jump to navigation

កាល​ស្ដេច​យាង​ទៅ​ព្រះ​វិហារ Honganji ក្រុង​តូក្យូ ថ្ងៃសុក្រ 11 ខែ​ឧសភា 2018

Posted by សុភ័ក្ត្រ in ប្រវត្តិសាស្ត្រ, 日本語.
add a comment

នេះ​គឺ​ជា​រូប​ភាព​ប្រវត្តិ​សាស្ត្រ​កាល​ពី​៦៥​ឆ្នាំ​មុន​។ ព្រះ​ករុណា ព្រះ​បរម​រតន​កោដ្ឋ​កាល​ស្ដេច​គ្រង​រាជ្យ​ជា​ព្រះ​មហា​ក្សត្រិយ៍​នៃ​ក្រុង​កម្ពុជា មុន​ទទួល​បាន​ឯករាជ្យ ស្ដេច​យាង​បំពេញ​ព្រះ​រាជ​ទស្សន​កិច្ច​នា​ព្រះ​វិហារ Honganji កាល​ពី​ថ្ងៃ​ទី​១១ ខែ​ឧសភា ឆ្នាំ​១៩៥៣ នា​ទីក្រុង​តូក្យូ ប្រទេស​ជប៉ុន៕

Advertisements

ព្រះ​ចៅ​អធិរាជ​ជប៉ុន​ទ្រង់​មាន​ព្រះ​ទ័យ​ចង់​ដាក់​រាជ​សម្បត្តិ ថ្ងៃចន្ទ 8 ខែសីហា 2016

Posted by សុភ័ក្ត្រ in 日本語.
add a comment

ព្រះចៅអធិរាជប៉ុនកំពុងអានព្រះរាជសារទៅកាន់ជនរួមជាតិទ្រង់

នានាប្រទេសក្រុងតូក្យូ, ជប៉ុនប្រទេស – បន្ទាប់ពីមានព័ត៌មានលេចឮពីការមានព្រះទ័យដាក់រាជសម្បត្តិរបស់ព្រះចៅអធិរាជជប៉ុន អគិហ៊ិតុ កាលពីខែកក្កដា កន្លងមកនេះ នាថ្ងៃនេះ (០៨ សីហា ២០១៦) ព្រះអង្គបានបញ្ចេញព្រះភ័ក្ត្រផ្ញើសារជូនជនរួមជាតិព្រះអង្គ ដូចអ្វីដែលបានលេចឮប្រាកដមែន។

តាមរយៈសេចក្ដីថ្លែងការណ៍របស់ព្រះអង្គ ដែលអានដោយទ្រង់ផ្ទាល់ ព្រះចៅអធិរាជ ដែលបច្ចុប្បន្ននេះ ព្រះអង្គមានព្រះជន្ម៨៣ព្រះវស្សាមកនោះ ទ្រង់បានថ្លែងរៀបរាប់ពីបញ្ហាព្រះរាជសុខភាពរបស់ទ្រង់ដែលកើតឡើងដោយសារបញ្ហាព្រះជន្មច្រើន ទៅកាន់ប្រជានុរាស្ត្រជប៉ុនរបស់ព្រះអង្គ។

ប៉ុន្មានឆ្នាំមកនេះ ខ្ញុំត្រូវចូលធ្វើការវះកាត់រហូតដល់ទី២ដង និងចាប់ផ្ដើមមានអារម្មណ៍ចុះខ្សោយបណ្ដាលមកពីអាយុកាន់តែច្រើន។ បញ្ហាអស់ទាំងនេះបានធ្វើឲ្យខ្ញុំគិតហើយថាអ្វីនឹងកើតឡើងចំពោះរូបខ្ញុំ។ នៅពេលដែលខ្ញុំមិនមានលទ្ធភាពបំពេញតួនាទីបានដូចកាលពីពេលមុន ខ្ញុំនឹងធ្វើអ្វីដើម្បីប្រទេសជាតិ ប្រជាជន និងអ្នកបន្តរាជសន្តតិវង្ស។

ខ្ញុំមានអាយុជាង៨០ឆ្នាំហើយ បើទោះពេលនេះមានសុខភាពល្អនៅឡើយក្ដី តែក៏នៅកង្វល់ថាមិនមានលទ្ធភាពបំពេញតួនាទីប្រមុខជានិមិត្តរូបរបស់ប្រទេសជាតិបានតទៅទៀត។

អានព្រះរាជសារព្រះអង្គទាំងស្រុងជាភាសាអង់គ្លេស ចុចទីនេះ

ប្រទេសជប៉ុនដែលរដ្ឋធម្មនុញ្ញមិនបានចែងពីការដាក់រាជសម្បត្តិរបស់ព្រះចៅអធិរាជនោះ ត្រូវគេរំពឹងថានឹងមានការកែប្រែរដ្ឋធម្មនុញ្ញដើម្បីបើកផ្លូវឲ្យព្រះអង្គអាចដាក់រាជសម្បត្តិបាន។ លោកនាយករដ្ឋមន្ត្រីជប៉ុនបានយល់អំពីព្រះរាជបំណងរបស់ព្រះចៅអធិរាជ ហើយគេរំពឹងថាការកែប្រែរដ្ឋធម្មនុញ្ញអាចនឹងត្រូវធ្វើឡើងនាពេលឆាប់ៗនេះ។

ព្រះចៅអធិរាជជប៉ុន អគិហ៊ិតុ ទ្រង់បានឡើងសោយរាជសម្បត្តិតាំងពីឆ្នាំ១៩៨៩មក បន្តពីព្រះចៅអធិរាជហ៊ិរ៉ូហ៊ិតុ។ ព្រះអង្គបានទទួលគ្រឿងរាជឥស្សរិយយសនៃព្រះរាជាណាចក្រកម្ពុជា ថ្នាក់មហាសេរីវឌ្ឍន៍ផងដែរ៕

ព្រះករុណា ព្រះបរមរតនកោដ្ឋ ព្រមទាំងសម្ដេចព្រះមហាក្សត្រីយ៍ ជាមួយនិងព្រះចៅអធិរាជជប៉ុន (កាលណុះទ្រង់ជាព្រះអង្គម្ចាស់រាជទាយាទនៅឡើយ) និងព្រះអង្គម្ចាស់ក្សត្រីយ៍ មិឈិកុ នាបរិវេណខាងមុខព្រះរាជវាំងតុហ្គូ នាទីក្រុងតូក្យូ ប្រទេសជប៉ុន កាលពីថ្ងៃទី៩ ខែសីហា ឆ្នាំ១៩៨៨

សម្ពោធ​ស្ពាន​ត្សឹបាសា អ្នក​លឿង ថ្ងៃចន្ទ 6 ខែ​មេសា 2015

Posted by សុភ័ក្ត្រ in ប្រវត្តិសាស្ត្រ, អំពីស្រុកខ្មែរ, 日本語.
2 comments




គណៈ​សង្ឃ​ពុទ្ធ​សាសនា​ជប៉ុន​ចាត់​ពិធី​បង្សុកូល​គោរព​ដួង​ព្រះ​វិញ្ញាណ​ក្ខន្ធ​សម្ដេច​ព្រះ​បរម​រតន​កោដ្ឋ​យ៉ាង​ធំ​សម្បើម ថ្ងៃសៅរ៍ 24 ខែវិច្ឆិកា 2012

Posted by សុភ័ក្ត្រ in សោយ​ទិវង្គត​នៃ​សម្ដេច​ព្រះ​មហា​វីរ​ក្ស័ត្រិយ៍, English, 日本語.
add a comment

កាល​ពី​ថ្ងៃ​ទី​១៨ ខែ​វិច្ឆិកា ឆ្នាំ​២០១២ កន្លង​ទៅថ្មី​ៗ​នេះ​នៅ​ឯ​ប្រទេស​ជប៉ុន គណៈ​សង្ឃ​ជាន់​ខ្ពស់​នៃ​ព្រះ​ពុទ្ធ​សាសនា​ជប៉ុន​និកាយ​ណេនបូតស៊ូស្ហុ (Nenbutsushu) ដែល​មាន​ព្រះ​តេជ​ព្រះ​គុណ​បណ្ឌិត​ក្យូសេ អេនស្ហិនជុហ (Kyuse Enshinjoh) ជា​ប្រធាន បាន​រៀប​ចំ​មហា​ពិធី​មួយ​បង្សុកូល​ឧទ្ទិស​មហា​កុសល​ថ្វាយ​ព្រះ​ករុណា​ព្រះ​បាទ​សម្ដេច​ព្រះ នរោត្ដម សីហនុ ព្រះ​មហា​វីវក្សត្រិយ៍ ព្រះ​វររាជ​បិតា​ជាតិ​ខ្មែរ ព្រះ​បរម​រតន​កោដ្ឋ។

យាង​ជា​ព្រះ​រាជ​តំណាង​នៅ​ក្នុង​ពិធី​ដ៏​ធំ​សម្បើម​នោះ មាន​​សម្ដេច​ព្រះ​សង្ឃរាជ​ទាំង​ពីរ​គណៈ​នៃ​ព្រះ​រាជាណាចក្រ​កម្ពុជា រួម​និង​គណៈ​ប្រតិភូ​ជា​មន្ត្រី​សង្ឃ​នៃ​ព្រះ​រាជាណាចក្រ​កម្ពុជា​ជា​ច្រើន​អង្គ​ទៀត។ នេះ​អាច​រាប់​ចាត់​ថា​ជា​ពិធី​គោរព​ព្រះ​វិញ្ញាណក្ខន្ធ​ព្រះ​ករុណា​ព្រះ​បរម​កោដ្ឋ​ដ៏​ធំ​បំផុត​មួយ​ដែល​ធ្វើ​ដោយ​ជន​ជាតិ​បរទេស​នៅ​ក្រៅ​ប្រទេស​កម្ពុជា។

តាម​របាយការណ៍​បាន​ឲ្យ​ដឹង​ថា នៅ​ក្នុង​ពិធី​នោះមាន​ព្រះ​សង្ឃ និង​អ្នក​ចូល​រួម​ប្រមាណ​៣,៦០០​អង្គ​/នាក់ ប្រកប​ដោយ​ភាព​អធិក​អធម​ជា​ពន់​ពេក។ បន្ទាប់​មក​មាន​ប្រជាជន​ជប៉ុន​ប្រមាណ​១០,០០០​នាក់​បាន​មក​គោរព​ព្រះ​វិញ្ញាណ​ក្ខន្ធ និង​ដាក់​ផ្កា​គោរព​ព្រះ​បរម​ឆាយា​លក្ខណ៍​សម្ដេច​ជា​អម្ចាស់​។ នៅ​ក្នុង​របាយការណ៍​ទៀត​សោត គណៈ​សង្ឃ​ជប៉ុន​និកាយណេនបូតស៊ូស្ហុ បាន​ចាត់​ពិធី​គោរព​វិញ្ញាណក្ខន្ធ​ព្រះ​ករុណា​ព្រះ​បរម​រតន​​កោដ្ឋ​តាំង​ពី​ថ្ងៃ​ដែល​ព្រះ​អង្គ​សុវណ្ណគត គឺ​ថ្ងៃ​ទី​១៥ ខែ​តុលា ឆ្នាំ​២០១២ មក​និង​បន្ត​រហូត​ដល់​ខែ​កុម្ភៈ ឆ្នាំ​២០១៣ ខាង​មុខ​ដែល​ជា​កាល​កំណត់​ថ្វាយ​ព្រះ​ភ្លើង។

សូម​បញ្ជាក់​ដែរ​ថា ព្រះ​ករុណា​ព្រះ​បរម​កោដ្ឋ​ព្រះ​អង្គ​ និង​សម្ដេច​ព្រះ​វររាជ​មាតា​ជាតិ​ខ្មែរ ព្រះ​អង្គ​ធ្លាប់​បាន​យាង​ទៅ​កាន់​ទី​នោះ​ម្ដង​ហើយ កាល​ពី​ឆ្នាំ​២០០៨ ក្នុង​ឱកាស​ប្រារព្ធ​ពិធី​កិច្ច​ប្រជុំ​កំពូល​ស្ដី​អំពី​ព្រះ​ពុទ្ធ​សាសនា​ពិភព​លោក ហើយ​ដែល​ព្រះ​អង្គ​មាន​ហ្ឬទ័យ​ស្រឡាញ់ និង​ទទួល​ការ​ស្រឡាញ់​ពី​សំណាក់​គណៈ​សង្ឃ​នៃ​ប្រទេស​ជប៉ុន​យ៉ាង​ក្រៃ​លែង។ សូម​អាន​អត្ថបទ៖ Royal trip to a Buddhist paradise, មើល​ព័ត៌មាន​ពី​ទទក ចុច​ទី​នេះ
















ព្រះ​ឆាយាលក្ខណ៍​ហ្លួង​បរម​រតនកោដ្ឋ និង​សម្ដេច​ព្រះ​រាជ​អគ្គ​មហេសី ក្នុង​ឱកាស​ចូល​រួម​ប្រារព្ធ​ពិធី​កិច្ច​ប្រជុំ​កំពូល​ស្ដី​អំពី​ព្រះ​ពុទ្ធ​សាសនា​ពិភព​លោក កាល​ពី​ឆ្នាំ​២០០៨

លិខិត​របស់​ព្រះ​តេជ​ព្រះ​គុណ​បណ្ឌិត​ក្យូសេ អេនស្ហិនជុហ ផ្ញើ​ជូនសម្ដេច​ព្រះ​វរ​រាជ​មាតា និង​ព្រះ​ករុណា​ព្រះ​មហាក្សត្រិយ៍


តុក្កតា​ស៊ី​ផ្សិត ថ្ងៃសៅរ៍ 4 ខែសីហា 2012

Posted by សុភ័ក្ត្រ in វីដេអូ, 日本語.
4 comments

មាន​នរណា​ធ្លាប់​ឆ្លង​កាត់​លេង​តេឡេកម្ម៉ង់​ទេ? ហេហេ…. ប្រសិន​បើ​លោក​អ្នក​ធ្លាប់​ប្រហែល​ជា​នៅ​ចាំ​បាន​ហើយ «តុក្កតា​ស៊ី​ផ្សិត» គឺ​ជា​ល្បែង​តេឡេកម្ម៉ង់​ដ៏​ល្បី​មួយ​កាល​ពី​ជំនាន់​នោះ។ ឥឡូវ​សាក​ល្បង​មើល​តុក្កតា​ស៊ី​ផ្សិត នេះ ច្បាប់​មនុស្ស​លោក​ម្ដង​មើល ពី​កម្មវិធី​ Kasou Taishou របស់​ទូរទស្សន៍​ជប៉ុន

______________________________________________
អាន​ផង​ដែរ
១. កម្មវិធី​ Kasou Taishou របស់​ទូរទស្សន៍​ជប៉ុន

កម្មវិធី​ Kasou Taishou របស់​ទូរទស្សន៍​ជប៉ុន ថ្ងៃអង្គារ 24 ខែកក្កដា 2012

Posted by សុភ័ក្ត្រ in វីដេអូ, 日本語.
4 comments

ខ្ញុំ​ចូល​ចិត្ត​កម្មវិធី​មួយ​របស់​​ទូរទស្សន៍​ជប៉ុន ដែល​គេ​ហៅ​ថា 欽ちゃん&香取慎吾の全日本仮装大賞; ឬ Kinchan and Katori Shingo’s All Japan Costume Grand Prix។

កម្មវិធី​នេះ​មាន​បញ្ចាំង​នៅ​ក្នុង​ទូរទស្សន៍ អិន​ធីវី របស់​ជប៉ុន ជា​កម្មវិធី​ដែល​​បើក​ប្រកួត​ឲ្យ​សាធារណជន​ចូល​រួម​សម្ដែង​ផ្សេង​ៗ​គ្រប់​បែប​យ៉ាង​ប្រកប​ដោយ​​ភាព​ច្នៃ​ប្រឌិត គួរ​ឲ្យ​កើត​សរសើរ​របស់​ប្រជាជន​ជប៉ុន។

ប្រសិន​បើ​លោក​អ្នក​មិន​មាន​ប៉ុស្តិ៍​ជប៉ុន​នេះ​ទេ លោក​អ្នក​ក៏​អាច​បើក​មើល​បាន​តាម​ទូរទស្សន៍​ថៃ​លេខ​៩ ដែល​គេ​យក​មក​ចាក់​ផ្សាយ​រៀង​រាល់​ថ្ងៃ​ពុធ វេលា​ម៉ោង​២០.៣០ ដល់​២១.៣០ ផង​ដែរ។

គេហទំព័រ​កម្មវិធី​នេះ៖ www.ntv.co.jp/kasoh

តួ​យ៉ាង​នៃ​កម្មវិធី​នេះ

__________________________________________________________________
អាន​ផង​ដែរ
១. កម្មវិធី​ទូរទស្សន៍​ថៃ​ភី​ប៊ី​អេស พันแสงรุ้ง
២. តុក្កតា​ស៊ី​ផ្សិត

ស្វាគមន៍​ព្រះអង្គម្ចាស់រជ្ជទាយាទ ណារូហ៊ីតុ ថ្ងៃពុធ 27 ខែមិថុនា 2012

Posted by សុភ័ក្ត្រ in អំពីស្រុកខ្មែរ, 日本語.
2 comments

អានព័ត៌មាន
១. ព្រះអង្គម្ចាស់រជ្ជទាយាទជប៉ុន យាងទៅទស្សនកិច្ច នៅសៀមរាបអង្គរ នាថ្ងៃទី២៨មិថុនា
២. រជ្ជទាយាទជប៉ុន ធ្វើព្រះរាជទស្សនកិច្ចនៅកម្ពុជាបីថ្ងៃ

%d bloggers like this: