jump to navigation

វត្ត​ស្រី​បុណ្យរឿង​សិរិមារាម ថ្ងៃសុក្រ 29 ខែ​ឧសភា 2020

Posted by សុភ័ក្ត្រ in ພາສາລາວ.
2 comments

អតីត​រាជធានី​នៃ​នគរ​លាវ​ហ្លួង​ព្រះ​បាង ជា​រាជធានី​នៃ​ព្រះ​ពុទ្ធ​សាសនា​។ ប្រជា​រាស្ត្រ​នៃ​ក្រុង​នេះ​បាន​សាង​សង់​វត្ត​អារាម​ជា​ច្រើន​ដើម្បី​បដិបត្តិ​សាសនា នាម​ជា​ពុទ្ធមាមកៈ​។ ខាង​ក្រោម​នេះ​ជា​រូប​ភាព​នៃ​វត្ត​មួយ​ក្នុង​ចំណោម​វត្ត​ជា​ច្រើន​ផ្សេង​ទៀត​នៅ​ក្នុង​អតីត​រាជ​ធានី​នេះ​។ វត្ត​នេះ​មាន​ឈ្មោះ​ថា វត្តស្រី​​បុណ្យរឿង​សិរិមារាម (ល. ວັດສຼີບຸນເຮືອງສິຣິມາຣາມ) ឬ​​ហៅ​ខ្លី​ថា​វត្ត​ស្រី​បុណ្យ​រឿង (លាវ​អាន​ថា វត្ត​ស៊ីប៊ុនហឿង​) ដែល​ស្រែ​ខ្មុក​បាន​ថត​​កាល​ពី​ថ្ងៃ​ទី​៧ ខែ​មករា ឆ្នាំ​២០២០ គឺ​ប្រមាណ​ជាង​១០​ឆ្នាំ​មក​ហើយ​៕

______________________________________
អាន​ផង​ដែរ
១. ព្រះ​សង្ឃ​លាវ​បិណ្ឌ​បាត្រ​ឯ​ហ្លួង​ព្រះ​បាង
២. ចេញ​ទៅ​ហ្លួង​ព្រះបាង​ព្រឹក​ស្អែក

ព្រះ​សង្ឃ​លាវ​បិណ្ឌ​បាត្រ​ឯ​ហ្លួង​ព្រះ​បាង ថ្ងៃសុក្រ 22 ខែ​ឧសភា 2020

Posted by សុភ័ក្ត្រ in អំពីស្រុកខ្មែរ, ພາສາລາວ.
2 comments

នេះ​ជា​កម្រង​រូប​ភាព​ជីវភាព​ប្រជាជន​លាវ និង​ការ​បិណ្ឌ​បាត្រ​របស់​ព្រះ​សង្ឃ​ឯ​អតីត​រាជធានី​ហ្លួង​ព្រះ​បាង​នៃ​នគរ​លាវ​។ រូប​នេះ​ថត​កាល​ពី​ខែ​មករា ឆ្នាំ​២០១០ គឺ​ប្រមាណ​ជាង​១០​ឆ្នាំ​មុន​៕

______________________________________
អាន​ផង​ដែរ
១. ចេញ​ទៅ​លាវ​ព្រឹក​នេះ
២. ចេញ​ទៅ​ហ្លួង​ព្រះបាង​ព្រឹក​ស្អែក
៣. វត្ត​ស្រី​បុណ្យរឿង​សិរិមារាម

 

អតីត​នាយករដ្ឋមន្ត្រី​ និង​អនុ​ប្រធានាធិបតី លាវ ស៊ីសៈវ៉ាត កែវប៊ុនផាន់ ទទួល​មរណ​ភាព ថ្ងៃអង្គារ 12 ខែ​ឧសភា 2020

Posted by សុភ័ក្ត្រ in មរណភាព, ພາສາລາວ.
add a comment

44771682392_cc255b06cb_o

នានាប្រទេស៖ នគរ​ហ្លួង​វៀងចន្ទន៍, ស.ប.ប. លាវ – អតីត​អនុ​ប្រធាន​ប្រទេស​លាវ​ទី​១ និង​​ជា​អតីត​នាយក​រដ្ឋមន្ត្រី​លាវ សមមិត្ត ស៊ីសៈវ៉ាត កែវប៊ុនផាន់ បាន​ទទួល​មរណ​ភាព​ហើយ​នា​ព្រឹក​ថ្ងៃ​អង្គារ ទី​១២ ខែ​ឧសភា ឆ្នាំ​២០២០ នេះ​ ក្នុង​អាយុ​៩២​ឆ្នាំ​។

ឧត្ដម​សេនីយ​ឯក សមមិត្ត ស៊ីសៈវ៉ាត កែវប៊ុនផាន់ កើត​ថ្ងៃ​ទី​១ ខែ​ឧសភា ឆ្នាំ​១៩២៨ ឯ​ស្រុក​សាំនឿ ខេត្ត​ហួផាន់ មាន​បង​ប្អូន​ទាំង​អស់​៣​នាក់​។ កំណើត​របស់​សមមិត្ត​ជា​កូន​អ្នក​ស្រែ​ចម្ការ ប្រកប​របរ​ចិញ្ចឹម​ជីវិត​ដូច​អ្នក​ស្រែ​លាវ​ឯ​ទៀត​ៗ​។

ឪពុក​ម្ដាយ​របស់​សមមិត្ត​បាន​ទទួល​មរណ​ភាព​នៅ​ពេល​សមមិត្ត​​មាន​អាយុ​១៤​ឆ្នាំ​។ នៅ​អាយុ​២០​ឆ្នាំ សមមិត្ត​​បាន​ចូល​រួម​ក្នុង​ចលនា​បដិវត្តន៍​លាវ និង​ជា​ទាហាន​ជំនាន់​ទី​១ ដែល​ត្រូវ​បាន​បង្កើត​ឡើង​ក្នុង​ចលនា​រំដោះ​ (ចលនា​កង​ទ័ព​រាជ​វង្ស) ប្រទេស​លាវ​ពី​នឹម​អាណា​និគម​និយម​បារាំង​សែស​។ បន្ទាប់​មក​ចលនា​នេះ​បាន​ប្ដូរ​ឈ្មោះ​មក​ជា​កង​ទ័ព​ប្រជាជន​លាវ ដែល​ជា​ចលនា​តស៊ូ​រំដោះ​ប្រទេស​លាវ​ពី​ការ​រុក​រាន​ថ្មី​ៗ​របស់​សហ​រដ្ឋ​អាមេរិក​។

នៅ​ថ្ងៃ​ទី​៣ ខែ​កុម្ភៈ ឆ្នាំ​១៩៧២ សមមិត្ត​​បាន​ចូល​រួម​កិច្ច​ប្រជុំ​កំពូល​របស់​បក្ស លើក​ទី​២ ដែល​បាន​ផ្លាស់​ប្ដូរ​ឈ្មោះ​បក្ស​ពី​បក្ស​ប្រជាជន​លាវ មក​ជា​បក្ស​ប្រជាជន​បដិវត្ត​លាវ​។ មក​ដល់​ឆ្នាំ​១៩៧៦​-​១៩៨៧ សមមិត្ត​ បាន​ក្លាយ​ជា​សមាជិក​គណៈ​កម្មការ​មជ្ឈឹម​បក្ស​។ ក្រៅ​ពី​នេះ នៅ​ឆ្នាំ​១៩៨៧ សមមិត្ត​​ស៊ីសៈវ៉ាត កែវប៊ុនផាន់ បាន​ដឹក​នាំ​ធ្វើ​ជា​មេ​ទ័ព​ក្នុង​ការ​ធ្វើ​បញ្ជា​ការ​ប្រយុទ្ធ​ក្នុង​សមរភូមិ​បរតែន ឬ​ថៃ​ហៅ​ថា​សមរភូមិ​ប្រយុទ្ធ​រុមក្លៅ (​កកន ៖ ជា​ជម្លោះ​ប្រដាប់​អាវុធ​​មួយ​រវាង​លាវ​និង​ថៃ​)​

  • ពី​ឆ្នាំ​១៩៧៥​-​១៩៩១ ៖ ជា​រដ្ឋមន្ត្រី​ប្រចាំ​ទី​ស្ដី​ការ​គណៈ​រដ្ឋមន្ត្រី​, រដ្ឋមន្ត្រី​ក្រសួង​មហា​ផ្ទៃ​, ប្រធាន​គ្រប់​គ្រង​រដ្ឋធានី​វៀងចន្ទន៍
  • ពី​ឆ្នាំ​១៩៩១​-​១៩៩៦ ៖ ជា​រដ្ឋមន្ត្រី​ក្រសួង​កសិកម្ម និង​ព្រៃឈើ
  • ពី​ឆ្នាំ​១៩៩៦-​១៩៩៨ ៖ ជា​អនុ​ប្រធាន​ប្រទេស​នៃ​សបប​. លាវ
  • ពី​ឆ្នាំ​១៩៩៨​-​២០០១ ៖ ជា​នាយក​រដ្ឋមន្ត្រី​នៃ​សបប​. លាវ
  • ពី​ឆ្នាំ​២០០១​-​២០១១ ៖ ជាប្រធាន​រណសិរ្ស​កសាង​ជាតិ​លាវ
  • ពី​ឆ្នាំ​២០១១ ៖ ចូល​និវត្តន៍​

96499408_1280804212129301_4312072213709717504_n13

អធិក​វារៈ ឬ អធិកពារ ថ្ងៃសៅរ៍ 25 ខែ​មេសា 2020

Posted by សុភ័ក្ត្រ in អំពី​ភាសា, អំពីភាសា, ภาษาไทย, ພາສາລາວ.
1 comment so far

ចុល្ល​សករាជ​១៣៨២​នេះ ជា​ឆ្នាំ​ដែល​មាន​ «​អធិក​វារៈ» ឬ «អធិកពារ​»​។ តើ​អ្វី​ជា​អធិក​វារៈ?

Untitled-2

ប្រដូច​គ្នា​ទៅ​នឹង​ប្រតិទិន​សុរិយ​គតិ ខាង​ចន្ទ​គតិ​ក៏​មាន​ការ​បន្ថែម​ថ្ងៃ​លើ​ខែ​ដែរ ក្រៅ​អំពី​ការ​បន្ថែម​ខែ​លើ​ឆ្នាំ ឬ «​អធិក​មាស​» នោះ​។

ប្រសិន​បើ​យើង​ចែក​ចំណែក​ពាក្យ​មួយ​ៗ​នៅ​ទី​នេះ គឺ អធិក (​អៈ-ធិ-កៈ) សំដៅចំពោះ «​លើស​, បន្ថែម​» ចំណែក​ឯ​ពាក្យ​ថា វារ, វារៈ មាន​សេចក្ដី​ថា «​ថ្ងៃ​»​។ នៅ​ក្នុង​វចនានុក្រម​ខ្មែរ លោក​បាន​ឲ្យ​និយម​ន័យ​នៃ «​អធិកវារៈ»​ នេះ ដូច​ត​ទៅ​នេះ​ ៖

អធិកវារៈ ឬ —ពារ ថ្ងៃលើក គឺថ្ងៃមួយដែលថែមត្រង់ខែជេស្ឋតាមចន្ទគតិ ( ខែជេស្ឋនោះមាន ៣០ ថ្ងៃ ) : ឆ្នាំមានអធិកវារៈ

នៅ​ក្នុង​ប្រទេស​ថៃ និង​លាវ​ ដែល​ប្រើ​ប្រាស់​ប្រព័ន្ធ​ចន្ទ​គតិ​ដូច​ខ្មែរ​យើង​ដែរ​នោះ ការ​បន្ថែម​ថ្ងៃ​នៅ​ខែ​ជេស្ឋ​ (សៀម​លាវ ហៅ​ខែ​៧)​ នេះ​ក៏​អនុវត្ត​ដូច​គ្នា​ផង​ដែរ ដោយ​ថៃ​ហៅឈ្មោះ​ថា «​อธิกวาร» (​អាន​ថា ៖ អៈធិកៈវ៉ាន) និង​លាវ ហៅ​ថា «​ອະທິກະວານ​» (អាន​ថា ៖ អៈធិកៈវ៉ាន) ឬ អធិក​វារ នោះ​ឯ​ង​​។

ការ​បន្ថែម​១​ថ្ងៃ​បន្ថែម​ទៀត​ទៅ​លើ​ខែ​ជេស្ឋ​នេះ​មាន​ទំនង​ដូច​គ្នា​ទៅ​នឹង​ការ​បន្ថែម​ខែ​ជា​អធិកមាស​ផង​ដែរ​។ ក្នុង​ប្រមាណ​៥​ឆ្នាំ​ បើ​ទោះ​បី​ជា​មាន​​អធិកមាស​​ក៏​ដោយ (​ប្រតិទិន​ចន្ទ​គតិ​) ក៏​នៅមាន​ចំនួន​ថ្ងៃ​​តិច​ជាង​១​ថ្ងៃ​ពី​ប្រតិទិនសុរិយ​គតិ​ដែរ ដែល​ហេតុ​ត្រូវ​បន្ថែម​១​ថ្ងៃ​ឲ្យ​ស្មើ​គ្នា​នោះ​ឯង​​។ តាម​ធម្មតា​ខែ​ជេស្ឋ​មាន​ចំនួន​២៩​ថ្ងៃ សម្រាប់​ឆ្នាំ​ដែល​មាន​អធិក​វារៈ​នេះ ខែ​ជេស្ឋ​នឹង​មាន​ចំនួន​៣០​ថ្ងៃ​ពេញ​។ ហេតុ​ដូច​នេះ​ថ្ងៃ​ចុង​ក្រោយ​នៃ​ខែ​ជេស្ឋ​នេះ​គឺ​ថ្ងៃ​១៥​រោច ជំនួស​ឲ្យ​ថ្ងៃ​១៤​រោច តាម​ធម្មតា​៕

____________________________________________________________
អាន​ផង​ដែរ​៖
១. អធិក​មាស
២. ឆ្នាំ​នេះ​ខ្មែរ និង​ថៃ ធ្វើ​បុណ្យ​មាឃ​បូជា និង​វិសាខ​បូជា ខុស​ថ្ងៃ​ខែ​គ្នា

ស្រង់​ទឹក «​ព្រះ​បាង​» ថ្ងៃអាទិត្យ 19 ខែ​មេសា 2020

Posted by សុភ័ក្ត្រ in ພາສາລາວ.
3 comments

នានាប្រទេស៖ នគរ​ហ្លួង​ព្រះ​បាង, ស.ប.ប. លាវ – ថ្ងៃ​ទី​១៧ ខែ​មេសា ឆ្នាំ​២០២០ កន្លង​មក​នេះ គណៈ​សង្ឃ​ ព្រម​ទាំង​ថ្នាក់​ដឹក​​បក្ស និង​រដ្ឋ នៃ​នគរ​ហ្លួង​ព្រះ​បាង ព្រម​ទាំង​ពុទ្ធ​សាសនិកជន​មួយ​ចំនួនតូច​ផង បាន​ចាត់​ពិធី​ស្រង់​ទឹក «​ព្រះ​បាង​» នៅ​ឯ​ហោ​ព្រះបាង បរិវេណ​សារ​មន្ទីរ​ព្រះ​បរមរាជ​វាំង​ហ្លួង​ព្រះ​បាង នគរ​លាវ​។ ពិធី​ស្រង់​ទឹក​ព្រះ​បាង​នេះ គឺ​ជា​ទំនៀម​ប្រចាំ​ឆ្នាំ​មួយ​នៃ​ប្រជាជន​លាវ ជា​ពិសេស​អ្នក​ហ្លួង​ព្រះ​បាង ដែល​តែង​ធ្វើ​ជា​រៀង​រាល់​ឆ្នាំ​ក្នុង​ទេសកាល​បុណ្យ​សង្ក្រាន្ត ឬ​បុណ្យចូលឆ្នាំ​ថ្មី​លាវ ដែល​ស្រប​គ្នានឹង​ពិធី​បុណ្យ​ចូល​ឆ្នាំថ្មី របស់​ជន​ជាតិខ្មែរ​យើង​ផង​​។

ជា​ទំនៀម គឺ​មាន​ការចាត់​ក្បួន​ហែរ​ «​ព្រះ​បាង​» ចេញ​ពី​ហោ​ព្រះ​បាង យក​ទៅ​តម្កល់​ឯ​​វត្ត​ថ្មី​សុវណ្ណភូមា​រាម (​ល. ວັດໃຫມ່ສຸວັນນະພູມມາຣາມ) ដើម្បី​ឲ្យ​ប្រជាជន​លាវ​មាន​ឱកាស​បាន​ស្រង់​ទឹក​ព្រះ​អង្គ​នា​ឱកាស​បុណ្យ​ចូល​ឆ្នាំ​ថ្មី​ រយៈ​ពេល​៣​យប់​៤​ថ្ងៃ​ (អាន​ប្រកាស ៖ ទំនៀម​ស្រង់​ទឹក​ «​ព្រះ​បាង​» នៅ​នគរ​លាវ ក្នុង​ថ្ងៃ​សង្ក្រាន្ត)។ តែ​ដោយ​ឡែកឆ្នាំ​នេះ ដោយ​សារ​តែ​វិបត្ត​នៃ​ជំងឺ​កូវីដ-១៩ ប្រទេស​លាវ ក៏​មាន​ការ​ផ្ទាក​ការ​រៀប​ចំ​បុណ្យ​ចូល​ឆ្នាំ និង​ការ​ហែរ​ក្បួន​នានា​ រួម​ទាំង​ពិធី​ហែរ​ព្រះ​បាង​នេះ​ផង ជា​ហេតុ​ទើប​ចាត់​ឲ្យ​មាន​ត្រឹម​ការ​ស្រង់​ទឹក ព្រះ​បាង នេះ ជា​លក្ខណៈ​តូច​នៅ​ឯ​ហោ​ដោយ​ផ្ទាល់​តែ​ប៉ុណ្ណោះ​៕

«ព្រះ​បាង​ពុទ្ធ​លាវណ្ណ» ឬ​ដែល​ប្រជាជន​លាវ​និយម​ហៅ​ថា «​ព្រះ​បាង​» ត្រូវ​បាន​ប្រវត្តិ​សាស្ត្រ​លាវ​ចារឹក​ថា​មាន​ប្រភព​បន្ត​មក​អំពី​នគរ​កម្ពុជា តាំង​ពី​សម័យ​មហា​នគរ​មក​ម្ល៉េះ បច្ចុប្បន្ន​នេះ​តម្កល់​ក្នុង​សារ​មន្ទីរ​ហោ​ព្រះ​បាង ដែល​ស្ថិត​ក្នុង​អតីត​ព្រះ​រាជ​វាំង​លាវ នៃ​រាជធានី​ហ្លួង​ព្រះ​បាង ដែល​ជា​ឈ្មោះ​នៃ​ព្រះ​បដិមា​នេះ​ឯង​។ អង្គ​បដិមា «​ព្រះ​បាង​» គឺ​ជា​បដិមា​ប្រចាំ​ជាតិ​របស់​លាវ ដែល​ប្រជាជន​លាវ​មាន​ជំនឿ​ជឿ​ជាក់​យ៉ាង​ខ្លាំង​៕

93136940_2901183746661354_737193417955606528_o93269167_2901183676661361_80793355654529024_o93372735_2901183009994761_3728575789579370496_o93868993_2901183233328072_199167748163502080_o

____________________________________________
អាន​ផង​ដែរ​
១. ព្រះ​បាង
២. ទំនៀម​ស្រង់​ទឹក​ «​ព្រះ​បាង​» នៅ​នគរ​លាវ ក្នុង​ថ្ងៃ​សង្ក្រាន្ត
៣. លាវ​ធ្វើ​ពិធី​ហែ​អង្គ​បដិមា «​ព្រះ​បាង​» តម្កល់​នៅ​ហោ​ព្រះ​បាង​ថ្មី

មហាសង្ក្រាន្តលាវ ចុល្ល​សករាជ ១៣៨២ ថ្ងៃអាទិត្យ 12 ខែ​មេសា 2020

Posted by សុភ័ក្ត្រ in ພາສາລາວ.
add a comment

75271444_420686271939877_2614784280307433472_n76647911_420686391939865_6475559120308011008_o

_____________________________________________
អានផងដែរ៖
១. មហាសង្ក្រាន្តលាវ ពុទ្ធសករាជ២៥៥០
២. មហាសង្ក្រាន្តលាវ ពុទ្ធសករាជ ២៥៥១
៣. មហាសង្ក្រាន្តលាវ ពុទ្ធសករាជ ២៥៥២
៤. មហាសង្ក្រាន្តលាវ ពុទ្ធសករាជ ២៥៥៣
៥. មហាសង្ក្រាន្តលាវ ពុទ្ធសករាជ ២៥៥៤
៦. មហាសង្ក្រាន្តលាវ ពុទ្ធសករាជ ២៥៥៥
៧. មហាសង្ក្រាន្តលាវ ពុទ្ធសករាជ ២៥៥៦
៨. មហាសង្ក្រាន្តលាវ ពុទ្ធសករាជ ២៥៥៧
៩. មហាសង្ក្រាន្តលាវ ពុទ្ធសករាជ ២៥៥៨
១០. មហាសង្ក្រាន្តលាវ ពុទ្ធសករាជ ២៥៥៩
១១. មហាសង្ក្រាន្តលាវ ពុទ្ធសករាជ ២៥៦០
១២. មហាសង្ក្រាន្តលាវ ចុល្ល​សករាជ ១៣៨០
១៣. មហាសង្ក្រាន្តលាវ ចុល្ល​សករាជ ១៣៨១

Repsot : គ្រឿង​រាជ​ឥស្សរិយ​យស​លាន​ជាង​រុម​ខាវ ថ្ងៃ​ព្រហស្បតិ៍ 2 ខែ​មេសា 2020

Posted by សុភ័ក្ត្រ in បុគ្គល​សំខាន់, ប្រវត្តិសាស្ត្រ, ພາສາລາວ.
add a comment

គ្រឿង​រាជ​ឥស្សរិយ​យស​លាន​ជាង​រុម​ខាវ (ល. ອິສະຣິຍາພອນລັານຊັາງຮົ່ມຂາວ) គឺ​ជា​គ្រឿង​រាជ​ឥស្សរិយ​យស​​ខ្ពស់​បំផុត​នៃ​អតីត​ព្រះ​រាជ​អាណាចក្រ​លាវ​។ គ្រឿង​រាជ​ឥស្សរិយ​យស​លាន​ជាង​រុម​ខាវ ត្រូវ​បាន​បង្កើត​ឡើង​នា​ថ្ងៃ​ទី​១ ខែ​ឧសភា ឆ្នាំ​១៩០៩ ដោយព្រះចៅមហាជីវិតលាវ ស្រីស្វាងវង្ស​។

Untitled-2គ្រឿង​រាជ​ឥស្សរិយ​យស​លាន​ជាង​រុម​ខាវ

គ្រឿង​រាជ​ឥស្សរិយ​យស​លាន​ជាង​រុម​ខាវ មាន​លំដាប់​ថ្នាក់​ចំនួន​៦ គឺ ៖

  • ថ្នាក់​មហាសេរីវឌ្ឍន៍ អម​ជាមួយ​ខ្សែ​ស្ពាយ (​ថ្នាក់​ខ្ពស់​បំផុត – សម្រាប់​អង្គ​ព្រះ​មហា​ក្សត្រិយ៍​លាវ និង​ប្រមុខ​រដ្ឋ​បរទេស​)
  • ថ្នាក់​មហាសេរីវឌ្ឍន៍
  • ថ្នាក់​មហាសេនា
  • ថ្នាក់​ធិបឌិន្ទ
  • ថ្នាក់​សេនា
  • ថ្នាក់​អស្ស​ឫទ្ធិ

រាប់​ថា​ជា​ការ​ចម្រើន​មេត្រី​ភាព​យ៉ាង​ពិសេស​រវាង​នគរ​​ជិត​ខាង​ទាំង​ពីរ​កម្ពុជា-លាវ​ អតីត​ព្រះ​មហា​ក្សត្រិយ៍​លាវ ស្រីស្វាងវង្ស​ ស្ដេច​បាន​ថ្វាយ​គ្រឿង​រាជ​ខ្ពស់​បំផុត​នៃ​នគរ​លាវ​នេះ ចំពោះ​អតីត​ព្រះ​មហា​ក្សត្រិយ៍​ខ្មែរ​ដល់​ទៅ​៣​ព្រះ​អង្គ នោះ​គឺ ៖ ១. ព្រះ​ករុណា ព្រះ​ខត្តិយកោដ្ឋ ២. ព្រះ​ករុណា ព្រះ​កាញ្ចន​កោដ្ឋ និង​ ៣. ព្រះ​ករុណា ព្រះ​បរម​រតន​កោដ្ឋ​ផង (កាល​គ្រា​ទ្រង់​គ្រង​រាជ្យ​លើក​ទី​១​)​៕

23819130111_61471517dc_o

ព្រះ​ករុណា ព្រះ​បរម​រតន​កោដ្ឋ ស្ដេច​គ្រង​គ្រឿង​រាជ​ឥស្សរិយ​យស​លាន​ជាង​រុម​ខាវ កាល​គ្រា​​យាង​នគរ​លាវ នា​គ.ស.​១៩៤៣ (​ព្រះ​ឆាយា​លក្ខណ៍​ជាមួយ​ ព្រះបាទ​សម្ដេច​ព្រះចៅ​ស្រីសវាងវង្ស ព្រះ​ចៅ​ផែន​ដី​លាវ​)
550268_10151355199227039_46820892_nព្រះ​ករុណា ព្រះ​បរម​រតន​កោដ្ឋ ស្ដេច​គ្រង​គ្រឿង​រាជ​ឥស្សរិយ​យស​លាន​ជាង​រុម​ខាវ កាល​គ្រា​​យាង​នគរ​លាវ នា​គ.ស.​១៩៦១ (​ព្រះ​ឆាយា​លក្ខណ៍​ជាមួយ​ ​​ព្រះ​បាទ​សម្ដេច​ព្រះ​ចៅ​ជេដ្ឋា​ខត្តិយ​វង្សា​ព្រះ​មហា​ស្រី​សវាង វឌ្ឍនា ព្រះ​ចៅ​ជីវិត​នៃព្រះ​​រាជ​អាណាចក្រ​លាវ ហើយ​ដែល​ទ្រង់​គ្រង​គ្រឿង​រាជ​ឥស្សរិយ​យស​​កម្ពុជា​)68676395_2714899148529680_4848574651875459072_nប្រកាស​នីយ​បត្រ​គ្រឿង​រាជ​ឥស្សរិយ​យស​លាន​ជាង​រុម​ខាវ

______________________________________________________________
អាន​ផង​ដែរ​៖
១. ថ្វាយ​គ្រឿង​ខត្តិយរាជ​ឥស្សរិយាភរណ៍​ចំពោះ​ព្រះ​មហា​ក្សត្រិយ៍​កម្ពុជា
២. គ្រឿង​ឥស្សរិយ​យស​ជាន់​ខ្ពស់​ផ្កា​ស្បៃ​រឿង​ទេស​នៃ​ជប៉ុន

%d bloggers like this: