jump to navigation

កម្ពុជា​ចាញ់​វៀតណាម​៤​ទល់​១ ថ្ងៃ​ព្រហស្បតិ៍ 17 ខែសីហា 2017

Posted by សុភ័ក្ត្រ in កីឡា, វីដេអូ, ស៊ីហ្គេមស៍​២៩.
1 comment so far

សម្រាប់​ការ​ប្រកួត​ជម្រុះ​បាល់​ទាត់​កីឡា​ស៊ីហ្គេមស៍​លើក​ទី​២​សម្រាប់​ពូល​បេ​នេះ កម្ពុជា​ថ្ងៃ​នេះ (​១៧ សីហា ២០១៧​) ត្រូវ​ជួប​ជាមួយ​វៀតណាម ដែល​ជា​ជើង​ខ្លាំង​មួយ​របស់​អាស៊ាន​ផង​ដែរ​។ ជា​លទ្ធផល​ដូច​ក្ដី​រំពឹង​ទុក កម្ពុជា​គ្មាន​វាសនា​យក​ឈ្នះ ឬ​កុំ​ថា​ឡើយ​យក​ស្មើ​ជាមួយ​វៀតណាម​បាន​ឡើយ​។

ការ​ប្រកួត​នៅ​ថ្ងៃ​នេះ ក្រុម​វៀតណាម​បាន​បំបាក់​កម្ពុជា​​ក្នុង​លទ្ធផល​៤​គ្រាប់ ដោយ​កម្ពុជា​អាច​យក​បាន​មួយ​គ្រាប់​វិញ​ជា​បាល់​ពិន័យ​តែ​ប៉ុណ្ណោះ​។ សម្រាប់​ការ​ប្រកួត​ពីរ​ប្រកួត​កន្លង​មក​នេះ កម្ពុជា​នៅ​មិន​ទាន់​បាន​ពិន្ទុ​នៅ​ឡើយ​ទេ​។

សម្រាប់​ពូល​បេ ដែល​កម្ពុជា​ត្រូវ​ចូល​រួម​ប្រកួត​នេះ មាន​ក្រុម​មក​ពី​​ជើង​ខ្លាំង​​របស់​អាស៊ាន មាន​ថៃ​, វៀតណាម​, ឥណ្ឌូនេស៊ី​, ទីម័រ​ឡេស្ដេ និង​ភីលីព្ពីនស៍​នេះ​៕

________________________________________________________
អាន​ផង​ដែរ៖
១. បើក​ឆាក​បាល់​ទាត់​ស៊ីហ្គេមស៍ កម្ពុជា​ចាញ់​ហ្វីលីព្ពីនស៍​ពីរ​សូន្យ

បើក​ឆាក​បាល់​ទាត់​ស៊ីហ្គេមស៍ កម្ពុជា​ចាញ់​ភីលីព្ពីនស៍​ពីរ​សូន្យ ថ្ងៃអង្គារ 15 ខែសីហា 2017

Posted by សុភ័ក្ត្រ in កីឡា, វីដេអូ, ស៊ីហ្គេមស៍​២៩, English.
1 comment so far

កម្ពុជា​បាន​ចាប់​ផ្ដើម​ប្រកួត​ជម្រុះ​ជា​លើក​ដំបូង​ហើយ​សម្រាប់​ការ​ប្រកួត​បាល់​ទាត់​កីឡា​អាស៊ី​អាគ្នេយ៍ ឬ​ស៊ី​ហ្គេមស៍​ លើក​ទី​២៩​នេះ នៅ​ប្រទេស​ម៉ាឡេស៊ី​​។

សម្រាប់​ការ​ប្រកួត​ជើង​ទី​១​នេះ កម្ពុជា​ត្រូវ​ប៉ះ​ជា​មួយ​ក្រុម​មក​ពី​ប្រទេស​ហ្វីលីព្ពីនស៍ ដែល​ស្ថិត​នៅ​ក្នុង​ពូល​ជា​មួយ​គ្នា​។ លទ្ធផល​បើក​ឆាក​ដំបូង​នេះ ហាក់​មិន​ចូល​ដៃ​កម្ពុជា​ទេ ដោយ​ត្រូវ​ក្រុម​មក​ពី​ប្រទេស​ហ្វីលីព្ពិនស៍ ស៊ី​រហូត​ដល់​ទៅ​ពីរ​គ្រាប់​។ ជា​​លទ្ធផល​កម្ពុជា​ចាញ់​ប្រទេស​ហ្វីលីព្ពីនស៍​។

សម្រាប់​ពូល​បេ ដែល​កម្ពុជា​ត្រូវ​ចូល​រួម​ប្រកួត​នេះ មាន​ក្រុម​មក​ពី​​ជើង​ខ្លាំង​​របស់​អាស៊ាន មាន​ថៃ​, វៀតណាម​, ឥណ្ឌូនេស៊ី​, ទីម័រ​ឡេស្ដេ និង​ភីលីព្ពីនស៍​នេះ​៕

________________________________________________________
អាន​ផង​ដែរ៖
១. កម្ពុជា​ចាញ់​វៀតណាម​៤​ទល់​១

សណ្ឋាគារ​កង់ទីណង់តាល់ សៃហ្កន ថ្ងៃសៅរ៍ 27 ខែ​ឧសភា 2017

Posted by សុភ័ក្ត្រ in វីដេអូ, សណ្ឋាគារ, Tiếng Việt.
1 comment so far

ក្នុង​ពេល​ដែល​ខ្ញុំ​ទៅ​ស្នាក់​នៅ​​បំពេញ​ការ​ងារ​ឯ​កម្ពុជា​ក្រោម​កាល​ពី​ខែ​មីនា ឆ្នាំ​២០១៧ កន្លង​មក​នេះ ខ្ញុំ​បាន​ស្នាក់​នៅ​សណ្ឋាគារ​ចំនួន​ពីរ​នៅ​ក្រុង​ព្រៃ​នគរ សណ្ឋាគារ​ទី​មួយ​នោះ​ឈ្មោះ​ថា អ៊ីដែន​ស្តារ សៃហ្គន និង​សណ្ឋាគារ​ទី​២​នេះ មាន​ឈ្មោះ​​ថា សណ្ឋាគារ​កង់ទីណង់តាល់ សៃហ្កន​។ ជា​សណ្ឋាគារ​លក្ខណៈ​ផ្កាយ​បួន​បែប​ក្លាស៊ិក ដែល​ជា​សណ្ឋាគារ​បែប​បូរាណ​របស់​ក្រុង​នេះ ដោយ​សាង់​សង់​តាំង​ពី​ឆ្នាំ​១៨៨០​មក​ម្ល៉េះ​។

បន្ទាប់​មាន​លក្ខណៈ​ចាស់​ទៅ​តាម​អាយុ​កាល​នៃ​សណ្ឋាគារ​តែ​មាន​ការ​រៀប​ចំ​និង​កែ​សម្រួល​ទៅ​តាម​សម័យ​កាល​​។ ចំពោះ​បន្ទប់​ដែល​ខ្ញុំ​ស្នាក់​នៅ​នេះ ខ្ញុំ​ធ្វើ​ការ​កក់​តាម​រយៈ​អាហ្កូដា ដោយ​ក្នុង​តម្លៃ​ប្រមាណ​២៦០.០០០​រៀល​។

អាសយដ្ឋាន៖

លេខ​១៣២ -១៣៤ ផ្លូវ​ដុង​ ខូយ​, សង្កាត់​លេខ​១​, ក្រុង​ព្រៃ​នគរ​, ប្រទេស​វៀតណាម
ទូរស័ព្ទ៖ (៨៤.៨) ៣៨ ២៩៩ ២០១
ទូរសារ៖ (៨៤.៨) ៣៨ ២៩០ ៩៣៦
សារអេឡិចត្រូនិច៖ sales@edensaigonhotel.com
គេហទំព័រ៖  http://continentalsaigon.com/

ការផ្ដល់តម្លៃ៖ 


សណ្ឋាគារ​មើល​ចំ​ពី​មុខ

កន្លែង​ទទួល​ភ្ញៀវ

បន្ទប់​សណ្ឋាគារ

បន្ទប់​សណ្ឋាគារ

ផ្លែ​ឈើ​ទទួល​ភ្ញៀវ

បន្ទប់​ទឹក

សម្ភារ​បន្ទប់​ទឹក

អាហារ​ពេល​ព្រឹក

កន្លែង​ទទួល​ទាន​អាហារ​ពេល​ព្រឹក

____________________________________________________________________
អានផងដែរ៖
១. ទៅ​នគរ​កម្ពុជា​ក្រោម
២. សណ្ឋាគារ និងទីកន្លែងស្នាក់នៅនានា
៣. សណ្ឋាគារ​អ៊ីដែន​ស្តារ សៃហ្គន

ទិដ្ឋភាព​ក្រុង​ទឹក​ខ្មៅ ដែន​កម្ពុជា​ក្រោម ថ្ងៃអាទិត្យ 21 ខែ​ឧសភា 2017

Posted by សុភ័ក្ត្រ in វីដេអូ, Tiếng Việt.
2 comments

____________________________________________________________________
អានផងដែរ៖
១. ទៅ​ខេត្ត​ក្រមួន​ស និង​ទឹក​ខ្មៅ
២. សណ្ឋាគារ Mường Thanh Luxury Ca Mau

សណ្ឋាគារ Mường Thanh Luxury Ca Mau ថ្ងៃ​ព្រហស្បតិ៍ 18 ខែ​ឧសភា 2017

Posted by សុភ័ក្ត្រ in វីដេអូ, សណ្ឋាគារ.
3 comments

កាល​ពី​ទៅ​បំពេញ​​ការងារ​នៅ​ខេត្ត​ទឹក​ខ្មៅ កាល​ពី​ខែ​មីនា កន្លង​ទៅ​នេះ ខ្ញុំ​បាន​ស្នាក់​នៅ​ក្នុង​សណ្ឋាគារ​មួយ​ឈ្មោះ​ថា Mường Thanh Luxury Ca Mau។ ទំនង​ជា​សណ្ឋាគារ​ធំ​ជាង​គេ​បង្អស់​នៅ​ក្នុង​ខេត្ត​នេះ​ហើយ​មើល​ទៅ សណ្ឋាគារ​នេះ​ទើប​សាង​សង់​ថ្មី​នៅ​លើ​ផ្ទៃ​ដី​ធំ​​​វាល និង​មាន​ភាព​ទំនើប​។

បន្ទប់​សណ្ឋាគារ​វិញ​មាន​ភាព​ធំ​ទូលាយ ឯ​អាហារ​ពេល​ព្រឹក​វិញ​ក៏​មាន​ភាព​សម្បូរ​បែប​។ ខ្ញុំ​សូម​ណែនាំ​លោក​អ្នក​ស្នាក់​នៅ​សណ្ឋាគារ​នេះ​ពេល​ទៅ​ខេត្ត​ទឹក​ខ្មៅ​។ ចំពោះ​បន្ទប់​ដែល​ខ្ញុំ​ស្នាក់​នៅ​នេះ​មាន​តម្លៃ​ប្រមាណ​៣២០.០០០ រៀល​។

អាសយដ្ឋាន៖

ដីឡូ​លេខ សេ​៣​អា មជ្ឈ​មណ្ឌល​រដ្ឋបាល និង​នយោបាយ​ខេត្ត​ទឹក​ខ្មៅ​, សង្កាត់​៩​, ក្រុង​ទឹក​ខ្មៅ​, ប្រទេស​វៀតណាម
ទូរស័ព្ទ៖+៨៤ ២៩០ ២២២ ៨៨៨៨
ទូរសារ៖ +៨៤ ២៩០ ២២២ ៨៨៨៧
សារអេឡិចត្រូនិច៖ info@camau.muongthanh.vn
គេហទំព័រ៖  http://luxurycamau.muongthanh.com

ការផ្ដល់តម្លៃ៖ 


កន្លែង​ទទួល​ភ្ញៀវ

បន្ទប់​សណ្ឋាគារ

បន្ទប់​សណ្ឋាគារ

សម្ភារ​ក្នុង​បន្ទប់

សម្ភារ​ក្នុង​បន្ទប់​ទឹក

កន្លែង​ទទួល​ទាន​អាហារ​ពេល​ព្រឹក

____________________________________________________________________
អានផងដែរ៖
១. ទៅ​ខេត្ត​ក្រមួន​ស និង​ទឹក​ខ្មៅ
២. ទិដ្ឋភាព​ក្រុង​ទឹក​ខ្មៅ ដែន​កម្ពុជា​ក្រោម
៣. សណ្ឋាគារ និងទីកន្លែងស្នាក់នៅនានា

ខួប​ឆ្នាំ​ទី​៦០ នៃ​ព្រះ​រាជ​ពិធី​បុណ្យ​ពុទ្ធ​សតវត្សរ៍​២៥០០ ឬ​បុណ្យ​ពាក់​កណ្ដាល​សាសនា ថ្ងៃចន្ទ 15 ខែ​ឧសភា 2017

Posted by សុភ័ក្ត្រ in ប្រវត្តិសាស្ត្រ, វីដេអូ, អំពីស្រុកខ្មែរ.
1 comment so far

ខែ​ឧសភា ឆ្នាំ​២០១៧ នេះ គឺ​មាន​រយៈ​ពេល​៦០​ឆ្នាំ​គត់​ដែល​កាល​ណុះ នគរ​កម្ពុជា​យើង​បាន​រៀប​ចំ​ធ្វើ​ពិធី​បុណ្យ​ដ៏​ធំ​អស្ចារ្យ​មួយ​ក្នុង​នាម​ជា​នគរ​ដែល​ប្រកាន់​ខ្ជាប់​ព្រះ​ពុទ្ធ​សាសនា​ នោះ​គឺ​​ព្រះ​រាជ​ពិធី​បុណ្យ​ពុទ្ធ​សតវត្សរ៍​២៥០០ ឬ​បុណ្យ​ពាក់​កណ្ដាល​សាសនា​។ ពិធី​បុណ្យ​នេះ​បាន​ប្រារព្ធ​ធ្វើ​ឡើង​នៅ​ក្នុង​ព្រះ​រាជ​ធានី​ភ្នំពេញ រយៈ​ពេល​៧​ថ្ងៃ គឺ​ចាប់​ពី​ថ្ងៃ​អាទិត្យ ​១៤​កើត ខែ​ពិសាខ រហូត​ដល់​ថ្ងៃ​សៅរ៍ ​៥​រោច ខែ​ពិសាខ ឆ្នាំ​រកា នព្វ​ស័ក ដែល​ត្រូវ​នឹង​ថ្ងៃ​១២ ដល់​១៨ គ.ស.​១៩៥៧​។

ព្រះ​រាជ​ពិធី​បុណ្យ​ពុទ្ធ​សតវត្សរ៍​២៥០០ ឬ​បុណ្យ​ពាក់​កណ្ដាល​សាសនា នៅ​នគរ​កម្ពុជា​យើង​កាល​ណុះ គឺ​ជា​ព្រះ​រាជ​ពិធី​របស់​ព្រះ​នគរ ដោយ​មាន​ការ​រៀប​ចំ​ ដោយ​ព្រះ​ភូមិន្ទ​ខ្មែរ (​ព្រះ​ករុណា ព្រះ​បាទ​សម្ដេច​ព្រះ នរោត្ដម សុរាម្រឹត) និង​សម្ដេច​ព្រះ​​មហា​ក្សត្រិយានី សម្ដេច​ព្រះ​ឧប​យុវរាជ (​ព្រះ​យស​នៃ​ព្រះ​ករុណា ព្រះ​បរម​រតន​កោដ្ឋ កាល​ណុះ​) ព្រម​ទាំង​ការ​ចាត់​ចែង​​យ៉ាង​អស់​ព្រះ​ទ័យ​ពី​សំណាក់​សម្ដេច​ព្រះ​សង្ឃ​រាជ ជួន ណាត ជោតញ្ញាណោ​នៃ​យើង​ផង​ដែរ​។ ក្រៅ​ពី​នេះ​មាន​ការ​ចូល​រួម​ពី​ប្រទេស​ជា​មិត្រ​ដែល​ប្រកាន់​ព្រះ​ពុទ្ធ​សាសនា​ដូច​នគរ​យើង​ដែរ បាន​អញ្ជើញ​ចូល​រួម​យ៉ាង​ច្រើន​កុះ​ករ​។

ពិធី​ដ៏​អស្ចារ្យ​នោះ​មាន​ការ​រៀប​ចំ​ដង្ហែ​ក្បួន​​ព្រះ​បរម​​សារីរិក​ធាតុ​​ (កកន៖ ព្រះ​បរម​​សារីរិក​ធាតុ​នេះ​​គឺ​ជា​ព្រះរាជទ្រព្យសម្តេច​ព្រះឧបយុវរាជ នរោត្តម សីហនុ ដែល​ជា​តង្វាយនៃ​ពុទ្ធសាសនិកអ្នកលង្កាទ្វីប) នៃ​ព្រះ​សក្យ​មុនី​គោតម​បរម​គ្រូ​​ ដែល​បាន​បញ្ចុះ​ក្នុង​កាញ្ចនុ​កោដ្ឋ​ដ៏​វិចិត្រ ពី​ព្រះ​បរម​រាជ​វាំង​ចតុម្មុខ​មង្គល​មក​ប្រារព្ធ​ពិធី​ឯ​​ព្រះ​សក្យ​មុនី​ចេតីយ៍ ដែល​បាន​សាង​សង់​ឡើង​រួច​ជា​ស្រេច​នៅ​ចំ​ខាង​មុខ​នៃ​​ស្ថានីយ៍​រាជា​យស្ម័យ​យាន​ ក្រុង​ភ្នំពេញ​។ គួរ​បញ្ជាក់​ដែរ​ថា ព្រះ​សក្យ​មុនី​ចេតិយ​នេះ​ត្រូវ​បាន​សាង​សង់​ឡើង​កាល​ពី​ឆ្នាំ​១៩៥៥ ដោយ​សម្ដេច​ព្រះ​សង្ឃ​រាជ ជួន ណាត​ ក្រោម​ព្រះរាជូបត្ថម្ភ នៃ​ព្រះករុណា​ជា​អម្ចាស់ជីវិត (ដោយ​មាន​ប្រាក់​សល់​ច្រើន​ម៉ឺន​ ពី​គ្រា​ហែ​ព្រះ​សារីរិកធាតុ​ជាដើម​ទុន​)។

ព្រះ​រាជ​ពិធី​បុណ្យ​ពុទ្ធ​សតវត្សរ៍​២៥០០ ឬ​បុណ្យ​ពាក់​កណ្ដាល​សាសនា នៅ​នគរ​កម្ពុជា​យើង​កាល​ពី​៦០​ឆ្នាំ​មុន​នេះ ក្រៅ​អំពី​ការ​ធ្វើ​បុណ្យ​រំឭក​ដល់​ព្រះ​បរម​គ្រូ​នៃ​ប្រជាជាតិ​ខ្មែរ​អ្នក​កាន់​សាសនា​របស់​ព្រះ​អង្គ ក៏​នៅ​មាន​ការ​បញ្ចុះ​ព្រះ​បរម​សារីរិក​ធាតុ​​ដែល​ព្រះ​នគរ​យើង​ទទួល​បាន​ពី​ក្រុង​កណ្ឌី នគរ​សិរី​លង្កា និង​ធ្វើ​ការ​ឆ្លង​ព្រះ​សក្យ​មុនី​ចេតិយ​​នេះ​ផង​ដែរ​។ ក្រៅ​ពី​នេះ សម្ដេច​ព្រះ​សង្ឃ​រាជ ជួន ណាត ព្រះ​អង្គ​ថែម​ទាំង​បាន​និពន្ធ​សៀវភៅ​វិន័យ​មួយ​ឲ្យ​ឈ្មោះ​ថា បព្វជ្ជូបសម្បទា និង​បាន​បោះ​ពុម្ព​ចែក​ក្នុង​ពិធី​បុណ្យ​នេះ​ផង​ទៀត​។ (​កកន៖ សៀវភៅ​នេះ​ទ្រង់​និពន្ធ​នៅ​ឆ្នាំ​១៩៥៦​)​។

សម្រាប់​ព្រះ​​នគរ​កម្ពុជា​យើង​ រាប់​ចាប់​តាំង​ពី​ប្រជា​រាស្ត្រ​សាមញ្ញ​ជន​រហូត​ដល់​ព្រះ​ចៅ​ផែន​ដី​ គឺ​សុទ្ធ​សឹង​ជា​អ្នក​គោរព​ស្រឡាញ់ និង​ប្រណិប័តន៍​ចំពោះ​ព្រះ​ពុទ្ធ​សាសនា​យ៉ាង​ស្មោះ​ស្ម័គ្រ ដូច​តួ​យ៉ាង​ព្រះ​រាជ​សង្កថា​នៃ​​ព្រះ​ករុណា ព្រះ​បរម​រតន​កោដ្ឋ (​ដែល​កាល​ណុះ​ទ្រង់​តម្រង់​តំណែង​ជា សម្ដេច​ព្រះ​ឧប​យុវ​រាជ​) ជា​អម្ចាស់​នៅ​ថ្ងៃ​ទី​១ នៃ​ព្រះ​រាជ​ពិធី​បុណ្យ​ថា​៖

ខ្ញុំ​ព្រះ​ករុណា​ខ្ញុំ បាន​ប្រទះ​នឹង​ភ័ព្វ​វាសនា​មួយ​យ៉ាង​ត្រកាល​ឯក​ដោយ​បាន​ទទួល​នូវ​ព្រះ​បរម​សារីរិក​ធាតុ​នេះ​ដោយ​ផ្ទាល់​អំពី​អ្នក​ថែ​រក្សា​នៅ​ក្រុង​កណ្ឌី ប្រទេស​សិរី​លង្កា​។ ដោយ​ខ្ញុំ​ព្រះ​ករុណា​ខ្ញុំ​ជា​បុត្រ​នៃ​កម្ពុជ​រដ្ឋ​ត្រូវ​តែ​ខ្ញុំ​ព្រះ​ករុណា​ខ្ញុំ ចែក​រំលែក​នូវ​ភ័ព្វ​វាសនា​ដ៏​ឧត្ដម​នេះ​ជូន​ជន​រួម​ជាតិ​ទាំង​អស់ ដែល​ជា​ទី​ស្រឡាញ់​អស់​ពី​ដួង​ហឫទ័យ​របស់​ខ្ញុំ​ព្រះ​ករុណា​ខ្ញុំ ភ័ព្វ​វាសនា​បែប​នេះ​មាន​មនុស្ស​លោក​តិច​ណាស់​ដែល​បាន​ពើប​ប្រទះ​។

ព្រះ​បរម​សារី​រិកធាតុ​ដ៏​ថ្លៃ​ថ្លា​នេះ​នឹង​ជួយ​ទ្រ​ទ្រង់​ឧបត្ថម្ភ​មាតុ​ប្រទេស​យើង បី​ដូច​ជា​ព្រះ​សម្ពុទ្ធ​វិសុទ្ធិ​គុណ​អនន្ត​ញ្ញាណ​ទ្រង់​ព្រះ​ធរមាន​នៅ​ឡើយ​ដោយ​យើង​នឹង​រឭក​ចំពោះ​ព្រះ​អង្គ ព្រម​ទាំង​ប្រព្រឹត្ត​តាម​ព្រះ​បរិយ​ត្តិធម៌ និង​ព្រះ​នព្វ​លោកុត្តរធម៌ ដែល​ព្រះ​ដ៏​មាន​ព្រះ​ភាគ​ទ្រង់​ត្រាស់​សម្ដែង​ហើយ​។

ព្រះ​បរម​សារីរិក​ធាតុ​ដែល​បាន​ប្រតិស្ឋាន​នៅ​​ទី​នេះ​ហាក់​ដូច​ជា​និមន្ត​មក​សុំ​ឲ្យ​យើង​ទាំង​អស់​គ្នា​កាន់​មេត្តា​ធម៌​ឲ្យ​ខ្ជាប់​ខ្ជួន ពី​ព្រោះ​ធម៌​នេះ​ជា​ធម៌​របស់​ព្រះ​ដ៏​មាន​ព្រះ​ភាគ ព្រះ​អង្គ​បាន​ឃើញ​នូវ​ផ្លូវ​ទៅ​កាន់​សេចក្ដី​ចម្រើន និង​សេចក្ដី​សុខ ហើយ​ព្រះ​អង្គ​បាន​បង្ហាញ​ពី​មាគ៌ា​នេះ​ឲ្យ​យើង​​ដើរ​តាម​ទាំង​អស់​គ្នា​៕​៚​

ព្រះ​រាជ​សង្កថា ថ្ងៃ​ទី​១២ ខែ​ឧសភា ឆ្នាំ​១៩៥៧

នរោត្ដម សីហនុ

ព្រះបរមសារីរិកធាតុនៃព្រះសក្យ​មុនីគោតម ក្នុងកាញ្ចនុកោដ្ឋនេះ ជាព្រះរាជទ្រព្យសម្តេច​ព្រះឧបយុវរាជ នរោត្តម សីហនុ ដែល​ជា​តង្វាយនៃ​ពុទ្ធសាសនិកអ្នកលង្កាទ្វីប។ គ្រានោះ​ទ្រង់ប្រគេនផ្ទាល់ព្រះហស្ថសម្តេចព្រះមហាសុមេធាធិបតី ជួន ណាត សង្ឃនាយកគណៈ​មហានិកាយ លើព្រះទីន័ងទេវាវិនិច្ឆ័យ ដើម្បីតម្កល់លើយានបុស្បុក ដង្ហែទៅកាន់​សក្យ​មុនីចេតិយ​។ (រូបថតថ្ងៃទី ១២ ខែឧសភា ឆ្នាំ១៩៥៧) – រូប៖ ស្រុក​ស្រែសម្តេចព្រះមហាសុមេធាធិបតី ជួន ណាត សង្ឃនាយកគណៈ​មហានិកាយ បានតម្កល់​ព្រះបរមសារីរិកធាតុលើព្រះរាជរថបុស្បុក ហើយក្បួនហែជាមហោឡារិក ក៏ចេញពីមុខ​ព្រះបរមរាជវាំង កាត់តាមវិថីនានាក្នុងរាជធានី រហូត​ដល់ព្រះសក្យ​មុនីចេតិយ ដែល​មាន​រោងពិធីសុទ្ធតែជាអាគារឆើតៗ សណ្ឋានដូចព្រះវិហារល្អៗ គួរឲ្យ​កើតសទ្ធា និងសេចក្តី​ជ្រះថ្លា រំភើបក្នុងហឫទ័យនៃទស្សនិកជន។ (រូបថតថ្ងៃទី ១២ ខែឧសភា ឆ្នាំ១៩៥៧) – រូប៖ ស្រុក​ស្រែក្បួន​ដង្ហែ​របស់​ដំរី
ក្បួន​ដង្ហែ​មក​ដល់​ព្រះ​សក្យ​មុនី​ចេតិយ៍​ព្រះ​សក្យ​មុនី​ចេតិយ៍​​នា​ថ្ងៃ​បុណ្យ
ប្រជា​រាស្ត្រ​ខ្មែរ​មក​ធ្វើ​បុណ្យនៅថ្ងៃបង្ហើយនៃព្រះរាជពិធីបុណ្យ, ឯកឧត្តមមហាមន្រ្តី ញ៉ឹក នូ បានរំកិលលើក​ព្រះ​កាញ្ចនុកោដ្ឋព្រះបរមសារីរិកធាតុពីបុស្បុក​វិចិត្រ ប្រគេនមកសម្តេចព្រះមហាសុមេធាធិបតី ជួន ណាត​។ សម្តេចទទួលទ្រចុះបាន ១កាំជណ្តើរ បានថ្វាយព្រះកាញ្ចនុកោដ្ឋនោះមក ព្រះករុណាព្រះបាទសម្តេច ព្រះនរោត្តម សុរាម្រឹត​។ ព្រះភូមិន្ទទ្រង់ទ្រស្ទួយចុះមក យាង​ដល់​ព្រះសក្យ​មុនីចេតីយ៍ ទើបព្រះនរបតី​ប្រគល់ទៅសម្តេចព្រះឧបយុវរាជ ព្រះនរោត្តម សីហនុ​។ សម្តេចព្រះឧបយុវរាជ ទ្រង់ទ្រ​ឡើងតាមព្រះអឌ្ឍចន្ទ (ជណ្តើរ) ដ៏ខ្ពស់ ទៅតម្កល់​ជាស្ថាពរ​ព្ធដ៏ព្រះទែន​ក្នុងកំពូលនៃ​ព្រះសក្យ​មុនីចេតិយ។ (រូបថតថ្ងៃទី ១៨ ខែឧសភា ឆ្នាំ១៩៥៧) – រូប៖ ស្រុក​ស្រែ

_______________________________________________
អាន​ផង​ដែរ​៖
១. អំពី​ព្រះ​សក្យ​មុនី​ចេតិយ នៅ​ក្រុង​ភ្នំពេញ

ចម្រើន​ព្រះ​ជន្ម​ព្រះ​មហាក្សត្រិយ៍ គម្រប់​៦៤​ព្រះ​វស្សា ថ្ងៃអាទិត្យ 14 ខែ​ឧសភា 2017

Posted by សុភ័ក្ត្រ in បុគ្គល​សំខាន់, វីដេអូ.
1 comment so far

%d bloggers like this: