jump to navigation

មរណភាព​នៃ​ «​ឯកភាព​» ជាតិ​ខ្មែរ ថ្ងៃ​ព្រហស្បតិ៍ 16 ខែវិច្ឆិកា 2017

Posted by សុភ័ក្ត្រ in នយោបាយ, បរិយាយ​ថ្ងៃ​នេះ, ប្រវត្តិសាស្ត្រ, អំពីស្រុកខ្មែរ.
19 comments

ថ្ងៃ​នេះ (​១៦ វិច្ឆិកា​ ២០១៧​) ពិត​ប្រាកដ គឺ​ជា​ប្រវត្តិ​សាស្ត្រ​មួយ​សម្រាប់​ប្រទេស​កម្ពុជា នោះ​គឺ​ការ​រំលាយ​ចោល​គណបក្ស​ដ៏​ល្បី​មួយ​គឺ «​គណបក្ស​សង្គ្រោះ​ជាតិ​» ព្រម​ទាំង​ការ​ហាម​ប្រាម​បុគ្គល​ដែល​ពាក់​ព័ន្ធ​នឹង​គណបក្ស​នេះ ជាង​១០០​រូប​ទៀត មិន​ឲ្យ​ប្រឡូក​ក្នុង​នយោបាយ តាម​ច្បាប់​គណបក្ស ដែល​បាន​តាក់​តែង​ថ្មី​ៗ​នេះ ដោយ​យក​គំរូ​ប្រទេស​ថៃ​។ តុលាការ​កំពូល​នៃ​ព្រះ​រាជាណាចក្រ​កម្ពុជា បាន​សម្រេច​រំលាយ​គណបក្ស​នេះ ជា​ស្ថាពរ ព្រម​ទាំង​បិទ​ផ្លូវ​តវ៉ា​ផង​។

ការ​សម្រេច​រហូត​ឈាន​ដល់​រំលាយ​គណបក្ស ដែល​ទទួល​បាន​ការ​គាំទ្រ​យ៉ាង​ឆាប់​រហ័ស​ពី​ប្រជាជន​កម្ពុជា​ទូទៅ​រហូត​ស្ទើរ​ពាក់​កណ្ដាល​ប្រទេស​នេះ ត្រូវ​បាន​គេ​លើក​ហេតុ​ផល​ពី​ការ​ឃុប​ឃិត​ជា​មួយ​បរទេស (​អាមេរិក​) ឬ​ «​ក្បត់​ជាតិ​» ពី​សំណាក់​អ្នក​ដឹក​នាំ​គណបក្ស​នេះ ក៏​ដូច​ជា​គណបក្ស​នេះ​ទាំង​មូល ក្នុង​ការ​ប៉ុន​ប៉ង​រំលំ​រាជ​រដ្ឋាភិបាល​បច្ចុប្បន្ន (​Sic)។ ប៉ុន្តែ​ទោះ​បី​ជា​យ៉ាង​នេះ​ក្ដី មជ្ឈដ្ឋាន​ប្រជា​ជន​ជាច្រើន រួម​ទាំង​ប្រទេស​នានា​ជុំ​វិញ​ពិភព​លោក​ផង បាន​ចោទ​ថា​ជា​រឿង «​នយោបាយ​» ទៅ​វិញ​។

ចំណាត់​ការ​របស់​តុលាការ​នា​ថ្ងៃ​នេះ បាន​បង្ហាញ​​ពី​បរាជ័យ​នៃ​ «​ឯកភាព​» ជាតិ​ខ្មែរ នោះ​គឺ​ការ​ផាត់​ចោល​នូវ​ភាគី​មួយ​ក្រុម​ទៀត ពី​ឆាក​នយោបាយ​ខ្មែរ ដោយ​រាប់​ចាប់​តាំង​ពី​មាន​បញ្ហា​ ការ​ចោទ​ប្រកាន់ និង​ការ​ចាប់​ខ្លួន​ប្រធាន​បក្ស លោក កឹម សុខា ទាំង​កណ្ដាល​អាធ្រាត​មក រហូត​ដល់​ថ្ងៃ​នេះ គេ​មិន​ទាន់​ឃើញ​មាន​ការបើក​ផ្លូវ សម្រប​សម្រួល​នយោបាយ​ណា​មួយ ក្នុង​ការ​ស្វែង​រក​យុទ្ធ​សាស្ត្រ​ដោះ​ស្រាយ ឬ​អ្វី​ដែល​ហៅ​ថា យុទ្ធ​សាស្ត្រ «​ឈ្នះ​-ឈ្នះ​» ពី​ «​អាជ្ញា​កណ្ដាល​» ឬ «​ភាគី​ពាក់​ព័ន្ធ​» នោះ​ឡើយ ក្រៅ​អំពី​ការ​ខិត​ខំ​ស្វែង​រក​ការ​ដាក់​បន្ទុក​បន្ថែម​។ ឬ​ថា​កម្ពុជា ពី​ដើម​មក​មិន​ដែល​មាន «​ឯកភាព​» ជាតិ​ទេ​។

ការ​រំលាយ​គណបក្ស​សង្គ្រោះ​ជាតិ​នា​ថ្ងៃ​នេះ ចង់​មិន​ចង់​ ពិត​ជា​ធ្វើ​ឲ្យ​ស្ថានការណ៍​នយោបាយ​របស់​កម្ពុជា​មាន​ការ​តាន​តឹង ជា​ពិសេស​ជាមួយ​ប្រទេស​ជា​មិត្រ រួម​ទាំង​ប្រជាជន​កម្ពុជា​មួយ​ចំនួន​ធំ​ផង បើ​ទោះ​បី​មួយ​រយៈ​ពេល​នេះ ពួក​គេ (​ប្រជាជន​កម្ពុជា​) មិន​បាន​បង្ហាញ​ ឬ​បញ្ចេញ​ឲ្យ​ឃើញ​ជា​ដុំ​កំភួន​ក្ដី​។

សន្ដិភាព​ដែល​មាន​ពិត​សម្រាប់​កម្ពុជា គួរ​រាប់​បញ្ចូល​ពី​ឯកភាព​ជាតិ ហើយ​គ្រប់​ភាគី​គួរ​ត្រូវ​បាន​លើក​ទឹក​ចិត្ត​ឲ្យ​ចូល​រួម​ចំណែក​ក្នុង​ការ​កសាង​ មាតុភូមិ «​ដ៏​កម្សត់​» នេះ​!

_______________________________________________________________
អាន​ផង​ដែរ​៖
១. គណបក្ស «​សង្គ្រោះ​ជាតិ​» ទំនង​ជា​ក្ដី​សង្ឃឹម​ថ្មី​របស់​ប្រជាជន​កម្ពុជា
២. ​ដំណើរ​ថយ​ក្រោយ​នៃ​លទ្ធិ​ប្រជាធិបតេយ្យ​នៅ​កម្ពុជា
៣. «ក្ដី​សង្ឃឹម​ថ្មី​» របស់​ពល​រដ្ឋ​កម្ពុជា​ត្រូវ​រលាយ
៤. ឯកសារ​ប្រវត្តិសាស្ត្រ​៖ សាល​ដីកា​រំលាយ​គណបក្ស​សង្គ្រោះ​ជាតិ
៥. ឯកសារ​ប្រវត្តិសាស្ត្រ​៖ បញ្ជី​ឈ្មោះ​ថ្នាក់​ដឹក​នាំ​គណបក្ស​សង្គ្រោះ​ជាតិ​ចំនួន​១១៧​រូប ដែល​ត្រូវ​បាន​ហាម​ឃាត់​សិទ្ធិ​ធ្វើ​នយោបាយ
៦. ឯកសារ​ប្រវត្តិសាស្ត្រ​៖ ប្រកាស​ស្ដី​ពី​ការ​លុប​ឈ្មោះ​គណបក្ស​សង្គ្រោះ​ជាតិ ចេញ​ពី​បញ្ជី​គណបក្ស​នយោបាយ
៧. ឯកសារ​ប្រវត្តិសាស្ត្រ​៖ លិខិត​បដិសេធ​​​មិន​ទទួល​យក​អសនៈ​របស់​គណបក្ស​សង្គ្រោះ​ជាតិ នៃ​​គណបក្ស​សម្ព័ន្ធ​ដើម្បី​ប្រជា​ធិបតេយ្យ, ​គណបក្ស​ប្រជាធិបតេយ្យ​មូល​ដ្ឋាន និង​គណបក្ស​ខ្មែរ​ឈប់​ក្រ
៨. ឯកសារ​ប្រវត្តិសាស្ត្រ​៖ រដ្ឋសភា​ប្រកាស​សុពល​ភាព (​តំណាង​រាស្រ្ដ) ​ថ្មីចំនួន​៤៤​រូប
៩. [តំណាង​រាស្ត្រ]
១០. ឯកសារ​ប្រវត្តិសាស្ត្រ​៖ បញ្ជី​ឈ្មោះ​គណបក្ស​ដែល​ទទួល​យក​អសនៈ​របស់​គណបក្ស​សង្គ្រោះ​ជាតិ
១១. ឯកសារ​ប្រវត្តិសាស្ត្រ​៖ សហគមន៍​អឺរ៉ុប និង​ការ​ផ្អាក​ជំនួយ​ចំពោះ​ស្ថាប័ន​គជប
១២. ឯកសារ​ប្រវត្តិសាស្ត្រ​៖ សេចក្ដី​ថ្លែង​ការណ៍​របស់​គជប តប​បឹង​សហ​ភាព​អឺរ៉ុប
១៣. ឯកសារ​ប្រវត្តិសាស្ត្រ​៖ សេចក្ដី​ថ្លែង​ការណ៍​របស់​ព្រឹទ្ធ​សភា នៃ​ព្រះ​រាជាណាចក្រ​កម្ពុជា
១៤. ឯកសារ​ប្រវត្តិសាស្ត្រ​៖ សេចក្ដី​ថ្លែង​ការណ៍​របស់​រដ្ឋ​​សភា នៃ​ព្រះ​រាជាណាចក្រ​កម្ពុជា
១៥. ឯកសារ​ប្រវត្តិសាស្ត្រ​៖ លិខិត​របស់​រដ្ឋមន្ត្រី​ក្រសួង​ពាណិជ្ជកម្ម
១៦. ឯកសារ​ប្រវត្តិសាស្ត្រ​៖ លិខិត​តវ៉ា​របស់​ស្ថាន​បេសក​កម្ម​​នៃ​ព្រះ​រាជាណាចក្រ​កម្ពុជា ប្រចាំ​អង្គ​ការ​សហ​ប្រជាជាតិ
១៧. ឯកសារ​ប្រវត្តិសាស្ត្រ​៖ អាល្លឺម៉ង់ ​ព្យួរ​ការ​ផ្តល់​ទិដ្ឋាការ​អនុគ្រោះ​ ចំពោះ​សមាជិក​រដ្ឋាភិបាល​កម្ពុជា
១៨. ឯកសារ​ប្រវត្តិសាស្ត្រ​៖ ក្រសួង​ការ​បរទេស​កម្ពុជា ​សម្ដែង​ការ​សោក​ស្ដាយ​ចំពោះ​ការ​ផ្អាក​ផ្ដល់ ទិដ្ឋាការតាម​លក្ខខណ្ឌ​ពិសេស​ចំពោះ​មន្រ្ដី​ជាន់​ខ្ពស់​កម្ពុជារបស់ សាធារ​ណ​រដ្ឋ​សហ​ព័ន្ធ​អាល្លឺម៉ង់

Advertisements
%d bloggers like this: