jump to navigation

២៥​ឆ្នាំ​នៃ​​ព្រះ​រាជ​ទស្សនកិច្ច​ផ្លូវ​រដ្ឋ​នៅ​ម៉ាឡេស៊ី ថ្ងៃសៅរ៍ 5 ខែកញ្ញា 2020

Posted by សុភ័ក្ត្រ in បុគ្គល​សំខាន់, ប្រវត្តិសាស្ត្រ, វីដេអូ.
4 comments

Unសtitled-1២៥​ឆ្នាំ​នៃ​​ព្រះ​រាជ​ទស្សនកិច្ច​ផ្លូវ​រដ្ឋ​នៅ​ម៉ាឡេស៊ី

បន្ទាប់​ពី​ព្រះ​នគរ​បាន​មូលមីរ​ឡើង​វិញ​ និង​​ស្ដេច​ឡើង​គ្រង​រាជ្យ​សម្បត្តិ​ជា​ថ្មី កាល​ពី​គ.ស.​១៩៩៣ រួច​មក ព្រះ​ករុណា ព្រះ​មហា​វីរ​ក្សត្រិយ៍ ព្រះ​បរម​រតន​កោដ្ឋ ស្ដេច​​បាន​យាង​បំពេញ​ព្រះ​រាជ​ទស្សនកិច្ច​ជា​ផ្លូវ​រដ្ឋ នៅ​តាម​បណ្ដា​ប្រទេស​ជា​ច្រើន តាម​សេចក្ដី​តប​យាង​អញ្ជើញ​ពី​បណ្ដា​ព្រះ​ប្រមុខ​រដ្ឋ ប្រទេស​មុខ​នៃ​ប្រទេស​ជា​មិត្រ​ដើម្បី​បង្កើន​ចំណង​មេត្រី​ភាព​ជា​ថ្មី​ឡើង​វិញ បំណង​កម្ពុជា​មាន​មុខ​មាត់​ស្មើ​ភាព​ជា​ថ្មី​លើ​ឆាក​អន្តរជាតិ​។

ថ្ងៃ​ទី​៥ ខែ​កញ្ញា ឆ្នាំ​១៩៩៥ ព្រះ​ករុណា ព្រះ​បរម​រតន​កោដ្ឋ ព្រមសម្ដេចព្រះមហេសី និងរាជគណៈប្រតិភូ ព្រះអង្គបាន​ស្ដេច​យាង​​​បំពេញ​ព្រះ​រាជ​ទស្សនកិច្ច​ជា​ផ្លូវ​រដ្ឋ​រយៈ​ពេល​៣​ថ្ងៃ​នៅ​ប្រទេស​ម៉ាឡេស៊ី​។ ព្រះ​ចៅ​ស៊ុល​តង់​ម៉ាឡេស៊ី ព្រះបាទ Tuanku Jaafar និង​ព្រះ​អគ្គ​មហេសី​ស្ដេច​យាង​មក​ទទួលស្វាគមន៍​បដិសណ្ឋារកិច្ច​ ជា​ផ្លូវ​ការ​នៅ​ឯ​រដ្ឋធានី​ កួឡា ឡូមពួរ ដោយ​មាន​ការ​បាញ់​កាំភ្លើង​ធំ​២១​ណាត់ ថ្វាយ​ជា​ព្រះ​រាជ​កិត្តិយស​ផង​។

ប្រទេស​ម៉ាឡេស៊ី​គឺ​ជា​មិត្រ​ដ៏​ល្អ​មួយ​ក្នុង​ចំណោម​មិត្រ​ជា​ច្រើន​ទៀត​របស់​កម្ពុជា ជា​ពិសេសក្នុង​គ្រា​កម្ពុជា​មាន​ជម្លោះ​ផ្ទៃ​ក្នុង និង​បាន​រួមចំណែក​ក្នុង​ការ​ស្វះ​ស្វែង​រក​សន្តិភាព​ជូន​នគរ​កម្ពុជាយើង​វិញ​។ រដ្ឋ​ធានី​ កួឡា ឡូមពួរ គឺ​ជា​ទី​កន្លែង​នៃ​ការ​បង្កើត​រដ្ឋាភិបាល​ចម្រុះ​មួយ​កាល​ពី​ឆ្នាំ​១៩៨២ ក្នុង​បុព្វ​ហេតុ​ស្នេហា​ជាតិ និង​មាតុភូមិ​។

នៅ​ក្នុង​រយៈ​ពេល​៣​ថ្ងៃ​នៃ​ព្រះ​រាជ​ទស្សនកិច្ច​ជា​ផ្លូវ​រដ្ឋ​នេះ ព្រះ​អង្គ ព្រម​ទាំង​រាជ​គណៈ​ប្រតិភូ​បាន​បំពេញ​ព្រះ​រាជ​ទស្សនកិច្ច​នៅ​តាម​ទី​តាំង​សំខាន់​ៗ​ជា​ច្រើន​របស់​ម៉ាឡេស៊ី ដើម្បី​ជា​ការ​សិក្សា​ស្វែង​យល់​ និង​ជា​ប្រយោជន៍​ដល់​ការ​កសាង​ព្រះ​នគរ​យើង​ឡើង​វិញ​។

ព្រះ​ករុណា ព្រះ​បរម​រតន​កោដ្ឋ​ស្ដេច​បាន​យាង​បំពេញ​ព្រះ​ទស្សនកិច្ច​ជា​ផ្លូវ​ការ​លើក​ចុង​ក្រោយ​បង្អស់​ទៅ​កាន់​ប្រទេស​ម៉ាឡេស៊ី កាល​ពី​ឆ្នាំ​១៩៦២ កាល​គ្រា​ទ្រង់​កាន់​តំណែង​ជា​នាយករដ្ឋមន្ត្រី និង​មាន​ទំនាក់​ទំនង​ជិត​ស្និទ្ធ​ជាមួយ​បណ្ដា​នាយក​រដ្ឋ​មន្ត្រី​នានា​របស់​ម៉ាឡេស៊ី​គ្រប់​រូប​។

សូម​ទស្សនា​ស្វែង​យល់​ឯកសារ​ប្រវត្តិ​សាស្ត្រ​នៃ​ព្រះ​រាជ​ទស្សនកិច្ច​នេះដែល​ផលិត​ដោយ​ទូរទស្សន៍​ជាតិ​កម្ពុជា ដូច​ត​ទៅ ៖

_______________________________________
អានផងដែរ
១. ខួបទី២០ឆ្នាំនៃព្រះរាជទស្សនកិច្ចផ្លូវរដ្ឋនៅសបប.លាវ
២. ខួបឆ្នាំទី២០ នៃព្រះរាជទស្សនកិច្ចផ្លូវរដ្ឋនៅសាធារណរដ្ឋបារាំង
៣. ខួបឆ្នាំទី៤៥ ព្រះរាជទស្សនកិច្ចគ្រាទី៣នៅសាធារណរដ្ឋប្រជាមានិតប្រជាធិបតេយ្យកូរ៉េ
៤. ២៥​ឆ្នាំ​នៃ​​ព្រះ​រាជ​ទស្សនកិច្ច​ផ្លូវ​រដ្ឋ​នៅ​សាធារណ​រដ្ឋ​​​ឥណ្ឌូណេស៊ី

ទំនួញប្រេត ថ្ងៃសុក្រ 4 ខែកញ្ញា 2020

Posted by សុភ័ក្ត្រ in ចម្រៀង, វីដេអូ.
add a comment

________________________________________________
អានផងដែរ៖
១. ថ្ងៃ​នេះ​បិណ្ឌ​១

ថ្ងៃ​នេះ​បិណ្ឌ​១ ថ្ងៃ​ព្រហស្បតិ៍ 3 ខែកញ្ញា 2020

Posted by សុភ័ក្ត្រ in ព្រះ​ធម៌, វីដេអូ, អំពីស្រុកខ្មែរ.
4 comments

1រដូវបុណ្យសែនដូនតាកាន់បិណ្ឌដាក់បិណ្ឌ បានចូលមកដល់ទៀតហើយ បងប្អូនញាតិមិត្រ ដោយចាប់ផ្ដើមនៅថ្ងៃព្រហស្បតិ៍ ទី៣ ខែកញ្ញា (ថ្ងៃនេះ)។ សម្រាប់ឆ្នាំនេះ ថ្ងៃព្រហស្បតិ៍​​នេះ គឺជាថ្ងៃទី១ នៃពិធីកាន់បិណ្ឌរបស់ពលរដ្ឋខ្មែរ អ្នកកាន់ពុទ្ធសាសនា ក៏ដូចជាខ្មែរក្រោម ដែលកំពុងរស់នៅក្នុងទឹកដីវៀតណាមភាគខាងត្បូងបច្ចុប្បន្ននេះ ដោយឡែកនៅតាំងពីល្ងាចម្សិលមិញមកម្ល៉េះ នៅគ្រប់អារាមនានា ក៏មានពិធីសូត្រមន្តបិណ្ឌ១ផងដែរ។

ក្នុងនាមជាពុទ្ធសាសនិកខ្មែរ សូមកុំភ្លេចរកពេលទំនេរបានទៅវត្ត យ៉ាងហោចណាស់ម្ដងដែរក្នុងរយៈពេល១៥ថ្ងៃ នៃពិធីបុណ្យកាន់បិណ្ឌ ភ្ជុំបិណ្ឌសម្រាប់ព.ស.២៥៦៤​នេះ។

ទោះ​បី​ជា​ការ​រក្សា​ទំនៀម​ដូន​តា​នៅ​តែ​ធ្វើ​ក្ដី សម្រាប់​ឆ្នាំ​នេះ ជា​ករណី​ពិសេស​ទាក់​ទង​នឹង​ការ​រាត​ត្បាត​នៃ​ជំងឺ​កូវីដ-១៩ សូម​បង​ប្អូន​ដែល​ទៅ​ធ្វើ​បុណ្យ​នៅ​តាម​អារាម​នានា សូម​កុំ​ភ្លេច​ប្រុង​ប្រយត្ន​ខ្លួន​រក្សា​ខ្ជាប់​អនាម័យ​តាម​ការ​ណែនាំ​របស់​មន្ត្រី​សុខាភិបាល ដើម្បី​បង្កា​ការ​ឆ្លង​ពី​ជំងឺ​នេះ​គ្រប់​ៗ​គ្នា​។

ជាធម្មតាក្នុងរដូវនេះ គ្រប់អារាមតែងតែមានស្មូតបទ បរាភវសូត្រស្រែខ្មុកសូមឧទ្ទិសថ្ងៃនេះ ជូនបទ បរាភវសូត្រ ទុក្ខគ្រាន់ជាធម្មទាន ដូចតទៅនេះ។ សូមអញ្ជើញទស្សនា៖

________________________________________________
អានផងដែរ៖
១. ទៅ​វត្ត​​ជម្ពូ​វ័ន
២. វត្ត​ទី​២ ឆ្នាំ​នេះ
៣. ទៅ​វេន​បិណ្ឌ​​ទី​១២

២៥​ឆ្នាំ​នៃ​​ព្រះ​រាជ​ទស្សនកិច្ច​ផ្លូវ​រដ្ឋ​នៅ​សាធារណ​រដ្ឋ​​​ឥណ្ឌូណេស៊ី ថ្ងៃអង្គារ 1 ខែកញ្ញា 2020

Posted by សុភ័ក្ត្រ in បុគ្គល​សំខាន់, ប្រវត្តិសាស្ត្រ, វីដេអូ.
5 comments

Unសtitled-1
២៥​ឆ្នាំ​នៃ​​ព្រះ​រាជ​ទស្សនកិច្ច​ផ្លូវ​រដ្ឋ​នៅ​សាធារណ​រដ្ឋ​​​ឥណ្ឌូណេស៊ី

បន្ទាប់​ពី​ព្រះ​នគរ​បាន​មូលមីរ​ឡើង​វិញ​ និង​​ស្ដេច​ឡើង​គ្រង​រាជ្យ​សម្បត្តិ​ជា​ថ្មី កាល​ពី​គ.ស.​១៩៩៣ រួច​មក ព្រះ​ករុណា ព្រះ​មហា​វីរ​ក្សត្រិយ៍ ព្រះ​បរម​រតន​កោដ្ឋ ស្ដេច​​បាន​យាង​បំពេញ​ព្រះ​រាជ​ទស្សនកិច្ច​ជា​ផ្លូវ​រដ្ឋ នៅ​តាម​បណ្ដា​ប្រទេស​ជា​ច្រើន តាម​សេចក្ដី​តប​យាង​អញ្ជើញ​ពី​បណ្ដា​ព្រះ​ប្រមុខ​រដ្ឋ ប្រទេស​មុខ​នៃ​ប្រទេស​ជា​មិត្រ​ដើម្បី​បង្កើន​ចំណង​មេត្រី​ភាព​ជា​ថ្មី​ឡើង​វិញ បំណង​កម្ពុជា​មាន​មុខ​មាត់​ស្មើ​ភាព​ជា​ថ្មី​លើ​ឆាក​អន្តរជាតិ​។

ថ្ងៃ​ទី​៣១ ខែ​សីហា​ ឆ្នាំ​១៩៩៥ ព្រះ​ករុណា ព្រះ​បរម​រតន​កោដ្ឋ ព្រមសម្ដេចព្រះមហេសី និងរាជគណៈប្រតិភូ ព្រះអង្គបាន​ស្ដេច​យាង​​​បំពេញ​ព្រះ​រាជ​ទស្សនកិច្ច​ជា​ផ្លូវ​រដ្ឋ​រយៈ​ពេល​៣​ថ្ងៃ គឺ​ពី​ថ្ងៃ​ទី​៣១ ខែ​សីហា ដល់​ថ្ងៃ​ទី​២ ខែ​កញ្ញា ​នៅ​សាធារណ​រដ្ឋ​ឥណ្ឌូណេស៊ី​​។ លោក​ប្រធានាធិបតី​ស៊ូហារតូ ព្រម​ទាំង​ភរិយា និង​ថ្នាក់​ដឹក​នាំ​សំខាន់​ៗ​ឯ​ទៀត​របស់​ឥណ្ឌូណេស៊ី បាន​​​មក​ទទួលស្វាគមន៍​បដិសណ្ឋារកិច្ច​ ជា​ផ្លូវ​ការ​នៅ​ឯ​​វិមាន​ប្រធានាធិបតី​នា​ទីក្រុង​ចាការតា ដោយ​មាន​ការ​បាញ់​កាំភ្លើង​ធំ​២១​ណាត់ ថ្វាយ​ជា​ព្រះ​រាជ​កិត្តិយស​ផង​។

សាធារណ​រដ្ឋ​​​ឥណ្ឌូណេស៊ី តែង​តែ​នៅ​ជាប់​ជាមួយ​ប្រទេស​កម្ពុជា ប្រជាជន​កម្ពុជា​តាំង​ពី​គ្រា​លំបាក​រហូត​កម្ពុជា​បាន​ផ្សះ​ផ្សារ​ជាតិ​ និង​បន្ត​កំពុង​កសាង​អភិវឌ្ឍន៍​ប្រទេស​ជា​ថ្មី​ឡើង​វិញ​​។

នៅ​ក្នុង​រយៈ​ពេល​៣​ថ្ងៃ​នៃ​ព្រះ​រាជ​ទស្សនកិច្ច​ជា​ផ្លូវ​រដ្ឋ​នេះ ព្រះ​អង្គ ព្រម​ទាំង​រាជ​គណៈ​ប្រតិភូ​បាន​បំពេញ​ព្រះ​រាជ​ទស្សនកិច្ច​នៅ​តាម​ទី​តាំង​សំខាន់​ៗ​ជា​ច្រើន​របស់​ឥណ្ឌូណេស៊ី ដើម្បី​ជា​ការ​សិក្សា​ស្វែង​យល់​ និង​ជា​ប្រយោជន៍​ដល់​ការ​កសាង​ព្រះ​នគរ​យើង​ឡើង​វិញ​។

ព្រះ​ករុណា ព្រះ​បរម​រតន​កោដ្ឋ​ស្ដេច​មាន​ទំនាក់​ទំនង​យ៉ាង​ល្អ​ជិត​ស្និទ្ធ​ជាមួយ​ថ្នាក់​ដឹក​នាំ​ជាន់​ខ្ពស់​របស់ឥណ្ឌូណេស៊ី ជា​ពិសេស​លោក​ប្រធានាធិបតី​​ទី​១ ស៊ូការណូ តាំង​ពី​សម័យ​សង្គម​រាស្ត្រ​និយមមក​ម្ល៉េះ​។ ព្រះ​អង្គ​ធ្លាប់​មក​បំពេញ​ព្រះ​រាជ​ទស្សនកិច្ច​នៅ​ឥណ្ឌូណេស៊ី​ជា​ច្រើន​គ្រា និង​លោក​អតីត​ប្រធានាធិបតី​ស៊ូការណូ ក៏​ធ្លាប់​មក​បំពេញ​ទស្សន​កិច្ច​នៅ​កម្ពុជា​រហូត​ដល់​ទៅ​៥​លើក​ឯណុះ កាល​ពី​សម័យ​នោះ​​។

សូម​ទស្សនា​ស្វែង​យល់​ឯកសារ​ប្រវត្តិ​សាស្ត្រ​នៃ​ព្រះ​រាជ​ទស្សនកិច្ច​នេះដែល​ផលិត​ដោយ​ទូរទស្សន៍​ជាតិ​កម្ពុជា ដូច​ត​ទៅ ៖

_______________________________________
អានផងដែរ
១. ខួបទី២០ឆ្នាំនៃព្រះរាជទស្សនកិច្ចផ្លូវរដ្ឋនៅសបប.លាវ
២. ខួបឆ្នាំទី២០ នៃព្រះរាជទស្សនកិច្ចផ្លូវរដ្ឋនៅសាធារណរដ្ឋបារាំង
៣. ខួបឆ្នាំទី៤៥ ព្រះរាជទស្សនកិច្ចគ្រាទី៣នៅសាធារណរដ្ឋប្រជាមានិតប្រជាធិបតេយ្យកូរ៉េ
៤. ២៥​ឆ្នាំ​នៃ​​ព្រះ​រាជ​ទស្សនកិច្ច​ផ្លូវ​រដ្ឋ​នៅ​ម៉ាឡេស៊ី
៥. ៥៥​ឆ្នាំ ស៊ូការណូ ទស្សនកិច្ច​នៅ​កម្ពុជា

ខ្សែ​វីដេអូ​នៃ​ព្រះរាជពិធីបុណ្យ​ព្រះ​មេរុ ថ្វាយព្រះភ្លើង ព្រះ​ករុណា ព្រះ​មហា​កាញ្ចនកោដ្ឋ ថ្ងៃសុក្រ 28 ខែសីហា 2020

Posted by សុភ័ក្ត្រ in បុគ្គល​សំខាន់, ប្រវត្តិសាស្ត្រ, វីដេអូ.
add a comment

_________________________________________________
អានផងដែរ
១. អំពីព្រះរាជពិធីថ្វាយព្រះភ្លើងហ្លួងកាញ្ចនកោដ្ឋ
២. អំពីព្រះមេរុនៃព្រះករុណា ព្រះមហាកាញ្ចនកោដ្ឋ
៣. ខួបឆ្នាំទី៥៥ នៃព្រះរាជពិធីបុណ្យព្រះមេរុ ព្រះករុណា ព្រះមហាកាញ្ចនកោដ្ឋ
៤. កាសអនុស្សាវរីយ៍បុណ្យព្រះមេរុ ព្រះមហាកាញ្ចនកោដ្ឋ
៥. ព្រះរាជកំណត់បុណ្យថ្វាយព្រះភ្លើងព្រះករុណា ព្រះមហាកាញ្ចនកោដ្ឋ
៦. ការដោះលែងអ្នកទោសនាថ្ងៃថ្វាយព្រះភ្លើងហ្លួងកាញ្ចនកោដ្ឋ
៧. អំពីក្បួនហែព្រះបរមសពព្រះករុណា ព្រះមហាកាញ្ចនកោដ្ឋ
៨. អំពីព្រះរាជពិធីដង្ហែព្រះបរមអដ្ឋិព្រះមហាកាញ្ចនកោដ្ឋ

រូប​ភាព​ប្រវត្តិសាស្ត្រ​នៃ​ព្រះ​រាជ​ទស្សនកិច្ច​​​​ឯ​សិង្ហបុរី ថ្ងៃសុក្រ 14 ខែសីហា 2020

Posted by សុភ័ក្ត្រ in បុគ្គល​សំខាន់, ប្រវត្តិសាស្ត្រ, វីដេអូ.
4 comments

ថ្ងៃ​ទី​៩ ខែ​សីហា ឆ្នាំ​២០២០ កន្លង​មក​នេះ សាធារណ​រដ្ឋ​សិង្ហបុរី​បាន​ប្រារព្ធ​ខួប​ឆ្នាំ​ទី​៥៥ នៃ​ឯករាជ្យ​របស់​ខ្លួន ឬ​ហៅ​ថា បុណ្យ​ជាតិ​សិង្ហបុរី​ ដែល​ជា​ការ​អប​អរ​សាទរ​កំណើត​ប្រទេស​នេះ​ក្រោយ​ផ្ដាច់​ខ្លួន​ចេញ​ពី​សហ​ព័ន្ធ​ម៉ាឡេស៊ី នៅ​ឆ្នាំ​១៩៦៥​។ ខួប​ឆ្នាំ​ទី​៥៥ នៃ​បុណ្យ​ជាតិ​សិង្ហបុរី​នេះ ក៏​ជា​ខួប​ទី​៥៥ នៃ​ទំនាក់​ទំនង​ការ​ទូត​រវាង​ព្រះ​រាជាណាចក្រ​កម្ពុជា និង​សាធារណ​រដ្ឋ​សិង្ហបុរី​ដែរ សម្រាប់​ឆ្នាំ​២០២០​ នេះ​។

ដើម្បី​អប​អរ​ពិធី​ជា​ប្រវត្តិសាស្ត្រ​នៃ ស្រែ​ខ្មុក​សូម​​លើក​យក​កម្រង​រូប​ភាព​​ជា​ប្រវត្តិសាស្ត្រ​នៃ​ព្រះ​រាជ​ទស្សនកិច្ច​នៃ​អតីត​សម្ដេច​ព្រះ​ប្រមុខ​រដ្ឋ ព្រះ​បរម​រតន​កោដ្ឋ កាល​ទ្រង់​យាង​បំពេញ​ឯ​ប្រទេស​នេះ កាល​ពី​អំឡុង​ខែ​ធ្នូ ឆ្នាំ​១៩៦២ ប្រមាណ​៣​ឆ្នាំ​មុន​ប្រទេស​នេះ​ទទួល​ឯករាជ្យ ដែល​បាន​មក​ពី​ប្រភព​នានា​ដូច​ត​ទៅ​នេះ ៖

17121962---Prince-Norodom-Sihanouk-arrives-in-Singapore-accompanied-by-PM-Lee-Kuan-Yewស្ដេច​យាង​មក​ដល់​សិង្ហបុរី ដោយ​មាន​លោក លី មក​ទទួល​បដិសណ្ឋារកិច្ច
(រូប ៖ khmertimeskh)

img0041ស្ដេច​យាង​មក​ដល់​សិង្ហបុរី ដោយ​មាន​លោក លី មក​ទទួល​បដិសណ្ឋារកិច្ច
(រូប ៖ nas.gov.sg)

17121962---Visit-of-Prince-Norodom-Sihanouk-to-the-Botanic-Gardens-accompanied-by-Yang-di-Pertuan-Negara-Yusof-bin-Ishak-and-Puan-Noor-Aishahនា​សួន​បូតានីក អម​ព្រះ​រាជ​ដំណើរ​ដោយ Yang di-Pertuan Negara Yusof bin Ishak
(រូប ៖ khmertimeskh)

img0041នា​សួន​បូតានីក
(រូប ៖ nas.gov.sg)

img0041ស្ដេច​បំពេញ​ទស្សនកិច្ច​ការងារ​រៀប​ចំ​លំនៅ​ដ្ឋាន​សិង្ហបុរី ថ្ងៃ​ទី​១៩ ធ្នូ ១៩៦២
(រូប ៖ nas.gov.sg)

img0041ស្ដេច​បំពេញ​ទស្សនកិច្ច​សាលា​ពហុ​បច្ចេក​វិជ្ជា​​សិង្ហបុរី ថ្ងៃ​ទី​១៩ ធ្នូ ១៩៦២
(រូប ៖ nas.gov.sg)

img0041ស្ដេច​បំពេញ​ទស្សនកិច្ច​សាលា​ពហុ​បច្ចេក​វិជ្ជា​​សិង្ហបុរី ថ្ងៃ​ទី​១៩ ធ្នូ ១៩៦២
(រូប ៖ nas.gov.sg)

img0041ស្ដេច​បំពេញ​ទស្សនកិច្ច​សាលា​ពហុ​បច្ចេក​វិជ្ជា​​សិង្ហបុរី ថ្ងៃ​ទី​១៩ ធ្នូ ១៩៦២
(រូប ៖ nas.gov.sg)

img0041ស្ដេច​បំពេញ​ទស្សនកិច្ច​សាលា​ពហុ​បច្ចេក​វិជ្ជា​​សិង្ហបុរី ថ្ងៃ​ទី​១៩ ធ្នូ ១៩៦២
(រូប ៖ nas.gov.sg)

img0041ស្ដេច​បំពេញ​ទស្សនកិច្ច​សាលា​ពហុ​បច្ចេក​វិជ្ជា​​សិង្ហបុរី ថ្ងៃ​ទី​១៩ ធ្នូ ១៩៦២
(រូប ៖ nas.gov.sg)

img0059
ស្ដេច​បំពេញ​ទស្សនកិច្ច​សាលា​ពហុ​បច្ចេក​វិជ្ជា​​សិង្ហបុរី ថ្ងៃ​ទី​១៩ ធ្នូ ១៩៦២
(រូប ៖ nas.gov.sg)

img0041ស្ដេច​បំពេញ​ទស្សនកិច្ច​សាលា​ពហុ​បច្ចេក​វិជ្ជា​​សិង្ហបុរី ថ្ងៃ​ទី​១៩ ធ្នូ ១៩៦២
(រូប ៖ nas.gov.sg)

img0041ព្រះ​រាជ​ទស្សនកិច្ច​នៅ​សិង្ហបុរី ថ្ងៃ​ទី​១៩ ធ្នូ ១៩៦២
(រូប ៖ nas.gov.sg)

img0041ស្ដេច​យាង​ព្រះ​រាជ​និវត្ត ២០ ធ្នូ ១៩៦២ (ស្ដាំ​លោក​ស្រី Ong Pang Boon ភរិយា​រដ្ឋមន្ត្រី​កិច្ច​ការ​ក្នុង​ប្រទេស)
(រូប ៖ nas.gov.sg)

img0041ស្ដេច​យាង​ព្រះ​រាជ​និវត្ត ២០ ធ្នូ ១៩៦២ (ស្ដាំ​លោក​ស្រី S Rajaratnam ភរិយា​រដ្ឋមន្ត្រី​វប្បធម៌)
(រូប ៖ nas.gov.sg)

img0041ស្ដេច​យាង​ព្រះ​រាជ​និវត្ត ២០ ធ្នូ ១៩៦២
(រូប ៖ nas.gov.sg)

img0041ស្ដេច​យាង​ព្រះ​រាជ​និវត្ត ២០ ធ្នូ ១៩៦២ (ស្ដេច​កំពុង​សន្ទនា​ជាមួយ​លោក​លី)
(រូប ៖ nas.gov.sg)

______________________________________________________
អាន​ផង​ដែរ​
១. លោក លី និង​កម្ពុជា
២. ខួប​ឆ្នាំ​ទី​៥០ ទស្សនកិច្ច​នៃ​ឯក​ឧត្ដម​លី ក្វាន យូវ និង​លោក​ជំទាវ​នៅ​កម្ពុជា
៣. សិង្ហបុរី​ប្រារព្ធ​បុណ្យ​ជាតិ ឆ្នាំ​ទី​៥៥
៤. ៥៥​ឆ្នាំ ទំនាក់​ទំនង​ការ​ទូត កម្ពុជា​-​សិង្ហបុរី

បុណ្យ​អាសាឍ​បូជា ឬ​អាសាឡ្ហ​បូជា ថ្ងៃអាទិត្យ 5 ខែកក្កដា 2020

Posted by សុភ័ក្ត្រ in ព្រះ​ធម៌, វីដេអូ.
1 comment so far

  • អ្វីជាបុណ្យអាសាឍបូជា ឬអាសាឡ្ហបូជា?

អាសាឍបូជា ឬអាសាឡ្ហបូជា រាប់ថាជាថ្ងៃសំខាន់មួយទៀតរបស់ពុទ្ធសាសនិកជន ដែលត្រូវគ្នានឹងថ្ងៃពេញបូណ៌មី ១៥ កើត ខែអាសាឍ។ នៅក្នុងសម័យពុទ្ធកាល មានហេតុការណ៍សំខាន់កើតឡើង៤ប្រការ ដូចតទៅនេះ៖

  1. ជាថ្ងៃដែលព្រះបរមសាស្ដាទ្រង់សម្ដែងព្រះធម្មទេសនាជាលើកដំបូង ដល់បញ្ចវគ្គីយ៍ទាំង៥រូប នៅក្នុងព្រៃឥសិបតនមិគទាយវ័ន ក្បែរនគរពារាណសី
  2. ជាថ្ងៃដែលព្រះបរមសាស្ដាទ្រង់បានព្រះសាវកអង្គដំបូង គឺព្រាហ្មណ៍កោណ្ឌញ្ញៈ ដែលបានសម្រេចព្រះធម្មអង្គដំបូង
  3. ជាថ្ងៃដែលមានព្រះសង្ឃកើតឡើងជារូបដំបូង គឺព្រះអញ្ញាកោណ្ឌញ្ញៈ និងទទួលបានការឧបសម្ប័ទជាព្រះភិក្ខុរូបដំបូងក្នុងព្រះពុទ្ធសាសនា
  4. ជាថ្ងៃកើតឡើងនូវព្រះរតនត្រ័យពេញបរិបូរណ៍ គឺព្រះពុទ្ធ ព្រះធម៌ ព្រះសង្ឃ គ្រប់ជាលើកទីមួយ
  • កម្ពុជាមិនមានប្រារព្ធបុណ្យអាសាឍបូជា ឬអាសាឡ្ហបូជា

សម្រាប់កម្ពុជប្រទេស បុណ្យអាសាឍបូជា ឬអាសាឡ្ហបូជា មិនមានប្រារព្ធធ្វើឡើងទេ។ កម្ពុជាប្រារព្ធតែបុណ្យពីរប៉ុណ្ណោះ គឺមាឃបូជា និងវិសាខបូជា៕

%d bloggers like this: