jump to navigation

ស្ដេច​យាង​ព្រះ​រាជ​ពិធី​បិណ្ឌ​ភ្ជុំ ថ្ងៃពុធ 9 ខែកញ្ញា 2020

Posted by សុភ័ក្ត្រ in បុគ្គល​សំខាន់, អតីតភាព.
add a comment

នេះ​កាល​គ្រា​ព្រះ​ចៅ​ផែន​ដី សម្ដេច​ព្រះ​បរម​រតន​កោដ្ឋ ស្ដេច​យាង​ក្នុង​ព្រះ​រាជ​ពិធី​បិណ្ឌ​ភ្ជុំ នា​ព្រះ​បរម​រាជ​វាំង​ចតុម្មុខ​មង្គល កាល​គ្រា​ប្រមាណ​គ.ស.​១៩៦០។

រូប​ភាព​ពី THAMES

Repost: ទង់​ប្រាសាទ​, ទង់​​ជាតិ​ដំបូង​នៃ​ប្រទេស​កម្ពុជា ថ្ងៃចន្ទ 25 ខែ​ឧសភា 2020

Posted by សុភ័ក្ត្រ in អតីតភាព, អំពីសុភ័ក្ត្រ.
add a comment

នៅ​សម័យ​ដែល​ប្រទេស​កម្ពុជា​ស្ថិត​នៅ​ក្រោម​ការ​គ្រប់​គ្រង​របស់​ប្រទេស​បារាំង​នៅ​ឡើយ គឺ​នៅ​សម័យ​នោះ​ហើយ ដែល​ពិភព​លោក​ទាំង​មូល​ចាប់​ផ្ដើម​បង្កើត​ជា​រដ្ឋ​និង​មាន​ការ​គ្រប់​គ្រង​ជា​ដែន​ច្បាស់​លាស់​។ ជា​ការ​ពិត​ប្រទេស​កម្ពុជា​យើង​ក៏​បាន​ទទួល​វប្បធម៌ និង​អារ្យធម៌​បែប​លោក​ខាង​លិច ឬ​អ្វី​ដែល​ហៅ​ថា​វប្បធម៌​រីក​ចម្រើន​។ នោះ​ម្យ៉ាង​ដោយ​សារ​ការ​ដឹក​នាំ​របស់​ព្រះ​មហា​ក្សត្រិយ៍​ខ្មែរ​យើង​នា​សម័យ​នោះ និង​ម្យ៉ាង​ដោយ​អាណា​និគម​នៃ​រដ្ឋ​បារាំង​សេស​មក​លើ​នគរ​ខ្មែរ​យើង​ផង​។

ទង់​ជាតិ​ខ្មែរ​ (​ប្រហែល​ជា​ទង់​ទី​១​​ហើយ​) ក៏​បាន​បង្កើត​ឡើង ដែល​មាន​សណ្ឋាន​ជា​រូប​ប្រាសាទ ឬ​ហៅ​ម្យ៉ាង​ថា​ទង់​ប្រាសាទ នៅ​ខណៈ​ដែល​នគរ​ខ្មែរ​ស្ថិត​នៅ​ក្រោម​ការ​គ្រប់​គ្រង​របស់​បារាំង​នេះ ពោល​គឺ​ប្រមាណ​គ.ស.​១៨៦៣ រហូត​មកដល់​សម័យ​ក្រោយ​សង្គ្រាម​លោក​លើក​ទី​២ គឺ​​ប្រមាណ​ទសវត្សរ៍​ឆ្នាំ​១៩៤០​។ ទង់​ប្រាសាទ​នេះ ទំនង​ជា​មេ​បែប​នៃ​ទង់​ជាតិ​ប្រទេស​កម្ពុជា​យើង​សម័យ​បច្ចុប្បន្ន​នេះ​ផង​ដែរ​។

ទង់​ប្រាសាទ​ខ្មែរ​ដែល​មាន​ចុះ​ផ្សាយ​នៅ​បរទេស ក្នុង​ប្រមាណ​គ.ស.​១៨៩០

ទង់​ប្រាសាទ​មាន​ព័ណ៌​ខៀវ​ទឹក​ប៊ិច​អម​ជុំ​វិញ​ទាំង​មូល​នៃ​ទង់ ដែល​នៅ​ខាង​ក្នុង​វិញ​មាន​ព័ណ៌​ក្រហម​ឆ្អៅ ហើយ​នៅ​ចំ​កណ្ដាល​នៃ​ទង់​មាន​រចនា​ជា​ប្រាសាទ​ខ្មែរ​យ៉ាង​ស្អាត​ព័ណ៌​ស​។ នៅ​តាម​ឯកសារ​នានា​របស់​ប្រទេស​កម្ពុជា​យើង បាន​បង្ហាញ​ថា ទង់​ប្រាសាទ​នេះ ត្រូវ​បាន​ដាក់​តាំង​ប្រដូច​ទៅ​នឹង​ទង់​ជាតិ​របស់​យើង​នា​ពេល​បច្ចុប្បន្ន​នេះ នៅ​តាម​ទី​សាធារណៈ​នានា​ទូទាំង​ព្រះ​រាជ​អាណាចក្រ រួម​ទាំង​នៅ​ក្នុង​បរិវេណ​នៃ​ព្រះ​បរម​រាជ​វាំង​ចតុម្មុខ​ផង​ដែរ​​​​។

ទង់​ប្រាសាទ​បាន​ធ្វើ​ការ​វិវត្ត​បន្តិច​ម្ដង​ៗ​ទៅ​តាម​កាល​សម័យ​រហូត​មក​ដល់​ទង់​សណ្ឋាន​ប្រាសាទ​នគរ​វត្ត​កំពូល​បី​ដែល​ត្រូវ​បាន​ប្រើ​ប្រាស់​ក្រោយ​ប្រទេស​ខ្មែរ​ទទួល​បាន​ឯក​រាជ្យ​ពេញ​លេញ​ពី​ប្រទេស​បារាំង​សេស និង​ទង់​ជាតិ​បច្ចុប្បន្ន​ដែល​កំពុង​ប្រើ​ប្រាស់​នេះ ទំនង​សុទ្ធ​តែ​មាន​មូល​ដ្ឋាន​មក​ពី​ទង់​ប្រាសាទ​នេះ​ឯង​៕

ទង់​ប្រាសាទ​ (រូប​ក្នុង​រង្វង់​ក្រហម​) បាន​ដាក់​តាំង​លម្អ​ទន្ទឹម​គ្នា​នឹង​ទង់​ជាតិ​បារាំង​សេស​នៅ​ក្នុង​បរិវេណ​ខាង​មុខ​នៃ​មហា​ប្រាសាទ​ទេវាវិនិច្ឆ័យ​នៃ​ព្រះ​បរម​រាជ​វាំង​ចតុម្មុខ​មង្គល​ក្នុង​ឱកាស​ព្រះ​រាជ​ពិធី​គ្រង​រាជ្យ​សម្បត្តិ​នៃ​ព្រះ​ករុណា ព្រះ​សិរីសុវត្ថិ មុនីវង្ស
ទង់​ប្រាសាទ​ (រូប​ក្នុង​រង្វង់​ក្រហម​) បាន​ដាក់​តាំង​លម្អ​ទន្ទឹម​គ្នា​នឹង​ទង់​ជាតិ​បារាំង​សេស​​នៅ​តាម​ដង​វិថី​នានា​ក្នុង​ព្រះ​នគរ កាល​ពី​ពិធី​បុណ្យ​ថ្វាយ​ព្រះ​ភ្លើង​ហ្លួង​រាជានុ​កោដ្ឋ
ទង់​ប្រាសាទ​ (រូប​ក្នុង​រង្វង់​ក្រហម​) នៅ​ក្នុង​ពិធី​នានា​នៃ​ព្រះ​នគរក្រុម​កីឡា​បាល់​ទាត់​កម្ពុជា កាន់​ទង់​ប្រាសាទ (​រូប​ប្រមាណ​គ.ស.​១៩៣០)

វិវត្តន៍​នៃ​ទង់​ប្រសាទ​ខ្មែរ ដែល​ឃើញ​មាន​ចុះ​ផ្សាយ​នៅ​បរទេស
វិវត្តន៍​នៃ​ទង់​ប្រសាទ​ខ្មែរ ដែល​ឃើញ​មាន​ចុះ​ផ្សាយ​នៅ​បរទេស
វិវត្តន៍​នៃ​ទង់​ប្រសាទ​ខ្មែរ ដែល​ឃើញ​មាន​ចុះ​ផ្សាយ​នៅ​បរទេស

________________________________________________
អាន​ផង​ដែរ ៖
១. អំពី​ទង់​មហារាជ

៦០​ឆ្នាំ​នៃ​ដំណើរ​ទស្សនកិច្ច​ប្រវត្តិ​សាស្ត្រ​លើក​ទី​២ របស់​​ឯក​ឧត្ដម ជូ អេនឡាយ នៅ​កម្ពុជា ថ្ងៃ​ព្រហស្បតិ៍ 7 ខែ​ឧសភា 2020

Posted by សុភ័ក្ត្រ in បុគ្គល​សំខាន់, ប្រវត្តិសាស្ត្រ, វីដេអូ, អតីតភាព, 中文.
2 comments

gettyimages-545698797-2048x2048

ខែ​ឧសភា ឆ្នាំ​២០២០ នេះ មាន​រយៈ​ពេល​៦០​ឆ្នាំ​គត់ នៃ​ដំណើរ​​ទស្សនកិច្ច​ផ្លូវ​ការ​លើក​ទី​២ ជា​ប្រវត្តិ​សាស្ត្រ​​របស់​​ឯក​ឧត្ដម ជូ អេនឡាយ នៅ​លើ​ទឹក​ដី​នៃ​ព្រះ​រាជ​អាណាចក្រ​កម្ពុជា​។ ដំណើរ​ទស្សន​កិច្ច​ដែល​ប្រកប​ដោយ​ភាតរភាព សមភាព និង​សាមគ្គី​ភាព រវាង​មេ​ដឹក​នាំ​នៃ​ប្រទេស​ទាំង​ពីរ​។

ថ្ងៃ​​ព្រហស្បតិ៍ ទី​៥ ខែ​ឧសភា ឆ្នាំ​១៩៦០ យន្តហោះ​ពិសេស​​ដឹក​នាំ​ក្បួន​គណៈ​ប្រតិភូ​នៃ​សាធារណ​រដ្ឋ​ចិន​ប្រជាមានិត មាន​ឯក​ឧត្តម​នាយក​រដ្ឋមន្ត្រី ជូ អេនឡាយ ជា​ប្រមុខ​បាន​មក​ដល់​ចំណត​អាកាស​យានដ្ឋាន​អន្តរជាតិ​ពោធិចិនតុង ក្រុង​ភ្នំពេញ​។ សម្ដេច​ព្រះ​ប្រមុខ​រដ្ឋ ព្រះ​ករុណា ព្រះ​បរម​រតន​កោដ្ឋ ព្រម​ទាំង​ឥស្សរជន​​ជាន់​ខ្ពស់​ជាតិ​-​អន្តរជាតិ​បាន​យាង និង​អញ្ជើញ​មក​ទទួល​ធ្វើ់​បដិសណ្ឋារកិច្ច​​ភ្ញៀវ​ជាតិ​កម្ពុជា​ដោយ​ផ្ទាល់​នៅ​ឯ​ចំណត​អាកាស​យាន​ដ្ឋាន​។

ក្រៅ​អំពី​ដំណើរ​ទស្សនកិច្ច​ចម្រើន​មេត្រី​ភាព​រវាង​ប្រទេស​យើង​ទាំង​ពីរ ដំណើរ​ទស្សនកិច្ច​របស់​លោកនាយករដ្ឋមន្ត្រី​ជូ អេនឡាយ កាល​ពី​៦០​ឆ្នាំ​មុន​នេះ ក៏​ធ្វើ​ឡើង​ក្នុង​បំណង​មក​គោរព​ព្រះ​បរម​សព នៃ​ព្រះ​ករុណា ព្រះ​មហា​កាញ្ចនកោដ្ឋ ដែល​ព្រះ​អង្គ​ទើប​សោយ​ព្រះ​ទិវង្គត កាល​ពី​ខែ​​មេសា កន្លង​មក​​ផង​ដែរ​។ ក្រោយ​ពេល​មក​ដល់​ទី​ស្នាក់​អាស្រ័យ​ក្នុង​អំឡុង​ពេល​ទស្សន​កិច្ច​នៅ​កម្ពុជា​ភ្លាម ឯ.ឧ.​ជូ អេនឡាយ បាន​ចូល​គាល់​សម្ដេច​ព្រះ​មហា​ក្សត្រិយានី និង​នាំ​គណៈ​ប្រតិភូ​របស់​លោក​ចូល​គោរព​ព្រះ​បរម​សព​ព្រះ​ករុណា ព្រះ​មហា​កាញ្ចនកោដ្ឋ នា​ព្រះ​មហា​មន្ទីរ​ ឯ​ព្រះ​បរម​រាជ​វាំង​ភ្លាម​ផង​ដែរ​។ ឯ.ឧ.​ជូ អេនឡាយ ធ្លាប់​បាន​ចូល​គាល់​ព្រះ​ករុណា ព្រះ​មហា​កាញ្ចនកោដ្ឋ កាល​ពី​ដំណើរ​ទស្សនកិច្ច​លើក​ទី​១ របស់​លោក​នៅ​កម្ពុជា​ផង​ដែរ​។

នៅ​ក្នុង​ដំណើរ​ទស្សនកិច្ច​ផ្លូវ​ការ​នា​ពេល​នោះ ឯក​ឧត្តម​នាយក​រដ្ឋមន្ត្រី ជូ អេនឡាយ អម​ដោយ​សម្ដេច​ព្រះ​ប្រមុខ​រដ្ឋ​បាន​ចូល​រួម​ក្នុង​ពិធី​សម្ពោធ​សមិទ្ធផល​ផ្លូវ​ការ​នានា​របស់​កម្ពុជា​ក្រោម​ជំនួយ​នៃ​ប្រទេស​ចិន​ប្រជាមានិត មាន​ដូច​ជា​ស្ថានីយ​ទូរទស្សន៍ និង​រោងចក្រ​តម្បាញ​ជា​ដើម​ ក្រៅ​ពី​នោះ ក៏​នៅ​បាន​ចុះ​ហត្ថលេខា​លើ​សេចក្ដីថ្លែងការណ៍​រួម​រវាង​ប្រទេស​ទាំង​ពីរ​ផង​ដែរ​។

ឯក​ឧត្តម​នាយក​រដ្ឋមន្ត្រី ជូ អេនឡាយ គឺ​ជា​មិត្រ​ភ័ក្តិ​ដ៏​ស្មោះ​ស្ម័គ្រ​បំផុត​របស់​ព្រះ​ករុណា ព្រះ​បរម​រតន​កោដ្ឋ និង​របស់​កម្ពុជា​ទាំង​មូល​។ ដំណើរ​ទស្សន​កិច្ច​របស់​លោក​នៅ​កម្ពុជា​នា​ពេល​នោះ បាន​រឹង​រឹត​ចំណង​សាមគ្គីភាព​រវាង​ប្រទេស​ទាំង​ពីរ ឲ្យ​កាន់​តែ​មាន​ភាព​ស្រស់​ថ្លា និង​ផ្លែ​ផ្កា​រហូត​មក​ដល់​គ្រា​បច្ចុប្បន្ន​៕

______________________________________________________________
អាន​ផង​ដែរ ៖

១. សេចក្ដី​ថ្លែង​ការណ៍​រួម ចិន​-​កម្ពុជា ៨ ឧសភា ១៩៦០
២. A Personal Reflection on Norodom Sihanouk and Zhou Enlai: An Extraordinary Friendship on the Fringes of the Cold War

ឈុត​តែមប្រិ៍​អនុស្សាវរីយ៍​ព្រះ​បាទ​មុនីវង្ស ថ្ងៃសុក្រ 24 ខែ​មេសា 2020

Posted by សុភ័ក្ត្រ in អតីតភាព.
1 comment so far

ខាង​ក្រោម​នេះ​ជា​គំរូ​ឈុត​តែមប្រិ៍​ប្រៃសណីយ៍​អនុស្សាវរីយ៍​នៃ​ព្រះ​ករុណា ព្រះ​បាទ​សម្ដេច​ព្រះ​សិរីសុវត្ថិ មុនីវង្ស ព្រះ​បរម​ខត្តិយ​កោដ្ឋ​ ចំនួន​១១​ប្រភេទ​។

ឈុត​តែមប្រិ៍​ប្រៃសណីយ៍​នេះ​ត្រូវ​បាន​បោះ​ឡើង​ក្នុង​រជ្ជកាល​នៃ​ព្រះ​អង្គ ពោល​គឺ​កាល​គ្រា​ព្រះ​នគរ​កម្ពុជា​យើង​ស្ថិត​នៅ​ក្រោម​ការ​ទំនុក​បម្រុង​ពី​បារាំង​សែស​នៅ​ឡើយ​ ដោយ​បាន​ដាក់​ចេញ​ឲ្យ​ប្រើ​ប្រាស់​កាល​ពី​ថ្ងៃ​ទី​២០ ខែ​វិច្ឆិកា ឆ្នាំ​១៩៣៦ ប្រមាណ​​១០​ឆ្នាំ​ក្រោយ​ ស្ដេច​ឡើង​គ្រង​រាជ្យ​សម្បត្តិ​។

french-indo-china-1936-complete_1_dbf9ff5688502a322c86eda58fd521fe

តែមប្រិ៍​​ទាំង​១១​នោះ មាន​ប្រាកដ​ព្រះ​បរម​ឆាយា​លក្ខណ៍​នៃ​ព្រះ​ករុណា ព្រះ​មុនីវង្ស ចំ​កណ្ដាល​ដូច​គ្នា ដោយ​ខុស​ពណ៌​គ្នា​ប៉ុណ្ណោះ សម្គាល់​តម្លៃ​ខុស​គ្នា​ ដោយ​​មាន​ចាប់​ពី​ ១​សេន​, ២​​សេន​, ៤​​សេន, ៥​​សេន​, ១០​​​សេន​, ១៥​​សេន​, ២០​​សេន​, ៣០​​សេន, ៥០​​សេន,​ ១​រៀល និង​២​រៀល​។

_______________________________________________________
អាន​ផង​ដែរ
១. តែមប្រិ៍​រជ្ជកាល​ហ្លួង នរោត្ដម

Repost : សម្លៀក​បំពាក់​ឯក​សណ្ឋាន​មន្ត្រី​ខ្មែរ​នា​សម័យ​ដើម ថ្ងៃអង្គារ 13 ខែសីហា 2019

Posted by សុភ័ក្ត្រ in អតីតភាព, អំពីស្រុកខ្មែរ.
add a comment

នៅកាលដែលគ្រានគរខ្មែរមានប្រពៃណីឯកលក្ខណៈប្រចាំជាតិខ្លួននោះ សម័យដើមម៉ិញ ទាំងព្រះមហាក្សត្រិយ៍ ទាំងមន្ត្រីខ្ញុំរាជការតូចធំ តែងគ្រងសម្លៀកបំពាក់ ព្រមទាំងឯកសណ្ឋានពេញយសយ៉ាងស័ក្ដិសមពេលមានព្រះរាជពិធីនីមួយៗទាំងនៅក្នុងព្រះនគរ ក៏ដូចជាចេញក្រៅព្រះនគរ។

ការគ្រងឯកសណ្ឋានប្រចាំជាតិរបស់មន្ត្រីខ្មែរនាសម័យកាលណុះ វាមិនត្រឹមតែបង្ហាញអំពីអត្តសញ្ញាណជាតិដ៏រុងរឿងមួយទេ តែវាក៏បានបង្ហាញអំពីភាពប្រណីត និងស្នាដៃសិល្បៈតុបតែងខ្លួនរបស់ជាតិខ្មែរនាសម័យនោះផងដែរ។ ប្រសិនបើយើងសង្កេតមើលពីអតីត បើទោះបីជានគរខ្មែរស្ថិតនៅក្រោមអាណាព្យាបាលបារាំងសែសក៏ដោយចុះ ការរចនាឯកសណ្ឋានសម្រាប់មន្ត្រីខ្មែរ ត្រូវបានធ្វើឡើងយ៉ាងមានសោភណ្ឌ បូកបញ្ចូលការពាក់ស្បែកជើងប៊ូ ជាមួយនឹងស្រោមជើងខ្មៅ ឬសតាមបែបបារាំងផងដែរ។ ក្រៅពីនោះ គឺមានឯកលក្ខណៈជាខ្មែរទាំងអស់។

ការគ្រងសម្លៀកបំពាក់ឯកសណ្ឋានរបស់មន្ត្រីខ្មែរទាំងនោះ ត្រូវបានឃើញអនុវត្តតមកជាហូរហែរហូតមកដល់សម័យសង្គមរាស្ត្រនិយមនៃព្រះករុណា ព្រះបរមរតនកោដ្ឋ។ (អានប្រកាស៖ ឯកសណ្ឋានពេញយសនៃមន្ត្រីខ្មែរសម័យសង្គមរាស្ត្រនិយម) ព្រះករុណា ព្រះបរមរតនកោដ្ឋព្រះអង្គផ្ទាល់ តែងតែគ្រងឯកសណ្ឋានរាជបវេណីជាដរាប ទាំងនៅក្នុងប្រទេស ទាំងពេលព្រះអង្គយាងបំពេញព្រះរាជកិច្ចឯនគរក្រៅ។ ចំណែកឯមន្ត្រីនានាវិញ សុទ្ធតែមានសម្លៀកបំពាក់ឯកសណ្ឋានខ្មែរទៅតាមបែបបទ និងបែបផែនផ្សេងៗ ជាពិសេសនៅពេលចូលគាល់ព្រះចៅផែនដី។ ទាំងនោះ គឺជាទំនៀមដែលគួរឲ្យកោតសរសើរចំពោះបដិបត្តិនាសម័យដើម៕

មន្ត្រីខ្មែរក្នុងសម្លៀកបំពាក់ឯកសណ្ឋានពេលដង្ហែព្រះរាជានុកោដ្ឋទៅកាន់ប្រទេសបារាំង កាលពីគ.ស.១៩០៦ព្រះករុណា ព្រះបរមរតនកោដ្ឋកាលទ្រង់យាងបំពេញនគរបារាំងសែសមន្ត្រីខ្មែរ (រូបស្ដាំបង្អស់) ក្នុងឯកសណ្ឋានពេញយសពេលនាំភ្ញៀវចូលគាល់សម្ដេចព្រះមហាក្សត្រិយានី នាសម័យសង្គមរាស្ត្រនិយមសម្លៀកបំពាក់ឯកសណ្ឋានមន្ត្រីខ្មែរក្នុងព្រះរាជពិធីរាជាភិសេកព្រះករុណា ព្រះមហាកាញ្ចនកោដ្ឋ កាលគ្រាទសវត្សរ៍១៩៦០
ឯកសណ្ឋានមន្ត្រីទូត (ស្ដាំ) ខ្មែរនាសម័យសង្គមរាស្ត្រនិយម

_____________________________________________
អានផងដែរ៖
១. ការស្លៀកពាក់របស់លោកនាយករដ្ឋមន្ត្រីនៅលើឆាកអន្តរជាតិ
២. ឯកសណ្ឋានពេញយសនៃមន្ត្រីខ្មែរសម័យសង្គមរាស្ត្រនិយម
៣. ការស្លៀកឈុតខ្មែរក្នុងពិធីផ្លូវរដ្ឋនារជ្ជកាលហ្លួងបរមរតនកោដ្ឋ

មួយ​សត​វត្សរ៍​នៃ​ព្រះ​មហា​ប្រាសាទ​ទេវា​វិនិច្ឆ័យ ថ្ងៃអាទិត្យ 16 ខែមិថុនា 2019

Posted by សុភ័ក្ត្រ in ប្រវត្តិសាស្ត្រ, អតីតភាព.
2 comments

កាល​ពី​១០០​ឆ្នាំ​មុន​នេះ ព្រះ​នគរ​កម្ពុជា មាន​ប្រារព្ធ​ព្រះ​រាជ​ពិធី​ប្រវត្តិ​សាស្ត្រ​ដ៏​ឧត្ដុង្គ​ឧត្ដម​មួយ ក្រោម​ព្រះ​រាជាធិបតី​នៃ​ព្រះ​ករុណា ជា​អម្ចាស់​ព្រះ​សិរីសុវត្ថិ ព្រះ​បរម​រាជានុកោដ្ឋ​ ឆ្នាំ​២០១៩ នេះ គឺ​ជា​ឆ្នាំ​ខួប​ទី​១០០ ពោល​គឺ​មួយ​​មួយ​សតវត្សរ៍​នៃ​ការ​សម្ពោធ​ព្រះ​ទីន័ង​ទេវា​វិនិច្ឆ័យ នៃ​ព្រះ​បរម​រាជ​វាំង​ចតុម្មុខ​មង្គល ភ្នំពេញ​ ដែល​យើង​ឃើញ​សព្វ​ថ្ងៃ​នេះ​។

តាម​​ប្រភព (​មិន​ផ្លូវ​ការ​) មួយ​ចំនួន​បាន​សរសេរ​ថា ​ប្រាសាទ​ទេវា​វិនិច្ឆ័យ​បច្ចុប្បន្ន​នេះ ត្រូវ​បាន​សាង​សង់​ឡើង​លើ​ទី​តាំង​ប្រាសាទ​ចាស់ ដែល​ត្រូវ​បាន​រុះ​រើ​កាល​ពី​ឆ្នាំ​១៩១៥ និង​ត្រូវ​បាន​សាង​សង់​ឡើង​កាល​ពី​ឆ្នាំ​១៩១៧ រហូត​មក​ដល់​ឆ្នាំ​១៩១៩ ទើប​មាន​ចាត់​ព្រះ​រាជ​ពិធី​សម្ពោធ​មហា​ប្រាសាទ​នេះ​ឡើង​ នៅថ្ងៃ​ទី​១៦ ខែ​មិថុនា ឆ្នាំ​១៩១៩​។

ប្រភព​ឯកសារ​ផ្សេង​ទៀត​បាន​ឲ្យ​ដឹង​ថា ការ​សាង​សង់​ប្រាសាទ​នេះ​ត្រូវ​បាន​​មើល​ការ​ខុស​ត្រូវ​ដោយ​លោក កាហ្សេន អា វេ ដែល​ជា​ប្រធាន​វិស្វករ​បារាំង​សែស​ និង​វិស្វករ​ខ្មែរ ទេសរាជ (កកន ៖ ចម្លង​មក​ពី​ភាសា​បារាំង​សែស ជា TESSARECH)​ និង​ក្រោម​កិច្ច​អភិបាល​ពី​ព្រះ​ករុណា ជា​អម្ចាស់ ព្រះ​សិរីសុវត្ថិ លោក​រ៉ូម៉េ អគ្គ​ទេសាភិបាល​ប្រចាំ​ឥណ្ឌូចិន និង​លោក ប៊ូឌុង ដែល​ជា​រ៉េស៊ីតង់​ប្រចាំ​ប្រទេស​ខ្មែរ​ផង​។

មហា​ប្រាសាទ​ទេវា​វិនិច្ឆ័យ​​នេះ មាន​បណ្តោយ ប្រមាណ​៦០ម៉ែត្រ និង​ទទឹង​៣០​ម៉ែត្រ​ និងមានកំពូលស្រួចកម្ពស់​៥៩​ម៉ែត្រ​ ដោយ​មាន​រចនា​ជា​រូប​ព្រះ​ភក្ត្រ​ព្រហ្ម​មុខ​៤ បែរ​ទៅ​រក​ទិស​ធំ​ទាំង​៤​​ផង​​​។ តាំង​ពី​អតីត​រៀង​មក ប្រាសាទ​ទេវា​វិនិច្ឆ័យ​ ត្រូវ​បាន​យក​ធ្វើ​​ជាព្រះទីន័ង សម្រាប់ ព្រះ​រាជ​ពិធី​សំខាន់​ៗ​មួយ​ចំនួន​នៃ​ព្រះ​នគរ មាន​ដូច​ជា ៖

  • ព្រះ​រាជ​ពិធី​បរម​រាជាភិសេក
  • ព្រះរាជពិធីបុណ្យទ្វារទសមាស
  • ព្រះរាជសាវនាការថ្វាយសារតាំង
  • ពិធីសច្ចាប្រណិធាន
  • ផ្ដល់​ព្រះ​រាជទាន​ចូល​ក្រាប​បង្គំ​គាល់​នៃ​ឥស្សរជន​ជាតិ និង​
  • ព្រះរាជបដិសណ្ឋារកិច្ច ចំពោះភ្ញៀវជាន់ខ្ពស់អន្តរជាតិ ជា​ដើម

នៅ​ក្នុងប្រាសាទទេវាវិនិច្ឆ័យ​នេះ​ ចែកចេញជា មណ្ឌល​សំខាន់​ៗ​ជា​ច្រើន​ផ្សេង​ទៀត មាន​ដូច​ជា ៖ ព្រះទីន័ង​ព្រះ​មហា​ស្វេតឆ័ត្រ ហោរាជបណ្ឌិត ហោព្រះអដ្ឋិ​ ព្រះទីន័ង​ទក្សិណ ព្រះទីន័ងបុស្បុក ព្រះទីន័ងមហាមន្ទីរ ព្រះទីន័ង​នារីរ័ត្នសោភា ព្រះទីន័ងចក្រពត្តិ និងព្រះទីន័ងព្រះស្ងោយ​៕

a05417bFEF34230-CD38-43CE-B6E2-D96D9AC2A513Throne_Hall,_Royal_Palace,_Phnom_Penh,_Cambodia

ភ្នំពេញ ថ្ងៃអាទិត្យ 26 ខែ​ឧសភា 2019

Posted by សុភ័ក្ត្រ in សង្គម​រាស្ត្រ​និយម, អតីតភាព.
add a comment

300909ima89

ស្រង់ចេញពីកម្រងអនុស្សាវរីយ៍ដោយរូបភាពនៃកម្ពុជា សង្គមរាស្ត្រនិយម

%d bloggers like this: