jump to navigation

អុំ​ទូក​អ្នក​ស្រុក​បន្លិចប្រាសាទ ថ្ងៃសៅរ៍ 12 ខែតុលា 2019

Posted by សុភ័ក្ត្រ in អំពីស្រុកខ្មែរ.
2 comments

ការ​អុំ​ទូក​បាយ ប្រចាំ​ឆ្នាំ​នា​ថ្ងៃ​បុណ្យ​ភ្ជុំ​បិណ្ឌ​របស់​អ្នក​ស្រុក​ទន្លេ​នៅ ឃុំ​បន្លិចប្រាសាទ ស្រុក​ពាមរក៍ ខេត្ត​ព្រៃវែង​។

ជា​ទូទៅ​ការ​អុំ​ទូក​របស់​អ្នក​ស្រុក​នេះ ធ្វើ​ឡើង​នៅ​ក្រោយ​ពិធី​ឆ្លង​បុណ្យ​ភ្ជុំ​បិណ្ឌ​រួច ប្រមាណ​ពី​ម៉ោង​៣​រសៀល​ទៅ ទៅ​បញ្ចប់​នៅ​ឯ​វត្ត​បន្លិច​ប្រាសាទ​​។

thumbnail_20190928_145452thumbnail_20190928_145456

_____________________________________________________
អាន​ផង​ដែរ ៖
១. វត្ត​បន្លិច​ប្រាសាទ
២. ទៅ​ភ្ជុំ​នៅ​ព្រៃ​វែង

Advertisements

បញ្ហា​ចរាចរណ៍​នៅ​ច្បារ​អំពៅ ថ្ងៃសុក្រ 11 ខែតុលា 2019

Posted by សុភ័ក្ត្រ in បរិយាយ​ថ្ងៃ​នេះ, អំពីស្រុកខ្មែរ.
add a comment

សម្រាប់​បុគ្គល​ណា​ដែល​រស់​នៅ​ច្បារ​អំពៅ​ពិត​ជា​យល់ ពិត​ជា​ជ្រាប អំពី​ស្ថានការណ៍​ចរាចរណ៍​នៅ​ទី​នេះ​។ បញ្ហា​ចរាចរណ៍​ដែល​មួយ​ថ្ងៃ​ៗ​ហាក់​មិន​មាន​ភាព​ធូរ​ស្រាល​សោះ​ឡើយ​។ ជា​ការ​ពិត​កំណើន​ប្រជាជន​នៅ​ម្ដុំ​​ខាង​កើត​នៃ​ទីក្រុង​ភ្នំពេញ​នេះ​ពិត​ជា​បាន​ធ្វើ​ឲ្យ​ស្ថានភាព​ចរាចរណ៍​កាន់​តែ​អាក្រក់ បើ​ទោះ​បី​ជា​មាន​វិធានការណ៍​មួយ​ចំនួន​ពី​រដ្ឋ ដូច​ជា​ការ​កែ​លម្អ​ផ្លូវ​ជាតិ​លេខ​មួយ ការ​សាង​សង់​ស្ពាន​ព្រះ​មុនីវង្ស​ថ្មី និង​ការ​សាង​ស្ពាន​អាកាស​ក្បាល​ថ្នល់​​…​។ល។ ក្ដី​។

បញ្ហា​ចរាចរណ៍​ដ៏​អាក្រក់​ជា​រៀង​រាល់​ថ្ងៃ​នេះ​បាន​ធ្វើ​ឲ្យ​មាន​ការ​ខាត​ពេល​វេលា​ ក៏​ដូច​ជា​ការខ្ជះ​ខ្ជាយ​នូវ​សេដ្ឋកិច្ច​ជា​ដើម​​។ បច្ចុប្បន្ន​នេះ សម្រាប់​រយៈ​ពេល​១​គីឡូម៉ែត្រ ពី​ខាង​មុខ​បុរី​ប៉េង ហួត បឹង​ស្នោរ រហូត​ទម្រាំ​ឆ្លង​ស្ពាន​ព្រះ​មុនីវង្ស​ចាស់​រួច ត្រូវ​ចំណាយ​ពេល​ប្រមាណ​៤៥​នាទី ទៅ​ដល់​១​ម៉ោង ឬ​ថ្ងៃ​ខ្លះ​លើស​ពី​នេះ​។ តើ​អ្វី​ជា​ដំណោះស្រាយ​ពិត​ប្រាកដ សម្រាប់​អ្នក​ច្បារ​អំពៅ​?

បច្ចុប្បន្ន​នេះ​យើង​ឃើញ​មាន​ការ​ដ្ឋាន​សាង​សង់​ស្ពាន​អាកាស​បន្ថែម​នៅ​ត្រង់​ចំណុច​ក្បាល​ថ្នល់​ត្រើយ​ខាង​លិច​នៃ​ច្បារ​អំពៅ​ទៅ​ហើយ ហើយ​ដែល​ត្រូវ​បាន​អះ​អាង​ថា​ជា​ការ​សម្រួល​ចរាចរណ៍​នៅ​ម្ដុំ​នេះ និង​នៅ​ច្បារ​អំពៅ​។ ជា​​ការ​ពិត​អ្នក​នៅ​ច្បារ​អំពៅ ឬ​ត្រើយ​ខាង​កើត​នៃ​ក្រុង​ភ្នំពេញ​ទំនង​មិន​បាន​ប្រយោជន៍​ពី​ស្អាន​អាកាស​បន្ថែម​នេះ​ទេ​។ ដូច​យើង​ដឹង​ស្រាប់ អ្នក​នៅ​ត្រើយ​ខាង​កើត​នេះ ប្រសិន​បើ​ចង់​ចូល​ភ្នំពេញ គឺ​មាន​ច្រក​តែ​មួយ​គត់ គឺ​ស្ពាន​ព្រះ​មុនីវង្ស ចាស់​នេះ​ឯង​។

បច្ចុប្បន្ន​នេះ ស្ថានភាព​អ្នក​ធ្វើ​ដំណើរ​​មក​ពី​គ្រប់​ទី​ប្រជុំ ដូច​ជា​ផ្លូវ​ជាតិ​លេខ​មួយ ផ្លូវ​​លេខ​៣៦៩ ពី​ច្រាំង​បាក់ និង​ពី​ព្រែក​ប្រា ព្រម​ទាំង​ផ្លូវ​តូច​ៗ​ជា​ច្រើន​ទៀត​បុក​ចូលផ្លូវ​ជាតិលេខ​មួយ ដើម្បី​បាន​ឆ្លង​ស្ពាន ដែល​សណ្ឋាន​នឹង​ក​ដប ជា​ហេតុ​បណ្ដាល​ឲ្យ​មាន​ការ​ជាប់​កក​ស្ទះ​​រាប់​គីឡូម៉ែត្រ ជា​រៀង​រាល់​ថ្ងៃ​។

ដំណោះ​ស្រាយ​ពិត​ប្រាកដ​​សម្រាប់​ប្រជាជន​ត្រើយ​ខាង​កើត​នេះ ទំនង​គ្មាន​អ្វី​ក្រៅ​ពីការសាង​សង់​ស្ពាន​បន្ថែម​ទៀត ដើម្បី​បញ្ជៀសបញ្ហា​ក​ដប ដែល​មាន​តែ​មួយ​ច្រក​ដូច​បច្ចុប្បន្ន​នេះ យ៉ាង​ហោច​ណាស់​ក៏​ពីរ​ស្ពាន​ដែរ ដូច​ជា​នៅ​ម្ដុំ​ព្រែក​ប្រា និង​ម្ដុំកោះ​នរា​ឆ្លង​ទៅ​កោះ​ពេជ្រ​…​ជា​ដើម​។ ដើម្បី​ជួយ​សម្រួល និង​បំបែក​ចំណែក​នៃចរាចរណ៍​។ សង្ឃឹម​ថា នៅ​ថ្ងៃ​អនាគត (​ឆាប់​ៗ​) ចរាចរណ៍​អ្នក​ត្រើយ​ខាង​កើត​មួយ​នេះ នឹង​មាន​ភាព​ប្រសើរ​ឡើង​ ជាង​ពេល​បច្ចុប្បន្ន​៕

thumbnail_20191007_074652ការ​កក​ស្ទះ​ចរាចរណ៍​នៅ​ផ្លូវ​ជាតិ​លេខ​១​នា​ពេល​បច្ចុប្បន្ន
thumbnail_20191007_080513ការ​កក​ស្ទះ​ចរាចរណ៍​នៅ​ផ្លូវ​ជាតិ​លេខ​១​នា​ពេល​បច្ចុប្បន្ន

វិវាទ «​ពិស​ស្នេហ៍» ពីរ​នគរ ថ្ងៃអង្គារ 8 ខែតុលា 2019

Posted by សុភ័ក្ត្រ in បរិយាយ​ថ្ងៃ​នេះ, អំពីស្រុកខ្មែរ, ภาษาไทย.
2 comments

ប៉ុន្មាន​ថ្ងៃ​កន្លង​មក​នេះ​មាន​ការ​ផ្ទុះ​សង្គ្រាម​ក្ដារ​ចុច​ជា​ថ្មី​ម្ដង​ទៀត​រវាង​អ្នក​លេង​បណ្ដាញ​សង្គម​នៅ​ប្រទេស​ថៃ និង​នៅ​កម្ពុជា​។ វិវាទ​មិន​ចប់​មិន​ហើយ នោះ​គឺ​វិវាទ «​វប្បធម៌​»​។ ការ​ផ្ទុះ​ឡើង​ជា​ថ្មី​ម្ដង​ទៀត នូវ «​វិវាទ​» ដណ្ដើម​វប្បធម៌​នេះ បាន​កើត​មាន​ឡើង​បន្ទាប់​ពី​ស្ថានីយ​ទូរទស្សន៍​កង​យុទ្ធពល​ខេមរភូមិន្ទ (​ប៉ុស្តិ៍​លេខ​៥​) បាន​ចាក់​ផ្សាយ​នូវ​កម្រង​រឿង​ភាគ​ទើប​ផលិត​ថ្មី ដែល​គេ (​ថៃ​) អះ​អាង​ថា​បាន​ចម្លង​ទាំង​ស្រុងចេញ​ពី​រឿង​ភាគ​ដ៏​ល្បី​មួយ​របស់​ថៃ ដែល​បាន​ចាក់​បញ្ចាំង​នា​ពេល​កន្លង​ទៅ ឈ្មោះ​ថា «​พิษสวาท»​។

អ្នក​លេង​បណ្ដាញ​សង្គម ព្រម​ទាំង​សារព័ត៌មាន​ថៃមួយ​ចំនួន​ផង បាន​ធ្វើ​ការ​វិភាគ ព្រម​ទាំង​ថត​យក​រូបភាព​លម្អិត​ឈុត​ឆាក​មួយ​ៗ ក្នុង​បំណង​ប្រៀប​ធៀប​​ការ​លួច​ចម្លង​ទាំង​ស្រុង​របស់​ផលិត​ករ «​ខ្មែរ​» ដែល​ផលិត​រឿង «​ពិស​ស្នេហ៍​» និង​រឿង «​พิษสวาท» របស់​ថៃ​នោះ​។ ការ​នេះ​បាន​ធ្វើ​ឲ្យ​មាន​ការ​ផ្ទុះ​កំហឹង​ពី​អ្នក​ទាំង​នោះ​ (​ថៃ​) អំពី​ការ​លួច​ចម្លង «​វប្បធម៌​» ថៃ​ម្ដង​ហើយ​ម្ដង​ទៀត ដោយ​ឥត​អៀន​ខ្មាស​របស់​ជន​ជាតិ​ខ្មែរ ព្រម​ជាមួយ​ពាក្យ​ប្រទេច​ផ្ដាសា​​ជា​ច្រើន​ផង​។

ដោយ​ឡែក​ ចំពោះ​អ្នក​លេង​បណ្ដាញ​សង្គម​ខ្មែរ​ឯណេះ​វិញ​ក៏​ហាក់​ដូច​ជា​មិន​ពេញ​ចិត្ត​ចំពោះ​រឿង​ភាគ (​ពិស​ស្នេហ៍​) នេះ​ដែរ ដោយ​នាំ​គ្នា​យល់​ស្រប​ថា ពិត​ជា​បាន​ចម្លង​ចេញ​ពី​រឿង «​พิษสวาท»​ របស់​ថៃ​មែន ហើយ​ថែម​ទាំង​បាន​បន្ទោស​ដល់​អ្នក​ផលិត​ថា​បាន​ធ្វើ​ឲ្យ​អាប់​ឱន​ដល់​កិត្តិយស​ជាតិ និង​ជំរុញ​ឲ្យ​ថៃ​ធ្វើ​ការ​ប្ដឹង​ផង​។

ទោះ​បី​ជា​យ៉ាង​នេះ​ក្ដី ប្រសិន​បើ​យើង​ពិនិត្យ​មើល​​ការគ្រប់​គ្រង​របស់​ស្ថានីយ​ទូរទស្សន៍​មួយ​នេះក៏​ដូច​ជា​អ្នកផលិត​រឿង​ភាគ​មួយ​នេះ (ពិស​ស្នេហ៍​) ទាំង​អ្នក​ដឹក​នាំ​រឿង​សម្ដែង​, អ្នក​ថត​, អ្នកបច្ចេក​ទេស​ភ្លើង​…។ល។ គឺ​សុទ្ធ​សឹង​តែ​មាន​ចំណែក​រួម​របស់​ជន​ជាតិ​ថៃ​ (​ខ្លួន​ឯង​) ទាំង​អស់​។ ហេតុ​ដូច​នេះ ប្រសិន​បើ​ចង់ដឹង​ថា រឿង​ពិស​ស្នេហ៍​ បាន​ទិញ​សិទ្ធិ ឬ​បាន​ចម្លង​ចេញ​ពី​រឿង «​พิษสวาท» របស់​ថៃ​មែន​ឬ​យ៉ាង​ណាឬក្នុង​ហេតុ​ផល​អ្វី​ឲ្យ​ប្រាកដ​នោះ មាន​តែ​ពួកគាត់​ទេ​ដែល​អាច​ផ្ដល់​ចម្លើយ​​ដល់​សាធារណ​ជន​ទូទៅ ទាំង​ខ្មែរ ទាំង​ថៃ​បាន​។ វា​ប្រហែល​ជា​មិនយុត្តិធម៌​ទេ ដែល​ចុង​ក្រោយ​ថៃ​ចម្លង​ថៃ បែ​កំហុស​ធ្លាក់​មក​លើ​ខ្មែរ​នោះ​។

ទោះ​ក្នុង​ហេតុ​ផល​យ៉ាង​ណា ហេតុ​អ្វី​បានជា​សង្គម​ថៃ​មិន​គួរ​ជ្រួល​ច្របល់​ក្នុង​រឿង​នេះ​?

នរណា​ៗ​ក៏​ដឹង​ហើយ ដោយ​ឥត​ប្រកែក​បាន ថា​សង្គម​ខ្មែរ​បាន​ទទួល​ឥទ្ធិពល​ទាំង​ស្រុង​ពី​វប្បធម៌​ថៃ​។ រាប់​តាំង​ពី​ការ​ដេក​ ដើរ ឈរ អង្គុយ ស៊ី​ ចុក បុក ទំពារ ប្រជាជន​ខ្មែរ​បាន​ទទួល​ឆ្លង​ពី​ប្រជាជន​ថៃ គ្រប់​ស្រទាប់​វណ្ណៈ ទាំង​អ្នក​ក្រុង ទាំង​អ្នក​ស្រែ​។ ហេតុ​ដូច​នេះ ប្រជាជន​ថៃ​គួរ​តែ​មាន​មោទនភាព​ចំពោះភាព​ទាក់​ទាញ​នៃ​វប្បធម៌​របស់​ខ្លួន​។

អរិភាព​នៃ​ប្រជាជន​ទាំង​ពីរ និង​ការ​ខឹង​សម្បារ​របស់​ជន​ជាតិ​ថៃ​ក្នុង​រឿង​នេះ មាន​មិន​បាន​ធ្វើ​ឲ្យ​ចំណេញ​ដល់​ប្រជាជន និង​ប្រទេស​ថៃ​ទេ តែ​វា​ត្រឹម​បាន​​​ភាព​ផ្ទុយពី​នេះ​ទៅ​វិញ​។ យើង​នៅ​ចាំ​បាន​ រឿង​រ៉ាវ​ផ្ទុះ​ការ​តវ៉ា និង​ឈាន​ទៅ​ដល់​ការ​ដុត​ស្ថានទូត​ថៃ​នា​ក្រុង​ភ្នំពេញ​ម្ដង​ហើយ​ ហើយ​ដោយ​ក្រោយ​មក​បណ្ដា​រឿងភាគ​ថៃ ត្រូវ​បាន​អវត្តមាន​ពី​កញ្ចក់​ទូរទស្សន៍​ខ្មែរ​អស់ជា​ច្រើន​ឆ្នាំ បូក​រួម​ទាំង​ផល​ប្រយោជន៍​ផ្សេង​ទៀតរបស់​ថៃ ត្រូវ​បាន​រសាត់ចេញ​ពី​កម្ពុជា​ផង ដែល​ទាំង​នេះ​ «អ្នក​ខាត» ​គឺ​ពិត​ណាស់​គឺ​ភាគី​ថៃ​។

រឿង​រ៉ាវ​ការ​ឆ្លង​វប្បធម៌​របស់​ខ្មែរ និង​ថៃ​នេះ គឺ​ជា​រឿង​​ពុក​ស្រួយ ដែល​តម្រូវឲ្យ​មាន​ការ​លូក​ដៃ​ដោយ​ភាព​ប្រយ័ត្នប្រយែង​ខ្ពស់​។ ប្រជាជន​ថៃ​គួរតែ​គិតក្នុង​ន័យវិជ្ជមាន​ទៅ​វិញ​ថា ការ​ដែលជន​ជាតិ​ខ្មែរ​ខិត​ខំ​ធ្វើ​ត្រាប់​តាម ឬ​ចម្លង​ពី​អ្វី​ៗ​ជា​របស់​ថៃ​នោះ គឺ​ជា​ការ​សម្ដែង​ឲ្យ​ឃើញ​ពី​ភាព​អស្ចារ្យ​នៃរបស់​ខ្លួន (​ថៃ​) ដែល​មាន​ឥទ្ធិពល​ធ្វើ​ឲ្យ​ជន​ជាតិ​ដទៃ​ចង់​ធ្វើ​តាម ចង់​បាន ចង់…​។ល។ ហើយ​ដែល​ការ​ពិត​ពួក​គេ​ពិតជា​មិនអាច​យក​បាន​នូវ​អ្វី​ដែល​ជា​ចំណង់​នោះ​ទេ​។ របស់​ថៃ​នៅ​តែ​ជា​របស់​ថៃ​​។

សរុប​សេចក្ដី​មក រឿង​រ៉ាវ «​ពិស​ស្នេហ៍​» នា​ពេល​នេះ​វា​អាច​បង្ក​ទៅ​​ជា​អរិភាព​ផ្នែក «​វប្បធម៌​» និង «​ប្រជាជាតិ​» នៃ​ប្រជាជន​ទាំង​ពីរ​បាន (​ថៃ​ និង​ខ្មែរ​) ប្រសិន​បើ​មិនមានការ​បកស្រាយ​ឲ្យ​បានច្បាស់​លាស់​ពី​សំណាក់​​ក្រុម​អ្នក​ផលិតនោះ​។ ទាំង​ប្រជាជន​ខ្មែរ ទាំង​ប្រជាជន​ថៃ ចង់​ដឹង​ពី​ហេតុផល​ពិត​ប្រាកដ​នៃ​ការ​ផលិតរឿង​នេះ​ឡើង ព្រម​ទាំង​ឈុត​ឆាក ដែល​ដូច​គ្នាទាំង​ស្រុង ឬ​ដែល​គេ​ហៅ​ថា​ចម្លង​នោះ ថា​តើ​ពិត​ជា​បាន​ទិញ​សិទ្ធិ​ ឬ​ពិត​ជា​បាន​ចម្លង​ទាំង​ស្រុងប្រាកដ​មែន​។ ពួក​គេ (​អ្នក​ផលិត​) គួរ​តែ​ហ៊ាន​ទទួល​ស្គាល់​ការ​ពិត​។

ចំពោះ​អ្នក​លេង​បណ្ដាញ​សង្គម​ថៃ គួរតែ​សិក្សា​ឲ្យ​បាន​ច្បាស់លាស់​ពី​ដំណើរ​ដើម​ទង​នៃ​ការ​ផលិត​រឿង (​ពិស​ស្នេហ៍​) នេះ ដោយ​មិន​គួរ​ច្រឡោតតោតតូង និង​រាល​ដាល​ដល់​រឿង​ដទៃ​ទៀត ដែល​ចុង​ក្រោយ​ធ្វើ​ឲ្យ​គេ (​ថៃ​) ទេ ដែល​ជា​អ្នក​ខាត​ក្នុង​រឿង​នេះ​នោះ​។ ចំពោះ​អ្នក​លេង​បណ្ដាញ​សង្គម​ខ្មែរ​វិញ ក៏​គួរ​សិក្សា​ស្វែង​យល់​ដូច​គ្នា​ និង​រៀន​ទទួល​ស្គាល់​តថភាព​របស់​សង្គម​ខ្លួន​។ សិល្បករខ្មែរ ទាំង​អ្នក​ផលិត​ចម្រៀង អ្នក​ផលិត​ភាព​យន្ត វិចិត្រករ​​….។ល។ គួរ​តែ​ងាក​មក​ធ្វើ​អ្វីជា​របស់ខ្លួន​ឲ្យ​បាន​ច្រើន​ឡើង ចៀសវាង​ទៅចម្លង​គេ​ហើយ ដល់​គេ​ជេរ​បែរ​ជា​ខឹង​គេ​ទៅ​វិញ​នោះ​៕

ចេញ​ធនបត្រ និង​កាស​អនុស្សាវរីយ៍​ខួប​ឆ្នាំ​ទី​១៥ បរម​រាជាភិសេក ថ្ងៃ​ព្រហស្បតិ៍ 3 ខែតុលា 2019

Posted by សុភ័ក្ត្រ in អំពីស្រុកខ្មែរ.
11 comments

ស្ថិត​ក្នុង​ឱកាសដ៏មហានក្ខត្តឫក្សវិសេសវិសាល នៃព្រះរាជពិធីបុណ្យគម្រប់ ១៥​ឆ្នាំ នៃ​ការយាងគ្រងព្រះបរមសិរីរាជ្យសម្បត្តិ នៃព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្ដម សីហមុនី ព្រះមហាក្សត្រិយ៍​ នៃព្រះរាជាណាចក្រកម្ពុជា នា​ថ្ងៃ​ទី​២៩ ខែ​តុលា ឆ្នាំ​២០១៩ ខាង​មុខ​នេះ រាជ​រដ្ឋាភិបាល​​បាន​សម្រេច​បោះ​ពុម្ព​ផ្សាយ​នូវ​ប្រភេទ​ធនបត្រ​​អនុស្សាវរីយ៍​ ១៥.០០០​រៀល​ថ្មី ព្រម​ទាំង​កាស​មាស​​អនុស្សាវរីយ៍​ចំនួន​ពីរ​ប្រភេទ​ផ្សេង​គ្នា ដើម្បី​អប​អរ​សាទរ​​​ព្រះ​រាជ​ពិធី​នា​ឆ្នាំ​នេះ​។

នា​ថ្ងៃ​ទី​៣ ខែ​តុលា ឆ្នាំ​២០១៩ នេះ ព្រះ​ករុណា​ជា​អម្ចាស់ជីវិតលើត្បូង ព្រម​ទាំង​សម្ដេច​ព្រះ​វរ​រាជ​មាតា​ជាតិ​ខ្មែរ ទ្រង់​សព្វ​ព្រះ​រាជ​ហឫទ័យ​ប្រោស​ព្រះបរមរាជានុញ្ញាតជូន​សម្ដេច​អគ្គ​មហាសេនា ប្រមុខ​រាជ​រដ្ឋាភិបាល អញ្ជើញចូលក្រាបថ្វាយបង្គំគាល់ ដើម្បី​បាន​ថ្វាយ​ធនបត្រ​​អនុស្សាវរីយ៍​ ព្រម​ទាំង​កាស​មាស​​អនុស្សាវរីយ៍​ ​នា​ព្រះ​រាជ​ដំណាក់​ខេមរិន្ទ្រ និង​​​ព្រះរាជដំណាក់គន្ធបុប្ផា នៃ​ព្រះ​បរម​រាជ​វាំង​។

ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្ដម សីហមុនី ស្ដេច​ឡើង​គ្រង​ព្រះ​បរម​សិរី​រាជ្យ​សម្បត្តិ​បន្ត​ពី​ព្រះ​បរម​រាជ​ជនក​នាថ កាល​ពី​ថ្ងៃ​ទី​២៩ ខែ​តុលា ឆ្នាំ​២០០៤ រហូត​មក​ដល់​ឆ្នាំ​២០១៩ នេះ​មាន​រយៈ​ពេល​១៥​ឆ្នាំ​ហើយ​៕​៚

photo_2019_10_03_21_48_24photo_2019_10_03_21_48_25z1 - Copy 1z5 - Copy 1photo_2019_10_03_21_48_29z7 - Copy 1z8 - Copy 1

_____________________________________________________
អាន​ផង​ដែរ
១. រាជការ​ចេញ​ធនបត្រ​ប្រភេទ​១០០០​រៀល​គំរូ​ថ្មី ឧទ្ទិស​ថ្វាយ​ព្រះ​ករុណា​ព្រះ​បរម​រតន​កោដ្ឋ ក្នុង​ព្រះ​រាជ​ពិធី​ថ្វាយ​ព្រះ​ភ្លើង
២. ធនបត្រ​មួយ​សែន​រៀល​ថ្មី អបអរ​ថ្ងៃ​ចម្រើន​ព្រះ​ជន្ម​ព្រះ​មហា​ក្សត្រិយ៍
៣. ចេញ​ធនបត្រ​២០០០​រៀល​ថ្មី អបអរ​បុណ្យ​ឯករាជ្យ​ជាតិ
៤. ធនបត្រ​ប្រាំ​ម៉ឺន​រៀល​ថ្មី អប​អរ​ថ្ងៃ​ចម្រើន​ព្រះ​ជន្ម
៥. ចេញ​ធនបត្រ​គំរូ​ថ្មី ប្រភេទ​១០០ និង​៥០០​រៀល
៦. ធនបត្រ​​មួយ​ម៉ឺន​រៀល​គំរូ​ថ្មី អប​អរ​ថ្ងៃ​ចម្រើន​ព្រះ​ជន្ម​ព្រះ​មហា​ក្សត្រិយ៍
៧. ចេញ​ធនបត្រ​គំរូ​ថ្មី ១.០០០ និង​៥.០០០​រៀល
៨. ចេញ​ធនបត្រ​គំរូ​ថ្មី ២០.០០០​រៀល
៩. ធនាគារ​ជាតិ​ចេញ​ក្រដាស​ប្រាក់​គំរូ​ថ្មី​២០.០០០​រៀល
១០. ប្រកាស​ស្ដី​ពី​លក្ខណៈ​សម្គាល់​នៃ​ធនបត្រ​អនុស្សាវរីយ៍ ប្រភេទ​១៥.០០០​រៀល

អនុមោទនា​ភ្ជុំ​បិណ្ឌ (សែន​ដូន​តា​) ព.ស.​២៥៦៣ ថ្ងៃសៅរ៍ 28 ខែកញ្ញា 2019

Posted by សុភ័ក្ត្រ in អំពីស្រុកខ្មែរ.
add a comment

ben-2018

ទិវា​រដ្ឋ​ធម្មនុញ្ញ ថ្ងៃអង្គារ 24 ខែកញ្ញា 2019

Posted by សុភ័ក្ត្រ in អំពីស្រុកខ្មែរ.
add a comment

Untitled-2

រដ្ឋធម្មនុញ្ញ [អានថា៖ រ័ត-ឋៈ-ធ័ម-មៈ-នុញ] មិនមែនអានថា [រ័ត-ធ័ម-មៈ-នុញ] ទេ គឺជាច្បាប់កំពូលរបស់ព្រះរាជាណាចក្រកម្ពុជា។ រាល់ច្បាប់ និងឯកសារគតិយុត្តទាំងឡាយរបស់ព្រះរាជាណាចក្រកម្ពុជាត្រូវអនុលោមទៅតាមរដ្ឋធម្មនុញ្ញ បើពុំនោះសោត ច្បាប់ និងឯកសារគតិយុត្តទាំងនោះនឹងអធម្មនុញ្ញភាព។

គួរកត់សម្គាល់ផងដែរថា រដ្ឋធម្មនុញ្ញនៃព្រះរាជាណាចក្រកម្ពុជា ដែលអនុម័តដោយសភាធម្មនុញ្ញ នៅថ្ងៃទី២១ ខែកញ្ញា ឆ្នាំ១៩៩៣ ត្រូវបានប្រកាសឲ្យប្រើប្រាស់ជាផ្លូវការដោយព្រះរាជក្រម ចុះថ្ងៃទី២៤ ខែកញ្ញា ឆ្នាំ១៩៩៣។ គិតមកដល់ត្រឹមថ្ងៃនេះ រដ្ឋធម្មនុញ្ញនៃព្រះរាជាណាចក្រកម្ពុជាយើងមានអាយុ២៦ឆ្នាំហើយ។

អបអរសាទរខួបអនុស្សាវរីយ៍លើកទី២៦ រដ្ឋធម្មនុញ្ញ នៃព្រះរាជាណាចក្រកម្ពុជា!

ថ្ងៃ​នេះ​បិណ្ឌ​១ ថ្ងៃសៅរ៍ 14 ខែកញ្ញា 2019

Posted by សុភ័ក្ត្រ in ព្រះ​ធម៌, វីដេអូ, អំពីស្រុកខ្មែរ.
4 comments

រដូវបុណ្យសែនដូនតាកាន់បិណ្ឌដាក់បិណ្ឌ បានចូលមកដល់ទៀតហើយ បងប្អូនញាតិមិត្រ ដោយចាប់ផ្ដើមនៅថ្ងៃសៅរ៍ ទី១៤ ខែកញ្ញា (ថ្ងៃនេះ)។ សម្រាប់ឆ្នាំនេះ ថ្ងៃសៅរ៍​​នេះ គឺជាថ្ងៃទី១ នៃពិធីកាន់បិណ្ឌរបស់ពលរដ្ឋខ្មែរ អ្នកកាន់ពុទ្ធសាសនា ក៏ដូចជាខ្មែរក្រោម ដែលកំពុងរស់នៅក្នុងទឹកដីវៀតណាមភាគខាងត្បូងបច្ចុប្បន្ននេះ ដោយឡែកនៅតាំងពីល្ងាចម្សិលមិញមកម្ល៉េះ នៅគ្រប់អារាមនានា ក៏មានពិធីសូត្រមន្តបិណ្ឌ១ផងដែរ។

ក្នុងនាមជាពុទ្ធសាសនិកខ្មែរ សូមកុំភ្លេចរកពេលទំនេរបានទៅវត្ត យ៉ាងហោចណាស់ម្ដងដែរក្នុងរយៈពេល១៥ថ្ងៃ នៃពិធីបុណ្យកាន់បិណ្ឌ ភ្ជុំបិណ្ឌសម្រាប់ព.ស.២៥៦៣​នេះ។

ជាធម្មតាក្នុងរដូវនេះ គ្រប់អារាមតែងតែមានស្មូតបទ បរាភវសូត្រស្រែខ្មុកសូមឧទ្ទិសថ្ងៃនេះ ជូនបទ បរាភវសូត្រ ទុក្ខគ្រាន់ជាធម្មទាន ដូចតទៅនេះ។ សូមអញ្ជើញទស្សនា៖

________________________________________________
អានផងដែរ៖
១. ទំនួញប្រេត
២. វត្ត​កោះ​មេត្តា​ពោធិ​វង្ស
៣. បិណ្ឌ​ទី​១២ ឯ​ភូមិ
៤. ទៅ​ភ្ជុំ​នៅ​ព្រៃ​វែង

%d bloggers like this: