jump to navigation

អនុមោទនា ​វិសាខ​បូជា ព.ស.​២៥៦១ ថ្ងៃពុធ 10 ខែ​ឧសភា 2017

Posted by សុភ័ក្ត្រ in ពីនេះពីនោះ.
1 comment so far

ពិសាខបូជា ឬ វិសាខបូជា (អានថា _ ខៈបូជា) ន. (បា. វិសាខ + បូជា) ឈ្មោះពិធីបុណ្យ ឬការធ្វើសក្ការបូជាក្នុងថ្ងៃពេញបូណ៌មីខែពិសាខ ជាថ្ងៃដែលព្រះសក្យមុនីសម្មាសម្ពុទ្ធទ្រង់ប្រសូត, ទ្រង់បានបរមាភិសម្ពោធិ, ទ្រង់រលត់ខន្ធចូលកាន់បរិនិព្វាន, ធ្វើរំឭកដល់ព្រះគុណរបស់ព្រះអង្គ, ជាការបូជាពិសេសមួយយ៉ាង សម្រាប់ពុទ្ធសាសនិកជនទាំងបព្វជិតទាំងគ្រហស្ថនាំគ្នាធ្វើរាល់ឆ្នាំ, រាប់ថាជាបុណ្យសម្រាប់ពុទ្ធសាសនាៈ ថ្ងៃពិសាខបូជា, ធ្វើពិសាខបូជា។ (វ. ខ្មែរ ទំព័រ ៧៥៩)

  • សម្រាប់​ឆ្នាំ​២០១៧ នេះ ថ្ងៃ​វិសាខបូជា ត្រូវនឹងថ្ងៃពុធ ទី១០ ខែឧសភា

____________________________________________
អានព័ត៌មាន៖
១.

រណ្ដាប់​ទទួល​ទេវតា​នៅ​ផ្ទះ​ខ្ញុំ​​ឆ្នាំ​​​វក ព.ស.​២៥៦១ ថ្ងៃសុក្រ 14 ខែ​មេសា 2017

Posted by សុភ័ក្ត្រ in ពីនេះពីនោះ.
8 comments

__________________________________________________
ប្រកាសប្រហាក់ប្រហែល
១. រណ្ដាប់ទទួលទេវតានៅផ្ទះខ្ញុំ
២. រណ្ដាប់ទទួលទេវតានៅផ្ទះខ្ញុំឆ្នាំនេះ
៣. រណ្ដាប់ទទួលទេវតានៅផ្ទះខ្ញុំឆ្នាំនេះ
៤. រណ្ដាប់ទទួលទេវតានៅផ្ទះខ្ញុំឆ្នាំនេះ
៥. រណ្ដាប់ទទួលទេវតានៅផ្ទះខ្ញុំឆ្នាំនេះ
៦. រណ្ដាប់ទទួលទេវតានៅផ្ទះខ្ញុំឆ្នាំនេះ
៧. រណ្ដាប់ទទួលទេវតានៅផ្ទះខ្ញុំឆ្នាំនេះ
៨. រណ្ដាប់ទទួលទេវតានៅផ្ទះខ្ញុំឆ្នាំវក ព.ស.២៥៦០

ប.ជ.ព.​២៥៦១ ពី sopheak.net ថ្ងៃ​ព្រហស្បតិ៍ 13 ខែ​មេសា 2017

Posted by សុភ័ក្ត្រ in ពីនេះពីនោះ.
add a comment

លែង​ឮ​រៃ​យំ ថ្ងៃអាទិត្យ 9 ខែ​មេសា 2017

Posted by សុភ័ក្ត្រ in ពីនេះពីនោះ.
add a comment

ពីដើមៗមិញពេលរដូវកាលចូលឆ្នាំខិតជិតមកដល់ បណ្ដាសត្វរៃទាំងហ្វូងៗនាំគ្នាយំឡើងលាន់ទ្រហឹងអឺងកង។ នៅតាមភូមិខ្ញុំនៅតាំងពីចុងភូមិរហូតដល់ចុងភូមិ នេះក៏ជាសញ្ញាណបញ្ជាក់ពីរដូវកាលនៃបុណ្យចូលឆ្នាំខ្មែរមួយប្រភេទទៀតដែរ។

មកដល់សម័យនេះ និងរហូតមកដល់ថ្ងៃនេះទៅហើយ សំឡេងរៃមួយក្បាលក៏មិនបានឮដែរ ដែលថ្ងៃចូលឆ្នាំកាន់តែខិតមកដល់ហើយ នៅសល់តែប៉ុន្មានថ្ងៃទៀតប៉ុណ្ណោះ។ តើនេះបណ្ដាលមកពីបម្លាស់ប្ដូរនៃអាកាសធាតុ ឬបណ្ដាលមកពីភាពវិនាសនៃសត្វព្រៃ ដែលជាវិបាកនៃការបាត់បង់ព្រៃឈើ ក្នុងមូលហេតុទំនើបនិយម?

ឱ! សំឡេងរៃអឺយ ខ្ញុំនឹកអ្នក!

សត្វរៃ (រូបតំណាង)

បាត់​អស់​ហើយ​ល្បែង​ល្បាំ​ចូល​ឆ្នាំ ថ្ងៃពុធ 5 ខែ​មេសា 2017

Posted by សុភ័ក្ត្រ in ពីនេះពីនោះ.
add a comment

ពីដើមៗមិញ ចាប់ពីប្រមាណថ្ងៃនេះតទៅ (៥ មេសា) រហូតដល់ថ្ងៃចូលឆ្នាំ បណ្ដាក្មេងៗ និងមនុស្សជំទង់តាំងពីដើមភូមិរហូតដល់ចុងភូមិ ចាប់ពីព្រលប់ៗឡើងនាំគ្នាលេងល្បែងចូលឆ្នាំ មានល្បែងល្បាំក្មេងៗ ព្រមទាំងការបើកធុងបាស្សរាំលេងជាដើម។ល។

រយៈពេលជាច្រើនឆ្នាំចុងក្រោយនេះ ទិដ្ឋភាពអស់ទាំងនោះបានសាបរលាបអស់រលីងហើយ នៅក្នុងភូមិដែលខ្ញុំរស់នៅនេះ ដោយមិនឃើញមានទៀតទេ។ ពីមួយឆ្នាំទៅមួយឆ្នាំ រដូវកាលបុណ្យចូលឆ្នាំខ្មែរហាក់ស្ងាត់ទៅៗ ដោយចូលឆ្នាំក៏ដូចជាមិនចូលឆ្នាំទៀតដែរ។

ពីមុនឲ្យតែចូលដល់ខែមេសា មិនទាន់ និងជាពិសេសក្រោយពេលវិស្សមកាលខែមេសានេះ បណ្ដាយុវជន នាំគ្នាលេងល្បែងកម្សាន្ត តាំងពីមុនចូលឆ្នាំ។ ឯចាស់ៗវិញក៏បង្កភាពអំណោយផលដល់កូនចៅក្នុងការលេងល្បែងល្បាំ។ ផ្ទះសម្បែងព្រលប់ឡើងនាំគ្នាតុបតែងចង្កៀងភ្លើងពណ៌ បំភ្លឺធ្លាមុខផ្ទះ។ល។

ទេសកាលចូលឆ្នាំនៅកម្ពុជាសម័យទំនើបនេះលែងក្លាយជាទីគួរចាប់អារម្មណ៍តាមបែបប្រពៃណីទៀតហើយ៕

ការលេងល្បែងលាក់កន្សែងរបស់ក្មេងៗ (រូបតំណាង)

Repost: ល្បែង «ខួង» ថ្ងៃចន្ទ 3 ខែ​មេសា 2017

Posted by សុភ័ក្ត្រ in ពីនេះពីនោះ.
add a comment

ចូលឆ្នាំខ្មែរជិតចូលមកដល់ហើយ បាំងតែប៉ុន្មានសប្ដាហ៍ទៀតប៉ុណ្ណោះ។ កាលពីដើមឡើយឲ្យតែជិតចូលឆ្នាំខ្មែរមកដល់ ក្មេងៗរំភើបណាស់ ជាពិសេសពេលឮសំឡេងរៃយំ ដែលជាសញ្ញាណជិតចូលឆ្នាំខ្មែរផងដែរ។ នៅតាមស្រុកភូមិ ចាប់ពីពេលនេះតទៅ នៅពេលយប់ក្មេងៗនាំគ្នាលេងល្បែងកម្សាន្តផ្សេងៗ ហើយក្រោយៗមកមានការចាក់ធុងបាស្សរាំ រហូតដល់ថ្ងៃចូលឆ្នាំឯណុះ។ រយៈពេលប៉ុន្មានឆ្នាំនេះ ការចូលឆ្នាំខ្មែរហាក់មិនសូវជាទីចាប់អារម្មណ៍របស់យុវជនខ្មែរទៀតទេ ពោលគឺធម្មតាៗ។

ណាស់ហ្អើយ! ដើម្បីរំឭកដល់ព្រឹត្តិការណ៍កាលពីនៅកុមារនោះ ខ្ញុំសូមណែនាំល្បែងមួយ ឈ្មោះថា «ខួង» ដែលក្មេងៗ យុវជនជំនាន់ខ្ញុំនាំគ្នាលេង ជាពិសេសនៅរដូវកាលខែភ្លឺ និងជិតចូលឆ្នាំខ្មែរបែបនេះ លេងខួងក៏រឹតតែសប្បាយទ្វេឡើយ។

វិធីលេងល្បែងខួង

ល្បែងខួងគេលេងចាប់ពី៤នាក់ឡើងទៅ រហូត៦នាក់ និង៨នាក់ (កាន់តែគ្នាច្រើន កាន់តែសប្បាយ)។ គេត្រូវបែងចែកជាពីរក្រុមដោយចំនួនស្មើគ្នា និងចាប់ផ្ដើមលេងដោយប៉ាវ សម្រាប់ក្រុមណាឈ្នះលេងមុន។ ខួងនេះ គេលេងនៅនឹងដី ដោយគូជាខ្សែដូចខាងក្រោមនេះ (សម្រាប់លេងគ្នា៤នាក់)៖

សម្រាប់ក្រុមដែលចាញ់ (ព័ណ៌ខ្មៅ) ត្រូវនៅចាំនឹងខ្សែ ដោយមានមេក្រុមម្នាក់ជាអ្នករត់បានពីរខ្សែ គឺខ្សែក និងខ្សែខ ចំណែកឯកូនក្រុមគឺរត់បានតែខ្សែគទេ។ ចំណែកឯក្រុមដែលឈ្នះវិញ (ព័ណ៌ខៀវ) ត្រូវរត់ចេញពីចំណុចលេខ១ (ចូលបានទាំងស្លាបឆ្វេង និងស្លាបស្ដាំ) ចូលចំណុចលេខ២ រួចបន្តចេញទៅលេខ៣ (ក្រៅរង្វង់ខ្សែ)។ ក្នុងពេលដែលក្រុមខៀវរត់ចូលចំណុចនីមួយៗនេះ ក្រុមខ្មៅ ត្រូវស្ទាក់ឲ្យជាប់ដើម្បីកុំឲ្យចេញរួច។ បន្ទាប់ពីចេញដល់ចំណុចទី៣ហើយ ក្រុមខៀវ ត្រូវរត់ចូលចំណុចលេខ២វិញ និងលេខ១ វិញ (ចំណុចដើម) រួចត្រូវស្រែកថា «ខួង» នោះចាត់ទុកថាឈ្នះហើយ។ សមាជិកណាម្នាក់ក្នុងក្រុមរត់ចេញមកបានមុនចាត់ទុកថាបានការហើយ (ដ្បិតក្រុមខៀវមិនមានមេក្រុមដូចក្រុមខ្មៅទេ។

ក្នុងអំឡុងពេលរត់ចេញពីចំណុចមួយទៅចំណុចមួយនេះ ក្រុមខ្មៅត្រូវស្ទាក់ និងប្រសិនបើចាប់ ឬប៉ះខ្លួននៃក្រុមខៀវណាម្នាក់នោះ រាប់ថាក្រុមខៀវចាញ់ហើយ រួចត្រូវក្រុមខ្មៅលេងម្ដង។

ល្បែងនេះមានប្រយោជន៍ខ្លាំងណាស់ ដ្បិតក្រៅពីធ្វើឲ្យបញ្ចេញកម្លាំងកាយហើយ (បែកញើសសស្រាក់) អ្នកលេងនៅមានការរិះគិត ប្រើគំនិតដើម្បីរត់ ចាប់ និងវិធីសាស្ត្រច្រើនទៀត ដើម្បីយកឈ្នះលើគូបដិបក្ខផងដែរ៕

ការគួសខ្សែសម្រាប់លេងខួង គ្នា៦នាក់ (មួយក្រុម៣នាក់)

_____________________________________________________________________
អានផងដែរ
១. ល្បែង «មឹក»

ទឹក​សុទ្ធ​ហាយ​តិច​លើ​អាកាស ថ្ងៃសុក្រ 31 ខែ​មីនា 2017

Posted by សុភ័ក្ត្រ in ពីនេះពីនោះ.
1 comment so far

ប្រហែលជាគួរឲ្យមានមោទនភាពដែរចំពោះក្រុមហ៊ុនផលិតទឹកសុទ្ធហាយតិច ដែលផលិតផលរបស់ខ្លួនមានវត្តមាននៅលើអាកាស នោះគឺតាមរយៈក្រុមហ៊ុនអាកាសចរអង្គរអ៊ែរ។

សម្រាប់ការធ្វើដំណើរតាមយន្តហោះអាកាសចរអង្គរអ៊ែរ ពីភ្នំពេញទៅព្រៃនគរ អ្នកដំណើរត្រូវបានផ្ដល់ឲ្យតែទឹកសុទ្ធម៉ាកហាយតិច កូនដបតូចមួយតម្លៃប្រមាណ៥០០រៀលប៉ុណ្ណោះ។ ហេតុដូចនេះគិតៗទៅជិះយន្តហោះមិនមែនគ្រប់ពេលសុទ្ធតែឡូយហ៊ឺហាប៉ុណ្ណោះទេ តែជួនកាលអន់ជាងជិះឡានឈ្នួលទៅព្រៃវែងផង ហេហេ…៕


កូនដបទឹកសុទ្ធម៉ាកហាយតិច ដែលត្រូវបានផ្ដល់ឲ្យអ្នកដំណើរ សម្រាប់ជើងយន្តហោះពីភ្នំពេញ ទៅព្រៃនគរ

_____________________________________________________________
១. ទៅនគរកម្ពុជាក្រោម

%d bloggers like this: