jump to navigation

Repost: បែបសើចៗ៖ ទុក្ខ «ប» ថ្ងៃចន្ទ 23 ខែមករា 2017

Posted by សុភ័ក្ត្រ in វីដេអូ, អំពី​ភាសា, អំពីភាសា.
add a comment

ទុក្ខនោះទុក្ខធំ ធ្ងន់ប៉ុនភ្នំព្រះសុមេរុ។ តើលោកអ្នកដឹងថាទុក្ខអ្វីទេ? ទុក្ខនោះ គឺទុក្ខតួអក្សរ «ប»។

ក្នុងចំណោមអក្សរក្រមទាំង «៣៣» តួ របស់ខ្មែរយើង មានតែតួ «ប» នេះហើយ ដែលរងទុក្ខសម្បើមជាងអក្សរណាៗទាំងអស់។ ហេតុម្ដេចបានជាខ្ញុំហ៊ានពោលអះអាងយ៉ាងច្នេះណា? ដ្បិតអី ក្រោយពីបង្កើតតួគំនូសជារាងអក្សរ «ប» នេះស្រេចហើយ អ្នកបង្កើតតួអក្សរខ្មែរបូរាណ បានបន្ថែមគំនូសឆ្វេងស្ដាំ លើក្រោម តែបន្តិចបន្តួចទៀតប៉ុណ្ណោះទៅលើតួ «ប» នេះ ប្រយោជន៍បង្កើតជាតួព្យញ្ជនៈ និងស្រៈ ផ្សេងទៀតរហូតដល់ទៅ៦តួទៀតឯណោះ ដែលសរុបមាន៧តួទាំងខ្លួនឯង។

ព្យញ្ជនៈ និងស្រៈ ដែលបានបង្កើតចេញពីតួ «ប» ដោយបន្ថែមសញ្ញាផ្សេងៗទាំង៦តួថ្មីនោះ គឺមានដូចជា៖ ម, ឞ, ប៉, ប៊, ឫ និង ឬ ដោយមានទាំងសូរ «អ» និងសូរ «អ៊» ព្រម។

អស់ព្យញ្ជនៈដ៏ទៃទៀត គេមិនបានរងគ្រោះដោយសារគេបន្ថែមសញ្ញាពីលើក្រោម ឆ្វេងស្ដាំ ដូចតួ «ប» នេះឯណា និងថែមទាំងឯករាជ្យ ឈរម្នាក់ឯងយ៉ាងសង្ហារ ជាក់ស្ដែងមានល្បង «ដ» ជាឧទាហរណ៍ស្រាប់។ បើចង់បានសូរ «អ៊» គេមានតួថ្មី «ឌ» ហើយគ្មានទេ «ដ៉» ឬ «ដ៊» នោះ ហេហេ… តែទាស់តែ «ដ» គាត់អភព្វបន្តិច ដោយអត់មានជើងប្រើ បែរខ្ចីជើងគេ «្ត» មកប្រើវិញ រហូតដល់សព្វថ្ងៃ ហេហេ…។

នេះហើយផលទុក្ខរបស់ «ប»។

សូមអញ្ជើញមើលវីដេអូគំនូសទុក្ខរបស់តួព្យញ្ជនៈ «ប» ខាងក្រោម៖

________________________________________________
អានបន្ថែម
១. គួរបង្កើតតួអក្សរ «ប៉» ថ្មីមួយទៀត

%d bloggers like this: