jump to navigation

Repost: អំពី​ព្រះ​រាជ​អាណាចក្រ​លាវ ថ្ងៃ​ព្រហស្បតិ៍ 4 ខែកក្កដា 2019

Posted by សុភ័ក្ត្រ in ພາສາລາວ.
add a comment

នៅ​ឯ​នគរ​ជិត​ខាង​កម្ពុជា​​យើង​ភាគ​ខាង​ជើង គឺ​នគរ​លាវ ពី​អតីត​មក​មាន​ព្រះ​ចៅ​ផែន​ដី​គ្រប់​គ្រង​​រាស្ត្រ​ប្រជា ប្រដូច​នឹង​នគរ​ខ្មែរ​យើង​ផង​។ រហូត​មក​ដល់​នគរ​នេះ​ធ្លាក់​លុះ​ក្នុង​អំណាច​នៃ​អាណា​និគម​បារាំង​សែស ក៏​ព្រះ​មហា​ក្សត្រិយ៍​នៅ​តែ​ជា​អង្គ​ព្រះ​សម្មតិ​ទេព​ជា​ម្ចាស់​ជីវិត​នៃ​ប្រជា​រាស្ត្រ​លាវ​ដដែល​។ បន្ត​មក​ចាប់​ពី​គ.ស.​១៩៤៧ មក​ អំណាច​ព្រះ​មហា​ក្សត្រិយ៍​ត្រូវ​បាន​កាត់​បន្ថយ​តាម​បែប​សម័យ​និយម និង​ការ​គ្រប់​គ្រង​ថ្មី​មួយ​តាម​បែប​រាជាធិបតេយ្យ​អាស្រ័យ​រដ្ឋ​ធម្មនុញ្ញ ត្រូវ​បាន​បង្កើត​ឡើង ហើយ​នោះ​គឺ​ជា​ប្រភព​កំណើត​នៃ «​ព្រះ​រាជ​អាណាចក្រ​លាវ​»​ ឬ ភាសា​លាវ​ហៅ​ថា ພຼະຣາຊອານາຈັກລາວ។

ទង់​ជាតិ និង​សញ្ញា​ជាតិ នៃ​ព្រះ​រាជ​អាណាចក្រ​លាវ

បន្ទាប់​ពី​ការ​ប្រកាស​ឯករាជ្យ​របស់​ប្រទេស​លាវ ពី​អាណានិគម​និយម​បារាំង​សែស តាម​សទ្ធិ​សញ្ញា​ក្រុង​សឺណែវ​ គ.ស.​១៩៥៣ មក រដ្ឋាភិបាល​នៃ​ព្រះ​រាជ​អាណាចក្រ​លាវ គឺ​ជា​រដ្ឋាភិបាល​ដែល​មាន​អំណាច​គ្រប់​គ្រង​ទូទាំង​ប្រទេស​លាវ ដោយ​រដ្ឋធម្មនុញ្ញ​លាវ​បាន​កំណត់​ប្រទេស​លាវ​ស្ថិត​ក្នុង​របប​ប្រជាធិបតេយ្យ និង​រាជាធិបតេយ្យ​អាស្រ័យ​រដ្ឋ​ធម្មនុញ្ញ​។ ព្រះ​រាជ​អាណាចក្រ​ថ្មី​របស់​លាវ​នេះ មាន​រាជ​ធានី​តាំង​នៅ​វៀងចន្ទន៍ ចំណែក​ឯ​ព្រះ​ចៅ​មហា​ជីវិត ឬ​ព្រះ​មហាក្សត្រិយ៍​ដែល​ជា​ព្រះ​ប្រមុខ​រដ្ឋ​របស់​លាវ ព្រះ​អង្គ​ប្រថាប់​នៅ​អតីត​រាជធានី​ហ្លួង​ព្រះ​បាង​។ សម្ដេច​ព្រះ​ចៅ​មហា​ជីវិត​ស្រីស្វាងវង្ស ព្រះ​អង្គ​គឺ​ជា​សម្ដេច​ព្រះ​ចៅ​មហា​ជីវិត​ អង្គ​ដំបូង​ ឯ​​ព្រះ​អង្គ​ម្ចាស់​សុវណ្ណភូម៉ា ទ្រង់​ជា​នាយក​រដ្ឋ​មន្ត្រី​ដំបូង នៃ​ព្រះ​រាជ​អាណាចក្រ​នេះ​។

បញ្ហា​អសន្តិសុខ​ផ្នែក​នយោបាយ​នៅ​ក្នុង​ព្រះ​រាជ​អាណាចក្រ​នេះ​ចេះ​តែ​កើត​ឡើង​ឥត​ឈប់​ឈរ ដែល​ជា​ហេតុ​កើត​ឲ្យ​មាន​ការ​ព្យាយាម​ចាត់​តាំង​រដ្ឋាភិបាល​ចម្រុះ​ជា​ច្រើន​លើក​ច្រើន​គ្រា ហើយ​ជា​ទូទៅ​គឺ​ជា​រដ្ឋាភិបាល​ដែល​មាន​អាយុ​ខ្លី​ៗ​តែ​ប៉ុណ្ណោះ​។ បញ្ហា​អស់​ទាំង​នេះ វា​គេច​មិន​ផុត​ពី​ភាព​អសន្តិសុខ​ក្នុង​ប្រទេស​ផង និង​ជា​ពិសេស​ការ​ជ្រែត​ជ្រែក​ពី​សំណាក់​មហា​អំណាច​ធំ​ៗ រវាង​ពពួក​លោក​សេរី និង​កម្មុយនីស្ត​ផង​ ដែល​ជា​ហេតុ​ធ្វើ​ឲ្យ​ព្រះ​រាជ​អាណាចក្រ​នេះ​ធ្លាក់​ក្នុង​សង្គ្រាម​ស៊ីវិល​អស់​ជា​ច្រើន​ឆ្នាំ​។

ព្រះ​រាជ​អាណាចក្រ​លាវ​នេះ មាន​អាយុ​រហូត​មក​ដល់​ថ្ងៃ​ទី​២ ខែ​ធ្នូ គ.ស.​១៩៧៥ ក្រោយ​ពេល​ដែល​បក្ស​ប្រជាជន​បដិវត្តន៍​លាវ ឬ​ពួក​កុម្មុយនីស្ត​លាវ (ពួក​ប្រទេស​លាវ) ​បាន​​ទទួល​ជ័យ​ជម្នះ​។ នៅ​ឯ​ទីក្រុង​វៀងចន្ទន៍ ព្រះ​អង្គ​ម្ចាស់​រជ្ជទាយាទ វង្ស​ស្វាង បាន​ប្រគល់​ព្រះ​រាជ​ចុតហ្មាយ​ដាក់​រាជ្យ​របស់​ព្រះ​ចៅ​មហា​ជីវិត​ស្រីស្វាង វឌ្ឍនា  (មហា​ក្សត្រិយ៍​អង្គ​ចុង​ក្រោយ​របស់​ព្រះ​រាជ​អាណាចក្រ​នេះ​) ទៅ​ឲ្យ​ពួក​កុម្មុយនីស្ត និង​​​របប​ថ្មី​មួយ​បាន​បង្កើត​ឡើង ដោយ​ផ្លាស់​ប្ដូរ​ពី​ព្រះ​រាជ​អាណាចក្រ ​មក​ជា​សាធារណ​រដ្ឋ​ប្រជាធិបតេយ្យ​ប្រជាមានិត​លាវ (​សបប. លាវ​) រហូត​មក​ដល់​បច្ចុប្បន្ន​៕

ព្រះ​មហា​ក្សត្រិយ៍​លាវ អង្គ​ចុង​ក្រោយ ​ស្រីស្វាង វឌ្ឍនា និង​ព្រះ​មហេសីប្រាក់​ប្រភេទ​៥០០០​គីប កាល​សម័យ​ព្រះ​រាជ​អាណាចក្រ​លាវ មាន​ប្រាកដ​ព្រះ​ឆាយាលក្ខណ៍​ ព្រះ​មហាក្សត្រិយ៍​លាវ ​ស្រីស្វាង វឌ្ឍនាគ្រឿង​រាជ​ឥស្សរិយ​យស​ព្រះ​រាជ​អាណាចក្រ​លាវ
កង​ទាហាន​កិត្តិយស​នៃ​ព្រះ​រាជ​អាណាចក្រ​លាវ

————————————————
អាន​អត្ថបទ​ទាក់ទង
១. ស្រីស្វាង វឌ្ឍនា​៖ មហា​ក្សត្រិយ៍​លាវ អង្គ​ចុង​ក្រោយ
២. ម្ចាស់​ជីវិត ស្រី​ស្វាង​វង្ស៖ មហាក្សត្រិយ៍​​អង្គ​ដំបូង​នៃ​ព្រះរាជអាណាចក្រ​លាវ
៣. ឯក​សណ្ឋាន​ពេញ​យស​នៃ​មន្ត្រី​លាវ​សម័យ​ព្រះ​រាជ​អាណាចក្រ​លាវ
៤. ភ្លេង​ជាតិ​លាវ​សម័យ​ព្រះ​រាជ​អាណាចក្រ

Advertisements

Repost : សម្ដេច​ព្រះ​ចៅ​អភ័យ​ពុទ្ធបវរ ជ័យ​ជេដ្ឋា​ធិរាជ ថ្ងៃពុធ 19 ខែមិថុនា 2019

Posted by សុភ័ក្ត្រ in ພາສາລາວ.
add a comment

***ប្រកាស​នេះ​បាន​ដាក់​ជា​លើក​ដំបូង​កាល​ពី​ថ្ងៃ​ទី​១៧ ខែ​វិច្ឆិកា ឆ្នាំ​២០១៤

កកន​៖ មាន​ប្រជាជន​ខ្មែរ​មួយ​ចំនួន រួម​ទាំង​នា​ពេល​ថ្មី​ៗ​នេះ​​រហូត​ដល់​ទៅ​អ្នក​សារព័ត៌មាន​​បាន​សរសេរ​ថា​រូប​សំណាក​ព្រះ​ចៅ​ជ័យ​ជេដ្ឋា​ធិរាជ ដែល​តាំង​នៅ​ខាង​មុខ​ព្រះ​ធាតុ​ហ្លួង​ឯ​នគរ​ហ្លួង​វៀងចន្ទន៍ នៃ​សាធារណ​រដ្ឋ​ប្រជាធិបតេយ្យ​ប្រជាមានិត​លាវ (សបប​. លាវ) បច្ចុប្បន្ន​នេះ គឺ​ជា​អតីត​ស្ដេច​ខ្មែរ​ព្រះ​បាទ​ជ័យ​ជេដ្ឋា ដែល​ភៀស​ព្រះ​កាយ​ទៅ​នៅ​ស្រុក​លាវ​ផង​ទៀត​​។ តើ​នេះ​ជា​ការ​ពិត​? ឬ​ការ​ប្រឌិត​​, កុហក, បំភ្លៃ ​ឬ​យ៉ាង​ណា​? ខ្ញុំ​សូម​មិន​អត្ថាធិប្បាយ និង​សូម​​រៀប​រាប់​អំពី​សាវតារ​ក្សត្រិយ៍​អង្គ​នេះ​តាម​សំណេរ​ប្រវត្តិសាស្ត្រ​លាវ​ដូច​ត​ទៅ​នេះ​៖

ជា​ការ​ពិត​ទៅ​ឈ្មោះ​ថា ព្រះ​ចៅ​ជ័យ​ជេដ្ឋា​ធិរាជ (លាវ​៖ ໄຊເສດຖາ, ເສດຖາທິຣາດ​) [លាវ​បញ្ចេញ​សំឡេង​ថា​៖ សៃសេតថ៎ា​, សេតថ៎ាធិរ៉ាត ឬ ធិល៉ាត] គឺ​ជា​ព្រះ​នាម​របស់​ព្រះ​មហា​ក្សត្រិយ៍​លាវ​ជា​ច្រើន​ព្រះ​អង្គ (​កកន​៖ ស្រដៀង​នឹង​ខ្មែរ​យើង​ដែល​សន្មត​ព្រះ​នាម​ក្សត្រិយ៍ ជយ​វរ្ម័ន​ទី​១​​, ទី​២​, … ជា​ដើម​) ដែល​បាន​មក​ពី​ព្រះ​នាម​របស់​សម្ដេច​ព្រះ​ចៅ​អភ័យ​ពុទ្ធ​បវរ ជ័យ​ជេដ្ឋាធិរាជ ជា​ព្រះ​មហា​វីរ​ក្សត្រិយ៍​ដ៏​សំខាន់​បំផុត​មួយ​ព្រះ​អង្គ​នៅ​ក្នុង​ប្រវត្តិ​សាស្ត្រ​លាវ​។ ប្រវត្តិ​វិទូ​លាវ​បាន​កំណត់​ថា មាន​ទាំង​អស់​៣​ព្រះ​អង្គ គឺ​៖

  • សម្ដេច​ព្រះ​ចៅ​អភ័យ​ពុទ្ធ​បវរ ជ័យ​ជេដ្ឋាធិរាជ គឺ​ជា​ព្រះ​ចៅ​ជ័យ​ជេដ្ឋា​ធិរាជ​ទី​១
  • ព្រះ​ជ័យ​អង្គ​វេ ជា​​ព្រះ​ចៅ​ជ័យ​ជេដ្ឋា​ធិរាជ​ទី​២ និង
  • ព្រះ​ចៅ​អនុវង្ស ជា​ព្រះ​ចៅ​ជ័យ​ជេដ្ឋា​ធិរាជ​ទី​​៣

ដោយ​ឡែក​នៅ​ក្នុង​សៀវភៅ​លំដាប់​ព្រះ​មហា​ក្សត្រិយ៍​លាវ របស់​​សុរស័ក្ដិ៍ ឝ្រីសំអាង ដោយ​សំអាង​លើ​ព័ត៌មាន​ពី​សិលាចារឹក និង​ពង្សាវតារ​លាវ​នានា​មក មាន​រួម​ទាំង​អស់​៥​ព្រះ​អង្គ គឺ​៖

  • សម្ដេច​ព្រះ​ចៅ​អភ័យ​ពុទ្ធ​បវរ ជ័យ​ជេដ្ឋាធិរាជ គឺ​ជា​ព្រះ​ចៅ​ជ័យ​ជេដ្ឋា​ធិរាជ​ទី​១
  • ព្រះ​ជ័យ​អង្គ​វេ ជា​​ព្រះ​ចៅ​ជ័យ​ជេដ្ឋា​ធិរាជ​ទី​២
  • ព្រះ​ចៅ​សិរិបុណ្យសារ ជា​​ព្រះ​ចៅ​ជ័យ​ជេដ្ឋា​ធិរាជ​ទី​​៣
  • ព្រះ​ចៅ​ឥន្ទ្រវង្ស ជា​​ព្រះ​ចៅ​ជ័យ​ជេដ្ឋា​ធិរាជ​ទី​​៤ និង
  • ព្រះ​ចៅ​អនុវង្ស ជា​ព្រះ​ចៅ​ជ័យ​ជេដ្ឋា​ធិរាជ​ទី​​៥

ជា​បន្ត​ទៅ​ទៀត​នេះ​សូម​ជូន​អំពី​ប្រវត្តិ​នៃ​សម្ដេច​ព្រះ​ចៅ​អភ័យ​ពុទ្ធបវរ ជ័យ​ជេដ្ឋា​ធិរាជ​ ឬ​គ្រប់​គ្នា​ (ជន​ជាតិ​លាវ​) ស្គាល់​ច្បាស់​ថា​ជា​ព្រះ​ចៅ​ជ័យ​ជេដ្ឋា​ធិរាជ​​​។

សម្ដេច​ព្រះ​ចៅ​អភ័យ​ពុទ្ធបវរ ជ័យ​ជេដ្ឋា​ធិរាជ​ រាប់​ថា​ជា​ក្សត្រិយ៍​ដែល​អស្ចារ្យ​មួយ​ព្រះ​អង្គ​របស់​ជន​ជាតិ​លាវ​។ ព្រះ​អង្គ​គឺ​ជា​ប្រមុខ​នៃ​អាណាចក្រ​លាន​ជាង​។ ជា​ស្ថាបនិក​​ក្រុង​ឝ្រី​សត្តនាគ​នហុត ឲ្យ​ក្លាយ​ជា​មជ្ឈ​មណ្ឌល​​នៃ​អារ្យ​ធម៌​, វប្បធម៌ និង​សិល្បៈ​របស់​អាណាចក្រ​លាន​ជាង​។ អ្នក​ប្រវត្តិ​វិទូ​បាន​សន្និដ្ឋាន​ថា​ព្រះ​អង្គ​គឺ​ជា​ព្រះ​ញាតិ ឬ​ជា​ព្រះ​នត្តា នៃ​ព្រះ​នាង​ចិរប្រភា នៃ​អាណាចក្រ​ល៉ា្នន៉ា (លាន​នា)​ និង​ព្រះ​រាជ​សម្ភព​កាល​គ្រា​ព.ស.​២០៧៧ ឬ​ប្រមាណ​គ.ស.​​១៥៣៤ នា​នគរ​ហ្លួង​ព្រះ​បាង​ នៃ​អាណាចក្រ​លាន​ជាង​។

រូប​សំណាក​ព្រះ​ចៅ​ជ័យ​ជេដ្ឋា​ធិរាជ ដែល​តម្កល់​ខាង​មុខ​ព្រះ​ធាតុ​ហ្លួង​នា​ក្រុង​វៀងចន្ទន៍​បច្ចុប្បន្ន

នៅ​ក្នុង​រជ្ជ​សម័យ​របស់​ព្រះ​ចៅ​ពោធិសារ​រាជ (​គ.ស.​១៥២០-១៥៤៧​) ព្រះ​អង្គ​ជា​អ្នក​តឹង​រឹង​ខាង​ព្រះ​ពុទ្ធ​សាសនា​យ៉ាង​ខ្លាំង ហើយ​មាន​ព្រះ​រាជ​ឱង្ការ​ឲ្យ​ប្រជា​រាស្ត្រ​បញ្ឈប់​ប្រណិប័តន៍​ជំនឿ​លើ​អារក្ស​អ្នក​តា​នានា​ទូ​ទាំង​ព្រះ​រាជ​អាណាចក្រ​។ ក្រៅ​ពី​នោះ​ព្រះ​អង្គ​បញ្ជា​ឲ្យ​រើ​ខ្ទម​អ្នក​តា​នានា បញ្ឈប់​ការ​ចូល​រូប​ជាន់​ព្រលឹង​។ល។ និង​ឲ្យ​ប្រជា​រាស្ត្រ​មក​គោរព​ព្រះ​ពុទ្ធ​សាសនា​វិញ​។ ទ្រង់​​បាន​សាង​វត្ត​សុវណ្ណ​ទេវ​លោក ដើម្បី​ជា​និមិត្តរូប​នៃ​ព្រះ​ពុទ្ធ​សាសនា​។ ទោះ​បី​យ៉ាង​ណា​ក៏​ដោយ ដោយ​សារ​ទំនៀម​ទម្លាប់​និង​ប្រពៃណី​នៃ​ជំនឿ​បុរាណ​ចាក់​ឫស​យ៉ាង​ខ្លាំង​ក្លា​​នៅ​ក្នុង​ផ្នត់​គំនិត​ប្រជាជន​ជា​ហេតុ​ធ្វើ​ឲ្យ​ការ​បញ្ឈប់​ប្រណិប័តន៍​នេះ​ពិបាក​និង​សម្រេច​ណាស់​។

នៅ​សម័យ​ក្រោយ​មក​អាណាចក្រ​​អាណាចក្រ​ល៉ា្នន៉ា មិន​មាន​ក្សត្រិយ៍​គ្រប់​គ្រង​ទើប​មាន​ការ​ដង្ហែ​ចៅ​ជ័យ​ជេដ្ឋោ ឬ​ជេដ្ឋវាំង​សោ ព្រះ​ឱរស​នៃ​ព្រះ​ចៅ​ពោធិសារ ទៅ​គ្រង​នគរ​ល៉ា្នន៉ា នា​ព.ស.​២០​៨៩ ឬ​ប្រមាណ​គ.ស.​១៥៤៦​ មក​គ្រង​រាជ្យ​ជា​ក្សត្រិយ៍​អង្គ​ទី​១៥​។ នៅ​ពេល​ដែល​ព្រះ​ចៅ​ពោធិសារ​សោយ​ព្រះ​ទិវង្គត​​នៅ​គ.ស.​១៥៤៧ (​ព្រះ​អង្គ​រង​ឧប្បត្តិ​ដំរី​ដួល​សង្កត់​ខណៈ​ប្រពាស​ព្រៃ និង​សោយ​ព្រះ​ទិវង្គត​៣​សប្ដាហ៍​ក្រោយ​មក​) ព្រះ​ឱរស​ទាំង​ហ្លាយ​បាន​នាំ​គ្នា​ដណ្ដើម​រាជ្យ​សម្បត្តិ ដែល​ជា​ហេតុ​ធ្វើ​ឲ្យ​អាណាចក្រ​បែក​ជា​២ គឺ​ផ្នែក​ខាង​ជើង និង​ផ្នែក​ខាង​ត្បូង​។ ព្រះ​ចៅ​ជ័យ​ជេដ្ឋោ​នៃ​ល៉ា្នន៉ា ទើប​លើក​ទ័ព​មក​វាយ​ក្រុង​លាន​ជាង ព្រម​ទាំង​បាន​ដង្ហែ​ព្រះ​កែវ​មរកត ដែល​ប្រតិស្ឋាន​ឯ​វត្ត​បុប្ផារាម ជៀងហ្ម៉ៃ រួម​ទាំង​ព្រះ​ពុទ្ធ​សិហិង្គ (​ព្រះ​សិង្គ​) និង​ព្រះ​កែវ​ស​ទៅ​ជាមួយ​ផង​។ ទ្រង់​បាន​ដណ្ដើម​រាជ្យ​សម្បត្តិ​ពី​ស្ដេច​គ្រង​នគរ​ទាំង​ពីរ​បាន និង​បាន​ដាក់​ឈ្មោះ​ក្រុង​ថ្មី​ថា ក្រុង​ឝ្រី​សត្តនាគ​នហុត ព្រម​ទាំង​បាន​ឡើង​គ្រង​រាជ្យ​​សម្បត្តិ​ជា​មហា​រាជ​អង្គ​ទី​២​របស់​លាវ និង​មាន​ព្រះ​នាម​​ថា «​ព្រះ​ចៅ​ជ័យ​ជេដ្ឋា​ធិរាជ​»​​។ អាន​ភាគ​បន្ត

___________________________________________
ប្រកាស​ប្រហាក់​ប្រហែល​៖
១. លាវ​សាង​អនុស្សាវរីយ៍​ព្រះ​ចៅ​ជ័យ​ជេដ្ឋា​ធិរាជ​មួយ​ទៀត​នៅ​ភាគ​ខាង​ត្បូង​ជាប់​កម្ពុជ​ប្រទេស
២. លាវ​ចេញ​ធនប័ត្រ​១​សែន​គីប ឆ្លង​ខួប​វៀងច័ន្ទន៍​៤៥០​ឆ្នាំ
៣. សម្ដេច​ព្រះ​ចៅ​អភ័យ​ពុទ្ធបវរ ជ័យ​ជេដ្ឋា​ធិរាជ (​ត​ចប់​)
៤. លាវ​ចាប់​ផ្ដើម​ជួស​ជុល​ឡើង​វិញ ហោ​ព្រះ​កែវ វៀងចន្ទន៍

រូប​ប្រវត្តិ​សាស្ត្រ ៖ ព្រះ​ចៅ​ផែន​ដី​ខ្មែរ​ស្ដេច​ទៅ​ដល់​ហ្លួង​ព្រះ​បាង ថ្ងៃសៅរ៍ 25 ខែ​ឧសភា 2019

Posted by សុភ័ក្ត្រ in បុគ្គល​សំខាន់, អតីតភាព, ພາສາລາວ.
3 comments

Untitled-3

រូប​ភាព​ខាង​លើ​នេះ​ជា​ឯកសារ​នៃ​បណ្ណសារដ្ឋាន​ព្រះ​ពុទ្ធ​សាសនា នគរ​ហ្លួង​ព្រះ​បាង ប្រទេស​លាវ​។ រូប​នេះ​ត្រូវ​បាន​អះ​អាង​ថា​ជា​ក្បួន​ដង្ហែ​ព្រះ​ចៅ​ផែន​ដី​ខ្មែរ ព្រះ​ករុណា ព្រះ​បាទ​សម្ដេច​ព្រះ​នរោត្ដម សីហនុ កាល​គ្រា​ព្រះ​ជន្សា​១៩​ឆ្នាំ ស្ដេច​យាង​បំពេញ​ព្រះ​រាជ​ទស្សន​កិច្ច ចម្រើន​ព្រះ​មេត្រី​ភាព នៅ​នគរ​លាវ ជា​បង​ប្អូន ក្រោយ​ពេល​ព្រះ​អង្គ​ស្ដេច​ឡើង​គ្រង​សិរីរាជ​សម្បត្តិ​នៅ​នគរ​កម្ពុជា​៕​៚

_______________________________________________________
អាន​អត្ថបទ
១. កាលស្ដេចប្រពាសរាជអាណាចក្រលាវ
២. រូបភាព​កម្រ៖ ចំណង​សាមគ្គី​ព្រះរាជ​អាណាចក្រ​ខ្មែរ និង​ព្រះរាជ​អាណាចក្រ​លាវ

Repost: ភ្លេង​ជាតិ​លាវ​សម័យ​ព្រះ​រាជ​អាណាចក្រ ថ្ងៃចន្ទ 20 ខែ​ឧសភា 2019

Posted by សុភ័ក្ត្រ in ចម្រៀង, ພາສາລາວ.
add a comment

ភ្លេង​ជាតិ​លាវ ឬ​ភាសា​លាវ អាន​ថា ភេងសាត​ឡាវ (​ល. ເພງຊາດລາວ) ជា​ទំនុក​ចម្រៀង​ដែល​ត្រូវ​បាន​យក​មក​ធ្វើ​ជា​ភ្លេង​ជាតិ​របស់​ព្រះ​រាជ​អាណាចក្រ​លាវ ជា​ផ្លូវ​ការ កាល​ពី​គ.ស.​១៩៤៧​។ ភ្លេង​ជាតិ​នេះ​ត្រូវ​បាន​និពន្ធ​​​ដំបូង​ដោយ មហា​ភូមី និង​និពន្ធ​ទំនុក​ច្រៀង​ដោយ ថងឌី សុនថនវិចិត្រ នា​ឆ្នាំ​១៩៤១​។

ភ្លេង​ជាតិ​លាវ​ច្បាប់​នេះ​ត្រូវ​បាន​ប្រើ​ប្រាស់​​តាំង​ពី​មុន​ពេល​ប្រទេស​លាវ​ទទួល​ឯក​រាជ្យ​ពី​អាណានិគម​និយម​បារាំង និង​បន្ត​ប្រើ​ក្នុង​សម័យ​ព្រះ​រាជ​អាណាចក្រ​លាវ រហូត​ដល់​ឆ្នាំ​១៩៧៥ ពេល​ដែល​ព្រះ​រាជ​អាណាចក្រ​លាវ​ត្រូវ​ផ្ដួល​រំលំ​ដោយ​បក្ស​ប្រជាជន​បដិវត្ត​លាវ និង​បាន​បង្កើត​របប​ថ្មី​គឺ​សាធារណ​រដ្ឋ​ប្រជាធិបតេយ្យ​ប្រជាមានិត​លាវ រហូត​មក​ដល់​បច្ចុប្បន្ន​។

ខាង​ក្រោម​នេះ​ជា​​ទំនុក​ភ្លេង​ជាតិ​លាវ​សម័យ​ព្រះ​រាជ​អាណាចក្រ (១៩៤១-១៩៧៥)

អក្សរ​លាវ

ຊາດລາວຕັ້ງແຕ່ເດີມມາ
ຂື້ນຊື່ລືຊາຢູ່ໃນອາຊີ
ຊາວລາວຜູກພັນໄມຕຣີ
ຮ່ວມສາມັກຄີຮັກຫໍ່ໂຮມກັນ
ຮັກຊາດຮັກປະເທດເຮົາ
ຮັກເຈົ້າປົກເກດເກສາ
ໂຮມຮັກຮ່ວມສາສນາ
ແຕ່ບູຮານມາຮັກສາດິນແດນ

ບໍ່ໃຫ້ຊາດໃດມາລວນ
ຮາວີຮົບກວນຍາດແຍ່ງຊີງເອົາ
ໃຜຂືນເຂົ້າມາລູ່ວຸ່ນວາຍ
ສູ້ຈົນຕົວຕາຍຕ້ານທານສັດຕຣູ
ຊ່ວຍເຊີດຊູເລືອດເນື້ອເຊື້ອເຜົ່າ
ຟື້ນຟູກູ້ເອົາບັນເທົາທຸກກັນ

ពាក្យ​អាន​

សាត​ឡាវ​តាំង​ទែ​ឌើម​ម៉ា
ឃើន​ស៊ឺ​លឺ​សា​យូ​​ណៃ​អាស៊ី
សាវ​ឡាវ​ភូក​ផាន់​ម៉ៃ​ទ្រី
ហ៊ួម​សាម៉ាក់ឃី​ហាក់​ហ​ហ៊ួម​កាន់
ហាក់​សាត​ហាក់​ប៉ៈ​ថេត​ហោវ
ហាក់​ចោវ​ប៉ុក​កេត​កេសា
ហ៊ួម​ហាក់​ហ៊ួម​សាសៈណា
ទែ​ប៊ូហាន​ម៉ា​ហាក់​សា​ឌិន​ឌែន

ប​ហៃ​សាត​ដៃ​ម៉ាលួន
ហាវី​ហ៊ុប​កួន​យ៉ាត​យ៊ែង​ស៊ីង​អោវ
ផៃឃើន​ខោវ​ម៉ាលូ​វុន​វ៉ាយ
ស៊ូ​ជុន​តួ​តាយ​តាន​ថាន​សាត់​ទ្រូ
សួយ​ស៊ើត​ស៊ូ​លឿត​នឿ​សឿ​ផោវ
ហ្វឺន​ហ្វូ​គូ​អោវ​បាន់​ថោវ​ធុក​កាន់

អត្ថន័យ (​បក​ប្រែ​ក្រៅ​ផ្លូវ​ការ​ដោយ​ស្រែ​ខ្មុក​)

ជាតិ​លាវ​តាំង​តែ​ដើម​មក
មាន​ឈ្មោះ​ល្បាញ​ល្បី​នៅ​អាស៊ី
ជាតិ​លាវ​រួប​រួម​មេត្រី
រួម​សាមគ្គីវេញ​គ្នា​ជា​ធ្លុង​មួយ
ស្រឡាញ់​ជាតិ​ស្រឡាញ់​ប្រទេស​យើង
ស្រឡាញ់​ក្សត្រិយ៍​ស្មើ​នឹង​កេសា
រួម​ស្រឡាញ់​រួម​សាសនា
ពី​បូរាណ​មក​រក្សា​ដែន​ដី

មិន​ឲ្យ​ជាតិ​ណា​មក​បំពាន
រុក​កួន​ដណ្ដើម​យក
អ្នក​ណា​ហ៊ាន​ចូល​មក​រញេរញ៉ៃ
ស៊ូ​ស្លាប់​ត​តាំង​សត្រូវ
ជួយ​បូជា​សាច់​ឈាម​ដើម្បី​ជាតិ
សង្គ្រោះ​បន្ថយ​ទុក្ខ​គ្នា

__________________________________________________
អាន​ផង​ដែរ​៖
១. អំពី​ព្រះ​រាជ​អាណាចក្រ​លាវ

ទុង្សា​ទេវី​ទៅ​ដល់​ហ្លួង​ព្រះ​បាង នគរ​លាវ ថ្ងៃចន្ទ 15 ខែ​មេសា 2019

Posted by សុភ័ក្ត្រ in ພາສາລາວ.
2 comments

ក្បួន​ហែ​ទេព​ធីតា​សង្ក្រាន្ត ព្រះ​នាង​ទុង្សា​ទេវី បុត្រី​ទី​១​នៃ​កបិល​មហា​ព្រហ្ម នៅ​អតីត​រាជធានី អាណាចក្រលានជាង គឺហ្លួងព្រះបាង នាថ្ងៃនេះ (​១៥ មេសា ២០១៩)​។

56981675_2206107209481760_202538292468514816_n57016872_2206102559482225_4817379870612914176_n57070982_2206103079482173_46156609075806208_n57118159_2206106956148452_8221048535370432512_n

____________________________________________________
ប្រកាសប្រហាក់ប្រហែល
១. ទុង្សា​ទេវី មក​ដល់​ក្រុង​កម្ពុជា
២. ទុង្សា​ទេវី​ទៅ​ដល់ស្យាម​ប្រទេស

មហាសង្ក្រាន្តលាវ ចុល្ល​សករាជ ១៣៨១ ថ្ងៃសុក្រ 12 ខែ​មេសា 2019

Posted by សុភ័ក្ត្រ in ພາສາລາວ.
1 comment so far

_____________________________________________
អានផងដែរ៖
១. មហាសង្ក្រាន្តលាវ ពុទ្ធសករាជ២៥៥០
២. មហាសង្ក្រាន្តលាវ ពុទ្ធសករាជ ២៥៥១
៣. មហាសង្ក្រាន្តលាវ ពុទ្ធសករាជ ២៥៥២
៤. មហាសង្ក្រាន្តលាវ ពុទ្ធសករាជ ២៥៥៣
៥. មហាសង្ក្រាន្តលាវ ពុទ្ធសករាជ ២៥៥៤
៦. មហាសង្ក្រាន្តលាវ ពុទ្ធសករាជ ២៥៥៥
៧. មហាសង្ក្រាន្តលាវ ពុទ្ធសករាជ ២៥៥៦
៨. មហាសង្ក្រាន្តលាវ ពុទ្ធសករាជ ២៥៥៧
៩. មហាសង្ក្រាន្តលាវ ពុទ្ធសករាជ ២៥៥៨
១០. មហាសង្ក្រាន្តលាវ ពុទ្ធសករាជ ២៥៥៩
១១. មហាសង្ក្រាន្តលាវ ពុទ្ធសករាជ ២៥៦០
១២. មហាសង្ក្រាន្តលាវ ចុល្ល​សករាជ ១៣៨០

លាវ​សម្ដែង​សែន្យានុភាព ៧០​ឆ្នាំ​កង​ទ័ព​នៃ​ប្រជាជន ថ្ងៃចន្ទ 21 ខែមករា 2019

Posted by សុភ័ក្ត្រ in វីដេអូ, ພາສາລາວ.
add a comment

នានាប្រទេស៖ នគរ​ហ្លួង​វៀងចន្ទន៍, ស.ប.ប. លាវ – ម្សិល​មិញ​នេះ (​២០ មករា ២០១៩​) សាធារណ​រដ្ឋ​ប្រជាធិបតេយ្យ​ប្រជាមានិត​លាវ (​ស.ប.ប. លាវ​) បាន​ចាត់​ពិធី​ដ៏​សម្បើម​អស្ចារ្យ​ឆ្លង​ខួប​ឆ្នាំ​ទី​៧០ ថ្ងៃ​បង្កើត​កង​ទ័ព​ប្រជាជន​លាវ ២០​ មករា ១៩៤៩-២០​ មករា ២០១៩​។

ពិធី​ដ៏​មហោឡារិក​នេះ​ត្រូវ​បាន​ចូល​រួម​ពី​ថ្នាក់​ដឹក​នាំ​កំពូល​ៗ​របស់​រដ្ឋ​កុម្មុយនីស្ត​មួយ​នេះ មាន​ជា​អាទិ៍​ សមមិត្ត ប៊ុនញ៉ាំង វរជិត អគ្គ​លេខាធិការ​បក្ស​ប្រជាជន​បដិវត្ត​លាវ និង​ជា​ប្រធាន​រដ្ឋ​លាវ​, សមមិត្ត​ ថងលុន ស៊ីស៊ុលីត នាយក​រដ្ឋមន្ត្រី​លាវ ព្រម​ទាំង​ថ្នាក់​ដឹក​នាំ​បក្ស​-រដ្ឋ​, ពល​ទាហាន ព្រម​ទាំង​ប្រជាជន​លាវ​ជា​ច្រើន​ម៉ឺន​នាក់​។

នៅ​ក្នុង​ពិធី​នេះ ក្រៅ​អំពី​ក្បួន​ព្យុហយាត្រា​កង​ទ័ព​គ្រប់​ប្រភេទ​របស់​ប្រទេស​នេះ​ហើយ បណ្ដា​សព្វាវុធ​ទំនើប​ៗ​ជា​ច្រើន​ទៀត ទាំង​វិស័យ​ជើង​គោក និង​អាកាស​របស់​លាវ ក៏​ត្រូវ​បាន​យក​មក​បង្ហាញ​ផង​ដែរ​​។ ការ​បង្ហាញ​ជា​សាធារណៈ​នូវ​អាវុធ​យុទ្ធោបករណ៍​របស់​លាវ​នា​គ្រា​នេះ បាន​បង្ហាញ​ពី​ការ​រីក​ចម្រើន​ផ្នែក​វិស័យ​ការ​ពារ​ប្រទេស​លាវ ដែល​បាន​បោះ​ជំហាន​ទៅ​មុខ​យ៉ាង​គួរ​ឲ្យ​ចាប់​អារម្មណ៍​នា​រយៈ​ពេល​៧០​ឆ្នាំ​មក​នេះ​៕

ទិដ្ឋភាព​មួយ​ចំនួន​នៃ​ពិធី​ឆ្លង​ខួប​ឆ្នាំ​ទី​៧០ នៃ​កំណើត​កង​ទ័ព​ប្រជាជន​លាវ

%d bloggers like this: