jump to navigation

Repost: ប្រពៃណី​កោដ្ឋ​នៅ​ក្នុង​នគរ​លាវ ថ្ងៃ​សៅរ៍ 18 ខែ​កុម្ភៈ 2017

Posted by សុភ័ក្ត្រ in វីដេអូ, ພາສາລາວ.
trackback

មិនខុសអ្វីប៉ុន្មានពីខ្មែរ និងថៃសោះឡើយ ប្រទេសលាវ គឺជាប្រទេសមួយទៀត ដែលមានទំនៀមទម្លាប់ប្រហាក់ប្រហែល នឹងនគរទាំងពីរច្រើនណាស់។ ទាំងនេះក៏ដោយសារភូមិសាស្ត្រ ព្រមទាំងការផ្សព្ធផ្សាយនៃឥទ្ធិពលខ្មែរបុរាណ ដែលមានទៅលើប្រទេសទាំងពីរកាលពីអតីតកាល។ ចំពោះការប្រើប្រាស់កោដ្ឋសម្រាប់ផ្ទុកសពនៅក្នុងនគរលាវ ក៏ដូចគ្នានឹងប្រទេសខ្មែរយើងដែរ។

ប្រទេសលាវ ដែលបានរំលំរបបក្សត្រិយ៍ កាលពីឆ្នាំ១៩៧៥ មកនោះ ការប្រើប្រាស់កោដ្ឋដាក់ព្រះសព ដែលជាក់ស្ដែងបំផុតនោះ គឺកាលពីបុណ្យព្រះសព ចៅពេជ្ររាជ រតនវង្សា (សម្ដេចចៅហ្វាមហាឧបរាជ) និងអតីតក្សត្រិយ៍លាវ ព្រះករុណាព្រះបាទសម្ដេចព្រះចៅ ស្រីស្វាងវង្ស កាលពីចុងទសវត្សរ៍១៩៥០។ (សូមអានប្រកាស៖ អភូតហេតុថ្ងៃថ្វាយព្រះភ្លើងម្ចាស់ជីវិតលាវ ស្រីសវាងវង្ស) បច្ចុប្បន្ននេះ ព្រះកោដ្ឋផ្ទុកព្រះបរមសពព្រះអង្គត្រូវបានរក្សាទុកយ៉ាងល្អ នៅឯវត្តមួយនៃអតីតរាជធានីហ្លួងព្រះបាង របស់លាវ។

ព្រះកោដ្ឋដែលបានប្រើប្រាស់ក្នុងព្រះរាជពិធីបុណ្យព្រះបរមសព ម្ចាស់ជីវិតលាវ ស្រីសវាងវង្ស

កាលពីមុននេះមិនយូរប៉ុន្មាន ក្នុងអំឡុងខែកក្កដា ឆ្នាំ២០០៧ ប្រទេសលាវបានរៀបចំពិធីបុណ្យព្រះសពចៅអធិការវត្តសែនសុខារាម ហ្លួងព្រះបាង ថ្វាយព្រះវីរសុទ្ធិគន្ធ ខាំច័ន្ទ វីរជិតធារ៉ា ចៅគណៈសង្ឃជាន់ខ្ពស់របស់ក្រុងហ្លួងព្រះបាង រយៈពេល១០ថ្ងៃ។ អ្វីដែលគួរសង្កេតនៅក្នុងពិធីហែក្បួនព្រះសព គឺមានការប្រើប្រាស់កោដ្ឋ ដែលបានរចនាយ៉ាងវិចិត្រសម្រាប់ព្រះសពផងដែរ។

ប្រសិនបើនៅក្នុងព្រះកោដ្ឋ មានផ្ទុកព្រះសពពិតប្រាកដនោះ នោះបានន័យថា ប្រពៃណីការប្រើប្រាស់កោដ្ឋនេះ ត្រូវបានរក្សាទុកយ៉ាងល្អនៅក្នុងប្រទេសលាវ ជាងកម្ពុជានិងថៃផងទៀត។ តែប្រសិនបើមិនមានព្រះសពក្ដី យ៉ាងហោចណាស់ ប្រទេសលាវ ក៏គង់នៅរក្សាការប្រើប្រាស់កោដ្ឋសម្រាប់បុណ្យព្រះសពបានល្អជាងខ្មែរផងដែរ ដ្បិតដូចការរៀបរាប់តាមប្រកាសនានាកន្លងមក ចាប់តាំងពីសម័យបុណ្យព្រះសព សម្ដេចព្រះសង្ឃរាជ ជួន ណាត ជោតញ្ញាណោ កាលពីដើមសតវត្សរ៍១៩៧០ នោះមក ប្រទេសកម្ពុជា មិនឃើញមានការប្រើប្រាស់កោដ្ឋណាទៀតទេ សម្រាប់ពិធីបុណ្យព្រះសព ទាំងសម្រាប់បណ្ដាព្រះរាជវង្សានុវង្ស និងព្រះសង្ឃជាន់ខ្ពស់៕

ពិធីដង្ហែព្រះកោដ្ឋបុណ្យព្រះសព ព្រះវីរសុទ្ធិគន្ធ ខាំច័ន្ទ វីរជិតធារ៉ា ចៅគណៈសង្ឃជាន់ខ្ពស់របស់ក្រុងហ្លួងព្រះបាង កាលពីខែកក្កដា ឆ្នាំ២០០៧

__________________________________________________
អានផងដែរ
១. ការរំលាយសពព្រះមហាក្ស័ត្រិយ៍ និងអ្នកមានឋានៈខ្ពង់ខ្ពស់
២. អាថ៌កំបាំងការរំលាយព្រះសពព្រះរាមមហាក្សត្រិយ៍ថៃ
៣. កោដ្ឋ
៤. ការបាត់បង់ប្រពៃណី «កោដ្ឋ» នៅក្នុងប្រទេសកម្ពុជា
៥. ប្រពៃណី «កោដ្ឋ» នៅក្នុងសង្គមថៃ
៦. សពក្នុងកោដ្ឋ អាថ៌កំបាំងដែលគ្មាននរណាដឹង
៧. សពក្នុងកោដ្ឋ អាថ៌កំបាំងដែលគ្មាននរណាដឹង (ត)
៨. សពក្នុងកោដ្ឋ អាថ៌កំបាំងដែលគ្មាននរណាដឹង (តចប់)
៩. អភូតហេតុថ្ងៃថ្វាយព្រះភ្លើងម្ចាស់ជីវិតលាវ ស្រីសវាងវង្ស
១០.  ព្រះរាជពិធីថ្វាយព្រះភ្លើងព្រះបាទស្រីស្វាងវង្ស
១១. សិល្បៈព្រះមេរុរបស់លាវ
១២. មកមើលមេរុអតីតប្រធានសង្ឃលាវ
១៣. “កោដ្ឋ” គ្រឿងសម្ដែងឥស្សរិយយសនៅក្នុងនគរថៃ

Advertisements

មតិ»

No comments yet — be the first.

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្ដូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្ដូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្ដូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្ដូរ )

កំពុង​ភ្ជាប់​ទៅ​កាន់ %s

%d bloggers like this: