jump to navigation

កិច្ច​នា​ថ្ងៃ​នេះ ថ្ងៃ​ព្រហស្បតិ៍ 29 ខែធ្នូ 2016

Posted by សុភ័ក្ត្រ in អំពីសុភ័ក្ត្រ.
trackback

សម្រាប់ថ្ងៃទី២ គឺថ្ងៃព្រហស្បតិ៍ ១កើត ខែបុស្ស ឆ្នាំវក អដ្ឋស័ក ព.ស.២៥៦០ ត្រូវនឹងថ្ងៃទី២៩ ខែធ្នូ គ.ស.២០១៦ នេះ គឺត្រូវងើបពីដំណេកទៀបភ្លឺ ធ្វើសាមណេរកិច្ច ជាមួយលោកបង គឺព្រះគ្រូដែលនៅជួយសម្រួលក្នុងរយៈពេលបួសនេះ និងសាមណេរមួយអង្គទៀតដែលបានបួសជាមួយគ្នា (ដោយឥតមានការណាត់) ដោយការសូត្រព្រះធម្មខាងមុខព្រះពុទ្ធប្បដិមាជាព្រះប្រធាន និងបន្តដោយការធ្វើសមាធិ និងទន្ទិញនូវឃ្លាព្រះធម្ម ដែលប្រទានដោយសម្ដេចព្រះឧបជ្ឈា។

បន្ទាប់មកនៅពេលព្រលឹមស្រាងៗឡើង ក៏ទៅចូលគាល់ថ្វាយបង្គំសម្ដេចព្រះឧបជ្ឈា ស្ដាប់ឱវាទ និងមានភ័ព្វព្រះអង្គឲ្យចាត់ឆាន់អាហារពេលព្រឹកនៅខាងមុខកុដិព្រះអង្គ ហើយទ្រង់ក៏អនុញ្ញាតឲ្យព្រឹកនេះ ទៅថ្វាយបង្គំព្រះបរមសារីរិកធាតុ ព្រះអដ្ឋិធាតុនៃព្រះសម្មាសម្ពុទ្ធដែលតម្កល់ឯភ្នំព្រះរាជទ្រព្យផង។ ចំណែកល្ងាចនេះ សម្ដេចព្រះគ្រូក៏ផ្ដាំឲ្យទៅធ្វើកិច្ចសូត្រឯបុណ្យព្រះសពសម្ដេចស៊ីសុវត្ថិ ជីវ័នមុនីរ័ក្ស ផង។

ក្រោយពីឆាន់អាហារពេលព្រឹកស្រេចមក ដោយមានលោកបងក៏បាននាំទៅថ្វាយបង្គំនិងសូត្រព្រះធម្មឯព្រះសក្យមុនីចេតិយតាមព្រះរាជបណ្ដាំ មុននឹងត្រឡប់មកអារាមវិញ ដើម្បីឆាន់អាហារពេលថ្ងៃត្រង់។

ឯពេលល្ងាចនេះ គឺចាប់ពីម៉ោងប្រមាណ៦ ក៏និមន្តចេញពីវត្តដើម្បីសំដៅមកវត្តបទុមវតីរាជវរារាម ឯក្រុងភ្នំពេញ ជាមួយសម្ដេចព្រះគ្រូ ព្រមទាំងព្រះសង្ឃមួយចំនួនទៀត ដើម្បីធ្វើកិច្ច និងសូត្រព្រះធម្មក្នុងពិធីបុណ្យព្រះសពសម្ដេច ស៊ីសុវត្ថិ ជីវ័នមុនីរ័ក្ស ផង រហូតដល់ម៉ោងជាង៩យប់ ទើបត្រឡប់មកវត្តវិញ។ នេះរាប់ថាជាបុណ្យកុសលមួយទៀត សម្រាប់ការបួសនាគ្រានេះ៕៚

______________________________________________
អានផងដែរ៖
១. បានបួសក្នុងព្រះពុទ្ធសាសនា
២. សឹកពីសាមណេរសឹកពីសាមណេរ

Advertisements

មតិ»

1. បាន​បួស​ក្នុង​ព្រះ​ពុទ្ធ​សាសនា | ស្រែ​ខ្មុក - ថ្ងៃពុធ 4 ខែមករា 2017

[…] ______________________________________________ អានផងដែរ៖ ១. កិច្ចនាថ្ងៃនេះ […]

2. សឹក​ពី​សាមណេរ | ស្រែ​ខ្មុក - ថ្ងៃ​ព្រហស្បតិ៍ 5 ខែមករា 2017

[…] ______________________________________________ អានផងដែរ៖ ១. កិច្ចនាថ្ងៃនេះ ២. បានបួសក្នុងព្រះពុទ្ធសាសនា […]


ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: