jump to navigation

ទំនៀម​នៃ​ការ​ប្រើ​ប្រាស់​យាន​កាំភ្លើង​ធំ​នៅ​ក្នុង​ពិធី​បុណ្យ​សព ថ្ងៃពុធ 21 ខែមិថុនា 2017

Posted by សុភ័ក្ត្រ in ពីនេះពីនោះ.
1 comment so far

ការ​ប្រើ​ប្រាស់​យាន​កាំភ្លើង​ធំ​សម្រាប់​ផ្ទុក​​មឈូស​នៅ​ក្នុង​ពិធី​បុណ្យ​សព​ត្រូវ​បាន​ឃើញ​មាន​ប្រើ​ប្រាស់​ជា​ពិសេស​នៅ​បណ្ដា​ប្រទេស​លោក​ខាង​លិច និង​ប្រទេស​ជិត​ខាង​កម្ពុជា​មួយ​ចំនួន​ដែល​ទទួល​វប្បធម៌​លោក​ខាង​លិច​។ ទំនៀម​នេះ​ហាក់​មិន​ឃើញ​ទេ​នៅ​ក្នុង​​នគរ​កម្ពុជា​យើង​។ ទោះ​បី​ជា​យ៉ាង​នេះ​ក្ដី​ការ​ប្រើ​ប្រាស់​យាន​កាំភ្លើង​ធំ​សម្រាប់​ផ្ទុក​មឈូស​ឃើញ​មាន​ប្រើ​ប្រាស់​តែ​ពិធី​បុណ្យ​សព​បណ្ដា​នាយ​ទាហាន ឬ​នៅ​ក្នុង​ពិធី​បុណ្យ​សព​ដែល​ជា​រដ្ឋ​ពិធី ឬ​រាជ​ពិធី​​ប៉ុណ្ណោះ​។

ប្រភព​នៃ​ការ​ប្រើ​ប្រាស់​យាន​កាំភ្លើង​ធំ​នេះ​ទំនង​ចេញ​មក​ពី​ចក្រ​ភព​អង់គ្លេស ដែល​កាល​នោះ​នៅ​ក្នុង​ពេល​មាន​សង្គ្រាម​ការ​ប្រើ​ប្រាស់​យាន​កាំភ្លើង​ធំ​សម្រាប់​ផ្ទុក​មឈូស គឺ​ធ្វើ​ឡើង​ដើម្បី​ជួយ​សម្រួល​កម្លាំង​នាយ​ទាហាន​ក្នុង​ការ​ដឹក​ជញ្ជូន​មឈូស​នានា​។ ជា​បន្ត​បន្ទាប់​រហូត​មក​ដល់​ពាក់​កណ្ដាល​ទសវត្សរ៍​១៨០០ ការ​ប្រើ​ប្រាស់​យាន​កាំភ្លើង​ធំ​នេះ​ក៏​ត្រូវ​បាន​អនុញ្ញាត​សម្រាប់​ក្បួន​ដង្ហែ​សព ដោយ​មាន​ទ័ព​សេះ​នាំ​មុខ​ផង ចំពោះ​ករណី​ដែល​ទី​បញ្ចុះ​សព​មាន​ចម្ងាយ​ឆ្ងាយ​ប៉ុណ្ណោះ​។ ចាប់​តាំង​ពី​ពេល​នោះ​មក​ទំនៀម​នៃ​ការ​ប្រើ​ប្រាស់​យាន​កាំភ្លើង​ធំ​សម្រាប់​ផ្ទុក​មឈូស​នេះ​ត្រូវ​បាន​ចាត់​ទុក​ជា​ផ្នែក​មួយ​នៃ​ពិធី​បុណ្យ​សព​នាយ​ទាហាន និង​រដ្ឋ​ពិធី​។

ដោយ​ឡែក​នៅ​ក្នុង​នគរ​ថៃ ដែល​ជា​នគរ​ជិត​ខាង​នៃ​កម្ពុជា​យើង​វិញ ការ​ប្រើ​ប្រាស់​ព្រះ​រាជ​រថ​កាំភ្លើង​ធំ​សម្រាប់​ផ្ទុក​ព្រះ​បរម​សព​ត្រូវ​បាន​ឃើញ​មាន​ប្រើ​ប្រាស់​តាំង​ពី​ រជ្ជកាលព្រះបាទសម្ដេចព្រះមង្កុដក្លៅចៅយូហួ ឬរាមាទី៦ នៃរាជវង្សចក្រីថៃ និងបន្តមកដល់រជ្ជកាលចុងក្រោយនេះ (រាមាទី៩)។ បច្ចុប្បន្ន​ប្រទេស​ថៃ​កំពុង​សាង​ព្រះ​រាជ​រថ​កាំភ្លើង​ធំ​ថ្មី​មួយ​ទៀត​សម្រាប់​ព្រះ​រាជ​ពិធី​បុណ្យ​ថ្វាយ​ព្រះ​ភ្លើង​ព្រះ​​​បរម​សព​នៃព្រះបាទ សម្ដេចព្រះបរមិន្ទ្រមហាភូមិពល អតុល្យតេជ រាមាទី៩​។

នៅ​ឯ​ប្រទេស​សិង្ហ​បុរី​ កាល​ពី​គ្រា​បុណ្យ​សព​នៃ​បិតា​ស្ថានិក​ប្រទេស លោក លី ក្វាន់​យូ ក៏​ឃើញ​មាន​ការ​ប្រើ​ប្រាស់​យាន​កាំភ្លើង​ធំ​នេះ​សម្រាប់​ផ្ទុក​មឈូស​របស់​លោក នៅ​ក្នុង​ពិធី​បុណ្យ​សព​របស់​លោក​​​។ នៅ​ឯ​ប្រទេស​វៀតណាម​វិញ ក៏​ឃើញ​មាន​ការ​ប្រើ​ប្រាស់​យាន​កាំភ្លើង​ធំ​នេះ​ដែរ នៅ​ក្នុង​ពិធី​បុណ្យ​សព​របស់​ឧត្ដម​សេនីយ វ៉ូ ង្វៀន ស៊ាប (Vo Nguyen Giap) កាល​ពី​ឆ្នាំ​២០១៣ កន្លង​ទៅ​នេះ​ផង​ដែរ​៕

ការ​ប្រើ​ប្រាស់​យាន​កាំភ្លើង​ធំ​នៅ​បស្ចឹម​ប្រទេស​កាល​ពី​អតីតការ​ប្រើ​ប្រាស់​យាន​កាំភ្លើង​ធំ​នៅ​ចក្រ​ភព​អង់គ្លេស​នា​ពេល​កន្លង​មកការ​ប្រើ​ប្រាស់​យាន​កាំភ្លើង​ធំ​នៅ​ប្រទេស​ថៃ​កាល​ពី​អតីតការ​ប្រើ​ប្រាស់​យាន​កាំភ្លើង​ធំ​នៅ​ក្នុង​បុណ្យ​សព​លោក​លី ក្វាន់យូ នៅ​ប្រទេស​សិង្ហបុរីការ​ប្រើ​ប្រាស់​យាន​កាំភ្លើង​ធំ​នៅ​ប្រទេស​វៀតណាម

____________________________________________________
អានផងដែរ៖
១. ថៃ​ចាត់​សាង​ព្រះ​រាជ​រថ​កាំភ្លើង​ធំ​ថ្មី​សម្រាប់​​ដង្ហែ​​ព្រះ​​កោដ្ឋ​​ព្រះ​បរម​សព​ព្រះ​ចៅ​ផែន​ដី​ខ្លួន

មើល​លទ្ធផលបោះឆ្នោតបឋម សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៤ ឆ្នាំ២០១៧ ថ្ងៃ​ព្រហស្បតិ៍ 8 ខែមិថុនា 2017

Posted by សុភ័ក្ត្រ in ពីនេះពីនោះ.
8 comments

សម្រាប់​អ្នក​ទាំង​ឡាយ​ណា​ដែល​ចង់​តាម​ដាន​លទ្ធផល​បោះ​ឆ្នោត​នៅ​តាម​ឃុំ​សង្កាត់​របស់​ខ្លួន ក៏​ដូច​ជា​នៅ​ទូទាំង​ប្រទេស លោក​អ្នក​​អាច​ចូល​ទៅ​មើល​បាន​តាម​គេហ​ទំព័រ​ផ្លូវ​ការ​របស់​គណៈ​កម្មាធិការ​ជាតិ​រៀប​ចំ​ការ​បោះ​ឆ្នោត (​គជប​) តាម​រយៈ​​វេបសាយត៍ http://www.voterlist.org.kh​។

ទោះ​បី​ជា​យ៉ាង​នេះ​ក្ដី​បញ្ជី​ភាគ​ច្រើន​កំពុង​ស្ថិត​នៅ​ក្នុង​ការ​​ធ្វើ​បច្ចុប្បន្ន​ភាព​របស់​មន្ត្រី​គជប​​ ហេតុ​ដូច​នេះ​ប្រសិន​បើ​មាន​បញ្ហា​បច្ចេក​ទេស​ណា​មួយ​នៃ​សំឡេង​ឆ្នោត​ដែល​បាន​ដាក់​បង្ហាញ សូម​លោក​អ្នក​កុំ​មាន​ការ​ភ្ញាក់​ផ្អើល​ហួស​ប្រមាណ និង​រង់​ចាំ​លទ្ធផល​ចុង​ក្រោយ​ផ្លូវ​ការ​សិន​។

ខាង​ក្រោម​នេះ​ជា​រូប​នៃ​ទំព័រ​ដំបូង ដោយ​ពេល​លោក​អ្នក​បើក​មើល អាច​ចុច​ស្វែង​រក​ឃុំ​សង្កាត់​របស់​លោក​អ្នក​បាន​យ៉ាង​ងាយ​ស្រួល​។

______________________________________________________________
១. រដូវ​កាល​ឃោស​នា​បោះ​ឆ្នោត​ជ្រើស​រើស​ក្រុម​ប្រឹក្សា​ឃុំ សង្កាត់​ អាណត្តិ​ទី​៤​ ចាប់​ផ្ដើម
២. ស្អែក​ទៅ​បោះ​ឆ្នោត​ទាំង​អស់​គ្នា
៣. ទៅ​បោះ​ឆ្នោត​ឃុំ​សង្កាត់
៤. ប្រជាជន​ខ្មែរ​ច្រើន​លើស​លុប​​ចេញ​ទៅ​បោះ​ឆ្នោត
៥. ការ​គូស​សញ្ញា​បោះ​ឆ្នោត​មិន​គួរ​កំណត់​តឹង​តែង​ពេក​ទេ
៦. មើល​ឈ្មោះ​អ្នក​ដើម្បី​ត្រៀម​ខ្លួន​បោះ​ឆ្នោត ថ្ងៃ​អាទិត្យ​ខាង​មុខ​នេះ
៧. ការ​បោះ​ឆ្នោត​មួយ​ដែល​ទំនង​មិន​​ទទួល​ជោគ​ជ័យ​តាម​ចេតនារម្មណ៍

ថ្ងៃ​ម្ដាយ ថ្ងៃ​ព្រហស្បតិ៍ 1 ខែមិថុនា 2017

Posted by សុភ័ក្ត្រ in ពីនេះពីនោះ.
add a comment

អនុមោទនា ​វិសាខ​បូជា ព.ស.​២៥៦១ ថ្ងៃពុធ 10 ខែ​ឧសភា 2017

Posted by សុភ័ក្ត្រ in ពីនេះពីនោះ.
1 comment so far

ពិសាខបូជា ឬ វិសាខបូជា (អានថា _ ខៈបូជា) ន. (បា. វិសាខ + បូជា) ឈ្មោះពិធីបុណ្យ ឬការធ្វើសក្ការបូជាក្នុងថ្ងៃពេញបូណ៌មីខែពិសាខ ជាថ្ងៃដែលព្រះសក្យមុនីសម្មាសម្ពុទ្ធទ្រង់ប្រសូត, ទ្រង់បានបរមាភិសម្ពោធិ, ទ្រង់រលត់ខន្ធចូលកាន់បរិនិព្វាន, ធ្វើរំឭកដល់ព្រះគុណរបស់ព្រះអង្គ, ជាការបូជាពិសេសមួយយ៉ាង សម្រាប់ពុទ្ធសាសនិកជនទាំងបព្វជិតទាំងគ្រហស្ថនាំគ្នាធ្វើរាល់ឆ្នាំ, រាប់ថាជាបុណ្យសម្រាប់ពុទ្ធសាសនាៈ ថ្ងៃពិសាខបូជា, ធ្វើពិសាខបូជា។ (វ. ខ្មែរ ទំព័រ ៧៥៩)

  • សម្រាប់​ឆ្នាំ​២០១៧ នេះ ថ្ងៃ​វិសាខបូជា ត្រូវនឹងថ្ងៃពុធ ទី១០ ខែឧសភា

____________________________________________
អានព័ត៌មាន៖
១.

រណ្ដាប់​ទទួល​ទេវតា​នៅ​ផ្ទះ​ខ្ញុំ​​ឆ្នាំ​​​វក ព.ស.​២៥៦១ ថ្ងៃសុក្រ 14 ខែ​មេសា 2017

Posted by សុភ័ក្ត្រ in ពីនេះពីនោះ.
8 comments

__________________________________________________
ប្រកាសប្រហាក់ប្រហែល
១. រណ្ដាប់ទទួលទេវតានៅផ្ទះខ្ញុំ
២. រណ្ដាប់ទទួលទេវតានៅផ្ទះខ្ញុំឆ្នាំនេះ
៣. រណ្ដាប់ទទួលទេវតានៅផ្ទះខ្ញុំឆ្នាំនេះ
៤. រណ្ដាប់ទទួលទេវតានៅផ្ទះខ្ញុំឆ្នាំនេះ
៥. រណ្ដាប់ទទួលទេវតានៅផ្ទះខ្ញុំឆ្នាំនេះ
៦. រណ្ដាប់ទទួលទេវតានៅផ្ទះខ្ញុំឆ្នាំនេះ
៧. រណ្ដាប់ទទួលទេវតានៅផ្ទះខ្ញុំឆ្នាំនេះ
៨. រណ្ដាប់ទទួលទេវតានៅផ្ទះខ្ញុំឆ្នាំវក ព.ស.២៥៦០

ប.ជ.ព.​២៥៦១ ពី sopheak.net ថ្ងៃ​ព្រហស្បតិ៍ 13 ខែ​មេសា 2017

Posted by សុភ័ក្ត្រ in ពីនេះពីនោះ.
add a comment

លែង​ឮ​រៃ​យំ ថ្ងៃអាទិត្យ 9 ខែ​មេសា 2017

Posted by សុភ័ក្ត្រ in ពីនេះពីនោះ.
add a comment

ពីដើមៗមិញពេលរដូវកាលចូលឆ្នាំខិតជិតមកដល់ បណ្ដាសត្វរៃទាំងហ្វូងៗនាំគ្នាយំឡើងលាន់ទ្រហឹងអឺងកង។ នៅតាមភូមិខ្ញុំនៅតាំងពីចុងភូមិរហូតដល់ចុងភូមិ នេះក៏ជាសញ្ញាណបញ្ជាក់ពីរដូវកាលនៃបុណ្យចូលឆ្នាំខ្មែរមួយប្រភេទទៀតដែរ។

មកដល់សម័យនេះ និងរហូតមកដល់ថ្ងៃនេះទៅហើយ សំឡេងរៃមួយក្បាលក៏មិនបានឮដែរ ដែលថ្ងៃចូលឆ្នាំកាន់តែខិតមកដល់ហើយ នៅសល់តែប៉ុន្មានថ្ងៃទៀតប៉ុណ្ណោះ។ តើនេះបណ្ដាលមកពីបម្លាស់ប្ដូរនៃអាកាសធាតុ ឬបណ្ដាលមកពីភាពវិនាសនៃសត្វព្រៃ ដែលជាវិបាកនៃការបាត់បង់ព្រៃឈើ ក្នុងមូលហេតុទំនើបនិយម?

ឱ! សំឡេងរៃអឺយ ខ្ញុំនឹកអ្នក!

សត្វរៃ (រូបតំណាង)

%d bloggers like this: