jump to navigation

លាវ​តាំង​សម្ពោធ​រាជា​នុស្សាវរីយ៍ ព្រះ​ចៅ​ជ័យ​ជេដ្ឋាធិរាជ មហា​រាជ ថ្ងៃចន្ទ 3 ខែសីហា 2020

Posted by សុភ័ក្ត្រ in ພາສາລາວ.
3 comments

នានាប្រទេស ខេត្ត​​អត្តពើ, ស.ប.ប. លាវ – កាល​ពី​ថ្ងៃ​សៅរ៍ ទី​១ ខែ​សីហា ឆ្នាំ​២០២០ កន្លង​មក​នេះ អាជ្ញាធរ​លាវ​បាន​​លើក​តាំង​បន្តុប​​ព្រះ​បរម​រូប​ថ្មី​នៃអតីត​ព្រះ​មហា​ក្សត្រិយ៍​លាវ ​ព្រះ​ចៅ​ជ័យ​ជេដ្ឋា​ធិរាជ​ មហា​រាជ​ លើ​ដំរី​រួច​រាល់​ហើយ និង​បាន​ចាត់​ពិធី​បុណ្យ​សម្ពោធ​តាម​បែប​ពុទ្ធ​សាសនា យ៉ាង​​អ៊ឹកធឹក​។ ពិធី​បុណ្យ​នេះ​បាន​ធ្វើ​ឡើង​នៅ​ឯ​បរិវេណ​នៃ​ព្រះ​រាជានុស្សាវរីយ៍​នៃ​ព្រះ​ចៅ​ជ័យ​ជេដ្ឋាធិរាជ មហា​រាជ នា​ភូមិ​ឆ្នេរ​ខ្សាច់​ស ក្រុង​ជ័យ​ជេដ្ឋា ខេត្ត​អត្ត​ពើ ប្រទេស​លាវ​ ជាប់​នឹង​ប្រទល់​ដែន​កម្ពុជា​។

រដ្ឋបាល​លាវ​បាន​សម្រេច​សាង​​ព្រះ​បរម​រូប​ព្រះ​ចៅ​ជ័យ​ជេដ្ឋា​ធិរាជ​ថ្មី​​​មួយ​យ៉ាង​ធំ​ពី​សំរឹទ្ធ​ និង​សាង​ឡើង​ក្នុង​ឥរិយាបទ​ប្រថាប់​លើ​ដំរី ដោយ​មាន​ទម្ងន់​សរុប​ចំនួន​១៨​តោន និង​មាន​តម្លៃ​ប្រមាណ​៣៨​ពាន់​លាន​គីប ឬ​ប្រមាណ​ ១៧.៣៤៩.០៣១.១០០​រៀល​​ ដើម្បី​យក​មក​តម្កល់​ឯ​ព្រះ​រាជានុស្សាវរីយ៍​ដែល​ទើប​សាង និង​សម្ពោធ​នា​ពេល​នេះ​។ ព្រះ​បរម​រូប ព្រម​ទាំង​ សមិទ្ធិ​ជា​ច្រើន​ទៀត​ត្រូវ​បាន​​​តម្កល់​ធ្វើ​បុណ្យ​អស់​ជា​ច្រើន​ថ្ងៃ​ នៅ​ឯ​នគរ​ហ្លួង​​វៀងចន្ទន៍ មុន​នឹង​ធ្វើ​ការ​ដង្ហែ​មក​ប្រតិស្ឋាន​ឯ​រាជា​នុស្សាវរីយ៍​ថ្មី នៅ​ខេត្ត​អត្តពើ​នេះ​។

នៅ​ថ្ងៃ​ពេញ​បូរមី ខែ​កត្ដិក​​ជា​រៀង​រាល់​ឆ្នាំ ប្រជាជន​ខេត្ត​អត្តពើ បាន​នាំ​គ្នា​ចាត់​បុណ្យ​សម្ពោធ និង​ធ្វើ​បុណ្យ​ព្រះ​បរម​ធាតុ​ព្រះ​ចៅ​ជេដ្ឋាធិរាជ នៅ​ឯ​វត្ត​ជ័យ​ជេដ្ឋា ត​ៗ​គ្នា​អស់​រយៈ​ពេល​រាប់​រយ​ឆ្នាំ​មក​ហើយ​។ ក្រៅ​ពី​នេះ​រដ្ឋាភិបាល​កុម្មុយនីស្ត​លាវ បាន​តាំង​ឈ្មោះ​ទីរួម​ស្រុក​មួយ​ជា​ «ទីរួម​ស្រុក​ជ័យ​ជេដ្ឋា​» ផង​ដែរ​។

សូម​បញ្ជាក់​ដែរ​ថា​ កាល​ពី​ឆ្នាំ​២០១៤ កន្លង​មក អាជ្ញាធរ​លាវ បាន​អនុម័ត​ការ​កសាង​ស្ថាន​រាជា​នុស្សាវរីយ៍​នៃ​ព្រះ​ចៅ​ជ័យ​ជេដ្ឋា​ធិរាជ ក្នុង​ខេត្ត​អត្តពើ​ ដែល​ជាប់​នឹង​ព្រំដែន​នៃ​ប្រទេស​កម្ពុជា​​។ ការ​កសាង​ព្រះ​បរម​រាជានុស្សាវរីយ៍​ព្រះ​ចៅ​ជ័យ​ជេដ្ឋា​ធិរាជ​ថ្មី​មួយ​ទៀត​នេះ គឺ​ជា​ចលនា​ចុង​ក្រោយ​បង្អស់​នៃ​ការបំផុស​បំផុល​ការ​ស្រឡាញ់​ជាតិ ស្រឡាញ់​ផែន​ដី​របស់​ប្រជាជន​ពី​សំណាក់​រដ្ឋការ​កុម្មុយនីស្ត​លាវ​។

ព្រះ​មហា​ក្សត្រិយ៍​ព្រះ​អង្គ​នេះ​គឺ​ជា​អ្នក​កសាង​ក្រុង​ច័ន្ទបុរី​សិរី​សត្តនាគនហុត កាល​ពី​ប្រមាណ​ជាង​៤៥០​ឆ្នាំ​មុន​ ដែល​ជា​ទីក្រុង​ថ្មី​របស់​អាណាចក្រ​លាន​ជាង និង​ត​មក​ព្រះ​អង្គ​បាន​ត្រាស់​ឲ្យ​កសាង​ព្រះ​ចេតិយ៍​ធាតុ​ហ្លួង​ដែល​ពេល​នេះ​បាន​ក្លាយ​ជា​វត្ថុ​ស័ក្តិសិទ្ធិ​មួយ​របស់​ប្រទេស​លាវ ហើយ​ព្រះ​បរម​រូប​ទី​១​របស់​ព្រះ​អង្គ​ក៏​បាន​ស្ថិត​នៅ​ខាង​មុខ​នៃ​ព្រះ​ធាតុ​នេះ​ផង​ដែរ រហូត​មក​ដល់​បច្ចុប្បន្ន​នេះ​៕

115983680_3074306279304054_3280106212603907010_n116637130_3693082190719527_494312311525419810_n116713447_3693082200719526_2197763827156860739_n117086872_3693082180719528_622357965463797962_n

________________________________________________
អាន​ផង​ដែរ​៖
១. សម្ដេច​ព្រះ​ចៅ​អភ័យ​ពុទ្ធបវរ ជ័យ​ជេដ្ឋា​ធិរាជ
២. លាវ​សាង​អនុស្សាវរីយ៍​ព្រះ​ចៅ​ជ័យ​ជេដ្ឋា​ធិរាជ​មួយ​ទៀត​នៅ​ភាគ​ខាង​ត្បូង​ជាប់​កម្ពុជ​ប្រទេស
៣. លាវ​ចាត់​​បុណ្យ​សម្ពោធ​រូប​សំណាក​​ថ្មី «​ព្រះ​ចៅ​ជ័យ​ជេដ្ឋា​ធិរាជ​ មហា​រាជ»

លាវ​ចាត់​​បុណ្យ​សម្ពោធ​រូប​សំណាក​​ថ្មី «​ព្រះ​ចៅ​ជ័យ​ជេដ្ឋា​ធិរាជ​ មហា​រាជ» ថ្ងៃអង្គារ 21 ខែកក្កដា 2020

Posted by សុភ័ក្ត្រ in ພາສາລາວ.
4 comments

107824244_2947899885339384_529360194088525795_o
រូប​សំណាក​​ថ្មី «​ព្រះ​ចៅ​ជ័យ​ជេដ្ឋា​ធិរាជ​ មហា​រាជ»

នានាប្រទេស៖ នគរ​ហ្លួង​វៀងចន្ទន៍, ស.ប.ប. លាវ – ចាប់​ពី​ថ្ងៃ​ទី​២១ ដល់​២៦ ខែ​កក្កដា ឆ្នាំ​២០២០ នេះ នៅ​ឯ​នគរ​ហ្លួង​​វៀងចន្ទន៍ ប្រទេស​លាវ មាន​ចាត់​ពិធី​បុណ្យ​យ៉ាង​ធំ​សម្ពោធ​ព្រះ​បរម​រូប​ធ្វើ​អំពី​សំរឹទ្ធ​ អតីត​ព្រះ​មហា​ក្សត្រិយ៍​លាវ ​ព្រះ​ចៅ​ជ័យ​ជេដ្ឋា​ធិរាជ​ មហា​រាជ​។ ពិធី​សម្ពោធ​នេះ​បាន​ទទួល​បាន​យក​ចិត្ត​ទុក​ដាក់ និង​ចូល​រួម​ពី​សំណាក់​ថ្នាក់​ដឹក​នាំ​បក្ស​រដ្ឋ និង​ប្រជាជន​លាវ​ជា​ច្រើន​កុះ​ករ​។

ព្រះ​បរម​រូប​ព្រះ​ចៅ​ជ័យ​ជេដ្ឋា​ធិរាជ​ថ្មី​​ ដែល​សាង​ឡើង​ក្នុង​ឥរិយាបទ​ប្រថាប់​លើ​ដំរី ដែល​ត្រូវ​បាន​ធ្វើ​ពិធី​សម្ពោធ​នា​ថ្ងៃ​នេះ សាង​អំពី​សំរឹទ្ធ ដោយ​មាន​ទម្ងន់​សរុប​ចំនួន​១៨​តោន និង​មាន​តម្លៃ​ប្រមាណ​៣៨​ពាន់​លាន​គីប ឬ​ប្រមាណ​ ១៧.៣៤៩.០៣១.១០០​រៀល​។ ពិធី​នេះ​បាន​ចាត់​ធ្វើ​ឡើង​នៅ​ឯ​ខាង​មុខ​វាល​ព្រះ​ធាតុ​ហ្លួង ក្រុង​​វៀងចន្ទន៍ ខាង​មុខ​ព្រះ​បរម​រូប​ព្រះ​អង្គ​ដើម​ផង​។

បន្ទាប់​ពី​ពិធិ​សម្ពោធ​ស្រេច​រួច​រាល់ ព្រះ​បរម​រូប​នឹង​ត្រូវ​យក​ទៅ​តម្កល់​ឯ​ទី​រាជានុស្សាវរីយ៍​ថ្មី​មួយ​ឯ​ខេត្ត​​អត្តពើ (ល. ອັດຕະປື) ឬ​ខេត្ត​អាចម៍ក្រពើ តាម​តំណាល​របស់​ខ្មែរ ដើម្បី​រំឭក​ព្រះ​មហា​ករុណា​ធិគុណ និង​ព្រះ​រាជ​កិច្ច​របស់​ទ្រង់​ដែល​គ្រប់​គ្រង​អាណាចក្រ និង​ព្រះ​ពុទ្ធ​សាសនា មក​ដល់​ដែន​ដី​ភាគ​ខាង​ត្បូង​នៃ​ប្រទេស​លាវ សព្វ​ថ្ងៃ​នេះ​។ សូម​បញ្ជាក់​ដែរ​ថា​ កាល​ពី​ឆ្នាំ​២០១៤ កន្លង​មក អាជ្ញាធរ​លាវ បាន​អនុម័ត​ការ​កសាង​ស្ថាន​រាជា​នុស្សាវរីយ៍​នៃ​ព្រះ​ចៅ​ជ័យ​ជេដ្ឋា​ធិរាជ ក្នុង​ខេត្ត​អត្តពើ​ ដែល​ជាប់​នឹង​ព្រំដែន​នៃ​ប្រទេស​កម្ពុជា​​។

នៅ​ថ្ងៃ​ពេញ​បូរមី ខែ​កត្ដិក​​ជា​រៀង​រាល់​ឆ្នាំ ប្រជាជន​ខេត្ត​អត្តពើ បាន​នាំ​គ្នា​ចាត់​បុណ្យ​សម្ពោធ និង​ធ្វើ​បុណ្យ​ព្រះ​បរម​ធាតុ​ព្រះ​ចៅ​ជេដ្ឋាធិរាជ នៅ​ឯ​វត្ត​ជ័យ​ជេដ្ឋា ត​ៗ​គ្នា​អស់​រយៈ​ពេល​រាប់​រយ​ឆ្នាំ​មក​ហើយ​។ ក្រៅ​ពី​នេះ​រដ្ឋាភិបាល​កុម្មុយនីស្ត​លាវ បាន​តាំង​ឈ្មោះ​ទីរួម​ស្រុក​មួយ​ជា​ «ទីរួម​ស្រុក​ជ័យ​ជេដ្ឋា​» ផង​ដែរ​។

ការ​កសាង​ព្រះ​បរម​រាជានុស្សាវរីយ៍​ព្រះ​ចៅ​ជ័យ​ជេដ្ឋា​ធិរាជ​ថ្មី​មួយ​ទៀត​នេះ គឺ​ជា​ចលនា​ចុង​ក្រោយ​បង្អស់​នៃ​ការបំផុស​បំផុល​ការ​ស្រឡាញ់​ជាតិ ស្រឡាញ់​ផែន​ដី​របស់​ប្រជាជន​ពី​សំណាក់​រដ្ឋការ​កុម្មុយនីស្ត​លាវ​។

ព្រះ​មហា​ក្សត្រិយ៍​ព្រះ​អង្គ​នេះ​គឺ​ជា​អ្នក​កសាង​ក្រុង​ច័ន្ទបុរី​សិរី​សត្តនាគនហុត កាល​ពី​ប្រមាណ​ជាង​៤៥០​ឆ្នាំ​មុន​ ដែល​ជា​ទីក្រុង​ថ្មី​របស់​អាណាចក្រ​លាន​ជាង និង​ត​មក​ព្រះ​អង្គ​បាន​ត្រាស់​ឲ្យ​កសាង​ព្រះ​ចេតិយ៍​ធាតុ​ហ្លួង​ដែល​ពេល​នេះ​បាន​ក្លាយ​ជា​វត្ថុ​ស័ក្តិសិទ្ធិ​មួយ​របស់​ប្រទេស​លាវ ហើយ​ព្រះ​បរម​រូប​ទី​១​របស់​ព្រះ​អង្គ​ក៏​បាន​ស្ថិត​នៅ​ខាង​មុខ​នៃ​ព្រះ​ធាតុ​នេះ​ផង​ដែរ រហូត​មក​ដល់​បច្ចុប្បន្ន​នេះ​៕

107789740_2947974698665236_7151064263173508126_o108034011_2947900162006023_4620673353432287989_o108178952_2947900298672676_5506610860134448417_o108556969_2947900512005988_3983646520389261129_o

________________________________________________
អាន​ផង​ដែរ​៖
១. សម្ដេច​ព្រះ​ចៅ​អភ័យ​ពុទ្ធបវរ ជ័យ​ជេដ្ឋា​ធិរាជ
២. លាវ​សាង​អនុស្សាវរីយ៍​ព្រះ​ចៅ​ជ័យ​ជេដ្ឋា​ធិរាជ​មួយ​ទៀត​នៅ​ភាគ​ខាង​ត្បូង​ជាប់​កម្ពុជ​ប្រទេស
៣. លាវ​តាំង​សម្ពោធ​រាជា​នុស្សាវរីយ៍ ព្រះ​ចៅ​ជ័យ​ជេដ្ឋាធិរាជ មហា​រាជ

Repost: អំពី​សញ្ញា​ជាតិ​នៃ សបប. លាវ ថ្ងៃអង្គារ 14 ខែកក្កដា 2020

Posted by សុភ័ក្ត្រ in ພາສາລາວ.
1 comment so far

សញ្ញា​ជាតិ​នៃ​សាធារណ​រដ្ឋ​ប្រជាមានិត​លាវ ឬ​សបប.​ លាវ បច្ចុប្បន្ន​នេះ​ត្រូវ​បាន​ប្រើ​ប្រាស់​ចាប់​តាំង​ពី​ឆ្នាំ​១៩៩២​មក ដោយ​កែ​ប្រែ​ផ្នែក​ខ្លះ​លើ​សញ្ញា​ជាតិ​ចាស់ ដែល​ប្រើ​ប្រាស់​តាំង​ពី​ការ​កកើត​របប​សាធារណ​រដ្ឋ​ប្រជាមានិត​នេះ ពោល​គឺ​ក្រោយ​ពួក​កុម្មុយនីស្ត​យក​ឈ្នះ និង​ដឹក​នាំ​ប្រទេស​នា​ឆ្នាំ​១៩៧៥​មក​។

ស្លាក​សញ្ញា​ជាតិ​ថ្មី​នៃ​ប្រទេស​លាវ​នេះ ត្រូវ​បាន​កែ​ប្រែ​ដោយ​ទំនង​គិត​ដល់​ការ​វិវត្ត​ថ្មី​ៗ​នៃ​ស្ថានការណ៍​ពិភព​លោក​ក្រោយ​សង្គ្រាម​ត្រជាក់​ ព្រម​ទាំង​បាន​ដាក់​បញ្ចូល​ទៅ​ក្នុង​រដ្ឋ​ធម្មនុញ្ញ​នៃ​សបប. លាវ ជំពូក​ទី​១០ មាត្រា​ទី​៩០​ ថា ៖

សញ្ញា​សម្គាល់​ជាតិ​របស់​សាធារណ​រដ្ឋ​ប្រជាធិបតេយ្យ​ប្រជាមានិត​លាវ​ ជា​រូប​មូល ផ្នែក​ខាង​ក្រោម​មាន​រូប​កង​ចក្រ​ពាក់​កណ្ដាល និង​មាន​បូរ​អក្ស​ខាង​ក្រោម​ថា «​សាធារណ​រដ្ឋ​ប្រជាធិបតេយ្យ​ប្រជាមានិត​លាវ​» (​ល. ສາທາລະນະລັດ ປະຊາທິປະໄຕ ປະຊາຊົນລາວ)។ ផ្នែក​សង្ខាង​អម​ដោយ​បាច់​ស្រូវ​ជា​រូប​វង់​ព្រះ​ចន្ទ និង​បូរ​ពណ៌​ក្រហម សរសេរ​អក្សរ​ «​សន្តិភាព ឯករាជ្យ ប្រជាធិបតេយ្យ ឯកភាព វឌ្ឍនភាព​» (​ល. ສັນຕິພາບ ເອກກະລາດ ປະຊາທິປະໄຕ ເອກະພາບ ວັດທະນາຖາວອນ)​។ នៅ​ផ្នែក​កណ្ដាល​នៃ​ចុង​បាច់​ស្រូវ​មាន​រូប​ព្រះ​ធាតុ​ហ្លួង នៅ​កណ្ដាល​រង្វង់​មូល​នោះ មាន​រូប​ផ្លូវ វាល​ស្រែ ព្រៃ​ឈើ និង​វារី​អគ្គីសនី ទឹក​ធ្លាក់ ផង​។

រូប​សញ្ញា​ចាស់ ពី​ឆ្នាំ​១៩៧៥-១៩៩១

សញ្ញាជាតិ​នេះ​មាន​លក្ខណៈ​ស្រដៀង​គ្នា​នឹង​រូប​សញ្ញា​បច្ចុប្បន្ន ដោយ​ខុស​គ្នា​ត្រង់​ព្រះ​ធាតុ​ហ្លួង ជា​រូប​ផ្កាយ​នៅ​ពី​លើ​រូប​កណ្ដៀវ និង​ញញួរ ដែល​ជា​រូប​សញ្ញា​សម្គាល់​បក្ស​កុម្មុយនីស្ត​តែ​ប៉ុណ្ណោះ​៕

ស្លាក​សញ្ញា​ឃោសនា​បក្ស​កុម្មុនីស្ត​លាវ មាន​ដាក់​រូប​ស្លាក​សញ្ញា​ជាតិ​លាវធនបត្រ​បច្ចុប្បន្ន​លាវ មាន​ដាក់​រូប​សញ្ញា​ជាតិ​លាវ បច្ចុប្បន្នធនបត្រ​បច្ចុប្បន្ន​លាវ មាន​ដាក់​រូប​សញ្ញា​ជាតិ​លាវ ចាស់

 

កក្កដា ថ្ងៃពុធ 1 ខែកក្កដា 2020

Posted by សុភ័ក្ត្រ in អំពី​ភាសា, អំពីភាសា, ภาษาไทย, ພາສາລາວ.
add a comment

Java

ខែ​កក្កដា គឺ​ជា​ខែ​ទី​៧ នៃ​ឆ្នាំ តាម​ប្រតិទិន​ហ្គ្រេហ្គូរៀន និង​ជា​ខែ​ដែល​មាន​៣១​ថ្ងៃ​។

តាម​ហោរា​សាស្ត្រ ខែ​កក្កដា​ចាប់​ផ្ដើម​នៅ​ពេល​ដួង​ព្រះ​អាទិត្យ​ឈាន​ចូល​កក្កដរាសី និង​បញ្ចប់​នៅ​ពេល​ចូល​សីហរាសី​។ តែ​ចំពោះ​តារា​សាស្ត្រ​វិញ ដើម​ខែ​កក្កដា​ដួង​ព្រះ​អាទិត្យ​ស្ថិត​នៅ​ក្រុមផ្កាយ​​​គូ (Gemini) និង​ចុង​ខែ​ស្ថិត​ឯ​ក្រុម​ផ្កាយ​ក្ដាម (Cancer)​​។

ដើម​ឡើយ​ខែ​នេះ​ប្រើ​ឈ្មោះ​ថា ឃ្វីនទីលីស (Quintilis) ជា​ភាសា​ឡាតាំង និង​ជា​ខែ​ទី​៥ ក្នុង​ប្រតិទិន​រ៉ូម៉ាំង​បូរាណ​ដែល​ចាប់​ផ្ដើម​ឆ្នាំ​នៅ​ខែ​មីនា និង​ក្រោយ​មក​បាន​ប្ដូរ​ឈ្មោះ​មក​ជា “July” តាម​ឈ្មោះ​របស់​​ជូលីស ស៊ីសារ៍ (Julius Caesar) ដែល​ជា​ខែ​កំណើត​របស់​ព្រះ​អង្គ និង​បញ្ចេញ​សំឡេង​ថា​ជូលី​រហូត​មក​សតវត្សរ៍​ទី​១៨​។

នៅ​កម្ពុជា​យើង​កំណត់​ហៅ​ខែ​នេះ​ថា «​កក្កដា» ឯ​ភាសា​ថៃ​ហៅ​ថា กรกฎาคม (​អាន​ថា កៈរ៉ៈកៈដាឃុម)​ លាវ​ហៅ​ថា ກໍລະກົດ (​អាន​ថា កឡៈគុដ)៕

ប្រែ​សម្រួល​ពី​វីគី​ភាសា​ថៃ

ពិធី​បូជា​ព្រះ​សព​ប្រធាន​គណៈ​សង្ឃ​លាវ ថ្ងៃសៅរ៍ 27 ខែមិថុនា 2020

Posted by សុភ័ក្ត្រ in ພາສາລາວ.
5 comments

Lao Monk3

នានាប្រទេស៖ នគរ​ហ្លួង​វៀងចន្ទន៍, ស.ប.ប. លាវ – ថ្ងៃ​សុក្រ ទី​២៦ ខែ​មិថុនា ឆ្នាំ​២០២០ (ម្សិល​មិញ) នេះ នៅ​ឯ​នគរ​ហ្លួង​វៀងចន្ទន៍ នៃ​សាធារណ​រដ្ឋ​ប្រជាធិបតេយ្យ​ប្រជាមានិត​លាវ (​សបប. លាវ​) មាន​ចាត់​ពិធី​យ៉ាង​ធំ​មួយ គឺ​ពិធី​ដង្ហែ​ និង​បូជា​សព​ព្រះ​តេជ​ព្រះ​គុណ​ព្រះយ៉តកែវមហាសង្ឃសុធម្មាធិបតី រតនមហាសង្ឃបាមោក្ខ ប្រធាន​មជ្ឈ​មណ្ឌល​សម្ព័ន្ធ​ព្រះ​ពុទ្ធ​សាសនា​ នៃ​សាធារណរដ្ឋ​ប្រជា​ធិបតេយ្យ​ប្រជា​មានិត​លាវ​។ ពិធី​បូជា​ព្រះ​សព​បាន​ចាប់​ផ្ដើម​តាំង​ពី​ព្រឹក​ព្រលឹម និង​បន្ត​រយៈ​ពេល​៣​ថ្ងៃ រហូត​ដល់​ថ្ងៃ​អាទិត្យ ទី​២៨ ខែ​មិថុនា ឆ្នាំ​២០២០​។

តាំង​តែ​ពី​វេលា​ស្រាង​ៗ ព្រះ​សង្ឃ ពុទ្ធ​បរិស័ទ​លាវ ព្រម​ទាំង​ថ្នាក់​ដឹក​នាំ​បក្ស និង​រដ្ឋ​ជាន់​ខ្ពស់​លាវ បាន​មក​ជួប​ជុំ​គ្នា​ក្នុង​បរិវេណ​​ធម្ម​សភា វត្ត​ព្រះ​ធាតុ​ហ្លួង​ខាង​ជើង នគរ​ហ្លួង​វៀង​ចន្ទន៍ ទី​តម្កល់​ព្រះ​សព ដើម្បី​ធ្វើ​ពិធី​សុំ​ខមា​ទោស​ព្រះ​សព ដើម្បី​ធ្វើ​ពិធី​បូជា​។ នៅ​វេលា​ម៉ោង​ប្រមាណ​១​រសៀល ព្រះ​សព ដែល​តម្កល់​ក្នុង​មឈូស និង​មាន​គ្រប​ទង់​ឆព្វណ្ណរង្សី​ពី​លើ​ផង ព្រម​ទាំង​ព្រះ​កោដ្ឋ​តំណាង​ផង​នោះ ត្រូវ​បាន​ធ្វើ​ពិធី​រំកិល​ចេញ​ពី​ធម្មសភា ដើម្បី​ធ្វើ​ពិធី​ដង្ហែ​តាម​ក្បួន​សុវណ្ណ​ហង្ស ចេញ​ពី​ទី​ព្រះ​មេរុ ឯ​ខាង​មុខ​ព្រះ​ធាតុ​ហ្លួង ក្រុង​វៀងចន្ទន៍ នៅ​មិន​ឆ្ងាយ​ប៉ុន្មាន​ពី​​វត្ត​ព្រះ​ធាតុ​ហ្លួង​ខាង​ជើង​។

នៅ​ម៉ោង​ប្រមាណ​៩​យប់ ពិធី​បូជា​ព្រះ​សព​ត្រូវ​បាន​ធ្វើ​ឡើង ក្នុង​បរិយាកាស​អធិកអធម ដោយ​មាន​ព្រះ​សង្ឃ​លាវ ប្រជា​ពុទ្ធ​បរិស័ទ អ្នក​មុខ​អ្នក​ការ​លាវ ជា​ច្រើន​បាន​ចូល​រួម​ផង​ដែរ​។

ព្រះយ៉តកែវមហាសង្ឃសុធម្មាធិបតី រតនមហាសង្ឃបាមោក្ខ មហា​ង៉ន តម្រុង​បុញ្ញ មហា​ថេរ​ចៅ គឺ​ជា​ប្រធាន​នៃ​គណៈ​សង្ឃ​លាវ​អង្គ​ទី​៥ នៃ​សបប​. លាវ បន្ទាប់​ពី​​របប​នេះ​បាន​បង្កើត​មក​​ បន្ត​​ពី​ព្រះ​តេជ​ព្រះ​គុណ​បណ្ឌិត ​មហាផង បិយធីរោ ជមាឫក្ស​។ នៅ​ប្រទេស​លាវ មិន​មាន​តំណែង​សម្ដេច​ព្រះ​សង្ឃ​រាជ​ដូច​នៅ​ប្រទេស​កម្ពុជា​យើង​ទេ បន្ទាប់​ពី​របប​រាជា​ធិបតេយ្យ​ត្រូវ​បាន​ផ្ដួល​រំលំ​ចោល​កាល​ពី​៤០​ឆ្នាំ​មុន​នេះ​។

ព្រះយ៉តកែវមហាសង្ឃសុធម្មាធិបតី រតនមហាសង្ឃបាមោក្ខ បាន​ទទួល​អនិច្ច​ធម្ម​កាល​ពី​​វេលា​ព្រឹក​ថ្ងៃ​អង្គារ ១​កើត ខែ​ចេត្រ ឆ្នាំ​កុរ ឯក​ស័ក ព.ស.​២៥៦៣ (​ប្រទេស​លាវ ព.ស.​២៥៦២​) ត្រូវ​នឹង​ថ្ងៃ​ទី​២៤ ខែ​មីនា ឆ្នាំ​២០២០ ឯ​​មន្ទីរ​ពេទ្យ​រដ្ឋ​លាវ​១០៣ នគរ​ហ្លួង​វៀង​ចន្ទន៍​ សិរិ​​ព្រះ​ជន្ម​​៩១​ឆ្នាំ​៩១​ថ្ងៃ​៕

_____________________________________________
អាន​ផង​ដែរ​
១. ប្រធាន​គណៈ​សង្ឃ​ជាន់​ខ្ពស់​លាវ​ទទួល​អនិច្ចធម្ម
២. ថៃ​ចាត់​ព្រះ​រាជ​ពិធី​ចេញ​ព្រះ​មេរុ និង​ថ្វាយ​ព្រះ​ភ្លើង​សម្ដេច​ព្រះ​សង្ឃ​រាជ
៣. សិល្បៈ​ព្រះ​មេរុ​របស់​លាវ
៤. មក​មើល​មេរុ​​អតីត​ប្រធាន​សង្ឃ​លាវ

វត្ត​សែន​សុខា​រាម ថ្ងៃអង្គារ 16 ខែមិថុនា 2020

Posted by សុភ័ក្ត្រ in ພາສາລາວ.
4 comments

វត្ត​សែន​សុខា​រាម (ល. ວັດແສນສຸຂາຣາມ) គឺ​ជា​វត្ត​ចំណាស់​មួយ​ទៀត ស្ថិត​មិន​ឆ្ងាយ​ប៉ុន្មាន​ពី​វត្ត​សប​សិក្ខារាម​។ វត្ត​សែន​សុខា​រាម សាង​ឡើង​ក្នុង​ប្រមាណ​ព.ស.​២២៦១ ក្នុង​រជ្ជ​សម័យ​នៃ​ព្រះ​ចៅ​កិងកិសរាជ ក្រោយ​ពេល​ដែល​នគរ​ហ្លួង​ព្រះ​បាង​បំបែក​ចេញ​ពី​នគរ​វៀងចន្ទន៍​បាន​ប្រមាណ​១១​ឆ្នាំ​។ វត្ត​សែន​សុខា​រាម​នេះ​សាង​ឡើង​លើ​បរិវេណ​អតីត​វត្ត​ចាស់​កាល​សម័យ​ពុទ្ធ​សតវត្សរ៍​ទី​២០ ដោយ​រាប់​ថា​បរិវេណ​នេះ​ជា​បរិវេ​ណ​ចាស់ និង​ស័ក្ដិសិទ្ធិ​មួយ​នៃ​ក្រុង​ហ្លួង​ព្រះ​បាង​។

ចំណុច​សំខាន់​នៃ​វត្ត​សែន​សុខា​រាម​គឺ​ ព្រះ​ពុទ្ធ​រូប​ឈរ​អង្គ​ធំ​មួយ​ដែល​មាន​តែ​មួយ​អង្គគត់​នៅ​ហ្លួង​ព្រះ​បាង​នេះ និង​មាន​ព្រះ​ហត្ថ​យ៉ាង​ស្រស់​ស្អាត​។ ចំណែក​ឯ​ព្រះ​វិហារ​វិញ​មាន​លាប​ម្រ័ក្សណ៍ បិទ​មាស​យ៉ាង​ប្រណីត​តាម​បែប​សិល្បៈ​ហ្លួង​ព្រះ​បាង​សម័យ​កណ្ដាល​។

ខាង​​ក្រោម​នេះ​ជា​រូប​ភាព​មួយ​ចំនួន​នៃ​វត្ត​សែន​សុខា​រាម​ដែល​ស្រែ​ខ្មុក​បាន​ថត​​កាល​ពី​ថ្ងៃ​ទី​៧ ខែ​មករា ឆ្នាំ​២០១០ គឺ​ប្រមាណ​ជាង​១០​ឆ្នាំ​មក​ហើយ​៕

______________________________________
អាន​ផង​ដែរ
១. ព្រះ​សង្ឃ​លាវ​បិណ្ឌ​បាត្រ​ឯ​ហ្លួង​ព្រះ​បាង
២. ចេញ​ទៅ​ហ្លួង​ព្រះបាង​ព្រឹក​ស្អែក
៣. វត្ត​ស្រី​បុណ្យរឿង​សិរិមារាម
៤. វត្ត​សបសិក្ខារាម

ទំនាក់​ទំនង​ការ​ទូត​ ព្រះ​រាជាណាចក្រ​កម្ពុជា-សាធារណ​រដ្ឋ​ប្រជាធិបតេយ្យ​ប្រជាមានិត​លាវ ថ្ងៃចន្ទ 15 ខែមិថុនា 2020

Posted by សុភ័ក្ត្រ in ប្រវត្តិសាស្ត្រ, ພາສາລາວ.
add a comment

70805148_120761319301621_8138639619177578496_nប្រទេសកម្ពុជា និងប្រទេសលាវ បានភ្ជាប់ទំនាក់ទងការទូតនៅថ្ងៃទី១៥ ខែមិថុនា ឆ្នាំ១៩៥៦ និងបានផ្ដាច់ទំនាក់ទំនងការទូត នៅខែមេសា ឆ្នាំ១៩៧៥ និងបានភ្ជាប់ទំនាក់ទំនងការទូតជាថ្មីឡើងវិញ នៅខែមករា ឆ្នាំ១៩៧៩។ មកដល់ថ្ងៃទី១៥ ខែមិថុនា ឆ្នាំ២០១៦ នេះ ប្រទេសទាំងពីរបានភ្ជាប់ទំនាក់ទំនងការទូតនឹងគ្នាបាន៦០ឆ្នាំគត់។

នៅក្នុងវិស័យទេសចរណ៍ នៅរយៈពេល៦ខែ ក្នុងឆ្នាំ២០១៣ ភ្ញៀវទេសចរណ៍លាវ មកទស្សនាប្រទេសកម្ពុជា មានចំនួន៣៧៦.២២៦នាក់។ ជាមួយគ្នានេះ ទំនាក់ទំនងពាណិជ្ជកម្មក្នុងរយៈពេល៦ខែ ឆ្នាំ២០១៣ ការនាំចេញពីកម្ពុជាទៅកាន់ប្រទេសលាវ មានទំហំ ១៩៦.៦១៤ ដុល្លារ និងការនាំចូលពីលាវ មកកម្ពុជា ២.៦៧៧.៥៤១ដុល្លារ។ ដោយឡែកលើការអភិវឌ្ឍន៍ធនធានមនុស្ស និស្សិតកម្ពុជា ដែលកំពុងសិក្សានៅលាវ មានចំនួន៥៧នាក់ និងនិស្សិតលាវ ដែលកំពុងសិក្សានៅប្រទេសកម្ពុជា មានចំនួន ៤៣នាក់។

នៅក្នុងរយៈពេលកន្លងមកនេះ ប្រទេសលាវ និងកម្ពុជា បានពង្រីកកិច្ចសហប្រតិបត្តិការជាមួយគ្នាប្រកបដោយស្មារតីទទួលខុសត្រូវខ្ពស់ បម្រើផលប្រយោជន៍ប្រទេស និងប្រជាជនទាំងពីរកម្ពុជា លាវ៕

%d bloggers like this: