jump to navigation

ព្រះ​រាជ​ពិធី​សម្ពោធ​អគារ​មណ្ឌល​ព្យាបាល​មនុស្ស​ចាស់ «​ព្រះ​សីហនុ​រាជ​» ថ្ងៃ​ព្រហស្បតិ៍ 6 ខែ​សីហា 2015

Posted by សុភ័ក្ត្រ in បុគ្គល​សំខាន់, ប្រវត្តិសាស្ត្រ, អំពីស្រុកខ្មែរ.
trackback

៙សុភមស្តុ​ព្រះ​ពុទ្ធ​សាសនា​យុកាល​បាន​២៥៥៩​វស្សា 
ចុល្ល​សករាជ​បាន​១៣៧៧​វស្សា
ជា​ឆ្នាំ​ទី​១១​នៃ​រជ្ជកាល​ព្រះ​បាទ​សម្ដេច​ព្រះ​បរម​នាថ
ព្រះ​ចៅ​ក្រុង​កម្ពុជា​ធិបតី​៕៙៚

នា​ព្រឹក​ថ្ងៃ​ព្រហស្បតិ៍ ទី​​៧​រោជ ខែ​ទុតិយសាឍ ឆ្នាំ​មមែ សប្ត​ស័ក ព.ស.​២៥៥៩ ច.ស.​១៣៧៧ ម.ស.​១៩៣៧ ត្រូវ​នឹង​ថ្ងៃ​ទី​៦ ខែ​សីហា គ.ស.​២០១៥ នេះ នៅ​ឯ​ព្រះ​រាជ​ធានី​​ក្រុង​ចតុម្មុខ​មង្គល​​​ភ្នំ​ដូនពេញ នៃ​មហា​នគរ​កម្ពុជា មាន​ចាត់​ព្រះ​រាជ​ពិធី​សម្ពោធ​អគារ​មណ្ឌល​ព្យាបាល​មនុស្ស​ចាស់ «​ព្រះ​សីហនុ​រាជ​»

ព្រះ​រាជ​ពិធី​ដ៏​ជា​ប្រវត្តិសាស្ត្រ​នៃ​នគរ​កម្ពុជា​នេះ ត្រូវ​បាន​យាង​ចូល​រួម​ជា​អធិបតី​នៃ​ព្រះ​មហា​ក្សត្រិយ៍ បច្ចុប្បន្ន ព្រះ​ករុណា​ព្រះ​បាទ​សម្ដេច​ព្រះ​បរម​នាថ នរោត្ដម សីហមុនី និង​សម្ដេច​ព្រះ​រាជ​អគ្គ​មហេសី ព្រះ​វរ​រាជ​មាតា​ជាតិ​ខ្មែរ ព្រម​ទាំង​បណ្ដា​នាហ្មឺន សព្វ​មុខ​មន្ត្រី សេនា​បតី ជំទាវ ខុនណាង ខ្ញុំ​រាជការ និង​អាណា​ប្រជានុរាស្ត្រ ជា​ច្រើន​រួម​នាក់​ទៀត​។

អគារ​មណ្ឌល​​ព្យាបាល​មនុស្ស​ចាស់ ជាព្រះរាជអំណោយដ៏ឧត្តុងឧត្តម របស់សម្ដេច​​ព្រះ​មហា​ក្សត្រីយ៍ ព្រះវរ​រាជ​មាតា​ជាតិ​ខ្មែរ ក្នុង​សេរី​ភាព​​សេចក្តីថ្លៃថ្លូរ និងសុភមង្គល ជាទីគោរពសក្ការ:ដ៏ខ្ពង់ខ្ពស់បំផុត នៅក្នុងបរិវេណមន្ទីរ​ពេទ្យមិត្តភាពខ្មែរ-សូវៀត គឺជាមណ្ឌល​ព្យាបាល​ ថែ​ទាំ​សុខភាព​មនុស្សចាស់​តាម គម្រោង​សាង​សង់​ក្នុង​ទំហំ ៥៨​ម គុណ ៣៨,៥០​ម ដែល​ត្រូវ​បាន​ចែក​ចេញ​ជា​បី​ផ្នែក ក្នុងនោះ​អាគារ​ខាង​មុខ មាន​កម្ពស់​១​ជាន់ អាគារ​កណ្តាល មាន​កម្ពស់ ៣​ជាន់ និង​អាគារ​ស្លាប​ចំហៀង មាន​កម្ពស់​៣​ជាន់​។

ការ​សាង​សង់ មណ្ឌល​​ព្យាបាល​មនុស្ស​ចាស់ “ព្រះសីហនុ​រាជ” ដ៏ធំស្កិមស្កៃនេះ គឺ​ដោយ​សារ​ព្រះ​រាជ​ទ្រព្យ​បាន​មក​ពី​សទ្ធា​ជ្រះថ្លារ​បស់សប្បុរសជន ជាតិនិងអន្តរជាតិ ចូលបច្ច័យ​ក្នុងព្រះរាជពិធីបុណ្យ បរមសពព្រះករុណាព្រះបរមរតនកោដ្ឋ ជាទីគោរព​សក្ការ:ដ៏ខ្ពង់ខ្ពស់បំផុត មានចំនួនជាងមួយលានដុល្លារ​អាមេរិក​៕​៚






_______________________________________________
អាន​ផង​ដែរ​
១. មជ្ឈ​មណ្ឌល​ព្យាបាល​មនុស្ស​ចាស់ ព្រះ​សីហនុរាជ
២. សម្ពោធ​ព្រះ​រាជានុស្សាវរីយ៍​ព្រះ​បរម​រតន​កោដ្ឋ

Advertisements

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្ដូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្ដូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្ដូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្ដូរ )

កំពុង​ភ្ជាប់​ទៅ​កាន់ %s

%d bloggers like this: