jump to navigation

ភ្នំពេញ ថ្ងៃអាទិត្យ 26 ខែ​ឧសភា 2019

Posted by សុភ័ក្ត្រ in សង្គម​រាស្ត្រ​និយម, អតីតភាព.
add a comment

300909ima89

ស្រង់ចេញពីកម្រងអនុស្សាវរីយ៍ដោយរូបភាពនៃកម្ពុជា សង្គមរាស្ត្រនិយម

Advertisements

រូប​ប្រវត្តិ​សាស្ត្រ ៖ ព្រះ​ចៅ​ផែន​ដី​ខ្មែរ​ស្ដេច​ទៅ​ដល់​ហ្លួង​ព្រះ​បាង ថ្ងៃសៅរ៍ 25 ខែ​ឧសភា 2019

Posted by សុភ័ក្ត្រ in បុគ្គល​សំខាន់, អតីតភាព, ພາສາລາວ.
3 comments

Untitled-3

រូប​ភាព​ខាង​លើ​នេះ​ជា​ឯកសារ​នៃ​បណ្ណសារដ្ឋាន​ព្រះ​ពុទ្ធ​សាសនា នគរ​ហ្លួង​ព្រះ​បាង ប្រទេស​លាវ​។ រូប​នេះ​ត្រូវ​បាន​អះ​អាង​ថា​ជា​ក្បួន​ដង្ហែ​ព្រះ​ចៅ​ផែន​ដី​ខ្មែរ ព្រះ​ករុណា ព្រះ​បាទ​សម្ដេច​ព្រះ​នរោត្ដម សីហនុ កាល​គ្រា​ព្រះ​ជន្សា​១៩​ឆ្នាំ ស្ដេច​យាង​បំពេញ​ព្រះ​រាជ​ទស្សន​កិច្ច ចម្រើន​ព្រះ​មេត្រី​ភាព នៅ​នគរ​លាវ ជា​បង​ប្អូន ក្រោយ​ពេល​ព្រះ​អង្គ​ស្ដេច​ឡើង​គ្រង​សិរីរាជ​សម្បត្តិ​នៅ​នគរ​កម្ពុជា​៕​៚

_______________________________________________________
អាន​អត្ថបទ
១. កាលស្ដេចប្រពាសរាជអាណាចក្រលាវ
២. រូបភាព​កម្រ៖ ចំណង​សាមគ្គី​ព្រះរាជ​អាណាចក្រ​ខ្មែរ និង​ព្រះរាជ​អាណាចក្រ​លាវ

តែមប្រិ៍​សម័យ​ព្រះ​រាជ​អាណាចក្រ​កម្ពុជា ២៛៥០ ថ្ងៃសុក្រ 25 ខែមករា 2019

Posted by សុភ័ក្ត្រ in អតីតភាព.
add a comment

នេះ​ជា​តែមប្រិ៍​សម័យ​ព្រះ​រាជ​អាណាចក្រ​កម្ពុជា ប្រភេទ​២,៥០​រៀល​។

តែមប្រិ៍​នេះ​មាន​រូប​ដំរី​មួយ​ក្បាល ដោយ​នៅ​ខាង​លើ​មាន​ហ្ម​ដំរី​មួយ​រូប​ផង​។ នៅ​ពី​លើ​នោះ​មាន​ទាំង​រូប​យន្តហោះ និង​សត្វ​ស្លាប​ចំនួន​៣​ផង​។ តែមប្រិ៍​នេះ​មាន​អម​ទៅ​ដោយ​ដើម​ត្នោត​ចំនួន​ពីរ​ដើម​។

នៅ​ពី​លើ​រូប​មាន​ដាក់​អក្សរ​មូល​ខ្មែរ​ថា «​ព្រះ​រាជ​អាណាចក្រ​កម្ពុជា​»​ និង​អក្សរ​បារាំង​សែស​ផ្នែក​ខាង​ឆ្វេង​ថា POSTES ឯ​នៅ​ខាង​ស្ដាំ​ជា​ភាសា​ខ្មែរ​ថា ប្រៃសណីយ៍​។

នៅ​ពី​ខាង​ក្រោម​វិញ​មាន​ដាក់​ជា​លេខ​បារាំង​ថា2$.50 និង​អក្ស​រ​បារាំង​សែស​កណ្ដាលថា ROYAUME DU CAMBODGE នៅ​ខាង​ស្ដាំ​បំផុត​វិញ​មាន​សរសេរ​ថា​២៥០

ខួប​ឆ្នាំ​ទី​៩០ ព្រះ​រាជ​ពិធី​សម្ពោធ​ស្ពាន​ព្រះ​មុនីវង្ស ទី​១ ថ្ងៃអាទិត្យ 18 ខែវិច្ឆិកា 2018

Posted by សុភ័ក្ត្រ in បុគ្គល​សំខាន់, ប្រវត្តិសាស្ត្រ, អតីតភាព, អំពីស្រុកខ្មែរ.
1 comment so far

ខាង​ក្រោម​នេះ​ជា​រូប​ភាព​កម្រ​ ជា​ប្រវត្តិ​សាស្ត្រ​នៃ​ការ​សម្ពោធ​ដាក់​ឲ្យ​ប្រើ​ប្រាស់​ជា​ផ្លូវ​ការ​នូ​វ​ស្ពាន​ព្រះ​មុនីវង្ស​ទី​១ នៃ​តំបន់​ជ្រោយ​​អា​អោក​។

ថ្ងៃ​ទី​១៨ ខែ​វិច្ឆិកា ឆ្នាំ​១៩២៨ ព្រះ​ករុណា ព្រះ​បាទ​ សិរីសុវត្ថិ មុនីវង្ស ជា​អម្ចាស់​ជីវិត​តម្កល់​លើ​ត្បូង ស្ដេច​យាង​ជា​ព្រះ​រាជាធិបតី​នៃ​ព្រះ​រាជ​ពិធី​សម្ពោធ​សមិទ្ធផល​ថ្មី​របស់​កម្ពុជា នោះ​គឺ​ស្ពាន​ឆ្លង​ដាក់​ទន្លេ​បាសាក់​។ សមិទ្ធផល​ថ្មី​នេះ សាង​ពី​ដែក​ ដែល​ទំនង​ជា​ស្ពាន​ទី​មួយ​ឆ្លង​កាត់​តំបន់​ក្បែរ​រាជធានី​ទៅ​កាន់​ទី​ខេត្ត​ផ្សេង​ៗ​ទៀត​នៅ​ក្នុង​ព្រះ​នគរ​។

ស្ពាន​ព្រះ​មុនីវង្ស​ទី​១​នេះ​ត្រូវ​បាន​ប្រើ​ប្រាស់​រហូត​ដល់​ទី​៣៨​ឆ្នាំ រហូត​មក​ដល់​សម័យ​សង្គម​រាស្ត្រ​និយម ទើប​មាន​ការ​រុះរើ និង​សាង​សង់​ជា​ស្ពាន​បេតុង​ថ្មី​មួយ​ឡើង ដែល​ត្រូវ​បាន​ប្រើ​ប្រាស់​រហូត​មក​ដល់​គ្រា​បច្ចុប្បន្ន​នេះ​៕

ព្រះ​ករុណា​ជា​អម្ចាស់ ស្ដេច​​ថ្លែង​ព្រះ​រាជ​សន្ទរកថា​ក្នុង​ពិធី​សម្ពោធ​ស្ពានព្រះ​ករុណា​ជា​អម្ចាស់ រួម​ជា​មួយ​មន្ត្រី​បារាំង និង​ខ្មែរ​ជា​ច្រើន​រូប​ក្នុង​ពិធី​សម្ពោធ​ស្ពានព្រះ​ករុណា​ជា​អម្ចាស់ រួម​ជា​មួយ​មន្ត្រី​បារាំង និង​ខ្មែរ​ជា​ច្រើន​រូប​ក្នុង​ពិធី​សម្ពោធ​ស្ពានស្ពាន​ព្រះ​មុនីវង្ស​ទី​១

____________________________________________
អាន​ផង​ដែរ
១. ស្ពាន​ព្រះ​មុនីវង្ស​៖ អតីត​ – បច្ចុប្បន្ន
២. ពិធី​សម្ពោធ​ស្ពាន​ព្រះ​បាទ​​មុនីវង្ស
៣. ថ្ងៃ​នេះ​សម្ពោធ​ស្ពាន​ព្រះ​មុនីវង្ស​ថ្មី

គំរូ​ឈុត​ប្រាក់​រៀល លើក​ទី​១​ នៃ​ព្រះ​រាជាណាចក្រ​កម្ពុជា ថ្ងៃពុធ 4 ខែកក្កដា 2018

Posted by សុភ័ក្ត្រ in អតីតភាព, អំពីស្រុកខ្មែរ.
2 comments

បន្ទាប់​ពី​ព្រះ​រាជាណាចក្រ​កម្ពុជា​បាន​បង្កើត​ឡើង​ក្រោយ​ការ​បោះ​ឆ្នោត​ជា​សាកល​លើក​ទី​១ នា​ឆ្នាំ​១៩៩៣​មក ក្រដាស​ប្រាក់​រៀល​ខ្មែរ​ថ្មី​ត្រូវ​បាន​បោះ​ពុម្ព​ឡើង​ ដោយ​មាន​សរុប​ទាំង​អស់​៧​ប្រភេទ​។ ធន​បត្រ​ជំនាន់​នោះ​រាប់​ថា​ជា​ធនបត្រ​ដែល​មាន​ការ​រចនា​ដ៏​ស្រស់​ស្អាត​បំផុត​មួយ​ក្នុង​ចំណោម​ធនបត្រ​នៃ​ប្រទេស​កម្ពុជា​ ដោយ​យក​លំនាំ​នៃ​ក្រដាស​ប្រាក់​ដែល​បាន​បោះ​ពុម្ព​កាល​ពី​សម័យ​សង្គម​រាស្ត្រនិយម​។

បើ​តាម​ព័ត៌មាន​ធនបត្រ​លើក​ទី​១​នេះ​ត្រូវ​បាន​បោះ​ពុម្ព​នៅ​ឯ​សាធារណ​រដ្ឋ​បារាំង​សែស​ផង​។ ប្រភេទ​ក្រដាស​ប្រាក់​រៀល​ទាំង​៧​នោះ​រួម​មាន​៖ ១០០០​រៀល, ២០០០​រៀល, ៥០០០​រៀល, ១០០០០​រៀល​, ២០០០០​រៀល​, ៥០០០០​រៀល និង​១០០០០០​រៀល​។ ដោយ​ឡែក​ចាប់​ពី​៥០០០​រៀល​មក មាន​ប្រកដ​ព្រះ​បរម​ឆាយា​លក្ខណ៍ ព្រះ​ករុណា ព្រះ​បាទ​សម្ដេច​ព្រះ​នរោត្ដម សីហនុ​ ផង​។

បើ​តាម​គេហ​ទំព័រ​របស់​ធនាគារ​ជាតិ ធន​បត្រ​គំរូ​នេះ​នៅ​តែ​មាន​សុពល​ភាព​ក្នុង​ការ​ចាយ​វាយ​នៅ​ឡើយ បើ​ទោះ​បី​ជា​មាន​ការ​បោះ​ពុម្ព​ផ្សាយ​គំរូ​ថ្មី​ៗ​ជា​ច្រើន​មក​ហើយ​ក្ដី​៕

ខាង​ក្រោម​នេះ​ជា​ឈុត​ធនបត្រ​ទាំង៧៖

______________________________________________
អាន​ផង​ដែរ​៖
១. គំរូ​ឈុត​ប្រាក់​រៀល​នៃ​សាធារណ​រដ្ឋ​ប្រជាមានិត​កម្ពុជា
២. គំរូ​ឈុត​ប្រាក់​រៀល​នៃ​រដ្ឋ​កម្ពុជា

Repost: រូបភាព​កម្រ៖ ចំណង​សាមគ្គី​ព្រះរាជ​អាណាចក្រ​ខ្មែរ និង​ព្រះរាជ​អាណាចក្រ​លាវ ថ្ងៃសុក្រ 29 ខែមិថុនា 2018

Posted by សុភ័ក្ត្រ in បុគ្គល​សំខាន់, ប្រវត្តិសាស្ត្រ, អតីតភាព, ພາສາລາວ.
add a comment

កកន៖ មួយ​ផ្នែក​នៃប្រកាស​នេះ​បាន​ដាក់​រួច​ម្ដង​ហើយ​កាល​ពី​ថ្ងៃ​ទី​២៣ ខែ​មេសា ឆ្នាំ​២០០៨

23819130111_61471517dc_o
ព្រះចៅនរោត្ដម សីហនុ ព្រះចៅមហាជីវិតខ្មែរស្ដេចបំពេញព្រះរាជទស្សនកិច្ចព្រះរាជអាណាចក្រលាវ កាលពីឆ្នាំ១៩៤៣

រូប​នេះ​ខ្ញុំ​ប្រទះ​ក្នុង​វេបសៃត៍​លាវ​មួយ ដែល​និយាយ​ពី​ប្រវត្តិ​ព្រះមហាក្សត្រិយ៍​លាវ ព្រះបាទ​សម្ដេច​ព្រះចៅ​ស្រីសវាងវង្ស។ លាវ​ប្រើ​ពាក្យ “ ព្រះចៅ” និង​ពាក្យ “ មហាជីវិត” សំដៅ​លើ​ស្ដេច​គ្រង​រាជ្យ។

រូប​នេះ​កាល​គ្រា​ព្រះបាទ​សម្ដេច​ព្រះ​នរោត្ដម សីហនុ វរ្ម័ន ស្ដេច​បំពេញ​ព្រះរាជ​ទស្សនកិច្ច​ នៅ​ព្រះរាជ​អាណាចក្រ​លាវ (លាវ ប្រើ​ពាក្យ ព្រះរាជ​អាណាចក្រ ដូច​ខ្មែរ​ដែរ) នា​រាជធានី​ហ្លួង​ព្រះបាង រូប​ទ្រង់​និង​ព្រះចៅ​មហាជីវិត​លាវ កាល​គ្រា​នោះ គឺ​ព្រះ​ចៅ​ស្រីសវាងវង្ស

ក្នុង​រូប​នេះ​ប្រហែល​ជា​ព្រាហ្ម​បុរោហិត ក្នុង​ព្រះ​រាជ​វាំង​លាវ កំពុង​ចង​បាយសី ថ្វាយ​ដល់​ព្រះ​ចៅ​ផែន​ដី​ខ្មែរ។ ពិធី​ចង​បាយសី​នេះ គឺ​ជា​ពិធី​ស្វាគមន៍ និង​ផ្ដល់​ភាព​ចម្រុង​ចម្រើន​ដល់​ភ្ញៀវ​ទាំង​ហ្លាយ​ដែល​មក​ដល់​ប្រទេស​លាវ។ ពិធី​នេះ​ពេញ​និយម​ណាស់​សម្រាប់​ប្រទេស​លាវ និង​រហូត​មក​ដល់​បច្ចុប្បន្ន៕

_______________________________________________________
អាន​អត្ថបទ
១. ម្ចាស់​ជីវិត​ ស្រីសវាងវង្ស៖ មហាក្ស័ត្រ​អង្គ​ដំបូង​នៃ​ព្រះរាជ​អាណាចក្រ​លាវ
២. រូបភាព​កម្រ៖ ចំណង​សាមគ្គី​ព្រះរាជ​អាណាចក្រ​ខ្មែរ និង​ព្រះរាជ​អាណាចក្រ​លាវ
៣. វត្តមានម្ចាស់ជីវិតលាវ ក្នុងព្រះរាជពិធីបរមរាជាភិសេកហ្លួងមុនីវង្ស
៤. កាលស្ដេចប្រពាសរាជអាណាចក្រលាវ
៥. ខួប​ទី​២០​ឆ្នាំ​នៃ​ព្រះ​រាជ​ទស្សន​កិច្ច​ផ្លូវ​រដ្ឋ​នៅ​សបប​.​លាវ

 

អំពី​កាស​២០​សេន និង​២០០​រៀល ថ្ងៃអាទិត្យ 17 ខែមិថុនា 2018

Posted by សុភ័ក្ត្រ in អតីតភាព, អំពីស្រុកខ្មែរ.
2 comments

ក្រោយ​ពេល​ព្រះ​រាជាណាចក្រ​កម្ពុជា​បាន​បង្កើត​ឡើង​នៅ​ឆ្នាំ​១៩៩៣ ប្រាក់​កាស​ត្រូវ​បាន​ណែនាំ​និង​យក​មក​ប្រើ​ប្រាស់​ឡើង​វិញ បន្ទាប់​ពី​អវត្ត​មាន​អស់​រយៈ​ពេល​ជា​ច្រើន​ឆ្នាំ​។ ប្រាក់​កាស​ដំបូង​នៃ​ព្រះ​រាជាណាចក្រ​កម្ពុជា​កាល​សម័យ​នោះ ត្រូវ​បាន​យក​គំរូ​ទាំង​ស្រុង​ពី​កាស​ដែល​ប្រើ​ប្រាស់​កាល​ពី​សម័យ​កម្ពុជា​ក្រោយ​ឯករាជ្យ គឺ​សម័យព្រះ​រាជ​អាណាចក្រ​កម្ពុជា ឬ​សង្គម​រាស្ត្រ​និយម​។

ដោយ​ឡែក​កាស​ប្រភេទ​២០០​រៀល ត្រូវ​បាន​យក​លំនាំ​ពី​កាស​ប្រភេទ​២០​សេន ដែល​បាន​បោះ​ពុម្ព​ផ្សាយ​នា​ព.ស.​២៤៩៦ គ.ស.​១៩៥៣​។

នៅ​ខាង​មុខ​នៃ​កាស​មាន​រំលេច​នូវ​រូប​ជើង​ពាន​ចំនួន​ពីរ​កំពុង​ទ្រ​រដ្ឋ​ធម្មនុញ្ញ​ដែល​ច្បាប់​កំពូល​នៃ​ព្រះ​នគរ ដូច​គ្នា តែ​ខុស​ត្រង់​នៅ​ពី​ខាង​លើ​នៃ​កាស​២០​សេន មាន​រចនា​អក្សរ​មូល​ខ្មែរ​ថា «​ព្រះ​រាជ​អាណាចក្រ​កម្ពុជា​» ឯ​កាស​២០០​រៀល សរសេរ​ថា «​ព្រះ​រាជាណាចក្រ​កម្ពុជា​»​​។ ចំណែក​ខាង​ក្រោម​វិញ​ មាន​ដាក់​ឆ្នាំ​ចេញ​ផ្សាយ​ សម្រាប់​កាស​២០​សេន ឯ​កាស​២០០​រៀល​វិញ ដាក់​ថា «​ជាតិ សាសនា ព្រះ​មហាក្សត្រ​» ជា​អក្សរ​មូល​។

នៅ​ពី​ខាង​ខ្នង​នៃ​កាស​វិញ មាន​រូប​ផ្កា​អម​ជុំ​វិញ ដោយ​ខុស​ត្រង់​អក្សរ​បារាំង​សែស ដែល​មាន​នៅ​កាស​២០​សេន ត្រូវ​បាន​ដក​ចេញ​ជំនួស​ឲ្យ​ឆ្នាំ​ចេញ​ផ្សាយ​កាស សម្រាប់​កាស​២០០​រៀល​៕

កាស​ប្រភេទ​២០​សេន ខាង​មុខ និង​ខ្នង

កាស​ប្រភេទ​២០​០​រៀល ខាង​មុខ និង​ខ្នង

__________________________________________________________
អាន​ផង​ដែរ​៖
១. អ្នក​ណា​ថា​ខ្មែរ​មិន​ចាយ​កាស

%d bloggers like this: