jump to navigation

ព្រះ​រាជ​ករណី​កិច្ច​ព្រះ​ចៅ​មហា​ជីវិត​លាវនៅភាគ​ខាង​ត្បូង ថ្ងៃពុធ 19 ខែ​កុម្ភៈ 2020

Posted by សុភ័ក្ត្រ in ចម្រៀង, វីដេអូ, ພາສາລາວ.
add a comment

កម្រង​ឯកសារ​​វីដេអូកម្រ​ស្ដី​អំពី​ព្រះ​រាជ​ករណី​កិច្ច​ព្រះ​ចៅ​មហា​ជីវិត​លាវ ព្រះបាទ​សម្ដេច​ព្រះចៅ​ជេដ្ឋា​ខត្តិយវង្សា ព្រះមហាស្រី​ស្វាង វឌ្ឍា ព្រះ​​​មហាក្សត្រិយ៍​អង្គ​ចុង​ក្រោយ របស់​ព្រះ​រាជអាណាចក្រ​លាវ​។ ព្រះ​អង្គ​ ព្រម​ទាំង​ព្រះ​អគ្គ​មហេសី និង​ព្រះ​បរម​រាជ​វង្សានុវង្ស និង​នាហ្មឺន​សព្វ​មុខមន្ត្រី​លាវ ស្ដេច​ចុះ​សាក​សួរ​សុខ​ទុក្ខ ព្រម​សម្ពោធ​សមិទ្ធិ​នានា​របស់​ព្រះ​នគរ នៅ​ឯ​ភាគ​ខាង​ត្បូង​របស់​ប្រទេស​លាវ កាល​គ្រា​គ.ស.​១៩៧០​។ កម្រង​ឯកសារ​​វីដេអូ អធិប្បាយ​ជា​បែប​បទ​ប្រឹន ព្រម​ទាំង​គ្រឿង​តន្ត្រី​​ប្រពៃណី​លាវ​​គែន​៕ 

អនុមោទនា មាឃ​បូជា ព.ស.​២៥៦៣ ថ្ងៃសៅរ៍ 8 ខែ​កុម្ភៈ 2020

Posted by សុភ័ក្ត្រ in ព្រះ​ធម៌, វីដេអូ.
1 comment so far

84518628_10156914171197039_2248732889208324096_n

មាឃបូជា (អានថា៖ មាឃៈបូជា មិនមែនអាន មាឃបូជា ទេ) វចនានុក្រមខ្មែរ ទំព័រ៨៧២ ន. (សំ.បា. មាឃ + បូជា) ការធ្វើបូជាក្នុងខែមាឃ។ ឈ្មោះបុណ្យមួយសម្រាប់ពុទ្ធសាសនា ធ្វើក្នុងថ្ងៃពេញបូណ៌មីខែមាឃ រំឮកដល់ សាវកសន្និបាត “ការប្រជុំសាវ័ក” នៃព្រះសម្ពុទ្ធដែលហៅថា ចាតុរង្គសន្និបាត “ការប្រជុំមានអង្គបួន” គឺ

  1. ថ្ងៃនោះព្រះចន្ទ្រចរចូលដល់មាឃនក្សត្រ (ថ្ងៃពេញបូរណ៌មីខែមាឃ),
  2. ព្រះភិក្ខុសង្ឃចំនួន១.២៥០ រូប ឥតបានកំណត់ពេលគ្នាជាមុនសោះ ក៏ស្រាប់តែមកប្រជុំព្រមគ្នា ក្នុងសំណាក់ព្រះបរមសាស្ដា,
  3. ព្រះភិក្ខុសង្ឃទាំងអម្បាលនោះសុទ្ធតែជាឯហិភិក្ខុដូចគ្នាទាំងអស់,
  4. ព្រះភិក្ខុសង្ឃទាំងនោះសុទ្ធតែជាព្រះអរហន្ត។

ការប្រជុំមានអង្គ៤ដូច្នេះ ក្នុងពុទ្ធសម័យមានតែម្ដងគត់, ក្នុងវេលានោះ ព្រះសម្មាសម្ពុទ្ធទ្រង់ត្រាស់សម្ដែងឱវាទបាតិមោក្ខ…។

ពួកពុទ្ធមាមកជនគ្រប់ប្រទេសក្នុងសាសនកាលរៀងមក កំណត់យកថ្ងៃពេញបូណ៌មីខែមាឃរាល់ឆ្នាំ ថាជាថ្ងៃសំខាន់មួយក្នុងការធ្វើបូជាៈ ថ្ងៃមាឃបូជា, ធ្វើមាឃបូជា, បុណ្យមាឃបូជា។

  • ឆ្នាំនេះមាឃបូជា ត្រូវនឹងថ្ងៃសៅរ៍ ទី​៨ ខែ​កុម្ភៈ គ.ស.​២០២០។

ព្រះធម្មវិសេសទេសនាអំពីបុណ្យមាឃបូជា
សម្ដេចព្រះសង្ឃរាជ ជោតញ្ញាណោ ជួន ណាត

អាន​ព័ត៌មាន​៖

វីដេអូ​ស្ដី​អំពី​ព្រះ​រាជ​ពិធី​ព្យុហយាត្រា​តាម​ជល​មាគ៌​ឯស្យាម​នគរ ថ្ងៃសៅរ៍ 21 ខែធ្នូ 2019

Posted by សុភ័ក្ត្រ in វីដេអូ, ภาษาไทย.
1 comment so far

_______________________________________________
អានផងដែរ៖
១. ព្រះ​រាជ​ពិធី​ព្យុហយាត្រា​តាម​ជល​មាគ៌​ឯស្យាម​នគរ

ស៊ីហ្គេមស៍​ទី​៣០ បាន​បញ្ចប់ កម្ពុជា​រក្សា​តំណែង​លេខ​៨ ថ្ងៃពុធ 11 ខែធ្នូ 2019

Posted by សុភ័ក្ត្រ in កីឡា, វីដេអូ, ស៊ីហ្គេមស៍​៣០.
11 comments

នានាប្រទេស៖ ក្រុងម៉ានីល, ប្រទេស​ភីលីព្ពីនស៍ – ព្រឹត្តិការណ៍​​កីឡា​អាស៊ី​អាគ្នេយ៍ ឬ​ស៊ី​ហ្គេមស៍​ លើក​ទី​៣០​ នៅ​ប្រទេស​ភីលីព្ពីនស៍ បាន​បិទ​បញ្ចប់​​ជា​ផ្លូវ​ការ​ហើយ​នៅ​ល្ងាច​​​មិញ​នេះ (១១​ ធ្នូ ២០១៩) នៅ​ឯ​​ពហុ​កីឡដ្ឋាន​អាត្ហលេតិចស៍ ក្រុង​ញូវ ក្លារ៍ក របស់​ភីលីព្ពីនស៍ បន្ទាប់​ពី​បាន​បើក​ជា​ផ្លូវ​ការ​កាល​ពី​ថ្ងៃ​ទី​៣០ ខែ​វិច្ឆិកា ឆ្នាំ​២០១៩ កន្លង​ទៅ​នេះ។ សម្រាប់​លទ្ធផល​ជា​​​ផ្លូវ​ការ ប្រទេស​​ភីលីព្ពីនស៍​ម្ចាស់​ផ្ទះ​​ជា​ប្រទេស​ដែល​ទទួល​មេ​ដាយ​ច្រើន​ជាង​គេ​បំផុត​ បន្ទាប់​មកគឺ​​ប្រទេស​​​វៀតណាម និង​ថៃ​។

  • កម្ពុជា​រក្សា​តំណែង​លំដាប់​លេខ​៨

សម្រាប់​ប្រទេស​កម្ពុជា​វិញ បាន​ត្រឹម​​រក្សា​តំណែង​ជា​ប្រទេស​ក្នុង​លំដាប់​លេខ​៨​ នៅ​ក្នុង​ការ​ប្រកួត ដូច​គ្រា​មុន​ដែរ​។ សរុប​មក​កម្ពុជា​យើង​បាន​ទទួល​មេដាយ​​មាស​ចំនួន​៤ ប្រាក់​ចំនួន​៦ និង​សំរឹទ្ធ​ចំនួន​៣៦ សរុប​បាន​៤៦​មេដាយ​ ដោយ​បាន​កើន​ឡើង​ចំនួន​មេដាយ​ច្រើន​គួរ​សម​ពី​ព្រឹត្តិការណ៍​នៅ​ម៉ាឡេស៊ី កាល​ពី​ឆ្នាំ​២០១៧​ ក្នុង​នោះ កើន​មេដាយ​មាស​ចំនួន​១​, មេដាយ​ប្រាក់​ចំនួន​៤ និង​មេដាយ​សំរឹទ្ធ​ចំនួន​២៤ មេដាយ​​​៕

  • ចំនួន​មេដាយ​សរុប​ដែល​ប្រទេស​នីមួយ​ៗ​ទទួល​បាន​នៅ​ស៊ីហ្គេមស៍​គ្រា​ទី​៣០

medals2

__________________________________________________________________
អាន​ផង​ដែរ​៖
១. កម្ពុជា​បាន​មេដាយ​៩​គ្រឿង ក្រោយ​ពិធី​បើក​ផ្លូវ​ការ ស៊ីហ្គេមស៍​នៅ​ភីលីព្ពីនស៍
២. មេដាយ​មាស​ដំបូង​របស់​កម្ពុជា នៅ​ស៊ីហ្គេមស៍​លើក​ទី​៣០
៣. កម្ពុជា​បន្ថែម​មេដាយ​សំរឹទ្ធ​ចំនួន​៤​គ្រឿង
៤. ប៉េតង់​ផ្ដល់​មេដាយ​មាស​ទី​២ ដល់​កម្ពុជា
៥. ថ្ងៃ​នេះ​បាន​ត្រឹម​មេដាយ​ប្រាក់​១​ពី​ប៉េតង់
៦. សូហ្វត៍ តឺននីស ទទួល​បាន​មេដាយ​សំរឹទ្ធ​១​គ្រឿង
៧. តេក្វាន់ដូ​បន្ថែម​មេដាយ​មាស​ទី​៣ ខណៈ​ប្រដាល់​សេរី បាន​មេដាយ​​សំរឹទ្ធ​៣
៨. មេដាយ​មាស​១​ទៀត​ពី​ជឺជីតស៊ូ ឯ​ប្រភេទ​កីឡា​៥​ទៀត រក​បាន​មេដាយ​សំរឹទ្ធ​១០​គ្រឿង នា​ថ្ងៃ​នេះ
៩. ចំបាប់​រក​បាន​មេដាយ​សំរឹទ្ធបន្ថែម​៤​គ្រឿង និង​ប្រដាល់​សេរី​១​គ្រឿង
១០. កីឡា​១០​ប្រភេទ ផ្ដល់​មេដាយ​ដល់​ស្រុក​ខ្មែរ​នៅ​ស៊ីហ្គេមស៍​៣០

កម្ពុជា​ចាញ់​ភូមា ថ្ងៃអង្គារ 10 ខែធ្នូ 2019

Posted by សុភ័ក្ត្រ in កីឡា, វីដេអូ, ស៊ីហ្គេមស៍​៣០.
5 comments

តាម​ដាន​លទ្ធផល​មេដាយ នៅ​ផ្នែក​ខាង​ស្ដាំ​ដៃ​នៃ​ទំព័រ​នេះ

18នានាប្រទេស៖ ក្រុងម៉ានីល, ប្រទេស​ភីលីព្ពីនស៍ – ក្រុម​កីឡាករ​បាល់​ទាត់​របស់​កម្ពុជា នៅ​​រសៀល​​​​ថ្ងៃអង្គារ ​ទី​១០ ខែ​ធ្នូ ឆ្នាំ​២០១៩ នេះ មិន​មាន​សំណាង​ទទួល​បាន​ជ័យ​ជម្នះ​លើ​គូ​ប្រកួត​នេះ​ទេ​ សម្រាប់​ការ​ប្រកួត​បាល់​ទាត់​កីឡា​អាស៊ី​អាគ្នេយ៍ ឬ​ស៊ី​ហ្គេមស៍​ លើក​ទី​៣០​ ដែល​ជា​ការ​ប្រកួត​លើក​ទី​៦ ដើម្បី​ដណ្ដើម​យក​មេដាយ​សំរឹទ្ធ​​។ កម្ពុជា​បាន​ចាញ់​ក្រុម​មក​ពី​ប្រទេស​ភូមា ក្នុង​លទ្ធផល​៧​-​៦​​។

ការ​ប្រកួត​រវាង​ក្រុម​មក​ពី​ប្រទេស​ទាំង​ពីរ​នា​រសៀល​នេះ មាន​សភាព​ស្វិត​ស្វាយ ដ្បិត​ជា​ការ​ប្រកួត​ចុង​ក្រោយ ដើម្បី​យក​ចាញ់​ឈ្នះ ដណ្ដើម​មេដាយ​សំរឹទ្ធ​។ ចប់​ការ​ប្រកួត​នៅ​តង់​ទី​១ ភូមា​បាន​នាំ​មុខ​កម្ពុជា​២​-​១ តែ​ត្រូវ​កម្ពុជា​វាយ​យក​ស្មើ​វិញ​២-២ នៅ​តង់​ទី​២ រហូត​ដល់​ចប់​ការ​ប្រកួត​ទាំង​ពីរ​តង់​។

ការ​ប្រកួតត្រូវ​បាន​កាត់​សេចក្ដី​ដោយ​ការ​ស៊ុត​បញ្ចូល​ទី​ម្ដង​ម្នាក់ ដែល​ភូមា​ធ្វើ​បាន​ល្អ ដោយ​ស៊ុត​ចូល​បាន​៥​គ្រាប់​ខណៈ​កម្ពុជា បាន​៤​គ្រាប់​។ ចប់​ការ​ប្រកួត ភូមាបាន​យក​ឈ្នះ​លើ​កម្ពុជា​ក្នុង​លទ្ធផល​៧​-​៦​​​៕

80307262_725058961337854_4041178322724454400_o79188855_725038314673252_1846067155313885184_o78932718_725059248004492_5638891047141507072_o

________________________________________________________
អាន​ផង​ដែរ៖
១. បើក​ឆាក​បាល់​ទាត់​ស៊ីហ្គេមស៍ កម្ពុជា​ស្មើ​ម្ចាស់​ផ្ទះ​​ភីលីព្ពីនស៍ ១-១
២. បាល់​ទាត់​នៅ​ស៊ីហ្គេមស៍ កម្ពុជា​យកឈ្នះ​​ទីម័រ ឡេស្តេ ប្រាំ​​សូន្យ
៣. កម្ពុជា​ចាញ់​ភូមាន​២-១
៤. កម្ពុជា​យក​ឈ្នះ​ម៉ាឡេស៊ី​ ៣-១
៥. វៀតណាម​យក​ឈ្នះ​កម្ពុជា ៤-០

វៀតណាម​យក​ឈ្នះ​កម្ពុជា ៤-០ ថ្ងៃសៅរ៍ 7 ខែធ្នូ 2019

Posted by សុភ័ក្ត្រ in កីឡា, វីដេអូ, ស៊ីហ្គេមស៍​៣០.
5 comments

តាម​ដាន​លទ្ធផល​មេដាយ នៅ​ផ្នែក​ខាង​ស្ដាំ​ដៃ​នៃ​ទំព័រ​នេះ

18នានាប្រទេស៖ ក្រុងម៉ានីល, ប្រទេស​ភីលីព្ពីនស៍ – ក្រុម​កីឡាករ​បាល់​ទាត់​របស់​កម្ពុជា នៅ​​រាត្រី​​​ថ្ងៃសៅរ៍ ​ទី​៧ ខែ​ធ្នូ ឆ្នាំ​២០១៩ នេះ បាន​ប្រកួត​ចាញ់​ថ្វី​ជើង​កីឡាករ​មក​ពី​ប្រទេស​វៀតណាម សម្រាប់​ការ​ប្រកួត​បាល់​ទាត់​កីឡា​អាស៊ី​អាគ្នេយ៍ ឬ​ស៊ី​ហ្គេមស៍​ លើក​ទី​៣០​ ដែល​ជា​ការ​ប្រកួត​លើក​ទី​៥ វគ្គ​ពាក់​កណ្ដាល​ផ្ដាត់​ព្រ័ត្រ​។

ក្រុម​កីឡាករ​វៀតណាម​មាន​ប្រៀប​លើ​កម្ពុជា​យ៉ាង​ជាក់​ច្បាស់ និង​បាន​យក​ឈ្នះ​លើ​៣​ទល់​នឹង​០ នៅ​តង់​ទី​១ និង​មួយ​គ្រាប់​ទៀត​នៅ​តង់​ទី​២​។ សរុប​វៀតណាម​បាន​យក​ឈ្នះ​៤​ទល់​នឹង​០​​៕

78986031_722591134917970_687199693687488512_o79140884_722591268251290_7469501323826692096_o

________________________________________________________
អាន​ផង​ដែរ៖
១. បើក​ឆាក​បាល់​ទាត់​ស៊ីហ្គេមស៍ កម្ពុជា​ស្មើ​ម្ចាស់​ផ្ទះ​​ភីលីព្ពីនស៍ ១-១
២. បាល់​ទាត់​នៅ​ស៊ីហ្គេមស៍ កម្ពុជា​យកឈ្នះ​​ទីម័រ ឡេស្តេ ប្រាំ​​សូន្យ
៣. កម្ពុជា​ចាញ់​ភូមាន​២-១
៤. កម្ពុជា​យក​ឈ្នះ​ម៉ាឡេស៊ី​ ៣-១
៥. កម្ពុជា​ចាញ់​ភូមា

កម្ពុជា​យក​ឈ្នះ​ម៉ាឡេស៊ី​ ៣-១ ថ្ងៃពុធ 4 ខែធ្នូ 2019

Posted by សុភ័ក្ត្រ in កីឡា, វីដេអូ, ស៊ីហ្គេមស៍​៣០.
5 comments

តាម​ដាន​លទ្ធផល​មេដាយ នៅ​ផ្នែក​ខាង​ស្ដាំ​ដៃ​នៃ​ទំព័រ​នេះ

18នានាប្រទេស៖ ក្រុងម៉ានីល, ប្រទេស​ភីលីព្ពីនស៍ – ក្រុម​កីឡាករ​បាល់​ទាត់​របស់​កម្ពុជា នៅ​​រសៀល​​ថ្ងៃ​ទី​៤ ខែ​ធ្នូ ឆ្នាំ​២០១៩ នេះ បាន​ធ្វើ​យ៉ាង​អស្ចារ្យ សម្រាប់​ការ​ប្រកួត​បាល់​ទាត់​កីឡា​អាស៊ី​អាគ្នេយ៍ ឬ​ស៊ី​ហ្គេមស៍​ លើក​ទី​៣០​ ដែល​ជា​ការ​ប្រកួត​លើក​ទី​៤​របស់​ខ្លួន ដែល​ត្រូវ​ប៉ះ​ជាមួយ​ប្រទេស​ម៉ាឡេស៊ី​។

ការ​ប្រកួត​បាន​ធ្វើ​ឡើង​យ៉ាង​ស្វិត​ស្វាញ​ និង​គ្រប​សង្កត់​យ៉ាង​ខ្លាំង​ពី​សំណាក់​ក្រុម​កីឡាករ​កម្ពុជា ដែល​ជា​ហេតុ​ធ្វើ​ឲ្យ​កម្ពុជា​ស៊ុត​បញ្ចូល​ទី​ជា​បន្ត​បន្ទាប់​ទៅ​កាន់​ក្រុម​ម៉ាឡេស៊ី​រហូត​ដល់​ទៅ​៣​គ្រាប់ តែ​នៅ​នាទី​ចុង​ក្រោយ​ក្រុម​ម៉ាឡេស៊ី​បាន​ស៊ុត​ចូល​មួយ​គ្រាប់​វិញ​។

ជា​លទ្ធផល​កម្ពុជា​បាន​យក​ឈ្នះ​ក្រុម​ម៉ាឡេស៊ី​៣​ទល់​និង​១ ដែល​ធ្វើ​ឲ្យ​កម្ពុជា ក្លាយ​ជា​ក្រុម​ខ្លាំង​ទី​២ ក្នុង​ពូល​អា ដើម្បី​ចូល​ទៅ​ប្រកួត​ក្នុង​វគ្គ​ពាក់​កណ្ដាល​ផ្ដាច់​ព្រ័ត្រ​ជា​បន្ត​ទៀត​។ នេះ​រាប់​ថា​ជា​ព្រឹត្តិការណ៍​ប្រវត្តិសាស្ត្រ​ក្នុង​កីឡា​អាស៊ី​អាគ្នេយ៍ ដែល​កម្ពុជា​អាច​ចូល​ទៅ​វគ្គ​នេះ​បាន​។

សម្រាប់​មេដាយ​សរុប​គិត​មក​ដល់​ថ្ងៃ​ទី​៤ខែ​ធ្នូ ឆ្នាំ​២០១៩ នេះ វេលា​ម៉ោង​២០.០០ (​ម៉ោង​នៅ​កម្ពុជា​) ប្រទេស​កម្ពុជា​​មិន​បាន​ទទួល​មេដាយ​បន្ថែម​ទេ ដោយ​ស្ថិត​នៅ​​ក្នុង​ចំណាត់​ថ្នាក់​ទី​៩​ដដែល ដោយ​បាន​មេដាយ​មាស​ចំនួន​១ ​ប្រាក់​ចំនួន​៣ និង​​សំរឹទ្ធ​ចំនួន​១៧ សរុប​២១​មេដាយ។ ឯ​ប្រទេស​ភីលីព្ពីនស៍ ម្ចាស់​ផ្ទះ​ស្ថិត​លំដាប់​ទី​១ ដដែល​ ដោយ​បាន​មេដាយ​មាស​រហូត​ដល់​ទី​៥៦ និង​សរុប​ចំនួន​១១៩​មេដាយ​៕

79298491_720698481773902_4103038766753513472_n79644577_720698511773899_7446715921025990656_n

medal-2019

________________________________________________________
អាន​ផង​ដែរ៖
១. បើក​ឆាក​បាល់​ទាត់​ស៊ីហ្គេមស៍ កម្ពុជា​ស្មើ​ម្ចាស់​ផ្ទះ​​ភីលីព្ពីនស៍ ១-១
២. បាល់​ទាត់​នៅ​ស៊ីហ្គេមស៍ កម្ពុជា​យកឈ្នះ​​ទីម័រ ឡេស្តេ ប្រាំ​​សូន្យ
៣. កម្ពុជា​ចាញ់​ភូមាន​២-១
៤. វៀតណាម​យក​ឈ្នះ​កម្ពុជា ៤-០
៥. កម្ពុជា​ចាញ់​ភូមា

%d bloggers like this: