jump to navigation

អតីត​នាយករដ្ឋមន្ត្រី​ និង​អនុ​ប្រធានាធិបតី លាវ ស៊ីសៈវ៉ាត កែវប៊ុនផាន់ ទទួល​មរណ​ភាព ថ្ងៃអង្គារ 12 ខែ​ឧសភា 2020

Posted by សុភ័ក្ត្រ in មរណភាព, ພາສາລາວ.
add a comment

44771682392_cc255b06cb_o

នានាប្រទេស៖ នគរ​ហ្លួង​វៀងចន្ទន៍, ស.ប.ប. លាវ – អតីត​អនុ​ប្រធាន​ប្រទេស​លាវ​ទី​១ និង​​ជា​អតីត​នាយក​រដ្ឋមន្ត្រី​លាវ សមមិត្ត ស៊ីសៈវ៉ាត កែវប៊ុនផាន់ បាន​ទទួល​មរណ​ភាព​ហើយ​នា​ព្រឹក​ថ្ងៃ​អង្គារ ទី​១២ ខែ​ឧសភា ឆ្នាំ​២០២០ នេះ​ ក្នុង​អាយុ​៩២​ឆ្នាំ​។

ឧត្ដម​សេនីយ​ឯក សមមិត្ត ស៊ីសៈវ៉ាត កែវប៊ុនផាន់ កើត​ថ្ងៃ​ទី​១ ខែ​ឧសភា ឆ្នាំ​១៩២៨ ឯ​ស្រុក​សាំនឿ ខេត្ត​ហួផាន់ មាន​បង​ប្អូន​ទាំង​អស់​៣​នាក់​។ កំណើត​របស់​សមមិត្ត​ជា​កូន​អ្នក​ស្រែ​ចម្ការ ប្រកប​របរ​ចិញ្ចឹម​ជីវិត​ដូច​អ្នក​ស្រែ​លាវ​ឯ​ទៀត​ៗ​។

ឪពុក​ម្ដាយ​របស់​សមមិត្ត​បាន​ទទួល​មរណ​ភាព​នៅ​ពេល​សមមិត្ត​​មាន​អាយុ​១៤​ឆ្នាំ​។ នៅ​អាយុ​២០​ឆ្នាំ សមមិត្ត​​បាន​ចូល​រួម​ក្នុង​ចលនា​បដិវត្តន៍​លាវ និង​ជា​ទាហាន​ជំនាន់​ទី​១ ដែល​ត្រូវ​បាន​បង្កើត​ឡើង​ក្នុង​ចលនា​រំដោះ​ (ចលនា​កង​ទ័ព​រាជ​វង្ស) ប្រទេស​លាវ​ពី​នឹម​អាណា​និគម​និយម​បារាំង​សែស​។ បន្ទាប់​មក​ចលនា​នេះ​បាន​ប្ដូរ​ឈ្មោះ​មក​ជា​កង​ទ័ព​ប្រជាជន​លាវ ដែល​ជា​ចលនា​តស៊ូ​រំដោះ​ប្រទេស​លាវ​ពី​ការ​រុក​រាន​ថ្មី​ៗ​របស់​សហ​រដ្ឋ​អាមេរិក​។

នៅ​ថ្ងៃ​ទី​៣ ខែ​កុម្ភៈ ឆ្នាំ​១៩៧២ សមមិត្ត​​បាន​ចូល​រួម​កិច្ច​ប្រជុំ​កំពូល​របស់​បក្ស លើក​ទី​២ ដែល​បាន​ផ្លាស់​ប្ដូរ​ឈ្មោះ​បក្ស​ពី​បក្ស​ប្រជាជន​លាវ មក​ជា​បក្ស​ប្រជាជន​បដិវត្ត​លាវ​។ មក​ដល់​ឆ្នាំ​១៩៧៦​-​១៩៨៧ សមមិត្ត​ បាន​ក្លាយ​ជា​សមាជិក​គណៈ​កម្មការ​មជ្ឈឹម​បក្ស​។ ក្រៅ​ពី​នេះ នៅ​ឆ្នាំ​១៩៨៧ សមមិត្ត​​ស៊ីសៈវ៉ាត កែវប៊ុនផាន់ បាន​ដឹក​នាំ​ធ្វើ​ជា​មេ​ទ័ព​ក្នុង​ការ​ធ្វើ​បញ្ជា​ការ​ប្រយុទ្ធ​ក្នុង​សមរភូមិ​បរតែន ឬ​ថៃ​ហៅ​ថា​សមរភូមិ​ប្រយុទ្ធ​រុមក្លៅ (​កកន ៖ ជា​ជម្លោះ​ប្រដាប់​អាវុធ​​មួយ​រវាង​លាវ​និង​ថៃ​)​

  • ពី​ឆ្នាំ​១៩៧៥​-​១៩៩១ ៖ ជា​រដ្ឋមន្ត្រី​ប្រចាំ​ទី​ស្ដី​ការ​គណៈ​រដ្ឋមន្ត្រី​, រដ្ឋមន្ត្រី​ក្រសួង​មហា​ផ្ទៃ​, ប្រធាន​គ្រប់​គ្រង​រដ្ឋធានី​វៀងចន្ទន៍
  • ពី​ឆ្នាំ​១៩៩១​-​១៩៩៦ ៖ ជា​រដ្ឋមន្ត្រី​ក្រសួង​កសិកម្ម និង​ព្រៃឈើ
  • ពី​ឆ្នាំ​១៩៩៦-​១៩៩៨ ៖ ជា​អនុ​ប្រធាន​ប្រទេស​នៃ​សបប​. លាវ
  • ពី​ឆ្នាំ​១៩៩៨​-​២០០១ ៖ ជា​នាយក​រដ្ឋមន្ត្រី​នៃ​សបប​. លាវ
  • ពី​ឆ្នាំ​២០០១​-​២០១១ ៖ ជាប្រធាន​រណសិរ្ស​កសាង​ជាតិ​លាវ
  • ពី​ឆ្នាំ​២០១១ ៖ ចូល​និវត្តន៍​

96499408_1280804212129301_4312072213709717504_n13

ថ្វាយ​អាល័យ​សម្ដេច​រាជ​បុត្រី​ព្រះ​រៀម ថ្ងៃចន្ទ 18 ខែវិច្ឆិកា 2019

Posted by សុភ័ក្ត្រ in បុគ្គល​សំខាន់, មរណភាព.
2 comments

bupphha-devi-dies

___________________________________________________________
អាន​ផង​ដែរ ៖
១. មហា​ក្សត្រិយ៍​ថៃ​ផ្ញើ​ព្រះ​រាជ​សារ​រំលែក​ទុក្ខ
២. ព្រះករុណា ព្រះមហាក្សត្រ និងព្រះមហាក្សត្រី ស្តេចយាងគោរពព្រះវិញ្ញាណក្ខន្ធ ព្រះបរមសព សម្ដេចរាជបុត្រីព្រះរៀម នរោត្តម បុប្ផាទេវី
៣. ព្រះ​រាជ​ពិធី​ថ្វាយ​ព្រះ​ភ្លើង​ ព្រះ​សព​សម្ដេច​រាជ​បុត្រី​ព្រះ​រៀម នរោត្ដម បុប្ផាទេវី ទេព​នាដ​វដ្ដី​ឯក
៤. ប្រធានាធិបតី​ចិន​ផ្ញើ​សារ​រំលែក​ទុក្ខ

ថ្វាយ​អាល័យ សម្ដេច​ព្រះ​ធម្ម​លិខិត លាស់ ឡាយ ថិរវិនយោ ថ្ងៃអង្គារ 29 ខែតុលា 2019

Posted by សុភ័ក្ត្រ in បុគ្គល​សំខាន់, មរណភាព.
5 comments

Los-Lay

______________________________________________________
អាន​ផង​ដែរ ៖
១. កំណត់​កម្មវិធី​បុណ្យ​ថ្វាយ​ព្រះ​ភ្លើង​ព្រះ​បរម​សព សម្ដេច​ព្រះ​ធម្ម​លិខិត លាស់ ឡាយ ថិរវិនយោ
២. ថ្វាយ​ព្រះ​ភ្លើង​ព្រះ​សព​សម្ដេច​ព្រះ​ធម្ម​លិខិត លាស់ ឡាយ ថិរវិនយោ
៣. ព្រះ​មេរុ​ថ្វាយ​ព្រះ​ភ្លើង​ព្រះ​សព​សម្ដេច​ព្រះ​ធម្ម​លិខិត លាស់ ឡាយ ថិរវិនយោ
៤. កម្រង​រូប​ភាព​នៃ​ព្រះ​​​ពិធី​​​ថ្វាយ​ព្រះ​ភ្លើង​ព្រះ​សព​ សម្ដេច​ព្រះ​ធម្ម​លិខិត លាស់ ឡាយ ថិរវិនយោ

ប្រធាន​រដ្ឋ​នៃ​ស.ស.​វៀតណាម ទទួល​មរណភាព ថ្ងៃសុក្រ 21 ខែកញ្ញា 2018

Posted by សុភ័ក្ត្រ in មរណភាព, Tiếng Việt.
2 comments

នានាប្រទេស៖ ហាណូយ, សស. វៀតណាម – ប្រធាន​រដ្ឋ​នៃ​សាធារណ​រដ្ឋ​សង្គម​និយម​វៀតណាម (ស.ស.​វៀតណាម​) សម​មិត្ត ត្រាន់ ដៃ ក្វាង (​វ. Trần Đại Quang) បាន​ទទួល​មរណភាព​ហើយ​នា​ថ្ងៃ​នេះ (​សុក្រ ២១ កញ្ញា ២០១៨​) នៅ​មន្ទីរ​ពេទ្យ​ទាហាន​មជ្ឈិម​ ១០៨ នា​រដ្ឋ​ធានី​ហាណូយ ក្នុង​អាយុ​៦១​ឆ្នាំ​។

សម​មិត្ត ត្រាន់ ដៃ ក្វាង ត្រូវ​បាន​ជ្រើស​រើស​ឲ្យ​ធ្វើ​ជា​ប្រធាន​រដ្ឋ ឬ​ប្រធានាធិបតី​នៃ​ស.ស.​វៀតណាម កាល​ពី​ថ្ងៃ​ទី​២ ខែ​មេសា ឆ្នាំ​២០១៦ កន្លង​មក​។ ស្ថិត​ក្នុង​តំណែង​ជា​ប្រធានាធិបតី សម​មិត្ត ត្រាន់ ដៃ ក្វាង ក៏​ធ្លាប់​បាន​មក​​បំពេញ​​ដំណើរ​ទស្សនកិច្ច​ជា​ផ្លូវ​រដ្ឋ​មក​កាន់​ព្រះ​រាជាណាចក្រ​កម្ពុជា កាល​ពី​ថ្ងៃ​ទី​១៤ ដល់ ១៦ ខែ​មិថុនា ឆ្នាំ​២០១៦ កន្លង​មក​ដែរ​៕

សម​មិត្ត ត្រាន់ ដៃ ក្វាង ក្នុង​ពេល​មក​បំពេញ​ទស្សនកិច្ច​ផ្លូវ​រដ្ឋ​នៅ​កម្ពុជា នា​ពេល​កន្លង​ទៅ

_________________________________
អាន​ផង​ដែរ​៖
១. ក្រៅ​ពី​ភូមា វៀតណាម​ក៏​មាន​ប្រធានា​ធិបតី​ថ្មី

បេអាត រិចន័រ ទទួល​មរណ​ភាព ថ្ងៃអាទិត្យ 9 ខែកញ្ញា 2018

Posted by សុភ័ក្ត្រ in មរណភាព.
2 comments

បរទេស ៖ ស្ថាបនិក​មន្ទីរ​ពេទ្យ​គន្ធ​បុប្ផា លោក​វេជ្ជៈ​បណ្ឌិត បេអាត រិចន័រ បាន​ទទួល​មរណ​ភាព​ហើយ បន្ទាប់​ពី​លោក​ធ្លាក់​ខ្លួន​ឈឺ​អស់​រយៈ​ពេល​ជា​ច្រើន​ឆ្នាំ​មក​។

លោក​វេជ្ជ​បណ្ឌិត បាន​ទទួល​មរណភាព​នៅ​វេលា​ម៉ោង​២ និង​៤៥​នាទី​ នៅ​ប្រទេស​ស្វីស​។

អាន​ប្រវត្តិ ចុច​ទី​នេះ

__________________________________________________
អាន​ផង​ដែរ
១. សារ​លិខិត​ដែល​មាន​ន័យ​ជា​ប្រវត្តិសាស្ត្រ​របស់​ស្ថាបនិក​មន្ទីរ​ពេទ្យ​គន្ធបុប្ផា​, បេអាត រិចន័រ
២. ព្រះ​មហា​ក្សត្រិយ៍ និង​សម្ដេច​ព្រះ​មហា​ក្សត្រីយ៍​ស្ដេច​ប្រទាន​​ព្រះ​រាជ​ដំណាក់​ព្រះ​រាជ​ទ្រព្យ​​ខេត្ត​កោះ​កុង ជូន​មន្ទីរ​ពេទ្យ​គន្ធ​បុប្ផា

អតីត​អគ្គ​លេខាធិការ​អង្គការ​សហ​ប្រជាតិ កុហ្វី អាន្នន ទទួល​មរណភាព ថ្ងៃសៅរ៍ 18 ខែសីហា 2018

Posted by សុភ័ក្ត្រ in បុគ្គល​សំខាន់, មរណភាព.
2 comments

បរទេស​៖ ប្រភព​ព័ត៌មាន​ច្បាស់​ការ​បាន​ឲ្យ​ដឹង​ថា នា​ថ្ងៃ​នេះ (​១៨ សីហា ២០១៨​) លោក កុហ្វី អាន្នន អតីត​អគ្គ​លេខាធិការ​អង្គការ​សហ​ប្រជាតិ និង​ជា​ម្ចាស់​រង្វាន់​ណូបែល​សន្តិភាព​លូរៀត (laureate) បាន​ទទួល​មរណភាព​ហើយ​។

តាម​រយៈ​មូល​និធិ​កុហ្វី អាន្នន បាន​ប្រកាស​ថា លោក​បាន​ទទួល​មរណភាព​យ៉ាង​ស្ងប់ នា​ថ្ងៃ​សៅរ៍ ទី​១៨ ខែ​សីហា (​ថ្ងៃ​នេះ) បន្ទាប់​ពី​លោក​មាន​ជំងឺ​មួយ​រយៈ​ពេល​ខ្លី​មក​។

លោក កុហ្វី អាន្នន កើត​នៅ​ថ្ងៃ​ទី​៨ ខែ​មេសា ឆ្នាំ​១៩៣៨ គឺ​ជា​ជន​ជាតិ​ហ្កាណា និង​បាន​ក្លាយ​ជា​អគ្គលេខាធិការ​ទី​៧ នៃ​​អង្គការ​សហ​ប្រជាជាតិ​ ដោយ​បម្រើ​ការងារ​ចាប់​ពី​ខែ​មករា ឆ្នាំ​១៩៩៧ រហូត​ដល់​ខែ​ធ្នូ ឆ្នាំ​២០០៦​។

លោក កុហ្វី អាន្នន បាន​ទទួល​មរណភាព​នា​ថ្ងៃ​សៅរ៍ ទី​១៨ ខែ​សីហា ឆ្នាំ​២០១៨ សិរិ​អាយុ​៨០​ឆ្នាំ​​៤​ខែ​១០​ថ្ងៃ​៕

អតីត​នាយក​រដ្ឋ​មន្ត្រី​វៀតណាម ផាន់ វ៉ាន់ ខៃ ទទួល​មរណ​ភាព ថ្ងៃអាទិត្យ 18 ខែ​មីនា 2018

Posted by សុភ័ក្ត្រ in មរណភាព, Tiếng Việt.
1 comment so far

នានាប្រទេស៖ ព្រៃ​នគរ, ស.ស.​វៀតណាម – អតីត​នាយក​រដ្ឋ​មន្ត្រី​វៀតណាម ផាន់ វ៉ាន់ ខៃ (យួន​៖ Phan Văn Khải) បាន​ទទួល​មរណ​ភាព​ហើយ កាល​ពី​ព្រឹក​ថ្ងៃ​សៅរ៍ ទី​១៧ ខែ​មីនា ឆ្នាំ​២០១៨ ម្សិល​មិញ​នេះ​។

សម​មិត្ត ផាន់ វ៉ាន់ ខៃ កើត​នៅ​ថ្ងៃ​ទី​២៥ ខែ​ធ្នូ ឆ្នាំ​១៩៣៣ នៅ​តំបន់​មួយ​ក្បែរ​ក្រុង​ព្រៃ​នគរ កាល​គ្រា​ស្ថិត​នៅ​ក្នុង​សហ​ព័ន្ធ​ឥណ្ឌូ​ចិន​របស់​បារាំង​។ កាល​គ្រា​នៅ​ជា​យុវជន សម​មិត្ត ផាន់ វ៉ាន់ ខៃ បាន​ធ្វើ​ការ​ងារ​ក្នុង​អង្គការ​បដិវត្ត រួច​បន្ទាប់​មក​បាន​ភៀស​ខ្លួន​ទៅ​កាន់​វៀតណាម​ខាង​ជើង ក្រោយ​សង្គ្រាម​ឥណ្ឌូ​ចិន​លើក​ទី​១​។

សម​មិត្ត ផាន់ វ៉ាន់ ខៃ បាន​ចូល​រួម​បដិវត្ត​នៅ​ឆ្នាំ​១៩៤៧ និង​បាន​ក្លាយ​ជា​សមាជិក​បក្ស​កុម្មុយនីស្ត​វៀតណាម នា​ថ្ងៃ​ទី​១៥ ខែ​កក្កដា ឆ្នាំ​១៩៥៩​។

សម​មិត្ត ផាន់ វ៉ាន់ ខៃ បាន​ឡើង​កាន់​តំណែង​ជា​នាយក​រដ្ឋ​មន្ត្រី​ទី​៥ របស់​សាធារណ​រដ្ឋ​សង្គម​និយម​វៀតណាម ពី​ថ្ងៃ​ទី​២៥ ខែ​កញ្ញា ឆ្នាំ​១៩៩៧ រហូត​ដល់​ថ្ងៃ​ទី​២៧ ខែ​មិថុនា ឆ្នាំ​២០០៦​។

នៅ​ក្នុង​ពេល​កាន់​តំណែង​ជា​នាយក​រដ្ឋ​មន្ត្រី សម​មិត្ត ផាន់ វ៉ាន់ ខៃ ក៏​ធ្លាប់​បាន​មក​បំពេញ​ទស្សនកិច្ច​ជា​ផ្លូវ​ការ​នៅ​ក្នុង​ព្រះ​រាជាណាចក្រ​កម្ពុជា ពី​ថ្ងៃ​ទី​៦ ដល់​ទី​៨ ខែ​មីនា ឆ្នាំ​២០០៦ ផង​ដែរ​។

សម​មិត្ត ផាន់ វ៉ាន់ ខៃ បាន​ទទួល​មរណភាព នៅ​ថ្ងៃ​សៅរ៍ ទី​១៧ ខែ​មីនា ឆ្នាំ​២០១៨ សិរិ​អាយុ​៨៤​ឆ្នាំ​​៣​ខែ​៕

សម​មិត្ត ផាន់ វ៉ាន់ ខៃ កាល​គ្រា​មក​បំពេញ​ទស្សនកិច្ច​ផ្លូវ​ការ​នៅ​កម្ពុជា កាល​ពី​ឆ្នាំ​២០០៦

_____________________________________________________
អាន​ផង​ដែរ​៖
១. វៀតណាម​ចាត់​បញ្ចុះ​សព​អតីត​នាយក​រដ្ឋ​មន្ត្រី ផាន់ វ៉ាន់ ខៃ នៅ​ស្រុក​កំណើត

%d bloggers like this: