​សង្ក្រាន្ត​ចូល​មក​នៅ​ថ្ងៃ​អាទិត្យ* ៤​កើត ខែ​ចេត្រ ត្រូវ​នឹង​ថ្ងៃ​ទី​១៤ ខែ​មេសា ឆ្នាំ​​២០១៣ វេលា​ម៉ោង ២:១២​នាទី រំលង​អាធ្រាត ​នោះ​ព្រះ​អាទិត្យ​ចរ​ចេញ​ពី​មីនរាសី​ទៅ​ស្ថិត​នៅ​ឯ​មេសរាសី​ ដើរ​តាម​ផ្លូវ​គោវិថី ​គឺ​ផ្លូវ​កណ្ដាល ទើប​មាន​ទេពធីតា​មួយ​ព្រះ​អង្គ​ជា​មគ្គនាយិកា​ព្រះ​នាម ទុង្សា​ទេវី គង់​នៅ​ចាតុម្មហារាជិកា ទ្រង់​អម្ពរ​ពណ៌​ក្រហម ​សៀត​ផ្កា​ទទឹម គ្រឿង​ប្រដាប់​បទុមរាគ ភក្សាហារ​ផ្លែ​ឧទុម្ពរ (ផ្លែ​ល្វា) ព្រះ​ហស្ត​ស្ដាំ​ទ្រង់​កង​ចក្រ ព្រះ​ហស្ត​ឆ្វេង​ទ្រង់​ស័ង្ខ គង់​លើ​គ្រុឌ​ជា​​​ពាហនៈ ​នាំ​អស់​ពួក​ទេពនិករ​បវរ​កញ្ញា​​ទាំង​មួយសែន​កោដិ​ហោះ​ទៅ​កាន់ គុហា​កែវ ឈ្មោះ​ធម្មមាលី នា​ទី​ភ្នំ​កៃលាស​ ខេត្ត​ហិមពាន្ត ដែល​ប្រតិស្ឋាន​ទុក​​ព្រះ​សិរសា​កបិល​មហាព្រហ្ម តម្កល់​លើ​ពាន​មាស នាំ​ចេញ​មក​ដង្ហែ​ប្រទក្សិណ​ភ្នំ​​សុមេរុរាជ​ជុំ​ចក្រវាឡ​ ​តាម​ផ្លូវ​ព្រះ​អាទិត្យ​ចរ​ជា​គម្រប់​៦០​នាទី ហើយ​ដង្ហែ​ចូល​​​ទៅ​តម្កល់​ទុក​ដូច​ដើម​វិញ ទើប​​ប្រជុំ​ទេវបុត្រ​ទេវធីតា​ទាំង​មួយ​សែន​កោដិ ​ចូល​ទៅ​ស្រង់​ទឹក​អនោតត្តម​មហា​ស្រះ ដែល​មាន​ទឹក​ហូរ​ចេញ​ពី​បំពង់​ថ្ម​កែវ​ទាំង​៧ ​ជា​មាត់​គោ ឧសភរាជ​ ត្រជាក់​ត្រជុំ​​ក្សេមក្សាន្ត​ព្រះ​​ហ្ឬទ័យ ទើប​​នាំ​គ្នា​ចូល​ទៅ​សមាទាន​​សីល ​ដោយ​ព្រះ​ទ័យ​​សោមនស្ស​រីករាយ​គ្រប់​ៗ​​​អង្គ ក្នុង​ភគវតី​សភា​​ដែល​វិស្វកម្ម​ទេវបុត្រ​និមិត្ត​ថ្វាយ ហើយ​​បន្ទោរ​បង់​នូវ​អពមង្គល ​ឲ្យ​​ជ្រះ​ស្រឡះ ​ចម្រើន​នូវ​​សុភមង្គល សិរី​សួស្ដី​ ជន្មាយុ​យឺនយូរ​ត​រៀង​ទៅ។

  • ថ្ងៃ​អាទិត្យ ៤​កើត ខែ​ចេត្រ ត្រូវ​នឹង​ថ្ងៃ​ទី​១៤ ​មេសា ឆ្នាំ​២០១៣ ម៉ោង​២:១២​នាទី​រំលង​អាធ្រាត ជា​ថ្ងៃ​ចូល​​។
  • ថ្ងៃ​ចន្ទ ៥​កើត ខែ​ចេត្រ ​ត្រូវ​នឹង​ថ្ងៃ​ទី​១៥ ​មេសា ឆ្នាំ​២០១៣ ជា​ថ្ងៃ​វ័នបត។
  • ថ្ងៃ​អង្គារ ៦​កើត ខែ​ចេត្រ ត្រូវ​នឹង​ថ្ងៃ​ទី​១៦ ​មេសា ឆ្នាំ​២០១៣ ​ជា​ថ្ងៃ​ឡើង​ស័ក។

គម្រប់​សង្ក្រាន្ត​៣​ថ្ងៃ​ស្រេច​បរិបូណ៌ ចូល​ជា​សកល​ឆ្នាំ​ម្សាញ់​ត​ទៅ។

ក្នុង​ឱកាស​សង្ក្រាន្ត​បី​ ថ្ងៃ សូម​អស់​ប្រជា​ពលរដ្ឋ​ប្រុស​ស្រី​ផង​ទាំងឡាយ​រៀបចំ​ពលិកា​គ្រឿង​សក្ការ​បូជា អុច​ប្រទីប​ជ្វាលា ថ្វាយ​ព្រះ​រតនត្រ័យ និង​ទទួល​ស្វាគមន៍​ទេវបុត្រ ទេវធីតា​ឆ្នាំ​ថ្មី ហើយ​ខំ​លះបង់​ចិត្ត​អាក្រក់​អន្យតិរ្ថីយ​ជា​ចិត្ត​អប្រីយ៍ ជាប់​ដោយ​គំនុំ​គុំគួន​ព្យាបាទ​ឈ្នានីស​ដែល​កើត​មាន​ក្នុង​ឆ្នាំ​ចាស់​ឲ្យ​ ជ្រះ​ស្រឡះ​តាំង​ចិត្ត​ប្រព្រឹត្ត​ល្អ ប្រកប​ដោយ មេត្តា ករុណា មុទិតា ឧបេក្ខា និង​បញ្ញា ធ្វើ​បុណ្យ​សុន្ទរ៍ទាន​តាម​ប្រពៃណី រក្សា​សីល​ប្រាំ​ឲ្យ​​បាន​ជាប់​ជានិច្ច នោះ​ទើប​ទេវតា​នឹង​ឲ្យ​ពរ សព្ទសាធុការ លោក​អ្នក​នឹង​មាន​សិរី​សួស្ដី សុភមង្គល វិបុលសុខ​គ្រប់​ប្រការ តាំង​ពី​ឆ្នាំ​ថ្មី​នេះ​ត​រៀង​ទៅ។

រណ្ដាប់ទទួលទេវតា

រណ្ដាប់​ទទួល​នូវ​ទេវតា​តាម​ទំនៀម​ពី​បុរាណ​រៀង​រហូត​មក ត្រូវ​រៀប​រាន​ទទួល​ទេវតា​នៅ​ខាង​មុខ​ផ្ទះ​មួយ សម្រាប់​តាំង​គ្រឿង​ពលីការ​ផ្សេង​ៗ។ ត្រូវ​រៀប​ក្រាល​សំពត់​ពណ៌​​ស ឬ​ស្រគាំ ហើយ​រៀប​បាយសី ៩ ថ្នាក់​មួយ​គូ បាយសី ៧ ថ្នាក់​មួយ​គូ បាយសី ៥ ថ្នាក់​មួយ​គូ បាយសី ៣ ថ្នាក់​មួយ​គូ បាយសី​ប៉ាឆាម​មួយ​គូ ស្លាធម៌​មួយ​គូ ទឹកអប់​មួយ​គូ (ទៀន ៥ ធូប ៥) លាជ ៥ ផ្កា ៥ ដាក់​លើ​ជើងពាន ១ គូ ចេកនួន ចេក​ណាំវ៉ា ពីរ​ជើងពាន ផ្លែ​ឈើ ១១ មុខ រៀប​ដាក់​ជើងពាន ១១ គូ ដូងឡៅ​មួយ​គូ ទឹក​ស្អាត​ពីរ​កែវ។ ឆ្នាំ​នេះ​គួរ​រក ចេក​ណាំវ៉ា និង​ចេក​ទឹក ដាក់​ទទួល​ទេវតា​ផង ព្រោះ​ជា​ភក្សាហារ របស់​ទេវធីតា។ ស្រេច​ហើយ នៅ​វេលា​ម៉ោង​ដែល​ទេវតា​ចុះ ត្រូវ​ជួប​ប្រជុំ​ក្រុម​គ្រួសារ​ដើម្បី​ថ្វាយ​បង្គំ​ព្រះ នមស្សការ​ព្រះ​រតនត្រ័យ ព្រះ​ពុទ្ធ​ ព្រះ​ធម៌​ ព្រះ​សង្ឃ ជា​ទី​ពឹង​ទី​រឮក លុះ​ចប់​ពិធី​ទទួល​ទេវតា។

កំណត់សម្គាល់

ចំពោះ​បាយសី ៩ ថ្នាក់ ៧ ថ្នាក់ សម្រាប់​នៅ​ព្រះ​បរម​រាជវាំង ចំពោះ​ប្រជារាស្ត្រ​គួរ​ធ្វើ​ត្រឹម ៥ ថ្នាក់​ចុះ​មក ឬ​រៀប​ត្រឹម​គ្រឿង​សក្ការៈ​បូជា​ដែល​មាន​ទៀន​ប្រាំ ធូប​ប្រាំ ស្លាធម៌ កូន​ចេក​មួយ​គូ​ក៏​ល្អ​ដែរ។ ចំពោះ​ផ្លែ​ឈើ​សម្រាប់​ប្រជារាស្ត្រ គួរ​រៀប​ឲ្យ​បាន​ត្រឹម ៣ ឬ ៥ មុខ​ជា​ការ​ប្រសើរ គឺ​រៀប​ទៅ​តាម​ធនធាន​របស់​ខ្លួន។ នៅ​គ្រប់​ដង្វាយ​ទាំងអស់​ត្រូវ​ដាក់​ផ្កា​ម្លិះ​ភួង​ពី​លើ​គ្រប់​ដង្វាយ នៅ​លើ​ជើងពាន និង​លើ​បាយសី​ត្រូវ​ដោត​ទៀន​ហើយ​ដុត​បំភ្លឺ។

ទំនាយប្រចាំឆ្នាំ

  • កេណ្ឌ​ព្រះពិរុណសាស្ត្រៈ ឆ្នាំ​នេះ ព្រះ​សុក្រ ​​ជាអធិបតី មាន​នាគ​មួយ​បង្អុរ​ភ្លៀង​៦០០​មេ។ ភ្លៀង​ធ្លាក់​នៅ​ចក្រវាឡ​២៤០​មេ ហិមពាន្ត​១៨០មេ មហា​សមុទ្ទ​១២០​មេ ជម្ពូ​ទ្វីប​មនុស្ស​លោក​៦០​មេ។ ភ្លៀង​ដើម​ឆ្នាំ​​ កណ្ដាល​ឆ្នាំ​ ​ចុង​​ឆ្នាំ​ល្អ​ដូច​គ្នា។
  • កេណ្ឌ​ធារាទិគុណរៈ  ឆ្នាំ​នេះ​អាបោ​ធាតុ​ចុះ អាកាស​ធាតុ​ត្រជាក់ មាន​ព្យុះ​ច្រើន​ដង ទឹក​តាម​ទន្លេ ស្ទឹង​ច្រើន​បរិបូណ៌​។
  • កេណ្ឌ​ធុញ្ញាហារៈ ឆ្នាំ​នេះ​មាន​កេណ្ឌ​​មួយ​មាន​ឈ្មោះ​ថា​លាភៈ ទំនាយ​ថា ស្រូវ​ក្នុង​ស្រែ​បាន​ផល​៩​ភាគ ខូច​បង់​មួយ​ភាគ ស្រែ​ទំនាប​បាន​ផង​ល្អ និង​ស្រែ​ទួល​បាន​ផល​មធ្យម ផ្លែ​ឈើ និង​ដំណាំ​ផ្សេង​ៗ​បាន​ផល​បរិបូណ៌​។

ស្រង់ចេញពីសៀវភៅមហាសង្ក្រាន្តរបស់ក្រសួងធម្មការ និងសាសនា

____________________________________________________
* សម្គាល់៖ ឆ្នាំ​នេះ​ថៃ​ចូល​ថ្ងៃ​សៅរ៍​​វិញ ដោយ​សង្ក្រាន្ត​ថៃ​ចូល​មក​នៅ​ម៉ោង​១​នឹង​៥៨​នាទី​៤៨​វិនាទី ​នា​យប់​ថ្ងៃ​សៅរ៍​ ទី​១៣ មេសា (ព្រឹក​ថ្ងៃ​ទី​១៤ មេសា) បើ​តាម​ប្រក្រតិទិន​សាកល​គឺ​ថ្ងៃ​ទី​១៤​មេសា ដែល​ជា​ថ្ងៃ​អាទិត្យ តែ​ក្រុម​ហោរាសាស្ត្រ​ថៃ​នៅ​រាប់​ជា​ថ្ងៃ​សៅរ៍ ​នៅ​ឡើយ ក្រោយ​ម៉ោង​៦​ព្រឹក​ទើប​គេ​រាប់​ចូល​ជា​ថ្ងៃ​អាទិត្យ។ ហេតុ​ដូច​នេះ​សម្រាប់​ឆ្នាំ​នេះ ខ្មែរ និង​ថៃ មាន​ទេវតា​ខុស​គ្នា។

អានផងដែរ៖
១. មហាសង្ក្រាន្តខ្មែរ ពុទ្ធសករាជ ២៥៥១
២. មហាសង្ក្រាន្ត ឆ្នាំជូត សំរឹទ្ធិស័ក ពុទ្ធសករាជ២៥៥២
៣. មហាសង្ក្រាន្តឆ្នាំឆ្លូវ ឯកស័ក ពុទ្ធសករាជ២៥៥៣
៤. មហាសង្ក្រាន្តឆ្នាំខាល ទោស័ក ពុទ្ធសករាជ២៥៥៤
៥. មហាសង្ក្រាន្តឆ្នាំថោះ ត្រីស័ក ពុទ្ធសករាជ២៥៥៥
៦. មហា​សង្ក្រាន្ត​ឆ្នាំ​រោង ចត្វា​ស័ក ពុទ្ធសករាជ​២៥៥៦
៧. មហា​សង្ក្រាន្ត​ឆ្នាំ​មមី ឆ​ស័ក ពុទ្ធសករាជ​២៥៥៨
៨. មហា​សង្ក្រាន្ត​ឆ្នាំ​មមែ សប្ដ​ស័ក ពុទ្ធសករាជ​២៥៥៩
៩. មហា​សង្ក្រាន្ត​ឆ្នាំ​វក អដ្ឋ​ស័ក ពុទ្ធសករាជ​២៥៦០

មតិ»

1. sithiphonstandpoint - ថ្ងៃ​ព្រហស្បតិ៍ 11 ខែ​មេសា 2013

តាមពិតក្មែរពីដើម ក៏រាប់ថ្ងៃថ្មីក្រោយម៉ោង ៦ ព្រឹកដែរ ! តែឥឡូវមិនដឹងយ៉ាងម៉េចទេ រាប់តាមសកលវិញ

2. មហាសង្រ្កាន្តឆ្នាំម្សាញ់​ បញ្ចស័ក​ ពុទ្ធសករាជ ២៥៥៧ គ្រឹស្តសករាជ ២០១៣ | ទស្សនៈក្មេងប្រុស - ថ្ងៃ​ព្រហស្បតិ៍ 11 ខែ​មេសា 2013

[…] * សម្គាល់៖ ឆ្នាំ​នេះ​ថៃ​ចូល​ថ្ងៃ​សៅរ៍​​វិញ ដោយ​សង្ក្រាន្ត​ថៃ​ចូល​មក​នៅ​ម៉ោង​១​នឹង​៥៨​នាទី​៤៨​វិនាទី ​នា​យប់​ថ្ងៃ​សៅរ៍​ ទី​១៣ មេសា (ព្រឹក​ថ្ងៃ​ទី​១៤ មេសា) បើ​តាម​ប្រក្រតិទិន​សាកល​គឺ​ថ្ងៃ​ទី​១៤​មេសា ដែល​ជា​ថ្ងៃ​អាទិត្យ តែ​ក្រុម​ហោរាសាស្ត្រ​ថៃ​នៅ​រាប់​ជា​ថ្ងៃ​សៅរ៍ ​នៅ​ឡើយ ក្រោយ​ម៉ោង​៦​ព្រឹក​ទើប​គេ​រាប់​ចូល​ជា​ថ្ងៃ​អាទិត្យ។ ហេតុ​ដូច​នេះ​សម្រាប់​ឆ្នាំ​នេះ ខ្មែរ និង​ថៃ មាន​ទេវតា​ខុស​គ្នា។ (ប្រភព៖ https://sopheak.wordpress.com/2013/04/11/maha-sangkran-2557/#comment-23117) […]

3. កូនផ្សោត - ថ្ងៃពុធ 17 ខែ​មេសា 2013

ថៃ​និង​ខ្មែរ មិន​ដឹង​អ្នក​ណា​ខុស អ្នក​ណា​ត្រូវ​ទេ​រឿង​ថ្ងៃ​ណឹង!

4. មហា​សង្ក្រាន្ត​ខ្មែរ ពុទ្ធ​សករាជ ២៥៥១ | ស្រែ​ខ្មុក - ថ្ងៃចន្ទ 13 ខែមករា 2014

[…] ចត្វាស័ក ពុទ្ធសករាជ២៥៥៦ ៦. មហា​សង្ក្រាន្ត​ឆ្នាំ​ម្សាញ់ បញ្ច​ស…៧. មហា​សង្ក្រាន្ត​ឆ្នាំ​មមី ឆ​ស័ក […]

5. មហា​សង្ក្រាន្ត ឆ្នាំ​ជូត​ សំរឹទ្ធិ​ស័ក ពុទ្ធ​សករាជ​២៥៥២ | ស្រែ​ខ្មុក - ថ្ងៃចន្ទ 13 ខែមករា 2014

[…] ចត្វាស័ក ពុទ្ធសករាជ២៥៥៦ ៦. មហា​សង្ក្រាន្ត​ឆ្នាំ​ម្សាញ់ បញ្ច​ស…៧. មហា​សង្ក្រាន្ត​ឆ្នាំ​មមី ឆ​ស័ក […]

6. មហា​សង្ក្រាន្ត​ឆ្នាំ​ឆ្លូវ ឯក​ស័ក ពុទ្ធសករាជ​២៥៥៣ | ស្រែ​ខ្មុក - ថ្ងៃចន្ទ 13 ខែមករា 2014

[…] ចត្វាស័ក ពុទ្ធសករាជ២៥៥៦ ៦. មហា​សង្ក្រាន្ត​ឆ្នាំ​ម្សាញ់ បញ្ច​ស…៧. មហា​សង្ក្រាន្ត​ឆ្នាំ​មមី ឆ​ស័ក […]

7. មហា​សង្ក្រាន្ត​ឆ្នាំ​ខាល ទោ​ស័ក ពុទ្ធសករាជ​២៥៥៤ | ស្រែ​ខ្មុក - ថ្ងៃចន្ទ 13 ខែមករា 2014

[…] ចត្វាស័ក ពុទ្ធសករាជ២៥៥៦ ៦. មហា​សង្ក្រាន្ត​ឆ្នាំ​ម្សាញ់ បញ្ច​ស…៧. មហា​សង្ក្រាន្ត​ឆ្នាំ​មមី ឆ​ស័ក […]

8. មហា​សង្ក្រាន្ត​ឆ្នាំ​ថោះ ត្រី​ស័ក ពុទ្ធសករាជ​២៥៥៥ | ស្រែ​ខ្មុក - ថ្ងៃចន្ទ 13 ខែមករា 2014

[…] ចត្វាស័ក ពុទ្ធសករាជ២៥៥៦ ៦. មហា​សង្ក្រាន្ត​ឆ្នាំ​ម្សាញ់ បញ្ច​ស…៧. មហា​សង្ក្រាន្ត​ឆ្នាំ​មមី ឆ​ស័ក […]

9. មហា​សង្ក្រាន្ត​ឆ្នាំ​រោង ចត្វា​ស័ក ពុទ្ធសករាជ​២៥៥៦ | ស្រែ​ខ្មុក - ថ្ងៃចន្ទ 13 ខែមករា 2014

[…] ត្រីស័ក ពុទ្ធសករាជ២៥៥៥ ៦. មហា​សង្ក្រាន្ត​ឆ្នាំ​ម្សាញ់ បញ្ច​ស…៧. មហា​សង្ក្រាន្ត​ឆ្នាំ​មមី ឆ​ស័ក […]

10. មហា​សង្ក្រាន្ត​ឆ្នាំ​មមី ឆ​ស័ក ពុទ្ធសករាជ​២៥៥៨ | ស្រែ​ខ្មុក - ថ្ងៃសុក្រ 11 ខែ​មេសា 2014

[…] អានផងដែរ៖ ១. មហាសង្ក្រាន្តខ្មែរ ពុទ្ធសករាជ ២៥៥១ ២. មហាសង្ក្រាន្ត ឆ្នាំជូត សំរឹទ្ធិស័ក ពុទ្ធសករាជ២៥៥២ ៣. មហាសង្ក្រាន្តឆ្នាំឆ្លូវ ឯកស័ក ពុទ្ធសករាជ២៥៥៣ ៤. មហាសង្ក្រាន្តឆ្នាំខាល ទោស័ក ពុទ្ធសករាជ២៥៥៤ ៥. មហាសង្ក្រាន្តឆ្នាំថោះ ត្រីស័ក ពុទ្ធសករាជ២៥៥៥ ៦. មហា​សង្ក្រាន្ត​ឆ្នាំ​រោង ចត្វា​ស័ក ពុទ្ធសករាជ​២៥៥៦ ៧. មហា​សង្ក្រាន្ត​ឆ្នាំ​ម្សាញ់ បញ្ច​ស… […]

11. មហា​សង្ក្រាន្ត​ឆ្នាំ​មមែ សប្ដ​ស័ក ពុទ្ធសករាជ​២៥៥៩ | ស្រែ​ខ្មុក - ថ្ងៃសៅរ៍ 11 ខែ​មេសា 2015

[…] ចត្វា​ស័ក ពុទ្ធសករាជ​២៥៥៦ ៧. មហា​សង្ក្រាន្ត​ឆ្នាំ​ម្សាញ់ បញ្ច​ស…៨. មហា​សង្ក្រាន្ត​ឆ្នាំ​មមី ឆ​ស័ក […]

12. មហា​សង្ក្រាន្ត​ឆ្នាំ​វក អដ្ឋ​ស័ក ពុទ្ធសករាជ​២៥៦០ | ស្រែ​ខ្មុក - ថ្ងៃចន្ទ 11 ខែ​មេសា 2016

[…] ចត្វា​ស័ក ពុទ្ធសករាជ​២៥៥៦ ៧. មហា​សង្ក្រាន្ត​ឆ្នាំ​ម្សាញ់ បញ្ច​ស…៨. មហា​សង្ក្រាន្ត​ឆ្នាំ​មមី ឆ​ស័ក […]


ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: