jump to navigation

មហាសង្ក្រាន្តថៃ ចុល្ល​សករាជ ១៣៨០ ថ្ងៃអង្គារ 10 ខែ​មេសា 2018

Posted by សុភ័ក្ត្រ in ภาษาไทย.
11 comments

 ประกาศสงกรานต์
จุลศักราช 1380 พุทธศักราช 2561*
ปีจอ สัมฤทธิศก จันทรคติเป็น อธิกมาส ปกติวาร สุริยคติเป็น ปกติสุรทิน
วันมหาสงกรานต์ ตรงกับ วันเสาร์ที่ 14 เมษายน เวลา 9 นาฬิกา 1 นาที 48 วินาที
จันทรคติ ตรงกับ วันเสาร์ แรม ๑๔ ค่ำ เดือนห้า(๕) ปีจอ

นางสงกรานต์นามว่า นางมโหธรเทวี ทรงพาหุรัด ทัดดอกสามหาว(ผักตบชวา) อาภรณ์แก้วนิลรัตน์ ภักษาหารเนื้อทราย
หัตถ์ขวาทรงจักร หัตถ์ซ้ายทรงตรีศูล เสด็จยืน มาเหนือหลังมยุรา(นกยุง) เป็นพาหนะ

เกณฑ์พิรุณศาสตร์

เกณฑ์พิรุณศาสตร์ ปีนี้ พุธ เป็นอธิบดีฝน บันดาลให้ฝนตก 600 ห่า
ตกในเขาจักรวาล 240 ห่า ตกในป่าหิมพานต์ 180 ห่า ตกในมหาสมุทร 120 ห่า ตกในโลกมนุษย์ 60 ห่า

เกณฑ์ธาราธิคุณ

เกณฑ์ธาราธิคุณ ชื่อ เตโช(ธาตุไฟ) น้ำน้อย อากาศยังร้อน

เกณฑ์นาคราชให้น้ำ

เกณฑ์นาคราชให้น้ำ ปีจอ นาคราชให้น้ำ 7 ตัว ทำนายว่า ฝนต้นปีน้อย กลางปีงาม แต่ปลายปีมากแล ฯ

เกณฑ์ธัญญาหารชื่อ ลาภะ ข้าวกล้าในนา จะได้ 10 ส่วน เสียเพียงส่วนเดียว ธัญญาหาร มังสาหารบริบูรณ์ ประชาชนทั้งหลายจะอยู่เย็นเป็นสุข ฯ

เถลิงศก จุลศักราช 1380

วันเถลิงศก ตรงกับ วันจันทร์ที่ 16 เมษายน เวลา 12 นาฬิกา 59 นาที 24 วินาที
จันทรคติ ตรงกับ วันจันทร์ ขึ้น ๒ ค่ำ เดือนหก(๖) ปีจอ

คำทำนาย

วันเสาร์ เป็นวันมหาสงกรานต์ : จะเกิดอันตรายกลางเมือง จะเกิดเพลิง และ โจรผู้ร้าย และ จะเจ็บไข้นักแล ฯ , วันอาทิตย์ เป็นวันเนา : ข้าวจะตายฝอย จะได้ยินเสียงคนต่างภาษา ท้าวพระยาจะร้อนใจนักแล ฯ , วันจันทร์ เป็นวันเถลิงศก : พระราชเทวี และหมู่นางสนม ราชบริพาร จะประกอบไปด้วยสุขและสมบัติทั้งปวง , นางสงกรานต์ ยืน : จะเกิดความเดือดร้อนเจ็บไข้

ចំណាំ

  • *ថៃមិនបានផ្លាស់ប្ដូរពុទ្ធសករាជនៃរយៈពេលសង្ក្រាន្តទេ តែប្ដូរនៅថ្ងៃទី០១ ខែមករា ឆ្នាំ២០១៩ ឯណោះ

__________________________________________________
អានផងដែរ
១. មហាសង្ក្រាន្តថៃ ចុល្ល​សករាជ ១៣៨១
២. មហាសង្ក្រាន្តថៃ ពុទ្ធសករាជ ๒๕๖๐
៣. មហាសង្ក្រាន្តថៃ ពុទ្ធសករាជ ๒๕๕๙
៤. មហាសង្ក្រាន្តថៃ ពុទ្ធសករាជ ๒๕๕๘
៥. មហាសង្ក្រាន្តថៃ ពុទ្ធសករាជ ๒๕๕๗
៦. មហាសង្ក្រាន្តថៃ ពុទ្ធសករាជ ๒๕๕๖
៧. មហាសង្ក្រាន្តថៃ ពុទ្ធសករាជ ๒๕๕๕
៨. មហាសង្ក្រាន្តថៃ ពុទ្ធសករាជ ๒๕๕๔
៩. មហាសង្ក្រាន្តថៃ ពុទ្ធសករាជ ๒๕๕๓
១០. មហាសង្ក្រាន្តថៃ ពុទ្ធសករាជ ๒๕๕๒
១១. មហាសង្ក្រាន្តថៃ ពុទ្ធសករាជ ๒๕๕๑
១២. មហាសង្ក្រាន្តថៃ ពុទ្ធសករាជ ๒๕๕๐

Advertisements

ថៃ​ចេញ​កាស​គំរូ​ថ្មី សម្រាប់​ រជ្ជកាល​រាមា​ទី​១០ ថ្ងៃអង្គារ 3 ខែ​មេសា 2018

Posted by សុភ័ក្ត្រ in ภาษาไทย.
2 comments

នានាប្រទេស៖ ក្រុងទេពមហានគរ, ស្យាមប្រទេស – កាល​ពី​ថ្ងៃ​ទី​២៩ ខែ​មីនា ឆ្នាំ​២០១៨ កន្លង​មក​នេះ «​ក្រុម​ធនារក្ស​» របស់​ប្រទេស​ថៃ បាន​បង្ហាញ​ឲ្យ​ដឹង​ពី​ការ​ដាក់​ចេញ​ឲ្យ​ប្រើ​ប្រាស់​នូវ​គំរូ​ឈុត​ថ្មី​នៃ «​កាស​» រូប​បែប​ថ្មី​សម្រាប់​រជ្ជកាល​នៃ​ព្រះ​មហា​ក្សត្រិយ៍​អង្គ​ថ្មី សម្ដេចព្រះចៅយូហួមហាវជិរាលង្ករណ បតិន្ទ្រទេព្យវរាង្កូរ ឬ​រាមា​ទី​១០​។ នេះ​គឺ​ជា​ការ​វិវត្ត​ថ្មី​មួយ​ទៀត សម្រាប់​អត្ត​សញ្ញាណ​នៃ​ការ​ប្រើ​ប្រាស់​​ការ​ចាយ​វាយ​នៅ​ប្រទេស​ថៃ​។

សម្រាប់​កាស​ថ្មី​ដែល​មាន​ប្រាកដ​ព្រះ​បរម​ឆាយា​លក្ខណ៍​ព្រះ​មហា​ក្សត្រិយ៍​ថ្មី​របស់​ថៃ ហើយ​ដែល​នឹង​ត្រូវ​ដាក់​ឲ្យ​ចរាចរ​នៅ​ថ្ងៃ​ទី​៦ ខែ​មេសា សប្ដាហ៍​ខាង​មុខ​នេះ មាន​​៩​ប្រភេទ​តម្លៃ ដែល​ក្នុង​នោះ​មាន​ប្រភេទ ១០​បាទ​, ៥​បាទ​, ២​បាទ​, ១​បាទ​, ៥០​ស្ដាង្គ (​ឬ​៥០​កាក់​ខ្មែរ​)​, ២៥​ស្ដាង្គ​, ១០​ស្ដាង្គ​, ៥​ស្ដាង្គ​, និង​១​ស្ដាង្គ​​។

ចំពោះ​ការ​រចនា​កាស​ទាំង​៩​ប្រភេទ​នោះ​វិញ នៅ​ខាង​មុខ​នៃ​កាស​នីមួយ​ៗ នៅ​ចំ​កណ្ដាល​មាន​ព្រះ​បរម​រូប​ព្រះ​មហា​ក្សត្រិយ៍​អង្គ​ថ្មី រាមា​ទី​១០ បែរ​ព្រះ​ភ័ក្ត្រ​មក​ខាង​ស្ដាំ​ ទ្រង់​ឆ្លង​ព្រះ​អង្គ​ពេញ​យស​ទាហាន​មហាតលិក​រក្សា​ព្រះ​អង្គ​នៃ​ព្រះ​បាទ​សម្ដេច​ព្រះ​ចុល​ចម​ក្លៅ​ចៅ​យូហួ ឆ្លង​ព្រះ​អង្គ​ផាយ​មហា​ចក្រី​បរម​រាជ​វង្ស​។ ទ្រង់​គ្រឿង​ខត្តិយ​រាជ​ឥស្សរិយាភរណ៍​ដែល​ជា​ព្រះ​កិត្តិ​រុង​រឿង​នៃ​មហា​ចក្រី​បរម​រាជ​វង្ស និង​​គ្រឿង​ឥស្សរិយយស​ចុល​ចម​ក្លៅ​។ នៅ​ខាង​ស្ដាំ​មាន​សរសេរ​ថា «มหาวชิราลงกรณ» ឬ​មាន​ន័យ​ជា​ខេមរ​ភាសា​ថា ​«មហា​វជិរាលង្ករណ​» ដែល​ជា​ព្រះ​នាម​ព្រះ​អង្គ និង​ខាង​ឆ្វេង​ថា «รัชกาลที่ 10» ដែល​មាន​ន័យ​ថា «​រជ្ជកាល​ទី​១០​»​។

គំរូ​កាស​ទាំង​៩​ប្រភេទ​តម្លៃ ដែល​នឹង​ដាក់​ចរាចរ​នា​សប្ដាហ៍​ខាង​មុខ​នេះ

នៅ​ផ្នែក​ខាង​ខ្នង​នៃ​កាស​ទាំង​អស់​វិញ នៅ​ចំកណ្ដាល​មាន​អក្សរ​ព្រះ​បរមាភិធេយ្យ วปร (កកន៖ ដែល​ជា​ព្រះ​នាម​កាត់​នៃ​ព្រះ​អង្គ វ.ប៉.រ.​) ស្ថិត​ក្រោម​ព្រះ​មហា​ពិជ័យ​មកុដ​។ នៅ​ខាង​លើ​មាន​សរសេរ​ថា «ประเทศไทย» ដែល​ប្រែ​សេចក្ដី​ថា «​ប្រទេស​ថៃ​» និង​ពាក្យ​ថា «พ.ศ.» ឬ​ «​ព.ស.​» និង​លេខ​នៃ​ឆ្នាំ​ពុទ្ធ​សករាជ​ដែល​ផលិត​កាស​នោះ​។ នៅ​ខាង​ក្រោម​វិញ​មាន​សរសេរ​ប្រាប់​ប្រភេទ​នៃ​តម្លៃ​ប្រភេទ​កាស​នីមួយ​ៗ​។​

សូម​បញ្ជាក់​ថា ក្រៅ​ពី​កាស​គំរូ​ថ្មី​នេះ កាល​ពី​ដើម​ខែ​មីនា ឆ្នាំ​២០១៨ កន្លង​ទៅ​នេះ​ផង​ដែរ រាជការ​ថៃ​ក៏​បាន​ចេញ​ប្រកាស​ស្ដី​អំពី​ការ​ដាក់​ឲ្យ​ចរាចរ​ធនបត្រ​គំរូ​ថ្មី មួយ​ឈុត​ធំ សម្រាប់​ប្រើ​ប្រាស់​ក្នុង​រជ្ជកាល​រាមា​ទី​១០​នេះ​ផង​ដែរ​៕

_________________________________________________________________
អាន​ផង​ដែរ៖
១. ថៃ​ចាត់​បោះ​ពុម្ព​តែមប្រិ៍​​ប្រៃសណីយ៍​ឈុត​ដំបូង​សម្រាប់​ព្រះ​មហា​ក្សត្រិយ៍​ថ្មី​ រាមា​ទី​១០
២. ថៃ​ចេញ​ធនបត្រ​ឈុត​ថ្មី ប្រាកដ​ព្រះ​បរម​ឆាយាល័ក្ខណ៍​រាមា​ទី​១០

 

ថៃ​ចង់​បាន​ «​ស​» ខ្មែរ​ប្រែ​ចង់​បាន «​ខ្មៅ​» ថ្ងៃចន្ទ 26 ខែ​មីនា 2018

Posted by សុភ័ក្ត្រ in បរិយាយ​ថ្ងៃ​នេះ, អំពីស្រុកខ្មែរ, ภาษาไทย.
1 comment so far

កាល​ពី​ព្រះ​រាជ​ពិធី​បុណ្យ​ព្រះ​បរម​សព នៃ​ព្រះករុណា ព្រះបាទសម្ដេចព្រះ នរោត្តម សីហនុ ព្រះបរមរតនកោដ្ឋ ចាប់​តាំង​ពី​ថ្ងៃ​ព្រះ​អង្គ​សោយ​ព្រះ​ទិវង្គត រហូត​ដល់​ព្រះ​រាជ​ពិធី​បុណ្យ​ព្រះ​មេរុ​ថ្វាយ​ព្រះ​ភ្លើង​ព្រះ​បរម​សព ប្រជាជាតិ​ខ្មែរ បាន​បង្ហាញ​ឲ្យ​ពិភព​លោក​ឃើញ​នូវ​ប្រពៃណី​ដ៏​ល្អ​ផូរ​ផង់​ដែល​ជា​ទំនៀម​បុណ្យ​ព្រះ​សព ដែល​ខ្មែរ​យើង​បាន​ប្រកាន់​ខ្ជាប់​តាំង​ពី​បូរាណ​ព្រេង​នាយ​មក បើ​ទោះ​ជា​ពិធី​មួយ​ចំនួន​បាន​បាត់​បង់​ក្ដី​។ អ្វី​ដែល​ជា​ទំនៀម​ដ៏​សំខាន់​មួយ​នៃ​ព្រះ​រាជ​ពិធី​បុណ្យ​ព្រះ​បរម​សព​ដែល​ខ្មែរ​យើង​បាន​បង្ហាញ​នោះ​គឺ ការ​ស្លៀក​ពាក់ «​ស​» សម្រាប់​ការ​កាន់​ទុក្ខ​

ការ​ប្រើ​ប្រាស់​ព័ណ៌​ស​សម្រាប់​បុណ្យ​សព តាំង​តែ​ពី​សាមញ្ញ​ជន​រហូត​ដល់​វណ្ណៈ​ក្សត្រិយ៍​​នេះ ត្រូវ​បាន​ខ្មែរ​យើង​ប្រកាន់​ខ្ជាប់​ជា​យូរ​យារ​មក​ហើយ (​ស្រែ​ខ្មុក​សូម​មិន​បរិយាយ​ពី​រឿង​នេះ​) ដែល​មិន​មាន​ជា​ការ​ស្លៀក​តាម​ចិន ដូច​អ្នក​ប្រើ​ប្រាស់​ហ្វេសបុគ​ខ្លះ​បាន​​និយាយ​នោះ​ទេ​។ យ៉ាង​ណា​មិញ ទំនៀម​ស្លៀក​ស​នេះ ត្រូវ​បាន​ខ្មែរ​ផ្សព្ធ​ផ្សាយ​ឥទ្ធិពល​ដល់​រដ្ឋ​កើត​ថ្មី​ទាំង​ឡាយ​ឯ​ទៀត​មាន​សៀម លាវ ជា​ដើម​ឲ្យ​ប្រើ​ប្រាស់​ផង​ដែរ​។

ប្រទេស​សៀម ដែល​ស្ថិត​នៅ​ក្រោមការ​ទទួល​យក​វប្បធម៌​​ពី​ខ្មែរ​ដើម​នោះ ពី​អតីត​ក៏​ប្រើ​ប្រាស់​ព័ណ៌​ស​សម្រាប់​ពិធី​បុណ្យ​សព និង​ព្រះ​សព​ដែរ​។ មក​ដល់​​សម័យ​ក្រោយ​នេះ​ឯង គឺ​នៅ​ពេល​ដែរ​ប្រទេស​នេះ (​ថៃ​) បើក​ឱកាស​ និង​ប្រកាន់​យក​ទំនៀម​វប្បធម៌​លោក​ខាង​លិច (​សម័យ​នាយ​ឧត្ដម​សេនីយ​ពិបុល​សង្គ្រាម​) ទើប​ព័ណ៌​ខ្មៅ​ត្រូវ​បាន​យក​មក​ប្រើ​ប្រាស់​ និង​ផ្សព្ធ​ផ្សាយ​ជា​ទូ​ទៅ​សម្រាប់​បុណ្យ​សព​ ជា​ពិសេស​ក្នុង​ចំណោម​​អភិជន​ថៃ ក្នុង​ហេតុ​ផល​​ដើម្បី​ភាព​ជឿន​លឿន និង​សម័យ​និយម​របស់​ថៃ​។

កាល​ពី​បុណ្យ​ព្រះ​បរម​សព​នៃ​នៃ​ព្រះ​ករុណា ព្រះ​បរម​រតន​កោដ្ឋ​នោះ មាន​បណ្ដា​ជន​ជាតិ​ថៃ​ជា​ច្រើន​បាន​ឃើញ​ពី​ទំនៀម​នៃ​ការ​ប្រើ​ប្រាស់​ព័ណ៌​ស​នេះ ហើយ​ពួក​គេ​បាន​លួច​កោត​សរសើរ​ និង​បាន​និយាយ​មិន​ដាច់​ពី​មាត់​ពី​ភាព​ល្អ​ផូរ​ផង់​នេះ រហូត​ដល់​មាន​អ្នក​ខ្លះ​បាន​លើក​ឡើង និង​វែក​ញែក​នៅ​តាម​បណ្ដាញ​សង្គម​អំពី​បញ្ហា​នេះ និង​ចង់​ឲ្យ​មាន​ការ​សើរើ​ប្រើ​ប្រាស់​ព័ណ៌​ស​នេះ​ឡើង​វិញ​សម្រាប់​ប្រពៃណី​បុណ្យ​សព​នៅ​ប្រទេស​ថៃ​ផង​ទៀត​។

តែ​អ្វី​គួរ​ឲ្យ​អស់​សំណើច​នោះ ជា​ពិសេស​សម្រាប់​ពល​រដ្ឋ​ខ្មែរ​មួយ​ចំនួន​នា​ពេល​ថ្មី​ៗ​នេះ បាន​បង្ហាញ​ពី​ការ​ប្រើ​ប្រាស់​​ព័ណ៌​ «​ខ្មៅ​» សុទ្ធ (​តាម​ទំនៀម​ថៃ) សម្រាប់​បុណ្យ​សព នៅ​តាម​កញ្ចក់​ទូរទស្សន៍​រហូត​បណ្ដាល​​ឲ្យ​មាន​ការ​វែក​ញែក​ពី​ម្ខាង​ទៅ​ម្ខាង​ផង​ដែរ​។ ស្គាល់​គេ​ស្គាល់​យើង — នេះ​បាន​ជា​ថា​ថៃ​ចង់​បាន​ «​ស​» ឯ​​ខ្មែរ​ស​ហើយ ​ប្រែ​ចង់​បាន «​ខ្មៅ​» ទៅ​វិញ​!

ការ​ស្លៀក​ពាក់​ស​កាល​គ្រា​បុណ្យ​ព្រះ​សព ព្រះ​ករុណា ព្រះ​បរម​រាជា​នុ​កោដ្ឋព្រះ​ករុណា និង​សម្ដេច​ព្រះ​មហា​ក្សត្រិយ៍ ព្រះ​វរ​រាជ​មាតា ព្រម​ព្រះ​រាជ​វង្សានុវង្ស​ទ្រង់​គ្រង​ព័ណ៌ស កាល​គ្រា​បុណ្យ​ព្រះ​បរម​សព ព្រះ​ករុណា ព្រះ​បរម​រតន​កោដ្ឋ
ប្រជារាស្ត្រ​ខ្មែរ​ពាក់​ស​ចូល​រួម​បុណ្យ​ព្រះ​បរម​សព ព្រះ​ករុណា ព្រះ​បរម​រតន​កោដ្ឋ
ការ​ស្លៀក​ពាក់​ស​ក្នុង​បុណ្យ​ព្រះ​បរម​សព ព្រះ​ចៅ​ផែន​ដី​សៀម កាល​ពី​អតីត​កាល
ប្រជា​រាស្ត្រ​ថៃ​ស្លៀក​ពាក់​ខ្មៅ​សុទ្ធ ក្នុង​បុណ្យ​ព្រះ​បរម​សព​ព្រះ​មហា​ក្សត្រិយ៍​ថៃ រាមា​ទី​៩ កាល​ពី​ពេល​ថ្មី​ៗ​នេះ

_________________________________________________________________
អាន​ផង​ដែរ​៖
១. ប្រពៃណី​លូន​ក្រាប​កំពុង​ត្រូវ​បាន​រង្គោះ​រង្គើ​នៅ​មឿង​ថៃ

ថៃ​ចាត់​បោះ​ពុម្ព​តែមប្រិ៍​​ប្រៃសណីយ៍​ឈុត​ដំបូង​សម្រាប់​ព្រះ​មហា​ក្សត្រិយ៍​ថ្មី​ រាមា​ទី​១០ ថ្ងៃសុក្រ 16 ខែ​មីនា 2018

Posted by សុភ័ក្ត្រ in ภาษาไทย.
3 comments

នានាប្រទេស៖ ក្រុងទេពមហានគរ, ស្យាមប្រទេស – កាល​ពី​ដើម​ខែ​មីនា ឆ្នាំ​២០១៨ កន្លង​ទៅ​នេះ ក្រុមហ៊ុន​ប្រៃសណីយ៍​របស់​ថៃ​បាន​បង្ហាញ​ឲ្យ​ដឹង​ពី​ការ​ចេញ​តែមប្រិ៍​​ប្រៃសណីយ៍​ឈុត​ដំបូង ដែល​មាន​ប្រាកដ​ព្រះ​ឆាយា​លក្ខណ៍​ព្រះ​មហា​ក្សត្រិយ៍​អង្គ​ថ្មី​របស់​ប្រទេស​នេះ​​ គឺ​សម្ដេចព្រះចៅយូហួមហាវជិរាលង្ករណ បតិន្ទ្រទេព្យវរាង្កូរ ឬ​រាមា​ទី​១០​។

សម្រាប់​​​តែមប្រិ៍​​ប្រៃសណីយ៍​ឈុត​ថ្មី​នេះនឹង​កំណត់​បោះ​ពុម្ព​ទៅ​តាម​ប្រភេទ​តម្លៃ​នានា​សម្រាប់​ប្រើ​ប្រាស់​ក្នុង​វិស័យ​ប្រៃសណីយ៍​ថៃ ដោយ​មាន​សរុប​១២​ប្រភេទ​តម្លៃ គឺ​៖ ១​បាទ​, ២​បាទ​, ៣​បាទ​, ៥​បាទ​, ៦​បាទ​, ៧​បាទ​, ៩​បាទ​, ១០​បាទ​, ១២​បាទ​, ១៥​បាទ​, ៥០​បាទ​ និង​១០០​បាទ​។ ចំពោះ​ការ​កំណត់​ចេញ​ឲ្យ​ប្រើ​ប្រាស់​ដំបូង​សម្រាប់​តែមប្រិ៍​​ប្រៃសណីយ៍​ថ្មីនេះ នឹង​ត្រូវ​ធ្វើ​ឡើង​នៅ​ថ្ងៃ​ទី​២៨ ខែ​កក្កដា ខាង​មុខ​នេះ ដែល​ជា​ថ្ងៃ​ចម្រើន​ព្រះ​ជន្ម​ព្រះ​អង្គ​ផង​។

សូម​បញ្ជាក់​ដែរ​ថា កាល​ពី​ខែ​កក្កដា ឆ្នាំ​២០១៧ កន្លង​មក​នេះ ប្រទេស​ថៃ​ក៏​បាន​ចេញ​តែមប្រិ៍​​ប្រៃសណីយ៍​​ពិសេស​ទី​១​ផង​ដែរ ដែល​មាន​ប្រាកដ​ព្រះ​បរម​ឆាយាលក្ខណ៍​ព្រះ​មហា​ក្សត្រិយ៍​អង្គ​ថ្មី រាមា​ទី​១០ ក្នុង​ឱកាស​បុណ្យ​ចម្រើន​ព្រះ​ជន្ម​គម្រប់​៦៥​ព្រះ​វស្សា​ផង​ដែរ​។ ក្រៅ​ពី​តែមប្រិ៍​ប្រៃសណីយ៍​ឈុត​ថ្មី​នេះ ប្រទេស​ថៃ​ក៏​បាន​ប្រកាស​ឲ្យ​ដឹង​ពី​ការ​ចេញ​ផ្សាយ​នូវ​ធនបត្រ​គំរូ​ថ្មី​មួយ​ឈុត​ធំ ដែល​មានប្រាកដ​ព្រះ​បរម​ឆាយាលក្ខណ៍​ព្រះ​មហា​ក្សត្រិយ៍​អង្គ​ថ្មី រាមា​ទី​១០ នេះ​ផង​ដែរ​៕​៚

ឈុត​តែមប្រិ៍​​ប្រៃសណីយ៍​​ដំបូង​នៃ​រជ្ជកាល​រាមា​ទី​១០ របស់​ថៃ

_________________________________________________________________
អាន​ផង​ដែរ៖
១. ថៃ​ចេញ​ធនបត្រ​ឈុត​ថ្មី ប្រាកដ​ព្រះ​បរម​ឆាយាល័ក្ខណ៍​រាមា​ទី​១០
២. ថៃ​ចាត់​ឆ្លង​បុណ្យ​ចម្រើន​ព្រះ​ជន្ម​រាមា​ទី​១០ លើក​ដំបូង ព្រម​ចេញ​តែមប្រិ៍​អប​អរ​សាទរ
៣. ថៃ​ចេញ​កាស​គំរូ​ថ្មី សម្រាប់​ រជ្ជកាល​រាមា​ទី​១០

ថៃ​ចេញ​ធនបត្រ​ឈុត​ថ្មី ប្រាកដ​ព្រះ​បរម​ឆាយាល័ក្ខណ៍​រាមា​ទី​១០ ថ្ងៃ​ព្រហស្បតិ៍ 8 ខែ​មីនា 2018

Posted by សុភ័ក្ត្រ in ภาษาไทย.
13 comments

នានាប្រទេស៖ ក្រុងទេពមហានគរ, ស្យាមប្រទេស – នា​ថ្ងៃ​ព្រហស្បតិ៍ (​៨ មីនា ២០១៨​) នេះ ធនាគារ​ជាតិ​នៃ​ប្រទេស​ថៃ​បាន​​​ធ្វើ​សេចក្ដី​ថ្លែង​ការណ៍​ស្ដី​អំពី​ការ​ចេញ​ផ្សាយ​នូវ​ប្រភេទ​ធនបត្រ​មួយ​ឈុត​ថ្មី​ (ប្រាក់​បាទ​ថៃ​) ដែល​ជា​ឈុត​ទី​១៧ សម្រាប់​ប្រើ​ប្រាស់​នៅ​ក្នុង​ប្រទេស​ថៃ​។

សម្រាប់​ធនបត្រ​ថ្មី​មួយ​ឈុត​នេះ គឺ​ជា​ធន​បត្រ​ទី​១ ដែល​មាន​ប្រាកដ​ព្រះ​បរម​ឆាយាលក្ខណ៍ ព្រះ​មហា​ក្សត្រិយ៍​អង្គ​ថ្មី​របស់​ប្រទេស​នេះ​ផង​ដែរ គឺ​សម្ដេចព្រះចៅយូហួមហាវជិរាលង្ករណ បតិន្ទ្រទេព្យវរាង្កូរ ឬ​រាមា​ទី​១០​។ ក្រៅ​អំពី​ព្រះ​ឆាយាលក្ខណ៍​ព្រះ​មហា​ក្សត្រិយ៍​នៅ​ខាង​មុខ​ក្រដាស​ប្រាក់ នៅ​ឯ​ខ្នង​ឯណុះ​វិញ មាន​ប្រាកដ​ព្រះ​បរម​ឆាយា​លក្ខណ៍ គ្រប់​ព្រះ​មហាក្សត្រិយ៍​ថៃ​ទាំង​១០​ព្រះ​អង្គ នៃ​រាជ​វង្ស​ចក្រី​ផង ដោយ​ចាប់​តាំង​ពី​រាមា​ទី​១ រហូត​ដល់​រជ្ជកាល​បច្ចុប្បន្ន (​រាមា​ទី​១០​)​។

ប្រភេទ​ធនបត្រ​របស់​ថៃ មាន​ចាប់​តាំង​ពី​២០​បាទ​, ៥០​បាទ​, ១០០​បាទ​, ៥០០​បាទ និង​១.០០០​បាទ​។ ចំពោះ​ធនបត្រ​ថ្មី​នេះ នឹង​ត្រូវ​ដាក់​ឲ្យ​ប្រើ​ប្រាស់​ជា​ពីរ​ដំណាក់​កាល ដោយ​ប្រភេទ​២០​បាទ​, ៥០​បាទ និង​១០០​បាទ នឹង​ត្រូវ​ដាក់​ឲ្យ​ប្រើ​ប្រាស់​នៅ​ថ្ងៃ​ទី​៦ ខែ​មេសា ឆ្នាំ​២០១៨ ខាង​មុខ​នេះ ចំណែក​ឯ​ប្រភេទ​៥០០​បាទ និង​១.០០០​បាទ​វិញ នឹង​ដាក់​ឲ្យ​ប្រើ​ប្រាស់​​នៅ​ថ្ងៃ​ទី​២៨ ខែ​កក្កដា ឆ្នាំ​២០១៨ ខាង​មុខ​នេះ​។

សូម​បញ្ជាក់​ផង​ដែរ​ថា កាល​ពី​ខែ​កក្កដា ឆ្នាំ​២០១៧ កន្លង​មក​នេះ ប្រទេស​ថៃ​ក៏​បាន​ចេញ​ធនបត្រ​មួយ​ឈុត​ថ្មី​ផង​ដែរ ដែល​ជា​ប្រភេទ​ធនបត្រ​ចុង​ក្រោយ ដែល​មាន​ដាក់​ព្រះ​បរម​ឆាយា​លក្ខណ៍​អតីត​ព្រះ​មហា​ក្សត្រិយ៍​ថៃ ព្រះបាទ សម្ដេចព្រះបរមិន្ទ្រមហាភូមិពល អតុល្យតេជ ឬរាមាទី៩​។ ចាប់​ពី​ពេល​នេះ​ត​ទៅ​ធន​បត្រ​ថៃ នឹង​មាន​ព្រះ​បរម​ឆាយា​លក្ខណ៍​ព្រះ​មហា​ក្សត្រិយ៍​ថ្មី (​រាមា​ទី​១០​) និង​លែង​មាន​ប្រាកដ​ព្រះ​បរម​ឆាយាលក្ខណ៍​អតីត​ព្រះ​មហា​ក្សត្រិយ៍ (​រាមា​ទី​៩​) ហើយ​៕

_________________________________________________________________
អាន​ផង​ដែរ៖
១. ថៃចេញក្រដាសប្រាក់១០០បាតថ្មី អបអរបុណ្យចម្រើនព្រះជន្មមហាក្ស័ត្រិយ៍ខ្លួន
២. ថៃ​ចេញ​ធនបត្រ​៥០០​បាទ​ថ្មី អប​អរ​បុណ្យ​ចម្រើន​ព្រះ​ជន្ម​ព្រះ​រាជិនី 
៣. ថៃចេញធនបត្រគំរូថ្មី ៥០០ បាទ
៤. ថៃចេញធនបត្រ១០០បាទគំរូថ្មី
៥. ថៃចេញក្រដាសប្រាក់ថ្មីពីរប្រភេទទៀត អបអរបុណ្យស្ដេចខ្លួន
៦. ធនបត្រ៥០០.០០០បាទ
៧. ថៃដាក់ឲ្យប្រើប្រាស់ធនបត្រគំរូថ្មី ប្រភេទ១០០០បាទ
៨. ថៃចេញធនបត្រប្រភេទ៧០បាទ ឆ្លងបុណ្យខួបឆ្នាំទី៧០គ្រងរាជសម្បត្តិ
៩. ថៃចេញធនបត្រ១០០បាទថ្មីមួយទៀត អបអរខួប៦០ឆ្នាំ សម្ដេចព្រះទេព
១០. ថៃ​ចេញ​ធនបត្រ​មួយ​ឈុត​ធំ​ថ្មី រំឭក​ដល់​អតីត​ព្រះ​មហា​ក្សត្រិយ៍​ រាមា​ទី​៩
១១. ថៃ​ចាត់​ឆ្លង​បុណ្យ​ចម្រើន​ព្រះ​ជន្ម​រាមា​ទី​១០ លើក​ដំបូង ព្រម​ចេញ​តែមប្រិ៍​អប​អរ​សាទរ
១២. ថៃ​ចាត់​បោះ​ពុម្ព​តែមប្រិ៍​​ប្រៃសណីយ៍​ឈុត​ដំបូង​សម្រាប់​ព្រះ​មហា​ក្សត្រិយ៍​ថ្មី​ រាមា​ទី​១០
១៣. ថៃ​ចេញ​កាស​គំរូ​ថ្មី សម្រាប់​ រជ្ជកាល​រាមា​ទី​១០

អំពី​ព្រះ​កោដ្ឋ​ចន្ទន៍ និង​មញ្ជូសា​ចន្ទន៍​នៃ​អតីត​ក្សត្រិយ៍​ថៃ​រាមា​ទី​៩ ថ្ងៃចន្ទ 12 ខែ​កុម្ភៈ 2018

Posted by សុភ័ក្ត្រ in ภาษาไทย.
3 comments

ព្រះ​កោដ្ឋ​ចន្ទន៍ និង​មញ្ជូសា​ចន្ទន៍​នៃ​អតីត​ក្សត្រិយ៍​ថៃ​រាមា​ទី​៩

កាល​គ្រា​​​​​​ព្រះ​រាជ​ពិធី​ថ្វាយ​ព្រះ​ភ្លើង ព្រះ​បរម​សព ព្រះ​បាទសម្ដេចព្រះបរមិន្ទ្រមហាភូមិពល អតុល្យតេជ ឬរាមាទី៩ អតីត​ព្រះ​មហា​ក្សត្រិយ៍​ថៃ នោះ រាជ​សំណាក់​ថៃ​បាន​ចាត់​ចែង​រៀប​ចំ​ឡើង​ឲ្យ​មាន​ការ​សាង​នូវ​ព្រះ​កោដ្ឋ​ចន្ទន៍ និង​មញ្ជូសា​ចន្ទន៍​ដ៏​ល្អ​ពិចិត្រ​តាម​បូរាណ​រាជ​បវេណី​ថៃ ដើម្បី​បញ្ចុះ​ព្រះ​បរម​សព​នៃ​ព្រះ​អង្គ​។ ទំនៀម​នៃ​ការ​ដាក់​ព្រះ​សព និង​ព្រះ​បរម​សព​នៅ​ក្នុង​មញ្ជូសា​នេះ​ មាន​តំណ​មក​ពី​ព្រះ​រាជ​ពិធី​បុណ្យ​ព្រះ​បរម​សព​នៃ​មាតា​​នៃ​ព្រះ​អង្គ គឺ សម្ដេច​ព្រះ​ស្រី​នគរិន្ទ្រា​បរម​រាជ​ជននី កាល​ពី​គ.ស.​​១៩៩៥​។

សម្រាប់​​ព្រះ​កោដ្ឋ​ចន្ទន៍ និង​មញ្ជូសា​ចន្ទន៍​នៃ​អតីត​ក្សត្រិយ៍​ថៃ​រាមា​ទី​៩​នេះ ត្រូវ​បាន​រចនា​ដោយ​ក្រុម​ជាង​មក​ពី​នាយក​ដ្ឋាន​ជាង​១០​ក្រុម​របស់​ថៃ គឺ​លោក​សុមឆាយ សុភលក្សណ៍អាំពៃពរ​។ ក្រៅ​អំពី​ការ​រចនា​ព្រះ​កោដ្ឋ​ជាមួយ​នឹង​ផ្កា​មង្គល​នានា​ពូជ​នោះ ព្រះ​កោដ្ឋ​ក៏​ត្រូវ​បាន​រចនា​ដោយ​មាន​លម្អ​ដោយ​ទេព​ប្រណម្យ​ចំនួន​៦៤​អង្គ ដើម្បី​ថ្វាយ​សេចក្ដី​គោរព​ចំពោះ​ព្រះ​បរម​សព​ផង​។ ដោយ​ឡែក​ចំពោះ​មញ្ជូសា​វិញ​ត្រូវ​បាន​រចនា​ឲ្យ​មាន​ប្រដាប់​រូប​គ្រុឌ​ចំនួន​១៣២ ដោយ​តាម​គតិ​នៃ​ជំនឿ​បូរាណ ដែល​ថា​គ្រុឌ​គឺ​ជា​ពាហនៈ​របស់​ព្រះ​នារាយណ៍​នោះ​​។ សម្រាប់​ប្រជាជន​ថៃ​នោះ​ព្រះ​មហា​ក្សត្រិយ៍​រាមា​ទី​៩ ត្រូវ​បាន​សន្មត​ថា​ជា​អវតារ​របស់​ព្រះ​នារាយណ៍​។ ក្រៅ​ពី​ការ​រចនា​ដ៏​សែន​ពិចិត្រ​ប្រកប​ដោយ​ក្បូរក្បាច់​រចនា​ហើយ ផ្នែក​ខ្លះ​នៃ​ព្រះ​កោដ្ឋ និង​មញ្ជូសា​ត្រូវ​បាន​បិទ​​សន្លឹក​មាស​ផង​ ដែល​ធ្វើ​ឲ្យ​វត្ថុ​ទាំង​ពីរ​នេះ រឹត​តែ​មាន​ភាព​ស្រស់​ស្អាត ស័ក្ដិសម​នឹង​ព្រះ​កិត្តិយស​នៃ​ព្រះ​ចៅ​ផែន​ដី​សៀម​។

ព្រះ​កោដ្ឋ​ចន្ទន៍ និង​មញ្ជូសា​ចន្ទន៍​​នេះ​ត្រូវ​បាន​រចនា​ចេញ​ពី​ដើម​ចន្ទន៍​​ងាប់​នៅ​ឈរ​ដែល​ត្រូវ​បាន​ធ្វើ​ពិធី​កាត់​មក​ពី​ឧទ្យាន​ជាតិ​កុយបុរី ខេត្ត​ប្រចួប​គីរីខន្ធ ហើយ​ត្រូវ​បាន​ក្រុម​ជាង​ជំនាញ​​ៗ​របស់​ថៃ​ជាង​១០០​នាក់ ប្រមូល​គំនិត​គ្នា​ច្នៃ​ឆ្លាក់​មក​ជា​ផែន​តូច​ៗ​បំផុត​ត្រឹម​ពីរ​មិល្លីម៉ែត្រ ចំនួន​ប្រមាណ​៤០.០០០​បំណែក ដើម្បី​ប្រកប​ជា​រូប​រាង​ឡើង​ជា​ព្រះ​កោដ្ឋ​ចន្ទន៍ និង​មញ្ជូសា​ចន្ទន៍ ដែល​សុទ្ធ​ជា​គ្រឿង​ប្រកប​ឥស្សរិយ​យស​ចុង​ក្រោយ​តាម​បូរាណ​រាជ​ប្រវេណី​របស់​ព្រះ​មហា​ក្សត្រិយ៍​ដែល​ជា​ទី​គោរព​ស្រឡាញ់​នៃ​ប្រជាជាតិ​ថៃ​។

បច្ចុប្បន្ន​នេះ​ទាំង​​ព្រះ​កោដ្ឋ​ចន្ទន៍ និង​មញ្ជូសា​ចន្ទន៍​ត្រូវ​បាន​យក​មក​រក្សា​ទុក​ក្នុង​រោង​រាជ​រថ នៃ​សារ​មន្ទីរ​ជាតិ​ក្រុង​បាងកក​ និង​បើក​ឲ្យ​ទស្សនិកជន​ចូល​ទស្សនា​បាន​ពី​ថ្ងៃ​ពុធ ដល់​ថ្ងៃ​ព្រហស្បតិ៍ (​បិទ​ថ្ងៃ​ចន្ទ – អង្គារ និង​ថ្ងៃ​បុណ្យ​ជាតិ​)​។ សម្រាប់​អ្នក​ចង់​ទស្សនា​សារមន្ទីរ​ជាតិ​នេះ​ត្រូវ​បង់​ថ្លៃ​សំបុត្រ​ចំនួន​៣០​បាទ ឬ​ប្រមាណ​៤.០០០​រៀល។ ដោយ​ឡែក​សិស្ស មនុស្ស​ចាស់ (​អាយុ​៦០​ឆ្នាំ​ឡើង​) ព្រះ​ភិក្ខុ សាមណេរ និង​អ្នក​បួស​សាសនា​ឯ​ទៀត អាច​ចូល​ទស្សនា​បាន​ដោយ​មិន​បង់​ប្រាក់​៕

____________________________________________________
អានផងដែរ៖
១. អំពីព្រះកោដ្ឋមាសធំ គ្រឿងប្រកបព្រះឥស្សរិយយស ព្រះចៅផែនដីថៃ រាមាទី៩
២. មក​មើល​រូប​ភាព​ចម្លង «​ព្រះ​មេរុ​មាស​» ដ៏​អស្ចារ្យ​សម្រាប់​ថ្វាយ​ព្រះ​ភ្លើង​អតីត​ក្សត្រិយ៍​ថៃ
៣. បង្ហាញគំរូ «ព្រះមេរុមាស» ព្រះចៅផែនដីថៃ រាមាទី៩

ត្រួស​ៗ​អំពី​បុណ្យ​ព្រះ​មេរុ នៅ​នគរ​ខ្មែរ និង​សៀម ថ្ងៃសុក្រ 2 ខែ​កុម្ភៈ 2018

Posted by សុភ័ក្ត្រ in អំពីស្រុកខ្មែរ, ภาษาไทย.
2 comments

កកន៖ នគរ​ជិត​ខាង​គ្នា​ទាំង​ពីរ គឺ​កម្ពុជា​យើង និង​ថៃ ទើប​តែ​បាន​បញ្ចប់​នូវ​ព្រះ​រាជ​ពិធី​បុណ្យ​ព្រះ​មេរុ​ដ៏​ធំ​​រៀង​ៗ​ខ្លួន ដែល​ធ្វើ​ឲ្យ​ពិភព​លោក​ទាំង​មូល​បាន​ឃើញ​នូវ​បូរាណ​រាជ​បវេណី​ខត្តិយ​ត្រកូល​ដែល​មាន​ត​មក​ជា​យូរ​លង់​មក​ហើយ​។ ក្រៅ​អំពី​ភាព​ល្អ​ផូរ​ផង់​នៃ​រាជ​បវេណី​នៃ​នគរ​ទាំង​ពីរ​នេះ គេ​ឃើញ​មាន​ភាព​ស្រដៀង​ដែល​ជា​វិបាក​នៃ​ទំនាក់​ទំនង​ជិត​ស្និទ្ធ​រវាង​នគរ​ជិត​ខាង តែ​ទោះ​ជា​យ៉ាង​ណា​ក្ដី​ភាព​ខុស​គ្នា​ជា​ច្រើន​ក៏​បង្កប់​ខ្លួន​នៅ​ក្នុង​ព្រះ​រាជ​ពិធី​ទាំង​ពីរ​ផង​ដែរ​។

បន្ត​ទៅ​នេះ ដោយ​មិន​មាន​លក្ខណៈ​ប្រៀប​ធៀប ស្រែ​ខ្មុក​សូម​លើក​យក​មក​និយាយ​ត្រួស​ៗ​ដោយ​មិនមាន​ឯកសារ​ណា​មក​សម្អាង នូវ​ព្រះ​រាជ​ពិធី​បុណ្យ​ព្រះ​មេរុ​របស់​ព្រះ​ករុណា ព្រះ​បាទ​សម្ដេច​ព្រះ​នរោត្ដម សីហនុ ព្រះ​មហា​វីរក្សត្រិយ៍​នគរ​កម្ពុជា (ព្រះ​ករុណា ព្រះ​បរម​រតន​កោដ្ឋ​) កាល​ពី​ខែ​កុម្ភៈ គ.ស.​២០១៣ និង​បុណ្យ​ព្រះ​មេរុ ព្រះ​បាទសម្ដេចព្រះបរមិន្ទ្រមហាភូមិពល អតុល្យតេជ (រាមាទី៩)​ អតីត​ព្រះ​មហា​ក្សត្រិយ៍​ថៃ​ កាល​ពី​ខែ​តុលា គ.ស.​២០១៧ ដើម្បី​ទុក​ជា​ប្រធាន​បទ​មួយ​សម្រាប់​អ្នក​សិក្សា​ស្រាវ​ជ្រាវ​ជា​បន្ត​ទៀត​ហោង​។

  • អំពី​កំណត់​ការ​រៀប​ចំ​ព្រះ​រាជ​ពិធី

ព្រះ​រាជ​ពិធី​បុណ្យ​ព្រះ​មេរុ​ព្រះ​ករុណា ព្រះ​បរម​រតន​កោដ្ឋ​ប្រារព្ធ​ធ្វើ​ឡើង​រយៈ​ពេល​៧​ថ្ងៃ​គត់​នៅ​ឯ​មណ្ឌល​ព្រះ​រាជ​ពិធី​ទាំង​មូល ដោយ​ឡែក​​​ព្រះ​រាជ​ពិធី​បុណ្យ​ព្រះ​មេរុ រាមា​ទី​៩ នៅ​ថៃ​នោះ​ប្រារព្ធ​រយៈ​ពេល​តែ​៥​ថ្ងៃ ដោយ​ធ្វើ​តែ​ពីរ​ថ្ងៃ​ប៉ុណ្ណោះ​នៅ​ឯ​ទី​ព្រះ​មេរុ ក្រៅ​ពី​នោះ​គឺ​ប្រារព្ធ​ធ្វើ​នៅ​ក្នុង​ព្រះ​បរម​រាជ​វាំង​ទាំង​អស់​។

  • ការ​តែង​កាយ​ទូទៅ

ចំពោះ​ការ​តែង​កាយ​ទូទៅ​វិញ នៅ​នគរ​ខ្មែរ​​ប្រើ​ប្រាស់​ព័ណ៌​ស​សុទ្ធ​ចំពោះ​ព្រះ​រាជ​វង្សានុវង្ស ដោយ​មិន​ប្រើ​ប្រាស់​គ្រឿង​រាជ​ឥស្សរិយយស​ទេ​។ ឯ​រាស្ត្រ​ប្រជា​ទូទៅ​ប្រើ​ប្រាស់​ព័ណ៌​ស​ផ្នែក​ខាង​លើ និង​ខ្មៅ​ផ្នែក​ខាង​ក្រោម​។ នៅ​ឯ​ថៃ​ឯ​ណុះ ព័ណ៌​ខ្មៅ​សុទ្ធ​ត្រូវ​បាន​ប្រើ​ប្រាស់​ជា​ទូទៅ (​ទាំង​ក្សត្រិយ៍ ទាំង​រាស្ត្រ​ប្រជា​) ដោយ​កំណត់​ដោយ​រាជការ​។ ​ដោយ​ឡែក​ព្រះ​រាជ​វង្សានុវង្ស​ត្រូវ​ប្រើ​ប្រាស់​គ្រឿង​រាជ​ឥស្សរិយយស​ពេញ​ទី​ផង​​។

  • ការ​ហែ​ក្បួន

ការ​ហែ​ក្បួន​នៅ​កម្ពុជា គឺ​ជា​ការ​ហែ​ក្បួន​ព្រះ​បរម​សព ឯ​ការ​ហែ​ក្បួន​នៅ​នគរ​ថៃ គ្រាន់​តែ​ជា​ការ​ហែ​ក្បួន​ព្រះ​រាជ​ឥស្សរិយយស​តែ​ប៉ុណ្ណោះ​។ ក្បួន​ចំនួន​៣ ត្រូវ​បាន​រៀប​ចំ​ឡើង​ដូច​គ្នា ដោយ​នៅ​កម្ពុជា​ប្រើ​ប្រាស់​រាជ​រថ​ចំនួន​២ ឯ​នៅ​ថៃ​ប្រើ​ប្រាស់​រាជ​រថ​បី​ខុស​ៗ​គ្នា​សម្រាប់​​ក្បួន​នីមួយ​ៗ​។

ប្រជាជន​ដែល​មក​ចូល​រួម​តាម​ដង​ផ្លូវ​ដង្ហែ​នានា​នៅ​នគរ​ថៃ មិន​មាន​ការ​ចាត់​តាំង​ឲ្យ​ចូល​មក​ទេ គឺ​តាម​រយៈ​ការ​ស្ម័គ្រ​ចិត្ត​រៀង​ៗ​ខ្លួន ក៏​ប៉ុន្តែ​រាជការ​មាន​កំណត់​ចំនួន​ប្រជាជន ដោយ​មិន​ឲ្យ​លើស​ពី​៤​ម៉ឺន​នាក់​ទេ នៅ​តាម​ផ្លូវ​ដែល​ក្បួន​ព្រះ​រាជ​ពិធី​ឆ្លង​កាត់​។

  • ការ​តាំង​ព្រះ​បរម​សព

នៅ​ឯ​ព្រះ​មេរុ​នគរ​ថៃ មិន​មាន​រៀប​ចំ​ព្រះ​មហា​បញ្ចា​ទេ ដោយ​រៀប​ចំ​ជា​បុស្បុក​ចាក់​ចេក​តែ​ម្ដង ដ្បិត​ព្រះ​បរម​សព​មិន​តម្កល់​ច្រើន​ថ្ងៃ​ទេ គឺ​ត្រូវ​ថ្វាយ​ព្រះ​ភ្លើង​ភ្លាម​នៅ​រាត្រី​ថ្ងៃ​ដែល​ចេញ​ព្រះ​មេរុ​នោះ​តែ​ម្ដង​។ ចំពោះ​ព្រះ​រាជ​ពិធី​ព្រះ​បរម​រតន​កោដ្ឋ​វិញ ព្រះ​បរម​សព​ត្រូវ​តម្កល់​លើ​ព្រះ​មហា​បញ្ចា​នៅ​ទី​ព្រះ​មេរុ រហូត​ដល់​ថ្ងៃ​ទី​៤ ទើប​តម្កល់​នៅ​បុស្បុក​ចាក់​ចេក និង​ធ្វើ​ព្រះ​រាជ​ពិធី​ថ្វាយ​ព្រះ​ភ្លើង​នៅ​រាត្រី​ថ្ងៃ​ទី​៤​។

ការ​តាំង​ព្រះ​បរម​សព​នៅ​ទី​ព្រះ​មេរុ​បែប​នេះ​នៅ​នគរ​កម្ពុជា មាន​ឱកាស​ដល់​អាណា​ប្រជា​នុរាស្ត្រ​បាន​ចូល​ដល់​ទី​ព្រះ​មេរុ ក្រាប​ថ្វាយ​បង្គំ​ព្រះ​បរម​សព​ដែល​តម្កល់​លើ​ព្រះ​មហា​បញ្ចា​បាន នា​ឱកាស​ព្រះ​រាជ​ពិធី​បុណ្យ​។

  • ការ​ថ្វាយ​ព្រះ​ភ្លើង

នៅ​នគរ​ថៃ​មាន​ការ​ថ្វាយ​ព្រះ​ភ្លើង​ចំនួន​ពីរ​ដង នោះ​គឺ​ការ​ថ្វាយ​ព្រះ​ភ្លើង​​មិន​ពិត និង​ការ​ថ្វាយ​ព្រះ​ភ្លើង​​ពិត​។ ការ​ថ្វាយ​ព្រះ​ភ្លើង​មិន​ពិត​នោះ គឺ​គេ​ធ្វើ​ឡើង​ដើម្បី​ឲ្យ​ភ្ញៀវ​នានា​ដែល​បាន​ចូល​រួម​ព្រះ​រាជ​ពិធី​ដើម្បី​ទៅ​ថ្វាយ​ផ្កា​ចន្ទន៍​ដល់​ព្រះ​បរម​សព​នៅ​ទី​ព្រះ​មេរុ ព្រម​ទាំង​មាន​ការ​ផ្សាយ​បន្ត​ផ្ទាល់​តាម​កញ្ចក់​ទូរទស្សន៍​ផង​ដែរ​។ ដោយ​ឡែក​ការ​ថ្វាយ​ព្រះ​ភ្លើង​ព្រះ​បរម​សព​ពិត​ គឺ​ធ្វើ​ឡើង​នៅ​រាត្រី​យប់​ជ្រៅ​ប្រមាណ​ម៉ោង​២២ គឺ​ជា​លក្ខណៈ​ឯកជន ដោយ​មាន​តែ​ព្រះ​រាជ​វង្សានុវង្ស​តែ​ប៉ុណ្ណោះ​ដែល​យាង​ចូល​រួម​។ ចំពោះ​ការ​ថ្វាយ​ព្រះ​ភ្លើង​ពិត​នេះ មិន​មាន​ការ​ផ្សាយ​បន្ត​ផ្ទាល់​តាម​ទូរទស្សន៍​ទេ​ និង​មាន​លក្ខណៈ​ឯកជន​បំផុត​។

ការ​ថ្វាយ​ព្រះ​ភ្លើង​ព្រះ​បរម​សព ព្រះ​ករុណា ព្រះ​បរម​រតន​កោដ្ឋ នៅ​នគរ​ខ្មែរ​យើង​វិញ គឺ​ជា​ការ​ថ្វាយ​ព្រះ​ភ្លើង​ពិត តែ​ម្ដង​។ ភ្ញៀវ​ជាតិ និង​អន្តរជាតិ​ដែល​អញ្ជើញ​ឡើង​ទៅ​ដាក់​ផ្កា​ចន្ទន៍​នោះ គឺ​ក្នុង​ពេល​ថ្វាយ​ព្រះ​ភ្លើង​ព្រះ​បរម​សព​តែ​ម្ដង​។

ការ​ថ្វាយ​ព្រះ​ភ្លើង​នៅ​នគរ​កម្ពុជា មាន​ធ្វើ​ពិធី​អុជ​កាំជ្រួច​ផង ដោយ​ឡែក​នៅ​នគរ​ថៃ​មិន​មាន​ការ​អុជ​កាំជ្រួច​ទេ តែ​មាន​ការ​រៀប​ចំ​លេង​មហោស្រព​​រឿង​រាម​កេរ្តិ៍ តាម​បែប​ព្រះ​រាជ​ពិធី​ថ្វាយ​ព្រះ​ភ្លើង​ពី​បូរាណ​។

  • ការ​តាំង​បុណ្យ​បំពេញ​ព្រះ​រាជ​កុសល​ថ្វាយ​ព្រះ​បរម​អដ្ឋិ

បន្ទាប់​ពី​ព្រះ​រាជ​ពិធី​ថ្វាយ​ព្រះ​ភ្លើង​រួច ព្រះ​បរម​អដ្ឋិ​រាមា​ទី​៩ ត្រូវ​បាន​តម្កល់​ធ្វើ​បុណ្យ​បំពេញ​ព្រះ​រាជ​កុសល​ នៅ​បាន​ដង្ហែ​ទៅ​បញ្ចុះ​ភ្លាម​នៅ​ថ្ងៃ​ចុង​ក្រោយ​នៃ​ព្រះ​រាជ​ពិធី​តែ​ម្ដង​។ សម្រាប់​ព្រះ​បរម​អដ្ឋិ​ព្រះ​ករុណា ព្រះ​បរម​រតន​កោដ្ឋ​វិញ ត្រូវ​បាន​តម្កល់​ទុក​ធ្វើ​បុណ្យ​បំពេញ​ព្រះ​រាជ​កុសល​រយៈ​ពេល​ប្រមាណ​៥​ខែ ទើប​ចាត់​ព្រះ​រាជ​ពិធី​ដង្ហែ​ទៅ​បញ្ចុះ និង​តម្កល់​ឯ​ព្រះ​ចេតិយ​៕​៚

%d bloggers like this: