jump to navigation

ទំនួញប្រេត ថ្ងៃសុក្រ 4 ខែកញ្ញា 2020

Posted by សុភ័ក្ត្រ in ចម្រៀង, វីដេអូ.
add a comment

________________________________________________
អានផងដែរ៖
១. ថ្ងៃ​នេះ​បិណ្ឌ​១

Repost: បើ​នាង​បុក​ស្រូវ ថ្ងៃចន្ទ 20 ខែកក្កដា 2020

Posted by សុភ័ក្ត្រ in ចម្រៀង.
1 comment so far

ថ្ងៃ​នេះ​សូម​អនុញ្ញាត​រំឮក​អនុស្សាវរីយ៍​បឋម​សិក្សា​សម័យ​សាធារណ​រដ្ឋ​ប្រជាមានិត​ម្ដង​ទៀត​ចុះ នោះ​គឺ​បទ​ចម្រៀង «បើ​នាង​បុក​ស្រូវ» ដែល​មាន​នៅ​ក្នុង​សៀវភៅ​រៀន​អាន។

ខ្ញុំ​នៅ​ចាំ​បាន​ថា​ នៅ​ត្រង់​ទំព័រ​បទ «បើ​នាង​បុក​ស្រូវ» នេះ​មាន​រូប​គំនូរ​ស្រី​ម្នាក់​កំពុង​បុក​ស្រូវ ហើយ​ដែល​នៅ​ក្បែរ​ៗ នឹង​ត្បាល់​បុក​នោះ​មាន​រូប​ជ្រូក​នៅ​នឹង​ផង។

ខ្ញុំ​មិន​បាន​ចាំ​អស់​នូវ​អត្ថន័យ​បទ​ចម្រៀង​នេះ​ទេ ហេតុ​ដូច​នេះ​សូម​ពឹង​អ្នក​ទាំង​អស់​គ្នា​ដែល​នេះ​ទី​នេះ ជួយ​បំពេញ​ត្រង់​កន្លែង​ចុច​ៗ ដែល​ខ្ញុំ​ភ្លេច​នេះ​ផង។

បទ «បើ​នាង​បុក​ស្រូវ» នេះ​មាន​ទំនង​ដូច​ត​ទៅ​នេះ៖

បើ​នាង​បុក​ស្រូវ អេ… អើយ កុំ​ចោល​អង្កាម (ពីរ​ដង)
ចាស់​ទុំ ចាស់​ទុំ លោក​ហាម អេ… អើយ អង្កាម​ជាន់​ឥដ្ឋ។

អង្ករ​សម្រូប អេ… អើយ ក្លាយ​ជា​សំរិត (ពីរ​ដង)
សម្រាំង សម្រាំង ពី​ចិត្ត អេ​… អើយ ដោយ​ស្នាដៃ​នាង។

[……] អេ… អើយ […] កន្ទក់ (ពីរ​ដង)
ចិញ្ចឹម ចញ្ចឹម ជ្រូក​លក់ អេ​… អើយ បាន​ផល​ចំណេញ៕

______________________________________________
ប្រកាស​ប្រហាក់​ប្រហែល

  1. ចម្រៀង​​ “ ថ្ងៃ​ពាក់​កន្សែង​” កុមារ​ឈាន​មុខ
  2. កាល​គ្រា​មួយ…
  3. មេសូត្រ
  4. បទ​បុក​ស្រូវ
  5. កាល​គ្រា​មួយ៖ ភ្លេង​ជាតិ​​កម្ពុជា
  6. ជលជជាតិ​ដុះ​ចេញ​ពី​ភក់

 

ខ្មែរ​ត្រង់​ណា​? ថ្ងៃ​ព្រហស្បតិ៍ 19 ខែ​មីនា 2020

Posted by សុភ័ក្ត្រ in ចម្រៀង, វីដេអូ, អំពី​ភាសា, អំពីភាសា, ภาษาไทย.
1 comment so far

  • ដំណើរ​ដើម​ទង

កាល​ពី​ខែ​កុម្ភៈ (​២០២០​) កន្លង​ទៅ​នេះ គ្រូ​បង្រៀន​ជន​ជាតិ​ថៃ នៅ​ខេត្ត​ស្រីស្លាកេត​​ម្នាក់​ បាន​បង្ហោះ​វីដេអូ (​ទំនង​ជា​ការ​បង្ហោះ​លេង តាម​ទម្លាប់​) ត្អូញ​ត្អែរ​ពី​រឿង​តម្រួត​ថៃ​​តែង​តែ​ចាប់​គាត់ និង​ដេញ​ដោល​​សួរ​រក​បណ្ណ​អន្តោ​ប្រវេសន៍ ដោយ​សារ​គិត​ថា​គាត់​គឺ​ជា​ជន​ជាតិ​ខ្មែរ (​កម្ពុជា​) មក​ធ្វើ​ការ​រក​ស៊ី ឬ​រស់​នៅ​ខុស​ច្បាប់​នៅ​ក្នុង​ប្រទេស​ថៃ​។ ការ​សង្ស័យ​របស់​តម្រួត​ថៃ​គ្រប់​ពេល​បែប​នេះ ទំនង​ដោយ​សារ​ភាសា​ថៃ​របស់​គាត់​ដែល​និយាយ​ជាប់​សំនៀង ប្រដូច​នឹង​ខ្មែរ​និយាយ​ភាសា​ថៃ ព្រម​ទាំង​មុខ​មាត់​របស់​គាត់​ផង​។

វីដេអូ​របស់​គាត់​ត្រូវ​បាន​បណ្ដាញ​សារព័ត៌មាន​ថៃ​យក​ទៅ​ចុះ​ផ្សាយ​​ជា​បន្ត​បន្ទាប់ ធ្វើ​ឲ្យ​គាត់​ល្បី​ពេញ​បណ្ដាញ​សង្គម​។ បាទ មិន​ខុស​ទេ រឿង​រ៉ាវ​របស់​គ្រូ​បង្រៀន​ថៃ​រូប​នេះ ត្រូវ​បាន​យក​មក​ធ្វើ​ជា​ទំនុក​តែង​ជា​បទ​ភ្លេង​មួយ​បទ​ដែល​មាន​ចំណង​ជើង​ថា เขมรตรงไหนខ្មែរ​ត្រង់​ណា​?

ខាង​ក្រោម​នេះ​ជា​បទ ខ្មែរ​ត្រង់​ណា​? ដែល​មាន​ដាក់​ផ្សាយ​នៅ​ក្នុង​បណ្ដាញ​យូធូប និង​ស្រែ​ខ្មុក​សូម​បក​ប្រែ​ត្រួស​ៗ​នូវ​ខ្លឹម​សារ​នៃ​បទ​ចម្រៀង​នេះ ទុក​គ្រាន់​ជូន​លោក​អ្នក​ពិចារណា​ផង​ចុះ​។​

បទ ៖ ខ្មែរ​ត្រង់​ណា
សិល្បករ ៖ មិនជូ សន្តិរាស្ត្រ
ទំនុក ៖ សន្តិរាស្ត្រ ព្រៃប៉ា
រៀប​រៀង ៖ Aon Music Studio
មិកស៍​ម៉ាស្ទ័រ ៖ Aon Music Studio
កាត់ត​ក្រាហ្វិក ៖ Aon Music Studio

សួស្ដី​បាទ ខ្ញុំ​មក​ពី​ស្រី​ស្លាកេត
អាណា​ខេត្ត​ជាប់​កម្ពុជា
ខ្ញុំ​ជា​ជន​ជាតិ​ថៃ​តាំង​ពី​ចាប់​កំណើត​មក
ពេល​ខ្ញុំ​និយាយ​សំនៀង​ស្រដៀង​អាមេរិក
រូប​រាង​មុខ​មាត់​ស្រដៀង​កូរ៉េ
បញ្ចេញ​សំឡេង «​រ» ច្បាស់​ៗៗៗ
អណ្ដាត​​គន្លាស់ និយាយ​មក​យល់
ខ្ញុំ​ត្រូវ​បាន​គេ​ថា​​មិន​មែន​ជន​ជាតិ​ថៃ
ក៏​ចង់​ដឹង​ថា​វា​មិន​ដូច​ត្រង់​ណា
សុំ​ជំទាស់​ដាច់​ខាត​ហើយ
ខ្ញុំ​ជា​ជន​ជាតិ​ថៃ​១០០​ភាគរយ
ខ្មែរ​ត្រង់​ណា យី?
ខ្មែរ​ត្រង់​ណា ខ្មែរ​ត្រង់​ណា យី ន៎
ខ្មែរ​ត្រង់​ណា ខ្មែរ​ត្រង់​ណា យី
ខ្មែរ​ត្រង់​ណា ខ្មែរ​ត្រង់​ណា យី ន៎
ខ្មែរ​ត្រង់​ណា ណា ណា ណា ណា
ខ្មែរ​ត្រង់​ណា យី
ខ្មែរ​ត្រង់​ណា ខ្មែរ​ត្រង់​ណា យី ន៎
ខ្មែរ​ត្រង់​ណា ខ្មែរ​ត្រង់​ណា យី
ខ្មែរ​ត្រង់​ណា ខ្មែរ​ត្រង់​ណា យី ន៎
ខ្មែរ​ត្រង់​ណា ណា ណា ណា ណា
នរណា ថា​ខ្ញុំ​ជា​ខ្មែរ​?
ខ្ញុំ​ជា​ជន​ជាតិ​ថៃ
សួរ​នរណា​ក៏​គេ​ដឹង
កាល​នៅ​ក្មេង​រៀន​ជាមួយ​គ្រូ
គ្រូ​ប្រាប់​ថា​ខ្ញុំ​ជា​ជន​ជាតិ​ថៃ
បញ្ចេញ​សំឡេង​ត្រូវ​ច្បាស់
រ រឿ រ រីង ដេញ​តាម​គ្នា
សួរ​បន្តិច​ដូច​ខ្មែរ​ត្រង់​ណា​?
សួរ​បន្តិច​ដូច​ខ្មែរ​ត្រង់​ណា​?
ខ្ញុំ​ជា​ជន​ជាតិ​ថៃ
ជន​ជាតិ​ថៃ ទាំង​កាក (​អាចម៍​)​ណ៎ា

ព្រះ​រាជ​ករណី​កិច្ច​ព្រះ​ចៅ​មហា​ជីវិត​លាវនៅភាគ​ខាង​ត្បូង ថ្ងៃពុធ 19 ខែ​កុម្ភៈ 2020

Posted by សុភ័ក្ត្រ in ចម្រៀង, វីដេអូ, ພາສາລາວ.
add a comment

កម្រង​ឯកសារ​​វីដេអូកម្រ​ស្ដី​អំពី​ព្រះ​រាជ​ករណី​កិច្ច​ព្រះ​ចៅ​មហា​ជីវិត​លាវ ព្រះបាទ​សម្ដេច​ព្រះចៅ​ជេដ្ឋា​ខត្តិយវង្សា ព្រះមហាស្រី​ស្វាង វឌ្ឍា ព្រះ​​​មហាក្សត្រិយ៍​អង្គ​ចុង​ក្រោយ របស់​ព្រះ​រាជអាណាចក្រ​លាវ​។ ព្រះ​អង្គ​ ព្រម​ទាំង​ព្រះ​អគ្គ​មហេសី និង​ព្រះ​បរម​រាជ​វង្សានុវង្ស និង​នាហ្មឺន​សព្វ​មុខមន្ត្រី​លាវ ស្ដេច​ចុះ​សាក​សួរ​សុខ​ទុក្ខ ព្រម​សម្ពោធ​សមិទ្ធិ​នានា​របស់​ព្រះ​នគរ នៅ​ឯ​ភាគ​ខាង​ត្បូង​របស់​ប្រទេស​លាវ កាល​គ្រា​គ.ស.​១៩៧០​។ កម្រង​ឯកសារ​​វីដេអូ អធិប្បាយ​ជា​បែប​បទ​ប្រឹន ព្រម​ទាំង​គ្រឿង​តន្ត្រី​​ប្រពៃណី​លាវ​​គែន​៕ 

ជលជជាតិ​ដុះ​ចេញ​ពី​ភក់ ថ្ងៃ​ព្រហស្បតិ៍ 26 ខែធ្នូ 2019

Posted by សុភ័ក្ត្រ in ចម្រៀង.
add a comment

ផ្កា​ឈូក

បងអុំ​ទូក​ទៅ អឺ… អឺយ… ឮ​សូរ​គ្រូកៗ
ទៅ​បេះ​​ៗ ផ្កា​ឈូក អឺ… អឺយ… នៅ​ក្នុង​បឹង​កក់។
ឱ​ផ្កា​ឈូក​អើយ អឺ… អឺយ… ដុះ​ចេញ​ពី​ភក់
គួរ​ធុំ​ៗ ​អាក្រក់ អឺ… អឺយ… ម្ដេច​ឡើយ​ឈ្ងុយឈ្ងប់។
ទាំង​មើម​ក្រអៅ អឺ… អឺយ… ទាំង​ម្សៅ​ឈ្ងុយ​សព្វ
ដុះ​ក្នុង​ៗ​ ដី​ល្បាប់ ​អឺ… អឺយ… ត្រឡប់​ជា​ល្អ»៕

កកន៖ បទ​ចម្រៀង​ដែល​ស្រែ​ខ្មុក​ចេះ​ចាំ​ពី​ក្មេង​មក តែ​មិន​ដឹង​ជា​របស់​អ្នក​និពន្ធ​ណា​។ បទ​នេះ មាន​ដាក់​ក្នុង​កម្ម​វិធី​សិក្សា​ថ្នាក់​បឋម​សិក្សា កាល​សម័យ​សាធារណ​រដ្ឋ​ប្រជាមានិត​កម្ពុជា​។ រូប៖ ផ្កា​ឈូក​ដុះ​ក្នុង​ឧទ្យាន​មួយ​នៅ​ក្នុង​មឿង​បូរាណ ប្រទេស​ថៃ

_________________________________________________
អានផងដែរ៖
១. បើនាងបុកស្រូវ

កូន​នឹង​ចង​ចាំ ថ្ងៃសុក្រ 29 ខែវិច្ឆិកា 2019

Posted by សុភ័ក្ត្រ in ចម្រៀង.
add a comment

ទំនួញប្រេត ថ្ងៃអាទិត្យ 15 ខែកញ្ញា 2019

Posted by សុភ័ក្ត្រ in ចម្រៀង, វីដេអូ.
2 comments

________________________________________________
អានផងដែរ៖
១. ថ្ងៃ​នេះ​បិណ្ឌ​១

%d bloggers like this: