jump to navigation

ស្ថាបត្យករ​ដ៏​​ល្បាញ​ល្បី​នៃ​កម្ពុជា វណ្ណ មូលីវណ្ណ ទទួល​មរណភាព ថ្ងៃ​ព្រហស្បតិ៍ 28 ខែកញ្ញា 2017

Posted by សុភ័ក្ត្រ in បុគ្គល​សំខាន់, មរណភាព.
trackback

បុគ្គល​ម្នាក់​ដែល​ធ្វើ​ឲ្យ​វិស័យ​សំណង់​កម្ពុជា​ក្រោយ​អាណានិគម​ល្បី​សុះ​សាយ​ទូទាំង​ពិភព​លោក​ វណ្ណ ម៉ូលីវណ្ណ បាន​ទទួល​មរណភាព​ហើយ​នា​ព្រឹក​ថ្ងៃ​ព្រហស្បតិ៍ ទី​២៨ ខែ​កញ្ញា ឆ្នាំ​២០១៧​ នេះ​។ លោក​ វណ្ណ មូលីវណ្ណ គឺ​ជា​បុគ្គល​ម្នាក់​ឈាន​មុខ​រួម​ជា​មួយ​ស្ថាបត្យករ​ផ្សេង​ៗ​ទៀត សម័យ​សង្គម​រាស្ត្រ​និយម​ដ៏​រុង​រឿង បាន​បង្ហាញ​អំពី​អត្ត​សញ្ញាណ​ជាតិ​ខ្មែរ​សម័យ​ទំនើប ដែល​រហូត​មក​ដល់​បច្ចុប្បន្ន​មិន​ទាន់​មាន​កូន​ខ្មែរ​ណា​ម្នាក់​សាង​ស្នាដៃ​ដូច​រូប​លោក​បាន​ទេ​។

កើត​នៅ​ឆ្នាំ​១៩២៦ ឯ​ស្រុក​រាម ខេត្ត​កំពត លោក វណ្ណ ម៉ូលីវណ្ណ បាន​គូរ​ប្លង់​ស្ថាបនា​​អាគារ​ល្បី​ៗ​ជា​ច្រើន​នៅ​កម្ពុជា ជា​ពិសេស​នៅ​ទីក្រុង​ភ្នំពេញ។ នៅ​ទី​នោះ ស្នាដៃ​របស់​លោក ឈរ​យ៉ាង​សង្ហា​ប្រដុំ​ប្រសង​គ្នា​ជាមួយ​នឹង​សំណង់​អាគារ​បុរាណ​ៗ វត្ត​អារាម និង​សំណល់​ពី​សម័យ​អាណានិគម​។ ស្នាដៃ​សំខាន់​ៗ​របស់​លោក​មាន សាល​សន្និសីទ​ចតុម្មុខ អាគារ​គណៈ​រដ្ឋមន្ត្រី ។ល។ លោក​ក៏​បាន​គូរ​ប្លង់​វត្ត​អារាម និង ស្ថាន​ទូត​ខ្មែរ​នៅ​បរទេស​ជា​ច្រើន​ផង​ដែរ។

លោក វណ្ណ ម៉ូលីវណ្ណ បានទទួល​មរណ​ភាព​នៅ​វេលា​ម៉ោង​​៩ និង​ ៤៥ ​នាទី​​ ព្រឹក​ថ្ងៃ​​ព្រហស្បតិ៍ ទី​២៨ ​ខែ​កញ្ញា ឆ្នាំ​២០១៧ ​ក្នុងអា​យុ​​៩១​ឆ្នាំ​។ ពិធី​បុណ្យ​សពរបស់​ស្ថាបត្យករ​ខ្មែរដ៏​ល្បី​ល្បាញ​រូប​នេះ ធ្វើឡើង​នៅក្នុង​គេហ​ដ្ឋាន​របស់​លោកព្រឹទ្ធា​ចារ្យ ស្ថិត​ក្នុង​ភូមិ​មណ្ឌល​៣ សង្កាត់​ស្លក្រាម ​ក្រុង​សៀម​រាប​ ខេត្តសៀមរាប។

ព្រះ​ករុណា ព្រះបាទ​សម្តេច ព្រះបរមនាថ នរោត្តម សីហមុនី បាន​ត្រាស់បង្គាប់​ឲ្យ​សម្តេច​ចៅហ្វា​វាំង វរវៀងជ័យ អធិបតីស្រីង្គារ​ គង់ សំអុល ​ប្រធាន​គណៈកម្មការ​រៀបចំ​បុណ្យជាតិ ចាត់ចែង​រៀបចំ​ពិធីបុណ្យ​របស់​ស្ថាបត្យករ​ខ្មែរ​ដ៏​ល្បីល្បាញ និង​ជា​ឧ​ត្ត​ម​ទីប្រឹក្សា​ព្រះមហាក្សត្រ​ផង​នោះ ឲ្យ​បាន​ថ្លៃថ្នូរ​៕

អាន​ប្រវត្តិ​ពិស្ដារ ចុច​ទី​នេះ​

____________________________________________
អាន​ផង​ដែរ
១. ស្ថាបត្យករ​ដ៏​អស្ចារ្យ​បារម្ភ​អំពី​អនាគត​របស់​ក្រុង
២. វណ្ណ មូលីវណ្ណ និង​ស្ថាបត្យកម្ម​ខ្មែរ​ថ្មី
៣. ពិធី​សម្ពោធ​មហោស្រព​ជាតិ «​ព្រះ​សុរាម្រិត​»
៤. ៨៨​ឆ្នាំ​នៃ​បុគ្គល​ដែល​ត្រូវ​បាន​គេ​បំភ្លេច​ចោល

Advertisements

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: