jump to navigation

Repost: កាស​អនុស្សាវរីយ៍​បុណ្យ​ព្រះ​មេរុ ព្រះ​មហា​កាញ្ចន​កោដ្ឋ ថ្ងៃពុធ 26 ខែសីហា 2020

Posted by សុភ័ក្ត្រ in ពីនេះពីនោះ.
add a comment

តាមទំនៀមព្រះរាជពិធីបុណ្យព្រះមេរុ នៃអង្គព្រះមហាក្សត្រិយ៍ ព្រះមហាក្សត្រិយានីខ្មែរ រាជការតែងរៀបចំឲ្យមានការផលិតកាសអនុស្សាវរីយ៍ឡើងដើម្បីរំឭកដល់ព្រះអង្គ ព្រមទាំងចែកទៅភ្ញៀវជាតិ និងអន្តរជាតិនានា នាថ្ងៃថ្វាយព្រះភ្លើងផងដែរ។ សម្រាប់ទំនៀមជាប្រពៃណីនេះត្រូវបានប្រារព្ធធ្វើឡើងគ្រប់ៗអង្គព្រះមហាក្សត្រិយ៍ទាំងអស់ រហូតមកដល់បុណ្យព្រះមេរុនៃព្រះបរមរតនកោដ្ឋនាពេលថ្មីៗនេះផងដែរ។

ដូចគ្នានេះដែរ កាលពីព្រះរាជពិធីបុណ្យព្រះមេរុនៃព្រះករុណា ព្រះមហាកាញ្ចនកោដ្ឋ កាលពី៥៥ឆ្នាំមុននេះ តាមឯកសារនានាបង្ហាញថា កាសអនុស្សាវរីយ៍នេះ បានផលិតឡើងដោយមានម្ខាងជាព្រះបរមរូបព្រះអង្គ និងម្ខាងទៀតជារូបព្រះមេរុ ដែលបានធ្វើឡើងតាមបុរាណរាជបវេណី។ នៅក្នុងពេលបញ្ចប់នៃព្រះរាជពិធីថ្វាយព្រះភ្លើង ព្រះឧបយុវរាជព្រះអង្គជាអ្នកប្រទានកាសនេះដោយផ្ទាល់ព្រះហស្ដទៅភ្ញៀវនានាដែលបានអញ្ជើញចូលរួមព្រះរាជពិធីផងដែរ៕

សម្ដេចព្រះមហាក្សត្រិយានីយាងជួបភ្ញៀវជម្រាបលា ក្រោយពេលថ្វាយព្រះភ្លើង ឯសម្ដេចព្រះឧបយុវរាជព្រះអង្គកំពុងប្រទានកាសអនុស្សាវរីយ៍ដល់ភ្ញៀវនានា

___________________________________________________
អានផងដែរ៖
១. អំពីព្រះរាជពិធីថ្វាយព្រះភ្លើងហ្លួងកាញ្ចនកោដ្ឋ
២. កាស និងតែមប្រិ៍ប្រៃសណីយ៍អនុស្សាវរីយ៍រំឭកថ្ងៃសោយព្រះទិវង្គត ហ្លួងសុវណ្ណកោដ្ឋ និងហ្លួងខត្តិយកោដ្ឋ
៣. កាសអនុស្សាវរីយ៍បុណ្យព្រះមេរុ ព្រះរាជានុកោដ្ឋ
៤. ព្រះករុណាម្ចាស់ជីវិត នរោត្ដម សុរាម្រឹត នៃព្រះរាជអាណាចក្រកម្ពុជា
៥. ខួបទី៥៥ឆ្នាំ សោយព្រះទិវង្គតនៃព្រះករុណាព្រះមហាកាញ្ចនកោដ្ឋ
៦. អំពីព្រះមេរុនៃព្រះករុណា ព្រះមហាកាញ្ចនកោដ្ឋ
៧. ខួបឆ្នាំទី៥៥ នៃព្រះរាជពិធីបុណ្យព្រះមេរុ ព្រះករុណា ព្រះមហាកាញ្ចនកោដ្ឋ
៨. កាសរាជាភិសេក ព្រះបាទសម្ដេចព្រះ នរោត្ដម សុរាម្រឹត ព្រះចៅក្រុងកម្ពុជាធិបតី ក្នុងឆ្នាំមមែ សប្ដស័ក ព.ស.២៤៦៨
៩. កាសអនុស្សាវរីយ៍បុណ្យព្រះមេរុ ព្រះបរមរតនកោដ្ឋ
១០. កាសអនុស្សាវរីយ៍ឆ្លងខួបឆ្នាំទី៦០ ព្រះរាជពិធីសុខាភិសេក ព្រះករុណា ព្រះសុរាម្រិត និងសម្ដេចព្រះមហាក្សត្រិយានី
១១. អំពីក្បួនហែព្រះបរមសពព្រះករុណា ព្រះមហាកាញ្ចនកោដ្ឋ
១២. ព្រះរាជកំណត់បុណ្យថ្វាយព្រះភ្លើងព្រះករុណា ព្រះមហាកាញ្ចនកោដ្ឋ
១៣. ការដោះលែងអ្នកទោសនាថ្ងៃថ្វាយព្រះភ្លើងហ្លួងកាញ្ចនកោដ្ឋ
១៤. អំពីព្រះរាជពិធីដង្ហែព្រះបរមអដ្ឋិព្រះមហាកាញ្ចនកោដ្ឋ

Repost: ព្រះ​រាជ​កំណត់​បុណ្យ​ថ្វាយ​ព្រះ​ភ្លើង​ព្រះ​ករុណា ព្រះ​មហា​កាញ្ចន​កោដ្ឋ ថ្ងៃអាទិត្យ 23 ខែសីហា 2020

Posted by សុភ័ក្ត្រ in ពីនេះពីនោះ.
add a comment

បន្ទាប់ពីព្រះករុណា ព្រះបាទសម្ដេចព្រះ នរោត្ដម សុរាម្រិត ព្រះអង្គសោយព្រះទិវង្គតទៅ រាជការក៏ចាត់ឲ្យរៀបចំព្រះរាជពិធីបុណ្យព្រះបរមសព និងថ្វាយព្រះភ្លើងព្រះបរមសពតាមបូរាណខេមរខត្តិយរាជបវេណី ចំនួន៧យប់៨ថ្ងៃ គឺចាប់តាំងពីថ្ងៃសៅរ៍ ១៣រោច ខែស្រាពណ៍ ដល់ថ្ងៃសៅរ៍ ៦កើត ខែភទ្របទ ឆ្នាំជូត ទោស័ក ព.ស.២៥០៣ ដែលត្រូវនឹងថ្ងៃទី២០ ដល់ថ្ងៃទី២៧ ខែសីហា ឆ្នាំ១៩៦០។ ការរៀបចំបុណ្យថ្វាយព្រះភ្លើងព្រះអង្គ រាប់ថាជាការធ្វើឡើងសម្បូរបែបតាមបូរាណរាជបវេណី ចុងក្រោយបង្អស់របស់ព្រះនគរ។

ដើម្បីឲ្យព្រះរាជពិធីបុណ្យថ្វាយព្រះភ្លើងព្រះអង្គដំណើរការត្រឹមត្រូវតាមបែបផែនខត្តិយត្រកូលនោះ រាជការបានចាត់ឲ្យមានគណៈកម្មការជាច្រើនតាមតួនាទីដើម្បីសម្រួលដល់ព្រះរាជកម្មវិធី។ ក្រៅពីនោះ ព្រះរាជកំណត់បុណ្យផ្លូវការមួយក៏ត្រូវបានរៀបចំឡើងតាមព្រះរាជឱង្ការនូវព្រះបន្ទូលសូរសីហនាទតម្កល់លើត្បូង។ អ្នកឧកញ៉ាវាំងអគ្គនាយកក្រសួងនានានៃព្រះបរមរាជវាំង សាន យុន ក៏បានចាត់ចែងឲ្យឧកញ៉ាមហាមន្ត្រីស្ដីទី ឆេង ហាក់ រៀបចំ និងទទួលបានព្រះបរមរាជានុញ្ញាតពីសម្ដេចព្រះឧបយុវរាជ ព្រះប្រមុខរដ្ឋ (ព្រះបរមរតនកោដ្ឋ) ជាព្រះរាជបុត្រ។

ព្រះរាជកំណត់បុណ្យថ្វាយព្រះភ្លើងនេះបានរៀបរាប់យ៉ាងលម្អិតសមគួរពីពិធីការ របៀបរបប និងក្បួនខ្នាតនានានៃព្រះរាជពិធីបុណ្យថ្វាយព្រះភ្លើងប្រចាំថ្ងៃនីមួយៗចាប់តាំងពីថ្ងៃទីមួយ គឺការដង្ហែព្រះបរមសព រហូតដល់ថ្ងៃថ្វាយព្រះភ្លើង និងថ្ងៃដង្ហែព្រះបរមអដ្ឋិចូលព្រះបរមរាជវាំងវិញ។

ដើម្បីចងក្រុងទុកជាឯកសារមានតម្លៃរបស់ព្រះនគរ ស្រែខ្មុកបានរៀបចំចងក្រងធ្វើជាសៀវភៅមួយឡើង ទុកជាការសិក្សាស្វែងយល់ពីព្រះរាជពិធីនៃខេមរខត្តិយត្រកូលតទៅអនាគត៕៚

សៀវភៅអំពីព្រះរាជកំណត់បុណ្យថ្វាយព្រះភ្លើងព្រះមហាកាញ្ចនកោដ្ឋនៅក្នុងសៀវភៅ
រូបក្នុងសៀវភៅ
ពាក្យប្រារព្ធរបស់ស្រែខ្មុកក្នុងសៀវភៅ

_________________________________________________
អានផងដែរ
១. អំពីព្រះរាជពិធីថ្វាយព្រះភ្លើងហ្លួងកាញ្ចនកោដ្ឋ
២. អំពីព្រះមេរុនៃព្រះករុណា ព្រះមហាកាញ្ចនកោដ្ឋ
៣. ខួបឆ្នាំទី៥៥ នៃព្រះរាជពិធីបុណ្យព្រះមេរុ ព្រះករុណា ព្រះមហាកាញ្ចនកោដ្ឋ
៤. កាសអនុស្សាវរីយ៍បុណ្យព្រះមេរុ ព្រះមហាកាញ្ចនកោដ្ឋ
៥. អំពីក្បួនហែព្រះបរមសពព្រះករុណា ព្រះមហាកាញ្ចនកោដ្ឋ
៦. ការដោះលែងអ្នកទោសនាថ្ងៃថ្វាយព្រះភ្លើងហ្លួងកាញ្ចនកោដ្ឋ
៧. អំពីព្រះរាជពិធីដង្ហែព្រះបរមអដ្ឋិព្រះមហាកាញ្ចនកោដ្ឋ
៨. ព្រះ​រាជ​កំណត់​នៃ​ព្រះ​រាជ​ពិធី​បុណ្យ​រាជាភិសេក ព្រះ​បាទ​សម្ដេច​ព្រះ​ស៊ីសុវត្ថិ មុនីវង្ស ច្បាប់​ភាសា​ថៃ

Repost: អំពី​ព្រះ​មេរុ​នៃ​ព្រះ​ករុណា ព្រះ​មហា​កាញ្ចន​កោដ្ឋ ថ្ងៃសៅរ៍ 22 ខែសីហា 2020

Posted by សុភ័ក្ត្រ in ពីនេះពីនោះ.
add a comment

បន្ទាប់ពីព្រះករុណា ព្រះបាទសម្ដេចព្រះ នរោត្ដម សុរាម្រឹត ព្រះអង្គស្ដេចយាងសោយព្រះទិវង្គតមក រាជការក៏បានចាត់ព្រះរាជពិធីបុណ្យថ្វាយព្រះភ្លើងតាមបុរាណខត្តិយរាជបវរណី នៅ៤ខែក្រោយមក។ ព្រះរាជពិធីនេះធ្វើរយៈពេល៧យប់៨ថ្ងៃ គឺចាប់តាំងពីថ្ងៃសៅរ៍ ១៣រោច ខែស្រាពណ៍ រហូតដល់ថ្ងៃសៅរ៍ ៦កើត ខែភទ្របទ ឆ្នាំជូត ទោស័ក ព.ស.២៥០៣ ត្រូវនឹងថ្ងៃទី២០ ដល់ថ្ងៃទី២៧ ខែសីហា ឆ្នាំ១៩៦០។

ដូចគ្នានឹងរជ្ជកាលមុនៗដែរ ព្រះរាជពិធីថ្វាយព្រះភ្លើងត្រូវបានធ្វើឡើងនៅវាលព្រះមេរុ នាខាងមុខសារមន្ទីរជាតិនៃព្រះរាជធានីភ្នំពេញ។ ព្រះមេរុដ៏ធំអស្ចារ្យមួយត្រូវបានសាងឡើងថ្វាយព្រះចៅផែនដី ក្នុងពិធីបុណ្យថ្វាយព្រះភ្លើងនេះ។

ជាអាគារព័ណ៌ក្រហមមួយខ្ពស់ស្រឡះប្រកបដោយក្បាច់រចនាដ៏វិចិត្រនៃក្រុមជាងព្រះនគរ ព្រះមេរុសាងសង់បែរទៅទិសទាំង៤ ដោយនៅជុំវិញមានស្តង់តម្កល់ព្រះពុទ្ធរូបសាសនានានាសម្រាប់ថ្វាយឧទ្ទិសព្រះរាជកុសល។ នៅលើកំពូលនៃព្រះមេរុមានរចនាជារូបព្រហ្មមុខបួន ឯនៅខាងក្នុងនៃមេរុ មានតម្កល់ព្រះមហាបញ្ចាកម្ពស់៩ជាន់ សម្រាប់តម្កល់ព្រះកោដ្ឋ ព្រះបរមសព និងព្រះកោដ្ឋពេជ្រ។

នៅជុំវិញព្រះមេរុវិញ មានសាងឡើងនូវថែវព័ទ្ធដើម្បីចាត់ព្រះរាជពិធីនានា រួមនិងសម្រាប់ទទួលភ្ញៀវជាតិ អន្តរជាតិនានា ក្នុងព្រះរាជពិធីបុណ្យព្រះមេរុទាំងមូល។ នៅតាមថែវទាំង៤ មានខ្លោងទ្វារសម្រាប់ចេញចូលព្រះមេរុ ដោយនៅខាងមុខខ្លោងទ្វារទាំងនោះ មានតាំងទ្វារបាលរូបយក្សឆ្វេងស្ដាំផងដែរ។ នៅពេលយប់ព្រះមេរុត្រូវបានតាំងរចនា និងបំភ្លឺជាព័ណ៌យ៉ាងស្រស់ស្អាតសមព្រះកិត្តិយសព្រះមេរុ នៃព្រះចៅផែនដីខ្មែរ៕៚

ព្រះមេរុនៃព្រះមហាកាញ្ចនកោដ្ឋ
ព្រះមេរុរួមនិងថែវនានាជុំវិញ
ព្រះមេរុ និងព្រះកោដ្ឋព្រះបរមសពតម្កល់លើព្រះមហាបញ្ចា៩ជាន់
ខ្លោងទ្វារចូលព្រះមេរុ ជាមួយនិងទ្វារបាលរូបយក្ស
ព្រះមេរុនាពេលរាត្រី

_________________________________________________
អានផងដែរ
១. ព្រះករុណាម្ចាស់ជីវិត នរោត្ដម សុរាម្រឹត នៃព្រះរាជអាណាចក្រកម្ពុជា
២. គោរពវិញ្ញាណក្ខ័ន្ធសម្ដេចព្រះ នរោត្ដម សុរាម្រិត (ព្រះមហាកាញ្ចនកោដ្ឋ) ព.ស.២៥៥៨
៣. ខួបទី៥៥ឆ្នាំ សោយព្រះទិវង្គតនៃព្រះករុណាព្រះមហាកាញ្ចនកោដ្ឋ
៤. ខួបឆ្នាំទី៥៥ នៃព្រះរាជពិធីបុណ្យព្រះមេរុ ព្រះករុណា ព្រះមហាកាញ្ចនកោដ្ឋ
៥. អំពីព្រះរាជពិធីថ្វាយព្រះភ្លើងហ្លួងកាញ្ចនកោដ្ឋ
៦. កាសអនុស្សាវរីយ៍បុណ្យព្រះមេរុ ព្រះមហាកាញ្ចនកោដ្ឋ
៧. អំពីក្បួនហែព្រះបរមសពព្រះករុណា ព្រះមហាកាញ្ចនកោដ្ឋ
៨. ព្រះរាជកំណត់បុណ្យថ្វាយព្រះភ្លើងព្រះករុណា ព្រះមហាកាញ្ចនកោដ្ឋ
៩. ការដោះលែងអ្នកទោសនាថ្ងៃថ្វាយព្រះភ្លើងហ្លួងកាញ្ចនកោដ្ឋ
១០. អំពីព្រះរាជពិធីដង្ហែព្រះបរមអដ្ឋិព្រះមហាកាញ្ចនកោដ្ឋ
១១. អំពី​ព្រះ​មេរុ នៃ​ព្រះ​ករុណា ព្រះ​បរម​រាជា​នុ​កោដ្ឋ

 

ឥណ្ឌូណេស៊ី​ចេញ​ធនបត្រ​ពិសេស ៧៥.០០០ រូពី ឆ្លង​បុណ្យ​ឯករាជ្យ​ជាតិ ថ្ងៃអង្គារ 18 ខែសីហា 2020

Posted by សុភ័ក្ត្រ in ពីនេះពីនោះ.
1 comment so far

នានាប្រទេស៖ ក្រុងចាការតា, ប្រទេស​ឥណ្ឌូណេស៊ី – ស្ថិត​ក្នុង​ឱកាស​ពិសេស​នៃ​ពិធី​បុណ្យ​ឯករាជ្យ​ជាតិ​ឥណ្ឌូណេស៊ី ខួប​ឆ្នាំ​ទី​៧៥ នេះ ប្រទេស​ឥណ្ឌូណេស៊ី​បាន​ដាក់​ឲ្យ​ចរាចរ​នូវ​ធនបត្រ​អនុស្សាវរីយ៍​ពិសេស​មួយ ដែល​មាន​តម្លៃ​៧៥.០០០​រូពី ឬ​ប្រមាណ​​២០.៧០០​រៀល​។ ធនបត្រ​ពិសេស​នេះ​បាន​បោះ​ពុម្ព​ក្នុង​បរិមាណ​៧៥​លាន​សន្លឹក​។

សម្រាប់​ធនបត្រ​ពិសេស​ឆ្លង​ខួប​ឯករាជ្យ​ជាតិ​លើក​ទី​៧៥​នេះ មាន​ប្រាកដ​រូប​បិតា​ស្ថាបនិក​ជាតិ​ឥណ្ឌូណេស៊ី លោក​ស៊ូការណូ និង​មូហាមម៉ាដ ហាត្តា ដែល​ជា​អ្នក​ប្រកាស​ឯករាជ្យ​របស់​ប្រទេស​នេះ កាល​ពី​​ថ្ងៃ​ទី​១៧ ខែ​សីហា ឆ្នាំ​១៩៤៥ និង​បាន​ក្លាយ​ជា​ប្រធានាធិបតី និង​អនុ​ប្រធានាធិបតី​ទី​១​របស់​ឥណ្ឌូណេស៊ី​។ ក្រៅ​ពី​នេះ​ក៏​នៅ​ឃើញ​មាន​រូប​ជា​សមិទ្ធិ​នានា​របស់​ឥណ្ឌូណេស៊ី​នា​ពេល​បច្ចុប្បន្ន​ផង​ដែរ​។

នៅ​ឯ​ខាង​ខ្នង​នៃ​ធនបត្រ​វិញ មាន​ប្រាកដ​រូប​​កុមារ​ឥណ្ឌូណេស៊ី​ចំនួន​៩​រូប​ស្ថិត​ក្នុង​សំលៀក​បំពាក់​ប្រពៃណី​តាម​តំបន់​នីមួយ​របស់​ប្រទេស​ឥណ្ឌូណេស៊ី ដែល​ជា​អត្ត​សញ្ញាណ​នៃ​អនាគត​ដ៏​រុង​រឿង​នៃ​ប្រទេស​នេះ​ផង​ដែរ​៕

Untitleសd-2Untitlសed-2ធនបត្រ​អនុស្សាវរីយ៍ ៧៥.០០០​រូពី ខាង​មុខ និង​ខាង​ខ្នង

_______________________________________________________
អាន​ផង​ដែរ​៖
១. ឥណ្ឌូណេស៊ី​ប្រារព្ធ​បុណ្យ​ឯករាជ្យ ឆ្នាំ​ទី​៧៥

ខួប​ឆ្នាំ​ទី​៦០ ពិធី​សម្ពោធ​ការ​ដ្ឋាន​ហត្ថកម្ម​សាង​ផ្លូវ​ដែក ថ្ងៃអាទិត្យ 16 ខែសីហា 2020

Posted by សុភ័ក្ត្រ in ពីនេះពីនោះ.
add a comment

7-4

អនុមោទនា បុណ្យ​ចូល​វស្សា ព.ស.​២៥៦៤ ថ្ងៃចន្ទ 6 ខែកក្កដា 2020

Posted by សុភ័ក្ត្រ in ពីនេះពីនោះ.
add a comment

89722180_3451831998176723_1683692867261825024_o

ថ្ងៃនេះ គឺជាថ្ងៃចន្ទ ១ រោច ខែអាសាឍ ឆ្នាំជូត ទោ​ស័ក ព.ស.២៥៦៤ ត្រូវនឹងថ្ងៃទី៦ ខែកក្កដា ឆ្នាំ២០២០ គឺជាថ្ងៃចូលព្រះវស្សា សម្រាប់ពុទ្ធសាសនិកជនទាំងអស់ ដោយគិតចាប់តាំងពីថ្ងៃនេះ រហូតដល់ថ្ងៃ​សុក្រ​ ១៥កើត ពេញបូណ៌មី ខែអស្សុជ ឆ្នាំដដែល ត្រូវនឹងថ្ងៃទី២ ខែតុលា ជាថ្ងៃចេញព្រះវស្សាវិញ។

រយៈពេលបីខែចូលវស្សានេះ សូមខេមរជនសាសន៍ពុទ្ធទាំងអស់ ប្រតិប័ត្តិកាយចិត្តឲ្យបានល្អ តាមគន្លងសាសនា ស្ដាប់បង្គាប់គ្រូបាអាចារ្យ, លះបង់ល្បែង និងជៀសវាងគ្រឿងស្រវឹងគ្រប់ប្រភេទ។ តាំងចិត្តជ្រះថ្លា រក្សាសីលប្រាំ នោះសុខនឹងនាំមកខ្លួនលោកអ្នក គ្រួសារ ក៏ដូចសង្គមជាតិ។

ពាក្យស្លោកសម្រាប់ចូលវស្សាឆ្នាំនេះ ពីប្លក់ស្រែខ្មុកគឺ «ធម៌​អថ៌​គួរ​រៀន វស្សានាំសុខ»។ សូមអនុមោទនា បុណ្យចូលវស្សា ព.ស.២៥៦៤!

ព្រះ​រាជ​ពិធី​សិត​ទៀន​វស្សា​ព្រះ​រាជ​ទ្រព្យ ប្រចាំ​ព.ស.​២៥៦៤ ថ្ងៃអាទិត្យ 28 ខែមិថុនា 2020

Posted by សុភ័ក្ត្រ in ពីនេះពីនោះ.
add a comment

ព្រះករុណាជាអម្ចាស់ជីវិតលើត្បូង ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ស្ដេចយាងបំពេញមហាព្រះរាជកុសលក្នុងព្រះរាជពិធីសិតទៀនវស្សាព្រះរាជទ្រព្យ នៅព្រះបរមរាជវាំង។

ព្រះរាជពិធីសិតទៀនវស្សាព្រះរាជទ្រព្យនេះ ត្រូវបានរៀបចំឡើងយ៉ាងឧឡារិក នាព្រឹកថ្ងៃ ៨កើត ខែអាសាឍ ឆ្នាំជូតទោស័ក ពុទ្ធសករាជ ២៥៦៤ ត្រូវនឹងថ្ងៃទី២៨ ខែមិថុនា ឆ្នាំ២០២០ នៅព្រះមហាប្រាសាទខេមរិន្ទ។

សូមបញ្ជាក់ថា ព្រះរាជពិធីបុណ្យសិតទៀនវស្សា ព្រះរាជទ្រព្យក្នុងឆ្នាំនេះ ព្រះករុណាជាអម្ចាស់ជីវិត លើត្បូងព្រះបាទសម្ដេចព្រះបរមនាថ ព្រះមហាក្សត្រ នៃព្រះរាជាណាចក្រកម្ពុជា ព្រមទាំងសម្តេចព្រះមហាក្សត្រី ព្រះអង្គមានព្រះរាជ សទ្ធាដ៏ខ្ពង់ខ្ពស់ក្រៃលែង ដែលបានកសាងទៀនវស្សាព្រះរាជទ្រព្យចំនួន ១២ដើម និងគ្រឿងបរិក្ខាទៀន មានផ្កាទៀនចំនួន ១៤២ដើម ធូប ១២ដើម ទៀនសុទ្ធ ៦០ដើម លាង ៧កញ្ចប់ ទេយ្យវត្ថុ ២៨កញ្ចប់ ប្រេងកាត ៦៣លីត្រ ប្រេងដូង ២៤លីត្រ  ទឹកក្រូច ១៦កេស ទឹកបរិសុទ្ធ ៤៤កេស មី ៤៤កេស និងអង្ករចំនួន ៣៧បាវ ស្មើនឹង ១ ៨៥០ គីឡូក្រាម ព្រមទាំងបច្ច័យមួយចំនួន៕

អត្ថបទ និង​រូប​ភាព​ចម្លង​ទាំង​ស្រុង​ចេញ​ពី​ទី​ភ្នាក់ងារ​សារព័ត៌មាន​កម្ពុជា AKP

%d bloggers like this: