jump to navigation

វិបាក​នៃ​ «​ស្លាក​​​រថយន្ត​» ពិសេស ថ្ងៃពុធ 8 ខែមករា 2020

Posted by សុភ័ក្ត្រ in បរិយាយ​ថ្ងៃ​នេះ, អំពីស្រុកខ្មែរ.
add a comment

ម្សិល​មិញ​នេះ (​៧ មករា ២០១៩​) ក្រសួង​សាធារណការ និង​ដឹក​ជញ្ជូន បាន​​បើក​ឲ្យ​ដំណើរ​ការ​ជា​ផ្លូវ​ការ​នូវ​ការ​​លក់​លេខ​ចុះ​បញ្ជី​ពិសេស​ផ្ទាល់​ខ្លួន​សម្រាប់​រថយន្ត «ជំនួញ» ​ថ្មី​មួយ​របស់​​រដ្ឋ​ ដែល​​​ត្រូវ​បាន​គេ​ឲ្យ​និយាម​ថា ជា​ការ​​បង្កើន​ប្រភព​ចំណូល​ Sic​។

សម្រាប់​ស្លាក​រថយន្ត​ពិសេស (​សម្រាប់​សាមញ្ញ​ជន) ដែល​ក្រសួង​បាន​ដាក់​ឲ្យ​ដំណើរ​ការ​នា​ពេល​នេះ មាន​លក្ខណៈ​ពិសេស​ពី​ស្លាក​លេខ​បច្ចុប្បន្ន ដោយ​ហេតុ មិន​មាន​ទី​តាំង​សម្គាល់​នៃ​ស្លាក​ចុះ​បញ្ជី​ដូច​មុន​ទៀត និង​លក្ខណៈ​ពិសេស​ដោយ​ឡែក គឺ​អ្នក​ទិញ មាន​សិទ្ធិ​កំណត់​លេខ និង​ជា​ពិសេស​ដាក់​ជា​អក្សរ​ឡាតាំង​បាន​នៅ​លើ​ស្លាក​រថយន្ត​ទាំង​នោះ​ផង​ទៀត​។

ប្រសិន​បើ​យើង​ដក​អត្ថ​ប្រយោជន៍​នៃ​ការ​បង្កើន​ប្រភព​ចំណូល​ចេញ ការ​បង្កើត​ស្លាក​​រថយន្ត​​ពិសេស​នេះ ហាក់​ដូច​ជា​មិន​បាន​​ផ្ដល់​ជា​ប្រយោជន៍​បុគ្គល​​​សម្រាប់​ប្រជា​ពលរដ្ឋ​​ជា​រួម​នោះ​ទេ​។ ផ្ទុយ​ទៅ​វិញ វា​បាន​ត្រឹម​បង្ហាញ​​ពី​ការ​​រើស​អើង និង​ការ​សម្ញែង​ពី​អំណាច​ទឹក​ប្រាក់​នៃ​បុគ្គល​ដែល​ទទួល​បាន​ស្លាក​ទាំង​នោះ​ទៅ​វិញ​។ តើ​កម្ពុជា​កំពុង​វិវត្ត​ផ្ដោត​ទៅ​លើ​ក្រុម​មូល​ធន​ក្នុង​សង្គម ឬ​យ៉ាង​ណា​។

វិបាក​ដែល​ឃើញ​ប្រាកដ ស្ដែង​ចេញ​ពី​ស្លាក​​រថយន្ត​ពិសេស​នេះ​ នោះ​គឺ​ការ​ប្រើ​ប្រាស់​តួ​អក្សរ​ឡាតាំង​សម្រាប់​សម្គាល់​ ក្រៅ​អំពី​តួ​លេខ​។ ប្រជាជន​កម្ពុជា ដែល​កើត​នៅ​លើ​ទឹក​ដី​កម្ពុជា​នេះ មិនបាន​កើត​មក​ព្រម​ជាមួយ​តួ​អក្សរ​ (ឡាតាំង) ទាំង​២៦​តួ​នោះ​ទេ លើក​លែង​តែ​តួ​លេខ​ចំនួន​១០​តួ (​០-៩​) ដែល​គេ​បាន​ប្រើ​ប្រាស់​ជា​សាកល​សម្រាប់​សម្គាល់​នោះ​។ ប្រការ​នេះ វា​ទំនង​ជា​ខុស​ពី​ប្រភព​ដើម នៃ​ការ​បង្កើត​ស្លាក​រថយន្ត​ប្រភេទ​បែប​នេះ នៅ​ទឹក​ដី​ដែលគេ​កើតព្រម​ជាមួយ​តួ​អក្សរ​ទាំង​២៦​តួ​នេះ ហើយ​ដែល​ទំនង​ក្រសួង​បាន​យក​លំនាំ​តាម​នោះ​។ ការ​ដែល​គេ​ធ្វើ​ទៅ​កើត មិន​ចាំ​បាច់​យើង​ត្រូវ​តែ​ធ្វើ​តាម​នោះ​ទេ​។

ការ​ប្រើ​ប្រាស់​ជា​តួ​អក្សរបរទេស​​នៅ​លើ​ស្លាក​រថយន្ត​សម្រាប់​​សម្គាល់​យាន​យន្ត​​នោះ វា​អាច​នឹង​ធ្វើ​ឲ្យ​មាន​ការ​ពិបាក​ក្នុង​ការ​ចាំ ជា​ពិសេស​ករណី​មាន​គ្រោះ​ថ្នាក់​ណា​មួយ​នៅលើ​ដង​ផ្លូវ ដោយ​អ្នក​ឃើញ​ហេតុ​ការណ៍​។ នេះ​យើង​សាក​ល្បង​ស្រមៃ​រូប​ភាព​ទៅ​មើល បើ​ហេតុការណ៍​បែប​នេះ​កើត​ឡើង​នៅ​តាម​ទី​ជន​បទ ហើយ​ដែល​អ្នក​ឃើញ​ហេតុការណ៍​ទាំង​នោះ មិន​ស្គាល់​តួ​អក្សរ​បរទេស​ដែល​ដាក់​សម្គាល់​រថយន្ត​នោះ​។ បច្ចុប្បន្ន​នេះ ការ​ប្រើប្រាស់​លេខ​តែ​៤​តួ​នៅ​លើ​ស្លាក​រថយន្ត ពេល​ខ្លះ​នៅ​ចាំ​មិន​បាន ចុះ​ទម្រាំ​ជា​តួ​អក្សរ​បរទេស​​ទៀត​ ហើយ​ដែល​មាន​រហូត​ដល់​ទី​៨-៩​តួ​អក្សរ​នោះ​។

ការ​ប្រើ​ប្រាស់​ត្រឹម​តែ​ជា​​តួ​លេខ (​០-៩)​ «ពិសេស» សម្រាប់​ សម្គាល់​រថយន្ត​ «​ពិសេស​» ដែល​ជា​សមិទ្ធផល​នៃ​អភិជន​ទំនង​ជា​គ្រប់​គ្រាន់ហើយ ជា​ជាង​ការ​អនុញ្ញាត​ឲ្យ​មាន​ជា​តួ​អក្សរ​ឡាតាំង​នៅ​លើ​ស្លាក​រថយន្ត​ពិសេស​នា​ពេល​នេះ​។

ប្រសិន​បើ​យើង​ក្រឡេក​មើល​ប្រទេស​ជិត​ខាង​កម្ពុជា​ទាំង​បី​វិញ (​ថៃ លាវ វៀតណាម​) ដូច​ជា​មិន​ទាន់​មាន​ប្រទេស​ណា​ដើរ​ដល់​ចំណុច​នេះ​ទេ​។ ប្រទេស​ខ្លះ​វិញ ​មាន​តែ​ដាក់​ជា​តួ​លេខ​នៃ​អក្ខរក្រម​ខ្លួន (​មិន​មែន​ឡាតាំង​) នៅ​លើ​ស្លាក​រថយន្ត​ផង​ តួ​យ៉ាង​ប្រទេស​ភូមា​ជា​ដើម​។ កម្ពុជា​មិន​គួរ​ចាំ​បាច់​ដើរ​លឿន​ដល់​ថ្នាក់​នេះ​ទេ​៕

តួ​យ៉ាង​ស្លាក​រថយន្ត​ពិសេស​ថ្មី​ដែល​ក្រសួង​នឹង​ដាក់​ឲ្យ​ដំណើរ​ការ

Untitled-281738983_1302095979974739_6447754476991283200_o

Repost : តែមប្រិ៍​កម្ពុជា​ចូល​អសប ថ្ងៃ​១៤ ខែ​ធ្នូ ពស​២៤៩៨ ថ្ងៃសៅរ៍ 14 ខែធ្នូ 2019

Posted by សុភ័ក្ត្រ in ប្រវត្តិសាស្ត្រ, អំពីស្រុកខ្មែរ.
add a comment

នេះ​ជា​តែមប្រិ៍​របស់​អតីត​ព្រះ​រាជ​អាណាចក្រ​កម្ពុជា ដែល​បាន​បោះ​ក្នុង​ឱកាស​ប្រទេស​កម្ពុជា​បាន​ចូល​ជា​សមាជិក​នៃ​អង្គការ​សហ​ប្រជាជាតិ (អសប) កាល​ពី​ថ្ងៃ​ទី​១៤ ខែ​ធ្នូ ពស​២៤៩៨ ឬ​គស​១៩៥៥ គឺ​តែ​ពីរ​ឆ្នាំ​ប៉ុណ្ណោះ​ក្រោយ​ប្រទេស​កម្ពុជា​បាន​ទទួល​ឯករាជ្យ​ពី​អាណា​និគម​បារាំង​សែស។

តែមប្រិ៍​នេះ​មាន​បី​ប្រភេទ គឺ​ប្រភេទ​​ទី​មួយ​មាន​តម្លៃ​២​រៀល, ទី​២ មាន​តម្លៃ​៤,៥០​រៀល ទី​៣ មាន​តម្លៃ​៨,៥០​រៀល។ ដោយ​នៅ​ខាង​លើ​​បង្អស់​នៃ​តែមប្រិ៍​មាន​សរសេរ​អក្សរ​ថា «ព្រះ​រាជ​អាណាចក្រ​កម្ពុជា» (ឈ្មោះ​ផ្លូវ​ការ​របស់​ប្រទេស​កម្ពុជា កាល​សម័យ​នោះ)។ បន្ទាត់​បន្ទាប់​គឺ​តម្លៃ​នៃ​តែមប្រិ៍ ដែល​នៅ​ខាង​ឆ្វេង​ដៃ​ជា​អក្សរ​ឡាតាំង និង​នៅ​ខាង​ស្ដាំ​ជា​អក្សរ​ខ្មែរ។ នៅ​ចំ​កណ្ដាល​នៃ​តែមប្រិ៍ មាន​រូប​ជា​ផែន​ដី​រង្វង់​មូល ដោយ​មាន​រចនា​ទង់​​របស់​អសប នៅ​ខាង​ឆ្វេង និង​ទង់​ជាតិ​កម្ពុជា នៅ​ខាង​ស្ដាំ ដោយ​នៅ​ក្រោម​ទង់​ទាំង​ពីរ​មាន​ព្រះ​ឆាយាល័ក្ខណ៍ ព្រះ​ករុណា​ព្រះ នរោត្ដម សីហនុ វរ្ម័ន (ព្រះ​មហាក្ស័ត្រិយ៍​ខ្មែរ​នា​សម័យ​នោះ ដែល​បាន​នាំ​កម្ពុជា​ចូល​អសប)។

នៅ​ខាង​ក្រោម​នៃ​រូប​ផែន​ដី​មាន​រចនា​អក្សរ​បារាំង​ថា POSTES និង​អក្សរ​ខ្មែរ​ថា ប្រៃសណីយ៍។ ចំណែក​ឯ​បន្ទាត់​ក្រោម​មាន​សរសេរ​អក្សរ​ខ្មែរ និង​បារាំង​ថា កម្ពុជា​ចូល​អសប ថ្ងៃ​១៤ ខែ​១២ ពស​២៤៩៨ និង​ LE CAMBODGE ALONU 14 12 55។

តែមប្រិ៍​កម្ពុជា​ចូល​អសបទាំង​៣​ប្រភេទ

___________________________________________________________
អាន​ផង​ដែរ​៖
១. តែមប្រិ៍​ខួប​លើក​ទី​៤០ ថ្ងៃ​ចូល​សមាជិក អ.ស.ប.

ឯកសារ​ប្រវត្តិ​សាស្ត្រ ៖ សេចក្តីថ្លែងការណ៍របស់ក្រសួងការបរទេស និងសហប្រតិបត្តិការអន្តរជាតិ ពាក់ព័ន្ធនឹងការ ប្រគល់ជូនគណៈកម្មការអឺរ៉ុប ថ្ងៃ​ព្រហស្បតិ៍ 12 ខែធ្នូ 2019

Posted by សុភ័ក្ត្រ in ប្រវត្តិសាស្ត្រ, អំពីស្រុកខ្មែរ, English.
add a comment

78157855_1735927989871114_5873128427342528512_n79771837_1735928009871112_2020162464951304192_n

ឯកសារ​ប្រវត្តិ​សាស្ត្រ ៖ Cambodia: European Commission finalises preliminary report on temporary suspension of trade preferences ថ្ងៃពុធ 13 ខែវិច្ឆិកា 2019

Posted by សុភ័ក្ត្រ in ប្រវត្តិសាស្ត្រ, អំពីស្រុកខ្មែរ, English.
1 comment so far

CAMBODIA | Brussels, 12 November 2019

Cambodia: European Commission finalises preliminary report on temporary suspension of trade preferences

The European Commission sent today to the authorities of Cambodia a preliminary report outlining the findings of the investigation triggered in February 2019 under the procedure for a possible temporary withdrawal of Everything But Arms (EBA) trade preferences.

The Everything But Arms arrangement is one pillar of the EU’s Generalised Scheme of Preferences, which unilaterally grants duty-free and quota-free access to the European market for all products (except arms and ammunition) from the world’s Least Developed Countries, as defined by the United Nations. These trade preferences may be suspended in case of “serious and systematic violation of principles” laid down in the human rights and labour rights Conventions listed in Annex VIII of the GSP Regulation.

Cambodia is the second-largest beneficiary of EBA trade preferences, accounting for over 18% of all imports coming into the EU market under the EBA scheme in 2018. EU imports from Cambodia totalled €5.3 billion in 2018, 95% of which entered the EU duty-free taking advantage of EBA preferences. Clothing and textiles account for around three quarters of EU imports from Cambodia (€4 billion).

In line with the rules outlined in the regulation on the EU’s Generalised Scheme of Preferences (GSP), Cambodia now has one month to react to this preliminary report. The Commission will then finalise the report and take a decision in February 2020 on whether or not to temporarily withdraw Cambodia’s tariff preferences.

The aim of the procedure is to address human rights and labour rights concerns in Cambodia. While the European Union remains committed to working with the Cambodian authorities on this aim, real and credible improvement on the issues of concern is needed in order to avoid the withdrawal of EBA preferences.

For more information:

Statement by the Spokesperson on the latest developments in Cambodia (11 November 2019)

MEMO: EU triggers procedure to temporarily suspend trade preferences for Cambodia (11 February 2019)

More on trade with Cambodia

More on the Everything but Arms trade preferences

https://trade.ec.europa.eu/doclib/press/index.cfm?id=2080&utm_source=dlvr.it&utm_medium=facebook

ព្រះ​រាជ​ពិធី​បុណ្យ​អុំ​ទូក បណ្ដែត​ប្រទីប សំពះ​ព្រះ​ខែ និង​អក​អំបុក សម្រាប់​ឆ្នាំ​២០១៩ ចាប់​ផ្ដើម ថ្ងៃអាទិត្យ 10 ខែវិច្ឆិកា 2019

Posted by សុភ័ក្ត្រ in អំពីស្រុកខ្មែរ.
2 comments

ព្រះរាជពិធីជាទំនៀមនៃព្រះនគរ គឺព្រះរាជពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក សម្រាប់ឆ្នាំ២០១៩ ចាប់ផ្ដើមហើយ សម្រាប់ថ្ងៃទី១ គឺថ្ងៃអាទិត្យ ទី១០ ខែវិច្ឆិកា នេះ។

សម្រាប់ថ្ងៃទី១នៃព្រះរាជពិធីឆ្នាំនេះ ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះអង្គបានយាងចូលរួមជាព្រះរាជាធិបតីភាព ព្រមសេនាបតី ខ្ញុំរាជការ និងប្រជានុរាស្ត្រយ៉ាងច្រើនកុះករ បានមកដង្ហែ និងអញ្ជើញចូលរួម នាប្របមាត់ទន្លេ ខាងមុខព្រះបរមរាជវាំងចតុម្មុខមង្គល ក្រុងភ្នំពេញ ដូច​បណ្ដា​ឆ្នាំ​កន្លង​ទៅ​ដែរ​។

បន្ទាប់ពីពិធីប្រណាំងទូកប្រពៃណីបានបញ្ចប់មក នៅពេលល្ងាច ព្រះអង្គ ព្រះមហាក្សត្រិយ៍ ក៏បានយាងប្រទានភ្លើងទៀនជ័យដល់ប្រទីបព្រះបរមរាជវាំង ដើម្បីជាការចាប់ផ្ដើមចេញដំណើរប្រទីបតំណាងឲ្យស្ថាប័ននានា ដែលបានចូលរួមក្នុងព្រះរាជពិធីនាឆ្នាំនេះ៕៚

រូបថត៖ AKP

D_03ព្រះមហាក្សត្រិយ៍យាងទូតការប្រណាំងទូកD_3ព្រះមហាក្សត្រិយ៍យាងទូតការប្រណាំងទូកD_13ការប្រណាំងទូក
D_15ការប្រណាំងទូក
B_1ប្រជាជនទស្សនាការប្រណាំងទូក
E_1ព្រះមហាក្សត្រិយ៍យាងប្រទានភ្លើងប្រទីប
E_3ប្រទីបព្រះបរមរាជវាំង

G_16ប្រទីប​នានា

_______________________________________________
អានផង​ដែរ ៖
១. ព្រះរាជពិធីសំពះព្រះខែ និងអកអំបុក ប្រចាំព.ស.២៥៦៣
២. ព្រះកុណា ព្រះមហាក្សត្រ ស្ដេចយាងចូលរួមក្នុងថ្ងៃបញ្ចប់នៃព្រះរាជពិធីបុណ្យអុំទូក បណ្ដែត​ប្រទីប និងសំពះព្រះខែ អកអំបុក

អបអរសាទរ​ខួប​អនុស្សាវរីយ៍​លើក​ទី​៦៦ ទិវា​បុណ្យ​ឯករាជ្យ​នៃ​ព្រះរាជាណាចក្រ​កម្ពុជា ថ្ងៃសៅរ៍ 9 ខែវិច្ឆិកា 2019

Posted by សុភ័ក្ត្រ in អំពីស្រុកខ្មែរ.
add a comment

Inde66

អានព័ត៌មាន

១៥​ឆ្នាំ នៃ​ការ​គ្រង​រាជ្យ ថ្ងៃចន្ទ 28 ខែតុលា 2019

Posted by សុភ័ក្ត្រ in អំពីស្រុកខ្មែរ.
add a comment

74624128_2602285696495600_36645953754628096_n

ខែ​តុលា ឆ្នាំ​២០១៩ នេះ នគរ​ខ្មែរ​បាន​ឈាន​មក​ដល់​វារៈ​១៥​ឆ្នាំ​នៃ​ការ​ឡើង​គ្រង​ព្រះ​បរម​សិរី​រាជ​សម្បត្តិ​នៃ​ព្រះ​ករុណា ព្រះ​បាទ​សម្ដេច​ព្រះ​បរម​នាថ នរោត្ដម សីហមុនី ជា​ព្រះ​មហា​ក្សត្រិយ៍​ព្រះ​អង្គ​ថ្មី​។ ព្រះ​អង្គ​ស្ដេច​ឡើង​បន្ត​រាជ្យ​អំពី​ព្រះ​វរ​ជន​នាថ នរោត្ដម សីហនុ បន្ទាប់​ពី​ទ្រង់​បាន​ដាក់​រាជ្យ​សម្បត្តិ​រួច​មក​​។

ព្រះ​រាជ​ពិធី​បរម​រាជាភិសេក​​ត្រូវ​បាន​ប្រារព្ធ​ធ្វើ​ឡើង​ជា​ឧឡារិក​រយៈ​ពេល​៣​ថ្ងៃ​នៅ​ក្នុង​ព្រះ​រាជ​ធានី​ភ្នំពេញ ដោយ​ចាប់​​ពី​​ថ្ងៃ​ព្រហស្បតិ៍ ១៥​កើត ដល់​ថ្ងៃ​សៅរ៍ ២​រោច ខែ​អស្សុជ ឆ្នាំ​វក ឆ​ស័ក ព.ស.​២៥៤៨ ត្រូវ​នឹង​​ថ្ងៃ​ទី​២៨ ដល់ ៣០ ខែ​តុលា ឆ្នាំ​២០០៤​ នា​ព្រះ​បរមរាជ​វាំង​ចតុម្មុខ​មង្គល ទៅ​តាម​បូរាណ​រាជ​បវេណី​។

រយៈ​ពេល​១៥​ឆ្នាំ​មក​នេះ ព្រះ​បាទ​សម្ដេច​ព្រះ​បរម​នាថ ស្ដេច​ទ្រង់​បាន​ប្រកប​ព្រះ​រាជ​ករណីយ​កិច្ច​នានា​ប្រការ ដើម្បី​បម្រើ​ប្រជានុរាស្ត្រ​នៃ​ទ្រង់​គ្រប់​ក្រៅ​ក្នុង ទាំង​ខេត្ត​ជន​បទ​នានា ដោយ​ព្រះ​ពលំ និង​ប្រៀប​ទៅ​ដោយ​ទស​ពិធ​រាជ​ធម៌ ដូច​ដែល​ការ​ស្ដេច​មាន​ព្រះ​បឋម​បរម​រាជ​ឱង្ការ​នៃ​ឱកាស​ព្រះ​រាជ​ពិធី​រាជាភិសេក​ ថា ៖

ខ្ញុំ​តាំង​សច្ចា​ថា​នឹង​ប្រព្រឹត្ត​តាម​រដ្ឋ​ធម្មនុញ្ញ និង​ច្បាប់​ទាំង​ឡាយ​នៃ​ព្រះ​រាជាណាចក្រ ហើយ​នឹង​តាំង​ចិត្ត​ធ្វើ​ផល​ប្រយោជន៍​ដល់​រដ្ឋ និង​ប្រជារាស្ត្រ​…

ដោយ​ឡែក​ស្ថិត​ក្នុង​ឱកាសដ៏មហានក្ខត្តឫក្សវិសេសវិសាល នៃព្រះរាជពិធីបុណ្យគម្រប់ ១៥​ឆ្នាំ នៃ​ការយាងគ្រងព្រះបរមសិរីរាជ្យសម្បត្តិ នៃព្រះករុណាជាអម្ចាស់ជីវិតលើត្បូង នា​ឆ្នាំ​នេះ​ រាជ​រដ្ឋាភិបាល​​បាន​សម្រេច​បោះ​ពុម្ព​ផ្សាយ​នូវ​ប្រភេទ​ធនបត្រ​​អនុស្សាវរីយ៍​ ១៥.០០០​រៀល​ថ្មី ព្រម​ទាំង​កាស​មាស​​អនុស្សាវរីយ៍​ចំនួន​ពីរ​ប្រភេទ​ផ្សេង​គ្នា ដើម្បី​អប​អរ​សាទរ​​​ព្រះ​រាជ​ពិធី​ដ៏​ពិសេស​​នេះ​ផង​ដែរ​៕

_____________________________________________________
អាន​ផង​ដែរ
១. ចេញ​ធនបត្រ និង​កាស​អនុស្សាវរីយ៍​ខួប​ឆ្នាំ​ទី​១៥ បរម​រាជាភិសេក

%d bloggers like this: