jump to navigation

ឯកសារ​ប្រវត្តិ​សាស្ត្រ ៖ ក្រសួងការបរទេសកម្ពុជា ចេញសេចក្ដីថ្លៃងការណ៍ច្រានចោល ការចោទប្រកាន់របស់ក្រសួងរតនាគារសហរដ្ឋអាមេរិក មកលើឯកឧត្ដម នាយឧត្តមសេនីយ៍ ហ៊ីង ប៊ុនហៀង ថ្ងៃពុធ 13 ខែមិថុនា 2018

Posted by សុភ័ក្ត្រ in នយោបាយ, ប្រវត្តិសាស្ត្រ, អំពីស្រុកខ្មែរ.
1 comment so far

________________________________________________________
អាន​ផង​ដែរ​៖
១. ឯកសារ​ប្រវត្តិ​សាស្ត្រ ៖ Treasury Sanctions Two Individuals and Five Entities Under Global Magnitsky

Advertisements

ភាព​ពិត​នៃ​ចំណុច​នៅ​សេស​សល់​​រវាង​ខ្សែ​ព្រំ​ដែន​ឡាវ-កម្ពុជា ថ្ងៃ​ព្រហស្បតិ៍ 31 ខែ​ឧសភា 2018

Posted by សុភ័ក្ត្រ in អំពីស្រុកខ្មែរ, ພາສາລາວ.
2 comments

វិទ្យាស្ថាន​វិទ្យាសាស្ត្រ​សង្គម​នៃ​សាធារណ​រដ្ឋ​ប្រជាធិបតេយ្យ​ប្រជាមានិត​លាវ (​សបប. លាវ) កាល​ពី​ពេល​ថ្មី​ៗ​នេះ​បាន​បោះ​ពុម្ព​ចេញ​​ផ្សាយ​ជា​សាធារណៈ​នូវ​សៀវភៅ​មួយ​ក្បាល​ជា​បី​ភាសា​ (​លាវ​, ខ្មែរ, អង់គ្លេស​) ដែល​មាន​ចំណង​ជើង​ថា ភាព​ពិត​នៃ​ចំណុច​នៅ​សេស​សល់​​រវាង​ខ្សែ​ព្រំ​ដែន​ឡាវ-កម្ពុជា (​លាវ​៖ ຄວາມເປັນຈິງກ່ຽວກັບຈຸດຄົງຄ້າງເສັັ້ນຊາຍແດນ ລາວ-ກຳປູເຈຍ)​។

សម្រាប់​លោក​អ្នក​ដែល​ចាប់​អារម្មណ៍ និង​ចង់​អាន លោក​អ្នក​អាច​ចុច​នៅ​ទី​នេះ ដើម្បី​ដោនឡូដ និង​យក​អាន​បាន​៕

__________________________________________________________
អាន​ផង​ដែរ​៖
១. ឬ​ថា​ទំនាក់​ទំនង​កម្ពុជា​-​លាវ​ឈាន​ដល់​ទី​បញ្ចប់
២. កម្ពុជា​លាវ ប្រក្រតី​ភាព​​ឡើង​វិញ

Repost: លក់​ស្រូវ​ជូន​រដ្ឋ គឺ​ស្នេហា​ជាតិ ថ្ងៃអង្គារ 22 ខែ​ឧសភា 2018

Posted by សុភ័ក្ត្រ in ប្រវត្តិសាស្ត្រ, អំពីស្រុកខ្មែរ.
1 comment so far

ប្រសិន​បើ​អ្នក​ធំ​ដឹង​ក្ដី​នៅ​សម័យ​ថ្ងៃ​មួយ​ដែល​ប្រទេស​ខ្មែរ​ស្ថិត​នៅ​ក្រោម​របប​កុម្មុយនីស្ត​ប្រកាន់​សូវៀត​និយម ឬ​របប​សាធារណ​រដ្ឋ​ប្រមានិត​កម្ពុជា នោះ លោក​អ្នក​ច្បាស់​ជា​បាន​ដឹង បាន​ឮ​នូវ​សំនួន​បដិវត្តន៍​មួយ​ក្នុង​ចំនួន​ពាក្យ​ស្លោក​ជា​ច្រើន​ផ្សេង​ទៀត នោះ​គឺ «លក់​ស្រូវ​ជូន​រដ្ឋ គឺ​ស្នេហា​ជាតិ»​។

ទ្រឹស្ដី​កុម្មុយនីស្ត​មួយ​នេះ ខ្ញុំ​មិន​ដឹង​មាន​ឫស​គល់​អ្វី​ឲ្យ​ប្រាកដ​ពិត ពី​ទំនាក់​ទំនង​នៃ «​ស្រូវ» ជាមួយ​នឹង​ការ​ «ស្នេហា​ជាតិ» ​នោះ​ទេ ដ្បិត​កាល​ណោះ​ខ្ញុំ​នៅ​ក្មេង​ពេក​។ ក៏​ប៉ុន្តែ​បើ​គិត​លេង​ៗ សម័យ​កាល​នោះ​ដែល​កម្ពុជា​ស្ថិត​ក្នុង​សេដ្ឋកិច្ច​បែប​ក្រុម​សាមគ្គី គឺ​ការ​រួម​គ្នា​ធ្វើ​ស្រែ ដែល​ជា​ផែន​ការ​របស់​រដ្ឋ ក្នុង​គោល​បំណង​ផលិត​ដើម្បី​ផ្គត់​ផ្គង់​រដ្ឋ និង​ប្រជាជន​ខ្លួន​ឯង​។ កម្ពុជា​កាល​ណោះ​ត្រូវ​ពឹង​ពាក់​ទាំង​ស្រុង​ពី​លោក​កុម្មុយនីស្ត​ដែល​មាន​សូវៀត​ជា​មេ​ក្លោង​។

ម្យ៉ាង​វិញ​ទៀត​គោល​នយោបាល​នេះ​ក៏​ប្រហែល​ជា​មាន​ន័យ​ផង​ដែរ​មិន​ឲ្យ​ប្រជាជន​លួច​លក់​ផលិត​ផល​ស្រូវ​ទាំង​នេះ​ទៅ​ឲ្យ​ភាគី​ខ្មែរ​ដទៃ​ទៀត​ដែល​រស់​តែ​មួយ​ផ្នែក​តូច​នៅ​តាម​បណ្ដោយ​ព្រំ​ដែន​ខ្មែរ​ថៃ ពោល​គឺ​ពួក​គេ​ (ក្រុម​ខ្មែរ​ទាំង​នោះ​) មិន​មាន​ទី​ដី ដែល​អាច​បង្ក​បង្កើន​ផល​ដំណាំ​ស្រូវ​បាន​ឡើយ​ ដ្បិត​ទី​តាំង​ទាំង​នោះ​ភាគ​ច្រើន​ជា​តំបន់​ព្រៃ និង​ភ្នំ​៕

____________________________________________________________
អាន​ផង​ដែរ​
១. ប្ដេជ្ញា​អនុវត្ត​បី​មិន​មួយ​រាយការណ៍

ថ្ងៃ​ទី​២​នៃ​ព្រះ​រាជ​ទស្សនកិច្ច​នៃ​ព្រះ​ចៅ​អធិរាជ​ប្រទេស​អេត្យូពី នៅ​ប្រទេស​កម្ពុជា ថ្ងៃសៅរ៍ 5 ខែ​ឧសភា 2018

Posted by សុភ័ក្ត្រ in បុគ្គល​សំខាន់, ប្រវត្តិសាស្ត្រ, សង្គម​រាស្ត្រ​និយម, អំពីស្រុកខ្មែរ.
4 comments

ថ្ងៃ​អាទិត្យ ទី​៥ ខែ​ឧសភា ឆ្នាំ​១៩៦៨ ដែល​ជា​ថ្ងៃ​ទី​២ នៃ​ព្រះ​រាជ​ទស្សនកិច្ច​ផ្លូវ​រដ្ឋ​នៅ​ប្រទេស​កម្ពុជា​នៃ​​​ព្រះ​ចៅ​អធិរាជ​ហៃឡេ-សេឡាស៊ីយ៉េ នៃ​អតីត​ចក្រភព​អេត្យូពី​​នោះ មាន​ព្រឹត្តិការណ៍​ប្រវត្តិ​សាស្ត្រ​ជា​ច្រើន​ដែល​រាជ​​គណៈ​ប្រតិភូ​បាន​បំពេញ​នៅ​ក្នុង​ទឹក​ដី​នៃ​ព្រះ​រាជអាណាចក្រ​កម្ពុជា ក្រោម​របប​សង្គម​នៃ​អង្គ​សម្ដេច​ព្រះ​ប្រមុខ​រដ្ឋ​។

  • នៅ​មន្ទីរ​ពិព័រណ៍​អចិន្ត្រៃយ៍​នៃ​សមិទ្ធិ​សង្គម​រាស្ត្រ​និយម

សម្ដេច​ព្រះ​ប្រមុខ​រដ្ឋ បាន​រួម​ដំណើរ​ជាមួយ​​​​ព្រះ​ចៅ​អធិរាជ​ហៃឡេ-សេឡាស៊ីយ៉េ និង​រាជ​គណៈ​ប្រតិភូ​ ធ្វើ​ការ​ទត និង​ទស្សនា​​នៅ​មន្ទីរ​ពិព័រណ៍​អចិន្ត្រៃយ៍​នៃ​សមិទ្ធិ​សង្គម​រាស្ត្រ​និយម​។ សមិទ្ធផល​នានា​នៃ​របប​សង្គម ដែល​ជា​ស្នាដៃ​នៃ​រដ្ឋាភិបាល​សង្គម​រួម​ជាមួយ​ប្រជា​ពល​រដ្ឋ​បាន​នាំ​គ្នា​កសាង​យ៉ាង​សម្បូរ​បែប ស័ក្ដិសម​ជា​ប្រទេស​ឯករាជ្យ​ត្រូវ​បាន​ដាក់​តាំង​បង្ហាញ​ជូន​ភ្ញៀវ​រដ្ឋ​ទស្សនា ប្រកប​ដោយ​ភាព​មោទន​នៃ​ប្រជាជាតិ​ខ្មែរ​នា​សម័យ​នោះ​​។

  • ការ​សម្ដែង​សិល្បៈ​នៅ​មុខ​ព្រះ​ទីន័ង​ចន្ទច្ឆាយា

ដើម្បី​ថ្វាយ​ជា​ព្រះ​រាជ​កិត្តិយស​នៃ​ដំណើរ​ទស្សនកិច្ច សម្ដេច​ព្រះ​ប្រមុខ​រដ្ឋ​ស្ដេច​បាន​ចាត់​ឲ្យ​មាន​ការ​សម្ដែង​សិល្បៈ​ជា​ប្រវត្តិសាស្ត្រ​មួយ​នៅ​ខាង​មុខ​ប្រាសាទ​ចន្ទច្ឆាយា នា​ព្រះ​រាជ​ធានី​ភ្នំពេញ​។ ការ​សម្ដែង​មាន​ភាព​យ៉ាង​អស្ចារ្យ​ក្រៃលែង ដោយ​មាន​ជា​ការ​ហែ​ក្បួន​ទ័ព​នានា អំពី​អតីត​មហា​នគរ​ខ្មែរ​ផង​។

  • មហា​បាតុកម្ម​ប្រជា​ពល​រដ្ឋ​ថ្វាយ​ជា​ព្រះ​កិត្តិយស​ចំពោះ​ព្រះ​ចៅ​អធិរាជ​អេត្យូពី

នៅ​ឯ​ពហុ​កីឡដ្ឋាន​ជាតិ​អូឡាំពិក នា​ទី​ក្រុង​ភ្នំពេញ មហា​បាតុកម្ម​ប្រជាជន​ខ្មែរ​ដ៏​ធំ​មួយ​ត្រូវ​បាន​រៀប​ចាត់​ឡើង​ដើម្បី​ទទួល​ស្វាគមន៍ និង​ជូន​ជា​កិត្តិយស​ចំពោះ​ព្រះ​ចៅ​អធិរាជ ដែល​ជា​ភ្ញៀវ​រដ្ឋ​ដ៏​សំខាន់​របស់​កម្ពុជា​។

ប្រជាជន​ខ្មែរ​ជា​ច្រើន​ម៉ឺន​នាក់​បាន​នាំ​គ្នា​អង្គុយ​តម្រៀប​ជា​តួ​អក្ស​រ​នានា ដើម្បី​ស្វាគមន៍​ភ្ញៀវ និង​ការ​សម្ដែង​សិល្បៈ​ជា​ច្រើន​ទម្រង់ នៅ​ខាង​ក្នុង​បរិវេណ​នៃ​ទី​លាន​កីឡា​បាល់​ទាត់​របស់​ពហុ​កីឡដ្ឋាន​ផង​ដែរ​ អម​ដោយ​សំឡេង​ទះ​ដៃ​សាទរ​យ៉ាង​កង​រំពង​ទូទាំង​ពហុ​កីឡដ្ឋាន ក្នុង​ទិដ្ឋភាព​គួរ​ឲ្យ​រំភើប និង​ចង់​គយ​គន់​យ៉ាង​ខ្លាំង​។

បន្ទាប់​ពី​សន្ទរកថា​ស្វាគមន៍ និង​កិច្ច​សំណេះ​សំណាល​របស់​​ព្រះ​ចៅ​អធិរាជ និង​​មុន​ពេល​បញ្ចប់​​កម្ម​វិធី ព្រះ​អធិរាជ​អេត្យូពី រួម​និង​សម្ដេច​ព្រះ​ប្រមុខ​រដ្ឋ បាន​យាង​​ជិះ​លើ​ព្រះ​ទីន័ង​រថយន្ត​បើក​ដំបូល​ ជុំ​វិញ​ទី​លាន​បាល់​ទាត់​ដើម្បី​ឲ្យ​អ្នក​ចូល​រួម​ទាំង​អស់​បាន​ឃើញ​យ៉ាង​ជិត​​នូវ​ព្រះ​អគ្គ​មគ្គុទេសក៍​របស់​ពួក​គេ ក៏​ដូច​ជា​ភ្ញៀវ​រដ្ឋ​នៃ​កម្ពុជា ព្រះ​ចៅ​អធិរាជ​ហៃឡេ-សេឡាស៊ីយ៉េ​​ផង​ដែរ​​។

ការ​សម្ដែង​ និង​មហា​បាតុកម្ម​របស់​ប្រជាពល​រដ្ឋ​ខ្មែរ​នា​ពេល​នោះ បាន​សម្ដែង​ឲ្យ​ឃើញ​ពី​ភាព​រីក​ចម្រើន​របស់​ប្រទេស​កម្ពុជា នា​របប​សង្គម ក្រោម​ការ​ដឹក​នាំ​នៃ​អង្គ​សម្ដេច​ព្រះ​ប្រមុខ​រដ្ឋ មគ្គុទេសក៍​ដ៏​ឆ្នើម​នៃ​ពល​រដ្ឋ​ខ្មែរ ក៏​ដូច​ជា​ភាព​ស៊ីវិល័យ​នានា​របស់​ប្រជាជន​ខ្មែរ និង​ប្រទេស​ខ្មែរ​ទាំង​មូល​។ ទិដ្ឋភាព​អស់​ទាំង​នោះ​ក៏​បាន​ឆ្លុះ​បង្ហាញ​ពី​ទំនាក់​ទំនង​ដ៏​ល្អ​របស់​ព្រះ​រាជ​អាណាចក្រ​កម្ពុជា ជាមួយ​ប្រទេស​ជា​មិត្រ​ក្រោយ​កម្ពុជ​រដ្ឋ​ទទួល​បាន​ឯក​រាជ្យ​ពី​សាធារណ​រដ្ឋ​បារាំង​សែស​ ក៏​ដូច​ជា​បង្ហាញ​ពិភព​លោក​ឲ្យ​ឃើញ​ពី​កិត្តិនាម​របស់​កម្ពុជា​លើ​ឆាក​អន្តរជាតិ​ផង​ដែរ​​។

  • ចាត់​លៀង​សាយ​ភោជន៍​ថ្វាយ​ជា​ព្រះ​កិត្តិយស

នៅ​វេលា​ល្ងាច​ថ្ងៃ​ដដែល​នោះ​ដែរ សម្ដេច​ព្រះ​ប្រមុខ​រដ្ឋ​​ស្ដេច​ក៏​បាន​ចាត់​លៀង​សាយ​ភោជន៍​​មួយ​ថ្វាយ​ជា​ព្រះ​កិត្តិយស​ចំពោះ​​ព្រះ​ចៅ​អធិរាជ​ហៃឡេ-សេឡាស៊ីយ៉េ​​ និង​រាជ​គណៈ​ប្រតិភូ​ផង​ដែរ​៕

________________________________________________________________________
អាន​ផង​ដែរ​៖
១. ខួប​ឆ្នាំ​ទី​៥០ នៃ​ព្រះ​រាជ​ទស្សនកិច្ច​នៃ​ព្រះ​ចៅ​អធិរាជ​ប្រទេស​អេត្យូពី នៅ​ប្រទេស​កម្ពុជា
២. ព្រះ​ចៅ​អធិរាជ​ហៃឡេ-សេឡាស៊ីយ៉េ ស្ដេច​យាង​ទៅ​ថ្វាយ​បង្គំ​សម្ដេច​ព្រះ​មហា​ក្សត្រិយានី ព្រះ​មាតា​ជាតិ
៣. ព្រះ​រាជ​ទស្សន​កិច្ច​ទៅ​កាន់​ទីក្រុង​សៀមរាប​នៃ​​នៃ​​​ព្រះ​ចៅ​អធិរាជ​អេត្យូពី
៤. ព្រះ​រាជ​និវត្ត​នៃ​ព្រះ​អធិរាជ​អេត្យូពី

ខួប​ឆ្នាំ​ទី​៥០ នៃ​ព្រះ​រាជ​ទស្សនកិច្ច​នៃ​ព្រះ​ចៅ​អធិរាជ​ប្រទេស​អេត្យូពី នៅ​ប្រទេស​កម្ពុជា ថ្ងៃសុក្រ 4 ខែ​ឧសភា 2018

Posted by សុភ័ក្ត្រ in បុគ្គល​សំខាន់, ប្រវត្តិសាស្ត្រ, វីដេអូ, សង្គម​រាស្ត្រ​និយម, អំពីស្រុកខ្មែរ.
7 comments

ទំនាក់​ទំនង​ជា​ប្រវត្តិ​សាស្ត្រ​នៃ​ព្រះ​រាជ​អាណាចក្រ​កម្ពុជា រដ្ឋ​ដែល​ទើប​ទទួល​បាន​ឯករាជ្យ​ថ្មី​ៗ ជាមួយ​បណ្ដា​ប្រទេស​ធំ​ៗ​លើ​លោក​ក្នុង​ន័យ​បង្កើន​ចំណង​មេត្រី​ភាព​មាន​ន័យ​ធំ​ធេង​ខ្លាំង​ណាស់ ក្រោម​ព្រះ​រាជ​កិច្ច​ដឹក​នាំ​​របស់​របប​សង្គម​ជា​អមតៈ​នៃ​សម្ដេច​ព្រះ​ប្រមុខ​​​ជាតិ​ខ្មែរ នរោត្ដម សីហនុ​។ ថ្ងៃ​ទី​៤ ខែ​ឧសភា ឆ្នាំ​២០១៨ នេះ មាន​រយៈ​ពេល​៥០​ឆ្នាំ​គត់​នៃ​ព្រះ​រាជ​ទស្សន​កិច្ច​ជា​ផ្លូវ​រដ្ឋ​នៃ​​ព្រះ​ចៅ​អធិរាជ​ហៃឡេ-សេឡាស៊ីយ៉េ នៃ​អតីត​ចក្រភព​អេត្យូពី​ នៅ​ព្រះ​រាជ​អាណាចក្រ​កម្ពុជា​។

នៅ​ឯ​អាកាស​យាន​ដ្ឋាន​អន្តរជាតិ​ពោធិចិនតុង នា​​ថ្ងៃ​សៅរ៍​ ទី​៤ ខែ​ឧសភា ឆ្នាំ​១៩៦៨ សម្ដេច​ព្រះ​ប្រមុខ​រដ្ឋ ព្រម​ទាំង​មន្ត្រី​រាជការ​ និង​ប្រជា​ពល​រដ្ឋ​គ្រប់​ជាន់​ថ្នាក់ បាន​យាង និង​អញ្ជើញ​ចូលរួម​ធ្វើ​បដិសណ្ឋារកិច្ច​យ៉ាង​អធិក​អធម​ថ្វាយ​ជា​ព្រះ​រាជ​កិត្តិយស​ចំពោះ​​ព្រះ​រាជ​ទស្សន​កិច្ច​ជា​ផ្លូវ​រដ្ឋ​នៃ​​ព្រះ​ចៅ​អធិរាជ​ហៃឡេ-សេឡាស៊ីយ៉េ នៃ​អតីត​ចក្រភព​អេត្យូពី​​ ព្រម​​រាជ​គណៈ​ប្រតិភូ​​។

បន្ទាប់​ពី​សន្ទរកថា​ស្វាគមន៍​ភ្ញៀវ​រដ្ឋ​នៃ​កម្ពុជា​រួច​មក សម្ដេច​ព្រះ​​ប្រមុខ​រដ្ឋ​ស្ដេច​យាង​រួម​ដំណើរ​​ជា​មួយ​​ព្រះ​ចៅ​អធិរាជ​​​តាំង​ពី​ចំណត​អាកាស​យាន​ដ្ឋាន​រហូត​ដល់​ប្រាសាទ​ខេមរិន្ទ្រ​នៃ​ព្រះ​បរម​រាជ​វាំង ដោយ​កាត់​តាម​វិថី​នានា​ដ៏​ស្រស់​ឆើត​ឆាយ​របស់​ក្រុង​ភ្នំពេញ​នា​សម័យ​នោះ​។

ព្រះ​ចៅ​អធិរាជ​ហៃឡេ-សេឡាស៊ីយ៉េ នៃ​អតីត​ចក្រភព​អេត្យូពី​​ ស្ដេច​យាង​មក​បំពេញ​ព្រះ​រាជ​ទស្សនកិច្ច​នៅ​កម្ពុជា​ចាប់​ពី​ថ្ងៃ​ទី​៤ ដល់​ទី​៧ ខែ​ឧសភា ឆ្នាំ​១៩៦៨ តប​តាម​ការ​យាង​ពី​សំណាក់​​សម្ដេច​ព្រះ​ប្រមុខ​​​ជាតិ​ខ្មែរ នរោត្ដម សីហនុ​៕

________________________________________________________________________
អាន​ផង​ដែរ​៖
១. ព្រះ​ចៅ​អធិរាជ​ហៃឡេ-សេឡាស៊ីយ៉េ ស្ដេច​យាង​ទៅ​ថ្វាយ​បង្គំ​សម្ដេច​ព្រះ​មហា​ក្សត្រិយានី ព្រះ​មាតា​ជាតិ
២. ថ្ងៃ​ទី​២​នៃ​ព្រះ​រាជ​ទស្សនកិច្ច​នៃ​ព្រះ​ចៅ​អធិរាជ​ប្រទេស​អេត្យូពី នៅ​ប្រទេស​កម្ពុជា
៣. ព្រះ​រាជ​ទស្សន​កិច្ច​ទៅ​កាន់​ទីក្រុង​សៀមរាប​នៃ​​នៃ​​​ព្រះ​ចៅ​អធិរាជ​អេត្យូពី
៤. ព្រះ​រាជ​និវត្ត​នៃ​ព្រះ​អធិរាជ​អេត្យូពី

ព្រះរាជ​ពិធី​បុណ្យ​ច្រត់​ព្រះ​នង្គ័ល ប្រចាំ​ព.ស.​២៥៦២ ថ្ងៃ​ព្រហស្បតិ៍ 3 ខែ​ឧសភា 2018

Posted by សុភ័ក្ត្រ in អំពីស្រុកខ្មែរ.
1 comment so far

ព្រះរាជពិធីទ្វាទសមាសមហាមង្គលច្រត់ព្រះនង្គ័លសម្រាប់ពុទ្ធសករាជ២៥៦២ នេះបានប្រារព្ធឡើងហើយ កាលពីព្រឹកមិញនេះ គឺថ្ងៃ​ព្រហស្បតិ៍ ៤​រោច ខែ​ពិសាខ ឆ្នាំ​ច សំរឹទ្ធិ​ស័ក ច.ស​១៣៨០ ត្រូវ​នឹង​ថ្ងៃ​ទី​៣ ខែ​ឧសភា ឆ្នាំ​២០១៨​។ សម្រាប់ព្រះរាជពិធីនាឆ្នាំនេះ ត្រូវបានប្រារព្ធធ្វើឡើងនៅទីព្រះស្រែបរិវេណ​វិទ្យាល័យ​ស្វាយ​រៀង នា​ភូមិ​ស្រះ​វង់ សង្កាត់​ស្វាយ​រៀង ក្រុង​ស្វាយ​រៀង ខេត្ត​ស្វាយ​រៀង។

ដូចបណ្ដាឆ្នាំកន្លងទៅដែរ ព្រះរាជពិធីទ្វាទសមាសច្រត់ព្រះនង្គ័ល ប្រចាំពុទ្ធសករាជ២៥៦២ នេះបានស្ថិតក្រោមព្រះរាជាធិបតីព្រះមហាក្សត្រិយ៍ ព្រះករុណាព្រះបាទសម្ដេច ព្រះបរមនាថ នរោត្ដម សីហមុនី និងមានការយាង-អញ្ជើញចូលរួមពីឥស្សរជន  នាហ្មឺន​សព្វ​មុខ​មន្ត្រី ​អ្នកមុខអ្នកការ កងកម្លាំងប្រដាប់អាវុធ ប្រជារាស្ត្រ និងសិស្សានុសិស្សយ៉ាងច្រើនកុះករ។

សម្រាប់ព្រះរាជពិធីច្រត់ព្រះនង្គ័លនៅឆ្នាំ២០១៨​នេះ ព្រះករុណាជាអម្ចាស់ជីវិតលើត្បូង ព្រះអង្គសព្វព្រះរាជហឫទ័យ ប្រោសព្រះរាជទានដល់ឯកឧត្តម ម៉ែន វិបុល អភិបាលខេត្ត​ស្វាយ​រៀង​​ជា​ស្ដេច​មាឃ ខណៈ​ភរិយា​របស់​លោក​គឺ លោកស្រី ឈុន ណារី ត្រូវ​បាន​តែង​តាំង​ជាព្រះមេហួ​។

  • ការផ្សងគោឧសភរាជលើអាហារ៧យ៉ាង

បន្ទាប់ពីការរៀបចំពិធីភ្ជួររាស់ សាបព្រោះ ជានិមិត្តរូប មក គោឧសភរាជបានជ្រើសរើសការបរិភោគពោត (៩៥ភាគរយ) សណ្ដែក (៨០ភាគរយ) និងស្រូវ (៩៥ភាគរយ) ក្នុងចំណោមអាហារ៧មុខ (ស្រូវ ពោត សណ្តែក ល្ង ស្មៅ ទឹក និងស្រា)។ លទ្ធផលនៃការផ្សងប្រផ្នូលនេះ ត្រូវបានក្រុមបាគូព្រះបរមរាជវាំង ទស្សន៍ទាយថាស្រូវ ពោត និង សណ្តែក សម្បូរ សម្រាប់ឆ្នាំនេះ៕

រូបថត ៖ សោម ឫទ្ធី និង ឡាញ់ វិសាល (AKP)

________________________________________________________________________
អាន​ផង​ដែរ​៖
១. ព្រះ​គោ​ថៃ​បរិភោគ «​ទឹក​-​ស្មៅ​-​ស្រា​» ទឹក​បរិបូរណ៍ សេដ្ឋ​កិច្ច​រុង​រឿង

ការ​ឆ្លង​ព្រំ​ដែន នៅ​ព្រែក​ចាក ថ្ងៃ​ព្រហស្បតិ៍ 19 ខែ​មេសា 2018

Posted by សុភ័ក្ត្រ in អំពីស្រុកខ្មែរ, Tiếng Việt.
9 comments

សម្រាប់​ការ​ឆ្លង​ព្រំ​ដែន​កម្ពុជា​វៀតណាម នៅ​ច្រក​ព្រែក​ចាក ឃើញ​ថា​មិន​មាន​ភាព​ស្មុគ​ស្មាញ​ទេ គឺ​ងាយ​ស្រួល ទាំង​នៅ​ខាង​កម្ពុជា និង​នៅ​ខាង​វៀតណាម​​។ កាល​ពី​រដូវ​ចូល​ឆ្នាំ​ខ្មែរ​កន្លង​ទៅ​នេះ ខ្ញុំ​បាន​ធ្វើ​ដំណើរ​តាម​ច្រក​នេះ និង​សូម​រៀប​រាប់​ជូន​ជា​ដំណឹង​មួយ​ចំនួន​ទុក​គ្រាន់​ជា​ចំណេះ​។

ច្រក​ព្រំ​ដែន​កម្ពុជា​វៀតណាម ព្រែក​ចាក​នេះ ជា​ច្រក​អន្តរជាតិ ហេតុ​ដូច​នេះ ពល​រដ្ឋ​ទាំង​សង្ខាង ក៏​ដូច​ជា​បរទេស​ជន​ឯ​ទៀត​អាច​ចេញ​ចូល​បាន ដោយ​គ្រាន់​តែ​មាន​លិខិត​ឆ្លង​ដែន​ដែល​មាន​សុពល​ភាព​។ សម្រាប់​នៅ​ខាង​កម្ពុជា​យើង ទាំង​ការ​ឆ្ល​ង​ចេញ​និង​ចូល ឃើញ​ថា​មាន​ភាព​ងាយ​ស្រួល​ប្រសិន​បើ​លោក​អ្នក​ប្រើ​ប្រាស់​លិខិត​ឆ្លង​ដែន​នោះ ហើយ​ក៏​ពុំ​មាន​ការ​បង់​ប្រាក់​អ្វី​ទេ (តែ​… លោក​អ្នក​ដឹង​ហើយ​ពី​ភាព​សមរម្យ​)​​។ ចំណែក​ឯ​រថយន្ត​វិញ​ក៏​អាច​យក​ឆ្លងចូល​ទៅ​វៀតណាម​បាន​ដោយ​ងាយ​ស្រួល​ដែរ ដោយ​គ្រាន់​តែ​មាន​ប័ណ្ណ​សម្គាល់​រថយន្ត​ត្រឹម​ត្រូវ និង​បញ្ជាក់​ជាមួយ​សមត្ថកិច្ច​គយ​​តែ​ប៉ុណ្ណោះ​។ ពុំ​មាន​ការ​បង់​ប្រាក់​សម្រាប់​រថយន្ត ដូច​ក្នុង​ករណី​ច្រក​ព្រំដែន​កម្ពុជា​លាវ ដុង​ក្រឡ​នោះ​ទេ​។

ដោយ​ឡែក​សម្រាប់​ខាង​ប្រទេស​វៀតណាម​វិញ មាន​ការ​សុំ​ប្រាក់​ដោយ​ផ្ទាល់​តែ​ម្ដង​ពី​សមត្ថកិច្ច​វៀតណាម ដោយ​ពួក​គេ​ចេះ​និយាយ​ភាសា​ខ្មែរ​បាន និង​និយាយ​សុំ​ប្រាក់​ដោយ​ផ្ទាល់​តែ​ម្ដង​។

ការ​បង់​ប្រាក់​នៅ​ខាង​វៀតណាម​នេះ មាន​ជា​ដំណាក់​ៗ​ដូច​ត​ទៅ​៖

  1. ច្រក​លើក​ប៉ារ៉ាស​ចូល​អាគារ (​ពិនិត្យ​លិខិត​ឆ្លង​ដែន​ម្ដង​)
  2. បាញ់​ថ្នាំ​សម្លាប់​មេ​រោគ​លើ​រថយន្ត
  3. វាយ​ត្រា​លើ​លិខិត​ឆ្លង​ដែន​ចូល​
  4. កន្លែង​ពិនិត្យ​ និង​កត់​​ប័ណ្ណ​សម្គាល់​យាន​យន្ត
  5. គយ
  6. ច្រក​លើក​ប៉ារ៉ាស​ចេញ​ពី​អាគារ ចូល​ទៅ​ដី​វៀតណាម​ (​ពិនិត្យ​លិខិត​ឆ្លង​ដែន​ម្ដង​​ទៀត)

សរុប​មក​មាន​៦​ដំណាក់​កាល​នេះ​ដែល​លោក​អ្នក​ត្រូវ​ឆ្លង​កាត់ និង​ត្រូវ​បង់​ប្រាក់​គ្រប់​ដំណាក់​កាល ទាំង​ពេល​ទៅ និង​ពេល​មក​៕

ច្រក​ប្រទល់​ដែន ខាង​កម្ពុជាច្រក​ចូល​ដី​វៀតណាម

_______________________________________________________________
អាន​ផង​ដែរ​៖
១. ចប់​វិស្សម​កាល​បុណ្យ​ចូល​ឆ្នាំ​ថ្មី ឆ្នាំ​ច ១៣៨០
២. ត្រៀម «​លុយ​» ស្រេច​បាច់​ពេល​ឆ្លង​ដែន​នៅ​ច្រក​ដុង​ក្រឡ
៣. សម្រស់​ក្រុង​ហាទៀន នា​ពេល​រាត្រី
៤. សណ្ឋាគារ​ហា​ទៀន
៥. កន្លែង​កម្សាន្ត​មួយ ណៃ នៅ​ហាទៀន

%d bloggers like this: