jump to navigation

ឥណ្ឌូណេស៊ី​​បិទ​​ជា​ផ្លូវ​ការ កីឡា​អាស៊ី លើក​ទី​១៨ ចាការតា ប៉ាឡែមបាង ២០១៨ ថ្ងៃអាទិត្យ 2 ខែកញ្ញា 2018

Posted by សុភ័ក្ត្រ in កីឡា, កីឡា​អាស៊ី​១៨.
5 comments

នានាប្រទេស៖ ក្រុងចាការតា, ប្រទេស​ឥណ្ឌូណេស៊ី – រាត្រី​ថ្ងៃ​អាទិត្យ (២ កញ្ញា ២០១៨​) នេះ ប្រទេស​ឥណ្ឌូណេស៊ី​​បាន​បិទ​ជា​ផ្លូវ​ការ​យ៉ាង​អស្ចារ្យ​សម្រាប់​ការ​ប្រកួត​កីឡា​ថ្នាក់​តំបន់ អាស៊ី គ្រា​ទី​១៨ ដែល​ប្រារព្ធ​​ពិធី​បើក​តាំង​ពី​ថ្ងៃ​ទី​១៨ ខែ​សីហា ឆ្នាំ​២០១៨ នោះ​មក​។

សម្រាប់​ការ​ប្រកួត​កីឡា​អាស៊ី​គ្រា​នេះ ប្រទេស​កម្ពុជា បាន​បង្កើត​ប្រវត្តិសាស្ត្រ​ថ្មី​របស់​ខ្លួន​ជា​ថ្មី​ម្ដង​ទៀត​​ដោយ​បាន​ទទួល​មេដាយ​មាស​ចំនួន​២ ដោយ​មួយ​ទទួល​បាន​ពី​ប្រភេទ​​កីឡា​​ជឺជីតស៊ូ​ និង​មួយ​ទៀត​ពី​ប្រភេទ​កីឡា​ម៉ូតូ​ទឹក និង​មេដាយ​សំរឹទ្ធ​មួយ​មក​ពី​ប្រភេទ​កីឡា​ទឹក​នេះ​ផង​ដែរ​។

ជា​ថ្មី​ម្ដង​ទៀត មហា​យក្ខ​ចិន​គឺ​ជា​ប្រទេស​ដែល​ទទួល​បាន​មេដាយ​ច្រើន​ជាង​គេ​បំផុត រហូត​ដល់​ទី​២៨៩ (​១៣២​មាស​)​, បន្ត​ដោយ​ប្រទេស​ជប៉ុន ២០៥ (​៧៥​មាស​), ប្រទេស​កូរ៉េ​ខាង​ត្បូង ១៧៧ (​៤៩​មាស​), ប្រទេស​ម្ចាស់​ផ្ទះ​​ឥណ្ឌូណេស៊ី​ស្ថិត​ក្នុង​លំដាប់​លេខ​៤ ដោយ​ទទួល​បាន​មេដាយ​សរុប​៩៨ (​៣១​មាស​)​​។ ប្រទេស​កម្ពុជា​យើង​ស្ថិត​នៅ​​លំដាប់​ទី​២៤ (កើន​ឡើង​៤​លេខ​ពី​កីឡា​អាស៊ី​លើក​ទី​១៧​)។

ទី​ក្រុង​ហាងចូវ​របស់​ប្រទេស​ចិន នឹង​ទទួល​ធ្វើ​ជា​ម្ចាស់​ផ្ទះ​សម្រាប់​ការ​ប្រកួត​កីឡា​អាស៊ី លើក​ទី​១៩ នៅ​ឆ្នាំ​២០២២ ខាង​មុខ​នេះ​៕

លទ្ធផល​ប្រទេស​ដែល​ទទួល​មេដាយ​ច្រើន​ជាង​គេ ប្រាំ​ប្រទេស៖

មើល​តារាង​ប្រទេស​ទទួល​មេដាយ​សរុប​នៅ​ទី​នេះ

ពិធី​បិទ​ការ​ប្រកួត​កីឡា​អាស៊ី លើក​ទី​១៨ ចាការតា ប៉ាឡែមបាង ២០១៨

___________________________________________________
អាន​ផង​ដែរ​៖
១. កីឡា​អាស៊ី ឆ្នាំ​២០១៨
២. ឥណ្ឌូណេស៊ី​​បើក​ជា​ផ្លូវ​ការ កីឡា​អាស៊ី លើក​ទី​១៨ ចាការតា ប៉ាឡែមបាង ២០១៨
៣. កម្ពុជា​បើក​ឆាក​មេដាយ​មាស​នៅ​កីឡា​អាស៊ី លើក​ទី​១៨
៤. កម្ពុជា​បាន​មេដាយ​មាស១ និង​សំរឹទ្ធ​១ ទៀត​នៅ​កីឡា​អាស៊ី​ថ្ងៃ​នេះ
៥. ម្ចាស់​ផ្ទះ​ឥណ្ឌូណេស៊ី​នាំ​មុខ​មេដាយ សម្រាប់​ប្រទេស​អាស៊ាន​នៅ​​កីឡា​អាស៊ី លើក​ទី​១៨ ចាការតា ប៉ាឡែមបាង ២០១៨

Advertisements
%d bloggers like this: