jump to navigation

ឬ​ថា​ទំនាក់​ទំនង​កម្ពុជា​-​លាវ​ឈាន​ដល់​ទី​បញ្ចប់ ថ្ងៃសុក្រ 11 ខែសីហា 2017

Posted by សុភ័ក្ត្រ in បរិយាយ​ថ្ងៃ​នេះ, ប្រវត្តិសាស្ត្រ, ພາສາລາວ.
trackback

ថ្ងៃ​នេះ (​១១ សីហា ២០១៧​) តាម​រយៈ​លោក​នាយក​រដ្ឋ​មន្ត្រី​ខ្មែរ​បាន​បង្ហាញ​ឲ្យ​ឃើញ​ពី​ភាព​ប្រេះ​ស្រាំ​ទំនង​ដ៏​ខ្លាំង​ក្លា​មួយ​នៃ​ទំនាក់​ទំនង​មិត្រភាព​​កម្ពុជា​-​លាវ​។ ឬ​ថា​ទំនាក់​ទំនង​ជា​មិត្រភាព​ដែល​ធ្លាប់​ត្រូវ​បាន​ចាត់​ទុក​ថា​ល្អ​បំផុត​មួយ ជាង​ប្រទេស​ពីរ​ទៀត (​ថៃ និង​វៀតណាម)​ នេះ​ឈាន​ដល់​ទី​បញ្ចប់​។

តាម​រយៈ​ព័ត៌មាន និង​របាយការណ៍​ពី​ភាគី​កម្ពុជា​ កង​ទ័ព​លាវ​​បាន​ចូល​មក​បោះ​ទី​តាំង​នៅ​អូរ​តា​ង៉ាវ ស្រុក​សៀង​ប៉ាង ត្រង់​ចំណុច​ប្រទល់​ដែន​ខេត្ត​ស្ទឹង​ត្រែង និង​អាចម៍​ក្រពើ​របស់​លាវ​​។ របាយការណ៍​បាន​បង្ហាញ​ឲ្យ​ដឹង​ទៀត​ថា កម្ពុជា​បាន​ផ្ញើ​ការ​តវ៉ា និង​កំណត់​ទូត​ជា​ច្រើន​ដង​ទៅ​ភាគី​លាវ ដើម្បី​ឲ្យ​ដក​កង​ទ័ព​ចេញ​ពី​ចំណុច​នោះ រួម​ទាំង​​លិខិត​មួយ​ទៀត​របស់​លោក​នាយក​រដ្ឋមន្ត្រី​ខ្មែរ ចុះ​ថ្ងៃ​ទី​២ ខែ​សីហា ឆ្នាំ​២០១៧​។

«… ស្ដី​ពី​តំបន់​អូរ​តាង៉ាវ​នេះ ខ្ញុំ​សូម​ជម្រាប​ជូន​ថា ភាព​ស្រប​ច្បាប់​នៃ​អធិបតេយ្យ​ភាព​កម្ពុជា​នៅ​តំបន់​នេះ ត្រូវ​បាន​រដ្ឋាភិបាល​ឯក​ឧត្ដម​បាន​ទទួល​ស្គាល់​រួច​ហើយ​តាម​រយៈ​ផែន​ទី​បោះ​ពុម្ព​ដោយ​ក្រុម​ភូមិ​សាស្ត្រ​រដ្ឋ (SERVICE GEOGRAPHIQUE D’ETAT) ផ្ទាំង B SOMPOY លេខ D-48-XCII Edition 1987 ខ្នាត ១/២០០ ០០០ ដែល​បាន​តម្កល់​ទុក​នៅ​វិទ្យាស្ថាន​ភូមិ​សាស្ត្រ​ជាតិ​បារាំង (IGN) នា​ថ្ងៃ​ទី​០២/០៦/១៩៩២ (​ឧបសម្ព័ន្ធ​៤)​។ ទាំង​នេះ បាន​បញ្ជាក់​បន្ថែម​យ៉ាង​ច្បាស់​ទៀត​ថា តំបន់​អូរ​តាង៉ាវ​ស្ថិត​ក្នុង​បូរណភាព​ទឹក​ដី​កម្ពុជា ដូច​មាន​ក្នុង​ផែន​ទី​ Bonne ខ្នាត ១/១០០ ០០០ របស់​ក្រុម​ភូមិ​សាស្ត្រ​ឥណ្ឌូ​ចិន ដែល​ភាគី​ទាំង​ពីរ​យក​ធ្វើ​ជា​មូល​ដ្ឋាន​ក្នុង​ការ​បោះ​បង្គោល​ព្រំ​ដែន​រវាង​ប្រទេស​ទាំង​ពីរ​ដែល​សម្រេច​បាន​លទ្ធផល​៨៦​% ដូច​បាន​បង្ហាញ​ជូន​ខាង​លើ​។​»​… លិខិត​លោក​នាយក​រដ្ឋមន្ត្រី​ខ្មែរ​ផ្ញើ​ជូន​លោក​នាយក​រដ្ឋមន្ត្រី​​លាវ​ថ្លែង​។

តាម​រយៈ​ចំណាត់​ការ​នេះ​វា​បាន​បង្ហាញ​យ៉ាង​ច្បាស់​ពី​ភាព​តាន​តឹង​រវាង​ភាគី​ទាំង​ពីរ ដែល​អាច​ក្លាយ​ជា​ភាព​ផុយ​ស្រួយ​មួយ​នៃ​ទំនាក់​ទំនង​មិត្រភាព​យូរ​អង្វែង​ផង​ដែរ ជា​ពិសេស​ភាព​​ល្អិត​ល្អន់​នៃ​បញ្ហា​ព្រំ​ដែន​​។ ក្រៅ​អំពី​ចំណាត់​ការ​នេះ តាម​រយៈ​លោក​នាយក​រដ្ឋ​មន្ត្រី​ខ្មែរ កង​ទ័ព​កម្ពុជា​​ក៏​នឹង​ត្រូវ​ដឹក​ជញ្ជូន​ទៅ​កាន់​តំបន់​ព្រំដែន​ខ្មែរ​លាវ ហើយ​នៅ​ថ្ងៃ​ស្អែក​ទៀត​លោក​នាយក​រដ្ឋមន្ត្រី​ខ្មែរ​ក៏​នឹង​ធ្វើ​ដំណើរ​ទៅ​កាន់​ទី​ក្រុង​វៀង​ចន្ទន៍​ ប្រទេស​លាវ ដើម្បី​ជួប​ចរចា​ជាមួយ​សម​ភាគី​អំពី​រឿង​នេះ​​ផង​ដែរ​។

ឬ​ថា​ទំនាក់​ទំនង​កម្ពុជា​-​លាវ​ឈាន​ដល់​ទី​បញ្ចប់​ហើយ​!?

អាន​ព័ត៌មាន​បន្ថែម​៖

  1. កម្ពុជា ផ្ញើលិខិតទៅឡាវ ឲ្យដកកងទ័ពចេញ ពីទឹកដីកម្ពុជាបន្ទាន់
  2. សម្ដេចតេជោ នឹងវាយបំបាក ឆ្អឹងខ្នង អ្នកណានៅពី ក្រោយឡាវ រំលោភទឹកដីខ្មែរ
  3. កងទ័ពសមរភូមិមុខ នឹងចាប់ផ្តើមចេញដំណើរ ឆ្ពោះទៅកាន់ព្រំដែន កម្ពុជា ឡាវ នៅយប់នេះ ឆ្លងកាត់រាជធានីភ្នំពេញ (មានវីដេអូ)
  4. ក្រសួងការបរទេស ចេញសេក្តីប្រកាស ព័ត៌មានផ្លូវការអំពី សម្តេចតេជោ ទៅចរចាជាមួយ នាយករដ្ឋមន្រ្តីឡាវ
  5. សម្តេចតេជោ ឲ្យត្រៀមចល័តកងទ័ព នៅតាមព្រំដែន កម្ពុជា-ឡាវ
  6. នាយករដ្ឋមន្រ្តីកម្ពុជា អំពាវនាវឲ្យឡាវ ដកកងទ័ព ចេញពីព្រំដែន ត្រឹម៦ថ្ងៃ
  7. នាយករដ្ឋមន្ត្រីកម្ពុជា នឹងទៅឡាវថ្ងៃស្អែក ដើម្បីដោះស្រាយបញ្ហាព្រំដែន ជាលើកចុងក្រោយ
  8. កម្ពុជាផ្ញើលិខិតទៅឡាវ ឲ្យដកកងទ័ពចេញ ពីទឹកដីកម្ពុជាបន្ទាន់ចៀសវាង ផ្ទុះអាវុធដាក់គ្នា
  9. កម្ពុជាបបួលឡាវ ឡើងតុលាការទីក្រុងឡាអេ បើមិនច្បាស់ បូរណភាពទឹកដីខ្លួន
  10. សម្តេចតេជោ ទុកឲ្យភាគីឡាវ៦ថ្ងៃ ដកកងទ័ពចេញពីទឹកដីកម្ពុជា ដោយគ្មានលក្ខខណ្ឌ
  11. សម្ដេចតេជោ នឹងទៅជួបនាយករដ្ឋមន្ដ្រី ឡាវ និយាយគ្នាឲ្យដកកងទ័ពចេញពីព្រំដែននៅខេត្តស្ទឹងត្រែង
Advertisements

មតិ»

1. កម្ពុជា​លាវ ប្រក្រតី​ភាព​​ឡើង​វិញ | ស្រែ​ខ្មុក - ថ្ងៃសុក្រ 18 ខែសីហា 2017

[…] __________________________________________________________ អាន​ផង​ដែរ​៖ ១. ឬ​ថា​ទំនាក់​ទំនង​កម្ពុជា​-​លាវ​ឈាន… […]


ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: