jump to navigation

រូប​ភាព​ដ៏​អាម៉ាស់​មួយ​នៃ​កម្ពុជា​នៅ​ថ្ងៃ​នេះ​ ថ្ងៃ​ព្រហស្បតិ៍ 20 ខែកក្កដា 2017

Posted by សុភ័ក្ត្រ in បរិយាយ​ថ្ងៃ​នេះ, ពីនេះពីនោះ.
trackback

ថ្ងៃ​នេះ (​២០ កក្កដា ២០១៧​) នៅ​តាម​បណ្ដាញ​សង្គម​មាន​ការ​ចែក​ចាយ​នូវ​រូប​ភាព​ច្រើន​សន្លឹក រូប​ភាព​ដែល​​ជា​ភាព​អាម៉ាស់​មួយ ប្រៀប​ដូច​ការ​ទះ​កំផ្លៀង​ប្រជាជាតិ​មួយ​ដែល​អួត​ខ្លួន​ឯង​ថា​ជា​​អារិយ​។ ស្ថិត​ក្នុង​ឯកសណ្ឋាន​ពេញ​យស​ដែល​ប្រកប​ដោយ​សេចក្ដី​ថ្លៃ​ថ្នូរ បណ្ដា​ទាហាន​កង​កិត្តិយស​មួយ​ចំនួន​ធំ​បាន​នាំ​គ្នា​​ឈរ​បត់​ជើង​តូច​នៅ​នឹង​របង​សួន​ព្រះ​ករុណា ព្រះ​បរម​រតន​កោដ្ឋ​នា​ខាង​មុខ​ព្រះ​បរម​រាជ​វាំង មើល​ទៅ​គួរ​ឲ្យ​អនោច​អធម​យ៉ាង​ខ្លាំង​។

ជា​ច្រើន​លើក​ច្រើន​សារ​កង​ទាហាន​ខ្មែរ​ទំនង​ជា​កង​ដែល​អនុវត្ត​វិន័យ​អន់​ជាង​គេ​បំផុត​ហើយ​ក្នុង​ពិភព​លោក​នេះ​។ ការ​នាំ​គ្នា​ឈរ​នាំ​បណ្ដាក់​គ្នា​យ៉ាង​នា​ទី​សាធារណៈ ទាំង​កណ្ដាល​ថ្ងៃ​ត្រង់នេះ ក្រៅ​អំពី​បង្ហាញ​ការ​មិន​គោរព​ដល់​សួន​ច្បារ​ព្រះ​ករុណា ព្រះ​បរម​កោដ្ឋ និង​ជា​ទី​កន្លែង​ដែល​ប្រជាជន​ខ្មែរ​នាំ​គ្នា​ទៅ​កម្សាន្ត​​សម្រាក​អារម្មណ៍​នោះ វា​បង្ហាញ​នូវ​ភាពចុះ​ខ្សោយ​នៃ​ស៊ីវិល័យ​ភាព​នៃ​ប្រជាជន​ខ្មែរ​ដល់​កម្រិត​សូន្យ និង​ជា​ពិសេស​វា​បាន​បន្លោក​នូវ​កិត្តិយស​បណ្ដា​ក្រុម​កង​ទាហាន​កិត្តិយស​ទាំង​នោះ ដែល​កំពុង​តែ​គ្រង​នូវ​ឯក​សណ្ឋាន​ជា​មោទន​មួយ​នៃ​ខ្លួន​ពួក​គាត់​ផ្ទាល់ ក៏​ដូច​ជា​ប្រជាជាតិ​កម្ពុជា​ទាំង​មូល​។

បើ​ទោះ​បី​ជា​មាន​ការ​ចែក​ចាយ​នូវ​ឥរិយាបទ​ដែល​មិន​គួរ​ទទួល​យក​បាន​នេះ​ក្ដី រហូត​មក​ដល់​ពេល​នេះ​ហាក់​បី​ដូច​ជា​មិន​មាន​ការ​ចេញ​មក​សុំ​ទោស​ជា​សាធារណៈ​ពី​សំណាក់​បណ្ដា​កង​ទាហាន​កិត្តិយស​ទាំង​នោះ ឬ​ភាគី​ពាក់​ព័ន្ធ​ឡើយ​។ រូប​ភាព​ថ្ងៃ​នេះ​គួរ​ត្រូវ​បាន​ក្លាយ​ជា​មេរៀន​ប្រវត្តិសាស្ត្រ​មួយ​ដើម្បី​ដាស់​ជា​សតិ​ដល់​ភាគី​ពាក់​ព័ន្ធ ជា​ពិសេស​ដល់​អ្នក​ដែល​កំពុង​គ្រង​ឯក​សណ្ឋាន​ដែល​ជា​សេចក្ដី​ថ្លៃ​ថ្នូរ​របស់​ខ្លួន​ផ្ទាល់ និង​របស់​សង្គម​ជាតិ​ឲ្យ​ពិនិត្យ​មើល​ឡើង​វិញ និង​គួរ​ចាត់​វិធាន​ការណ៍​សម​ស្រប​ណា​មួយ​សម្រាប់​បណ្ដា​កង​ទាហាន​កិត្តិយស​ក្នុង​ពេល​បំពេញ​ភារកិច្ច​៕

រូប​ភាព​ដែល​ទាហាន​ទាំង​នោះ​កំពុង​ឈរ​បត់​ជើង​តូច ដែល​ចែក​ចាយ​នៅ​តាម​បណ្ដាញ​សង្គម

Advertisements

មតិ»

No comments yet — be the first.

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: