jump to navigation

Repost : អំពី​អាគុយ ថ្ងៃអង្គារ 25 ខែ​កុម្ភៈ 2020

Posted by សុភ័ក្ត្រ in អំពីសុភ័ក្ត្រ.
add a comment

ពី​ដើម​ៗ​ម៉ិញ មុន​ពេល​ដែល​ភូមិ​ខ្ញុំ​មាន​បណ្ដាញ​អគ្គីសនី​ (​ឯកជន​) ប្រើ​ប្រាស់ ពួក​យើង​នៅ​​មាន​អាគុយ​សម្រាប់​ប្រើ​ប្រាស់​បំភ្លឺ​ផង​នា​ពេល​រាត្រី​។ ការ​ប្រើ​ប្រាស់​អាគុយ​នៅ​គ្រា​នោះ គឺ​សម្រាប់​នៅ​ពេល​ទទួល​ទាន​អាហារ​ពេល​ល្ងាច ដោយ​ភ្ជាប់​វា​ទៅ​នឹង​អំពូល​ម៉ែត្រ​៣​តឹក​មួយ គ្រាន់​ជា​ជំនួយ​ឲ្យ​ភ្លឺ​។ ក្រោយ​ៗ​មក​នៅ​ពេល​ផ្ទះ​ខ្ញុំ​មាន​ទូរទស្សន៍ ត្រូវ​បន្ថែម​អាគុយ​មួយ​គ្រឿង​ទៀត សម្រាប់​ចាប់​ជាមួយ​ទូរទស្សន៍ ដ្បិត​មួយ​មិន​គ្រប់​ភ្លើង​ទេ​។ ការ​ប្រើ​អាគុយ​ភ្ជាប់​ជាមួយ​នឹង​ទូរទស្សន៍​នេះ គឺ​ក្រោយ​ពី​បាយ​ល្ងាច​រួច​រហូត​ដល់​ម៉ោង​ប្រមាណ​៩​យប់​។

ការ​ប្រើ​ប្រាស់​អាគុយ​​នេះ គឺ​ចាប់​ភ្ជាប់​នឹង​ដង្កៀប​ពីរ បូក​និង​ដក ទៅ​គ្រឿង​ដែល​ប្រើ​ប្រាស់​។ អាគុយ​ខ្លះ​មាន​ក្បាល​ភ្ជាប់​២ អាគុយ​ខ្លះ​មាន​ច្រើន​ជាង​នេះ​។ ក្បាល​ភ្ជាប់​នេះ ពេល​ប្រើ​យូរ​ៗ​ទៅ​សឹក និង​មាន​សំណើម​ទឹក​អាស៊ីត​កក​ជាប់​នឹង​ក្បាល​ផង​។

ពេល​ដែល​អាគុយ​អស់​ភ្លើង ខ្ញុំ​ត្រូវ​យក​ទៅ​ឲ្យ​ផ្ទះ​សាក​អាគុយ​ក្នុង​ភូមិ ដែល​មាន​ចម្ងាយ​ប្រមាណ​៣​គីឡូម៉ែត្រ​៕

អាគុយ (រូបតំណាង)

_______________________________________
អានផងដែរ៖
១. ត្បាល់កិនម្សៅ
២. គោសមួយក្បាល
៣. ស្វាយល្ហុងមួយដើម
៤. ដើមដូងទេរមួយដើម
៥. ដើមស្ពឺមួយដើម
៦. ដើមទៀបបាយ
៧. ដើមត្នោត
៨. ដើមសេដា
៩. ម្លូ
១០. ខ្នុរបាយស្រាមួយដើម
១១. ខ្នុរ​ណាំង​មុខ​ផ្ទះ
១២. ល្មុត
១៣. ខ្នោសកោសដូងរូបទន្សាយ

%d bloggers like this: