jump to navigation

លេខ​កូដ​ប្រៃសណីយ៍​ ៖ ភ្នំពេញ – ខណ្ឌ​ចំការ​មន ថ្ងៃអង្គារ 14 ខែសីហា 2018

Posted by សុភ័ក្ត្រ in កូដ​ប្រៃសណីយ៍-​ភ្នំពេញ.
add a comment

ខណ្ឌ​ចំការ​មន របស់​រាជ​ធានី​ភ្នំពេញ មាន​សរុប​ទាំង​អស់​១២​សង្កាត់ ដោយ​សង្កាត់​នីមួយ​ៗ មាន​លេខ​កូដ​ប្រៃសណីយ៍​ផ្ទាល់​ខ្លួន​ ដូច​ត​ទៅ​នេះ​ ៖

  1. ទន្លេបាសាក់ – ១២៣០១
  2. បឹងកេងកងទី១ – ១២៣០២
  3. បឹងកេងកងទី២ – ១២៣០៣
  4. បឹងកេងកងទី៣ – ១២៣០៤
  5. បឹងត្របែក – ១២៣០៥
  6. ទំនប់ទឹក – ១២៣០៦
  7. ផ្សារដើមថ្កូវ – ១២៣០៧
  8. ទួលស្វាយព្រៃទី១ – ១២៣០៨
  9. ទួលស្វាយព្រៃទី២ – ១២៣០៩
  10. ទួលទំពូងទី១ – ១២៣១០
  11. ទួលទំពូងទី២ – ១២៣១១
  12. អូឡាំពិក – ១២៣១២

*** សម្រាប់​លេខ​កូដ​ប្រៃសណីយ៍​ខណ្ឌ​ឯ​ទៀត​ៗ​របស់​រាជធានី​ភ្នំពេញ ចុច​ទី​នេះ

_______________________________________________________
អាន​ផង​ដែរ​៖
១. កូដ​​ប្រៃសណីយ៍ និង​កង្វះ​ការ​យល់​ដឹង
២. លេខ​កូដ ប្រៃសណីយ៍​នៃ​ព្រះរាជាណាចក្រ​កម្ពុជា

Advertisements

ឈុត​តែមប្រិ៍​វប្បធម៌​ខ្មែរ ថ្ងៃចន្ទ 13 ខែសីហា 2018

Posted by សុភ័ក្ត្រ in ពីនេះពីនោះ.
2 comments

នា​ថ្ងៃ​នេះ (​១៣ សីហា ២០១៨​) ប្រៃសណីយ៍​កម្ពុជា​បាន​ដាក់​ចេញ​ឲ្យ​ប្រើ​ប្រាស់​នូវ​ប្រភេទ​ឈុត​តែមប្រិ៍​ប្រៃសណីយ៍​ថ្មី​មួយ​ឈ្មោះ​ថា ឈុត «​វប្បធម៌​ខ្មែរ​»​។

ឈុត​តែមប្រិ៍​ថ្មី​នេះ មាន​៥​ប្រភេទ ដោយ​មាន​ប្រភេទ​៥០០​រៀល​, ១.២០០​រៀល​, ២.១០០​រៀល​, ៣.០០០​រៀល និង​៤.​០០០​រៀល​ ដោយ​មាន​ទំហំ​៤៣ គុណ​នឹង​៣២​មម.​។ តាម​ប្រកាស​ចេញ​ផ្សាយ​ដោយ​ប្រៃសណីយ៍​កម្ពុជា ឈុត​ថ្មី​នេះ​ត្រូវ​បាន​បោះ​ពុម្ព​នៅ​ប្រទេស​វៀតណាម​។

លោក​អ្នក​អាច​រកជាវបាន​ នៅគ្រប់សាខា​ប្រៃសណីយ៍ ខេត្តក្រុង នៃព្រះរាជាណាចក្រកម្ពុជា​៕

ឈុត​តែមប្រិ៍​វប្បធម៌​ខ្មែរ

__________________________________________________
អាន​ផង​ដែរ​៖
១. ឈុត​តែមប្រិ៍​កីឡា​បាល់​ទាត់​នៅ​កម្ពុជា
២. ឈុត​តែមប្រិ៍ «សំបូរ​ព្រៃគុក»

ថៃ​ប្រារព្ធ​ពិធី​បុណ្យ​ចម្រើន​ព្រះ​ជន្ម​សម្ដេច​ព្រះ​រាជិនី ថ្ងៃអាទិត្យ 12 ខែសីហា 2018

Posted by សុភ័ក្ត្រ in ภาษาไทย.
add a comment

នានាប្រទេស៖ ក្រុងទេពមហានគរ, ស្យាមប្រទេស – ថ្ងៃ​នេះ (​១២ សីហា ២០១៨​) នៅ​​ឯ​នគរ​ថៃ​មាន​ការ​ប្រារព្ធ​ព្រះ​រាជ​ពិធី​ដែល​ជា​បុណ្យ​ឈប់​សម្រាក​ប្រចាំ​ឆ្នាំគឺ​ចម្រើន​ព្រះ​ជន្ម​សម្ដេច​ព្រះ​នាង​ម្ចាស់​សិរិកិតិ៍ ព្រះ​បរម​រាជិនីនាថ ដែល​ជា​ព្រះ​រាជ​អគ្គ​មហេសី​នៃ​អតីត​ព្រះ​មហា​ក្សត្រិយ៍ថៃ ព្រះ​បាទសម្ដេចព្រះបរមិន្ទ្រមហាភូមិពល អតុល្យតេជ ឬរាមាទី៩ និង​ជា​ព្រះ​រាជ​មាតា​នៃ​ព្រះ​មហា​ក្សត្រិយ៍​បច្ចុប្បន្ន ​សម្ដេចព្រះ​ចៅ​យូហួ​មហា​វជិរាលង្ករណ បតិន្ទ្រទេព្យវរាង្កូរ ឬ​រាមា​ទី​១០​​។

ប្រសូត​នា​ថ្ងៃ​ទី​១២ ខែ​សីហា ឆ្នាំ​១៩៣២ បច្ចុប្បន្ន​នេះ​ទ្រង់​មាន​ព្រះ​ជន្ម​៨៦​ព្រះ​វស្សា​ហើយ ហើយ​ក៏​កំពុង​គង់​ព្យាបាល​ព្រះ​រោគ និង​មិន​បាន​បង្ហាញ​ព្រះ​កាយ​ជា​សាធារណៈ​អស់​រយៈ​ពេល​ជា​ច្រើន​ឆ្នាំ​មក​ហើយ សូម្បី​កាល​បុណ្យ​ព្រះ​បរម​សព​នៃ​ព្រះ​ស្វាមី​ព្រះ​អង្គ ក៏​មិន​ឃើញ​ព្រះ​អង្គ​បង្ហាញ​ព្រះ​កាយ​យាង​ចូល​រួម​ក្នុង​ព្រះ​រាជ​ពិធី​ផង​ទេ​។

ដោយ​ឡែក​តាម​រយៈ​រូប​ថត​ប៉ុន្មាន​សន្លឹក​ដែល​ផ្សព្ធ​ផ្សាយ​នៅ​តាម​បណ្ដាញ​សង្គម​នា​ថ្ងៃ​នេះ បាន​បង្ហាញ​ឲ្យ​ឃើញ​ពី​ព្រះ​ភ័ក្ត្រ​ទ្រង់​កំពុង​ធ្វើ​បុណ្យ​ចម្រើន​ព្រះ​ជន្ម​ជា​លក្ខណៈ​ឯកជន​ជាមួយ​ក្រុម​ព្រះ​ញាតិ​ព្រះ​អង្គ ដោយ​មាន​វត្តមាន​ព្រះ​រាជ​បុត្រ ដែល​ជា​ព្រះ​មហាក្សត្រិយ៍​បច្ចុប្បន្ន​ផង​។

ប្រជាជាតិ​ថៃ គឺ​ជា​ជាតិ​ដែល​លើក​តម្កើង​ស្ថាប័ន​ព្រះ​មហាក្សត្រិយ៍​ខ្ពស់ ហើយ​ថ្ងៃ​ចម្រើន​ព្រះ​ជន្ម​ព្រះ​រាជិនី​ខ្លួន​នេះ ក៏​ត្រូវ​បាន​ចាត់​ទុក​ជា​ថ្ងៃ​ «​ទិវា​ម្ដាយ» ផង​ដែរ​៕

រូប​ភាព​ដែល​ផ្សាយ​តាម​បណ្ដាញ​សង្គម​បង្ហាញ​ព្រះ​កាយ​សម្ដេច​ព្រះ​រាជិនី​ថៃ និង​ព្រះ​ញាតិ​វង្ស​កំពុង​ធ្វើ​បុណ្យ​ចម្រើន​ព្រះ​ជន្ម

កីឡា​អាស៊ី ឆ្នាំ​២០១៨ ថ្ងៃសៅរ៍ 11 ខែសីហា 2018

Posted by សុភ័ក្ត្រ in កីឡា​អាស៊ី​១៨.
1 comment so far

សម្រាប់​កា​រ​ប្រកួត​កីឡា អាស៊ី​លើក​ទី​១៨ ឆ្នាំ​២០១៨​នេះ ត្រូវ​បាន​ស្គាល់​ថា ចាការតា ប៉ាឡែមបាង ២០១៨ ដែល​នឹង​ប្រារព្ធ​បើក​កម្មវិធី​ជា​ផ្លូវ​ការ​នា​​ថ្ងៃ​ទី​១៨ ខែ​សីហា សប្ដាហ៍​ខាង​មុខ​នេះ នៅ​ទី​ក្រុង​ចាការតា ប្រទេស​ឥណ្ឌូណេស៊ី​។ ការ​ប្រកួត​កីឡា​អាស៊ី នា​ពេល​នេះ នឹង​ធ្វើ​ពី​ថ្ងៃ​ទី​១៨ ខែ​សីហា រហូត​ដល់​ថ្ងៃ​ទី​២ ខែ​កញ្ញា ដោយ​មាន​ទី​ក្រុង​ពីរ​របស់​ឥណ្ឌូណេស៊ី​រៀប​ចំ​ធ្វើ​ជា​ម្ចាស់​ផ្ទះ គឺ​ចាការតា និង​ប៉ាឡែមបាង​។

កីឡា​ចំនួន​៤២​ប្រភេទ នឹង​ព្រឹត្តិការណ៍​ការ​ប្រកួត​ចំនួន​៤៨៤ នឹង​ដាក់​ឲ្យ​ប្រកួត​នៅ​ក្នុង​កីឡា​អាស៊ី​ឆ្នាំ​២០១៨​នេះ​។ ចំណែក​ឯ​អ្នក​ចូល​រួម​វិញ​គឺ​មក​ពី​សមាជិក​​ក្រុម​ប្រឹក្សា​អូឡាំពិក​អាស៊ី​​ទាំង​៤៥​។ ដោយ​ឡែក​ចំពោះ​ប្រទេស​កូរ៉េ​ទាំង​ពីរ​វិញ នឹង​ត្រូវ​ដើរ​រួម​គ្នា​​ទាំង​ក្នុង​ពិធី​បិទ និង​បើក ហើយ​ប្រើ​ប្រាស់​ទង់​រួម​មួយ​ផង​។ ចំណែក​ឯ​ប្រទេស​គុយវ៉ែត​វិញ អ្នក​ចូល​រួម​ត្រូវ​បាន​អនុញ្ញាតិ​ក្នុង​នាម​ជា​កីឡាករ​ឯករាជ្យ ដោយ​សារ​មូល​ហេតុ​ការ​ភ្ជួ​សមាជិកភាព​គណៈ​កម្មាធិការ​ជាតិ​អូឡាំពិក​គុយវ៉ែត។

ចំពោះ​ការ​ប្រកួត​នា​ពេល​នេះ ប្រទេស​កម្ពុជា​គ្រោង​នឹង​បញ្ជូន​ប្រតិភូ​កីឡា​ចំនួន​៧១​រូប ដោយ​មាន​១៣​ប្រភេទ​កីឡា សម្រាប់​ចូល​រួម​ប្រកួត​ផង​ដែរ​។ ប្រភេទកីឡាទាំង១៣ ដែលត្រូវទៅចូលរួមការប្រកួតកីឡាអាស៊ី លើកទី១៨ ឆ្នាំ២០១៨ នៅប្រទេសឥណ្ឌូណេស៊ី នាពេលខាងមុខនេះ មានកីឡាអត្តពលកម្ម ហែលទឹក តេក្វាន់ដូ យូដូ ចំបាប់ គុនដាវ ម៉ូតូទឹក ជឺជិតស៊ូ សូហ្វតេន្នីស កាយសម្ព័ន្ធ ទូកកានូ ការ៉ាតេដូ និងកីឡាទូកក្ដោង​៕

ស្លាក​សញ្ញា​ការ​ប្រកួត​កីឡា​អាស៊ី​លើក​ទី​១៨ នៅ​ប្រទេស​ឥណ្ឌូណេស៊ី

តុក្កតា​នាំ​សំណាង​សម្រាប់​កីឡា​អាស៊ី​លើក​ទី​១៨ មាន​៖ ភីន ភីន, កាកា និង​អាទុង

___________________________________________________
អាន​ផង​ដែរ​៖
១. ឥណ្ឌូណេស៊ី​​បើក​ជា​ផ្លូវ​ការ កីឡា​អាស៊ី លើក​ទី​១៨ ចាការតា ប៉ាឡែមបាង ២០១៨

«​លាវ​» វង្វេង ថ្ងៃសុក្រ 10 ខែសីហា 2018

Posted by សុភ័ក្ត្រ in ប្រវត្តិសាស្ត្រ, អំពីស្រុកខ្មែរ, ภาษาไทย, ພາສາລາວ.
3 comments

លាវ​វង្វង ឬ​នៅ​ក្នុង​​ភាសា​លាវ​និយាយ​ថា ລາວຫຼົງ [លាវហ្លង អាន​ថា​៖ ឡាវ ហ្លុង] គឺ​ជា​ឈ្មោះ​សៀវភៅ​មួយ​ក្បាល​ជា​ភាសា​លាវ ដែល​បក​ប្រែ និង​រៀប​រៀង​ដោយ​លោក​សៀងដាវ (​កកន៖ ទំនង​ឈ្មោះ​ប៉ាកកា​) បោះ​ពុម្ព​នា​ក្រុង​វៀង​ចន្ទន៍ ឆ្នាំ​២០០៨​។

លាវ​វង្វង ឬ​ ລາວຫຼົງ នេះ​ត្រូវ​បាន​បក​ស្រាយ​ខុស​ៗ​គ្នា​រវាង​អ្នក​សិក្សា​ជាតិ​លាវ និង​ថៃ ដោយ​មួយ​សំដៅ​លើ​ពពួក​ក្រុម​លាវ ដែល​ត្រូវ​រសាត់​អណ្ដែត នៅ​ស្រុក​ថៃ ដោយ​មូល​ហេតុ​សង្គ្រាម និង​មួយ​សំដៅ​ដល់​ពពួក​ក្រុម​លាវ ដែល​​មាន​វត្ត​មាន​នៅ​ភាគ​ឦសាន​របស់​កម្ពុជា (​បច្ចុប្បន្ន​) ទៅ​វិញ​។

ប្រសិន​បើ​មាន​ពេល ខ្ញុំ​នឹង​ធ្វើ​ការ​បក​ប្រែ​ពី​អត្ថបទ​នៃ​ការ​បក​ស្រាយ​រវាង​មតិ​ទាំង​ពីរ​នេះ ចុះ​ទី​នេះ​គ្រាន់​ទុក​ជា​ពុទ្ធិ​បន្ថែម​។

គម្រប​សៀវភៅ លាវ​វង្វង ឬ​ ລາວຫຼົງ

_______________________________________________________
អាន​ផង​ដែរ
១. ស្ដាប់​លាវ​និយាយ​ពី​កំណើត​ភ្នំពេញ និង​ស្ទឹងត្រែង
២. ព្រះ​គ្រូ​យ៉ត​កែវ ភូមសៈមេក ធ្វើ​ដំណើរ​ទៅ​ដល់​ប្រទេស​ខ្មែរ
៣. ត​ចប់

ឆាយាល័ក្ខណ៍​​ប្រវត្តិសាស្ត្រ​កាល​ពី​៣០​ឆ្នាំ​មុន​៖ សម្តេច​ឪ និង​ព្រះ​ចៅ​អធិរាជ​ជប៉ុន ថ្ងៃ​ព្រហស្បតិ៍ 9 ខែសីហា 2018

Posted by សុភ័ក្ត្រ in បុគ្គល​សំខាន់, ប្រវត្តិសាស្ត្រ, 日本語.
add a comment

ខាង​ក្រោម​នេះ​ជា​រូប​ភាព​ប្រវត្តិ​សាស្ត្រ​ដែល​មាន​រយៈ​ពេល​៣០​ឆ្នាំ​គត់ រវាង​ព្រះ​ករុណា​ព្រះ​បាទ​សម្ដេច​ព្រះ​នរោត្ដម សីហនុ ព្រះ​វរ​រាជ​បិតា​ជា​តិ​ខ្មែរ ព្រះ​ករុណា ព្រះ​បរម​រតន​កោដ្ឋ និង​សម្ដេច​ព្រះ​​មហាក្សត្រីយ៍ ព្រះ​វរ​រាជ​មាតា​ជាតិ​ខ្មែរ ជាមួយ​និង​​រជ្ជ​ទាយាទ​​នៃ​ប្រទេស​ជប៉ុន ព្រះ​អង្គ​ម្ចាស់​ក្សត្រា អគិហ៊ិតុ និង​ព្រះ​អង្គ​ម្ចាស់​ក្សត្រីយ៍ មិឈិកុ​។

ក្នុង​ព្រះ​រាជ​បេសកកម្ម​ទៅ​កាន់​ប្រទេស​ជប៉ុន នា​ខែ​សីហា ឆ្នាំ​១៩៨៨ ព្រះ​អង្គ​ម្ចាស់​រជ្ជ​ទាយាទ (​ដែល​ពេល​នេះ​បាន​ក្លាយ​ជា​ព្រះ​ចៅ​អធិរាជ​ជប៉ុន​) និង​ព្រះ​អង្គ​ម្ចាស់​ក្សត្រីយ៍​បាន​យាង​មក​ស្វាគមន៍​ព្រះ​អង្គ នា​ថ្ងៃ​ទី​៩ ខែ​សីហា ពោល​គឺ​៣០​ឆ្នាំ​មុន​នេះ​នា​ច្រក​ចូល​ព្រះ​បរម​រាជ​វាំង តុហ្គុ ឯ​រាជ​ធានី​តុក្យូ​។ សូម​បញ្ជាក់​ថា ព្រះ​អង្គ​ទាំង​ពីរ​ក៏​ធ្លាប់​បាន​ជួប​គ្នា​ម្ដង​ដែល កាល​ពី​គ្រា​ដែល​សម្ដេច​ឪ​ស្ដេច​យាង​បំពេញ​ព្រះ​រាជ​ទស្សនកិច្ច​ទៅ​កាន់​ប្រទេស​ជប៉ុន នា​ឆ្នាំ​១៩៥៥​៕

ទំនើប​កម្ម​ប្រព័ន្ធ​រថយន្ត​ក្រុង​នៅ​រ៉នកុន ប្រទេស​ភូមា ថ្ងៃអង្គារ 7 ខែសីហា 2018

Posted by សុភ័ក្ត្រ in မြန်မာဘာသာ.
3 comments

នានា​ប្រទេស​៖ រ៉នកុន ប្រទេស​ភូមា – ជាមួយ​នឹង​ប្រជាជន​ប្រមាណ​៧​លាន​នាក់ អតីត​រដ្ឋធានី​របស់​សាធារណ​រដ្ឋ​សហភាព​​ភូមា ក្រុង​រ៉នកុន​ គឺ​ជា​ទីក្រុង​ដែល​កំពុង​វិវត្ត​ខ្លួន​យ៉ាង​លឿន​សម្បើម​អស្ចារ្យ​ជា​ទីក្រុង​ទំនើប​មួយ​នា​អនាគត​ដ៏​ខ្លី​ខាង​មុខ​នេះ​។ ទន្ទឹម​នឹង​ការ​អភិវឌ្ឍ​គ្រប់​វិស័យ​ដែល​ប្រទេស​នេះ​ទទួល​បាន​បន្ទាប់​ពី​ការ​បើក​ទ្វារ​ទៅ​កាន់​ពិភព​លោក​នោះ​ វិស័យ​ដឹក​ជញ្ជូន ក្នុង​នោះ​វិស័យ​រថ​យន្ត​ក្រុង​សាធារណៈ​របស់​ទីក្រុង​មួយ​នេះ​ក៏​កំពុង​មាន​ការ​អភិវឌ្ឍ​ព្រម​ទំនើប​កម្ម​ថ្មី​ៗ​ដើម្បី​បម្រើ​ដល់​ប្រជាជន​ក្នុង​ទីក្រុង​។

ប្រសិន​បើ​គេ​យក​មក​ប្រៀប​ធៀប​រវាង​ក្រុង​រ៉នកុន​​១០​ឆ្នាំ​កន្លង​មក ឃើញ​ថា​មាន​ភាព​ខុស​ប្លែក​គ្នា​ប្រៀប​បាត​ដៃ​និង​ខ្នង​ដៃ​។ បច្ចុប្បន្ន​នេះ រ៉នកុន ដែល​មាន​ប្រៀប​ជាង​រដ្ឋធានី​មួយ​ចំនួន​ដែល​នៅ​ជិត​ខាង​ខ្លួន មានប្រព័ន្ធ​រថយន្ត​ក្រុង​សាធារណៈ​ខ្វាត់​ខ្វែង​ស្ទើរ​ពេញ​ទីក្រុង​ទាំង​មូល​។ មូល​ហេតុ​ចម្បង​ៗ​មួយ​ចំនួន​ដែល​ធ្វើ​ឲ្យ​ប្រព័ន្ធ​រថយន្ត​ក្រុង​សាធារណៈ​របស់​រដ្ឋធានី​នេះ​លូត​លាស់​លឿន​ ម្យ៉ាង​ក៏​ដោយ​សារ​ច្បាប់​ស្ដី​ពី​ការ​ហាម​ប្រាម​ការ​ប្រើ​ប្រាស់​ទោចក្រយានយន្ត ឬ​ម៉ូតូ​ នៅ​ក្នុង​ទីក្រុង​នេះ ព្រម​ទាំង​ការ​រឹត​ត្បិត​លើ​ការ​មាន​រថយន្ត​ផ្ទាល់​ខ្លួន​ផង នេះ​ជា​ហេតុ​បង្ខំ​ឲ្យ​ប្រជាជន​ក្នុង​ទីក្រុង​ចាំ​បាច់​ត្រូវ​ប្រើ​ប្រាស់​ប្រព័ន្ធ​រថយន្ត​ក្រុង​សាធារណៈ​។

រថយន្ត​ក្រុង ទាំង​របស់​រដ្ឋ និង​ឯកជន​ជា​ច្រើន​ខ្សែ​បាន​នឹង​កំពុង​រត់​ទូទាំង​ក្រុង ដោយ​មាន​ទាំង​ថ្មី ទាំង​ចាស់ ទាំង​រថយន្ត​ធម្មតា និង​រថយន្ត​មាន​បំពាក់​ម៉ាស៊ីន​ត្រជាក់​ផង​។ កម្មវិធី​ទូរស័ព្ទ​ដៃ​សម្រាប់​ការ​ប្រើ​ប្រាស់​រថយន្ត​ក្រុង ក៏​ត្រូវ​បាន​បង្កើ់ត​ឡើង​ដើម្បី​ជួយ​សម្រួល​ដល់​អ្នក​ប្រើ​ប្រាស់​ផង​។ ក្រៅ​ពី​នេះ​រថយន្ត​ថ្មី​ៗ​ជា​ច្រើន​រយ​គ្រឿង​ក៏​ត្រូវ​បាន​ផ្ដល់​ឲ្យ​ទីក្រុង​មួយ​នេះ ពី​សំណាក់​ប្រទេស​ផ្ដល់​ជំនួយ​មួយ​ចំនួន​ផង​ដែរ​៕

ផែន​ទី​ខ្សែ​រថ​យន្ត​ក្រុង​សាធារណៈ​របស់​រ៉នកុន
ថ​យន្ត​ក្រុង​សាធារណៈ​របស់​រ៉នកុនថ​យន្ត​ក្រុង​សាធារណៈ​របស់​រ៉នកុន

____________________________________________
អាន​ផង​ដែរ​៖
១. វិថី​នានា​នៅ​ក្រុង​រ៉នកុន ប្រទេស​ភូមា
២. តាក់ស៊ី​ភូមា
៣. រថ​សាធារណៈ​នៅ​ភូមា

%d bloggers like this: