jump to navigation

មក​មើល​រាជ​រថ​ដង្ហែ​ព្រះ​បរម​សព​ហ្លួង​រតន​កោដ្ឋ ថ្ងៃចន្ទ 1 ខែ​កុម្ភៈ 2016

Posted by សុភ័ក្ត្រ in សោយ​ទិវង្គត​នៃ​សម្ដេច​ព្រះ​មហា​វីរ​ក្ស័ត្រិយ៍.
trackback

ថ្ងៃទី១ ខែកុម្ភៈ ឆ្នាំ២០១៦ នេះ មានរយៈពេល៣ឆ្នាំគត់នៃព្រះរាជពិធីបុណ្យព្រះមេរុ ព្រះករុណា ព្រះបាទសម្ដេចព្រះ នរោត្តម សីហនុ ព្រះមហាវីរក្សត្រិយ៍ ព្រះបរមរតនកោដ្ឋ។ នាថ្ងៃទី១ ខែកុម្ភៈ កាលពី៣ឆ្នាំមុននោះ ជាថ្ងៃទី១នៃព្រះរាជពិធី ដោយចាប់ផ្ដើមការដង្ហែព្រះបរមសពទ្រង់ចេញពីព្រះបរមរាជវាំង ឆ្ពោះមកកាន់ទីព្រះបរមមេរុ នាខាងមុខសារមន្ទីរជាតិ ក្រុងភ្នំពេញ។

នាឱកាសព្រះរាជពិធីដង្ហែព្រះបរមសពនៃទ្រង់នេះ សំណាក់ព្រះបរមរាជវាំង បានចាត់ចែងសាងរាជរថថ្មីមួយចំនួនដើម្បីប្រើសម្រាប់ព្រះរាជពិធី ដ្បិតរាជរថដែលប្រើប្រាស់ពីសម័យអតីតបាត់បង់អស់ទៅហើយ។ រាជរថធំ ដែលគួរឲ្យកត់សម្គាល់នោះ គឺរាជរថដែលប្រើសម្រាប់ផ្ទុកព្រះបរមមញ្ជូសានៃទ្រង់។

ជាព្រះរាជរថបុស្បុកនាគរាជ ក្បាល៣៦ សាងថ្មីទាំងស្រុង យ៉ាងស្រស់ស្អាតវិចិត្រ តាមបែបសិល្បៈបូរាណខ្មែរ។ ព្រះរាជរថនេះមានប្រដាប់ដោយក្បាច់ចម្លាក់បិទកញ្ចក់ នៅខាងមុខមានរចនាជារូបក្បាលនាគដែលមានសរុប៣៦ និងចំកណ្ដាលមានទម្រមញ្ជូសា ប្រកដោយបុស្បុក រចនារូបត្រាព្រះចៅក្រុងកម្ពុជាទាំង៤ទិស។

ព្រះរាជរថទាំងមូលរចនាដោយពណ៌មាសភ្លឺចិញ្ចាច និងទ្រដោយនាគទាំង៣៦ គ្រុឌចំនួន៦២ (ម្ខាង៣១) និងកង់ម្ខាង៤ សរុប៨កង់ (តែទោះបីជាយ៉ាងនេះក្ដី កង់ទាំងនេះមិនបានប្រើប្រាស់ទេ ដោយរាជរថទាំងមូលប្រើម៉ាស៊ីនជំនួសវិញ) ឆត្ររួតមួយតំណាងស្វេតច្ឆត្រនៅពីលើព្រះបរមមញ្ជូសា ព្រមទាំងឆត្ររួត៧ជាន់ ចំនួន៤ទៀត អមសង្ខាងព្រះបរមមញ្ជូសាផងដែរ។

ព្រះរាជរថនេះ ប្រើជាពិសេសក្នុងព្រះរាជពិធីដង្ហែព្រះបរមសព ព្រះករុណា ព្រះមហាវីរក្សត្រិយ៍ ព្រះបរមរតនកោដ្ឋ នាព្រឹកថ្ងៃសុក្រ ៦រោច ខែបុស្ស ឆ្នាំរោង ចត្វាស័ក ព.ស.២៥៥៦ ត្រូវនឹងថ្ងៃទី០១ ខែកុម្ភៈ ឆ្នាំ២០១៣៕៚

ព្រះរាជរថ
ក្បាលនាគទាំង៣៦របស់ព្រះរាជរថ
កន្ទុយនាគទាំង៣៦របស់ព្រះរាជរថ
គ្រុឌទ្រព្រះរាជរថ
កង់ទ្រព្រះរាជរថ
ទម្រព្រះបរមមញ្ជូសា
ឆត្ររួតតំណាងស្វេតច្ឆត្រនៅពីលើព្រះបរមមញ្ជូសា
ត្រាព្រះចៅក្រុងកម្ពុជាខាងលើព្រះរាជរថ
ក្បាច់លំអនានានៅលើព្រះរាជ រថ

_______________________________________________
អានផងដែរ
១. ព្រះរាជរថបុស្បុកនាគរាជ ក្បាល៣៦
២. មកមើលរាជរថពិធីសម្ដេចព្រះសង្ឃរាជក្រុងសៀម
៣. ព្រះរាជពិធីចេញព្រះមេរុ ព្រះករុណាព្រះបរមរតនកោដ្ឋ

Advertisements

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: