jump to navigation

វិបាក​កូវីដ-១៩ ៖ សេចក្ដី​ជូន​ដំណឹង ស្ដី​ពី​​ការ​​អនុញ្ញាត​​ឱ្យ​​ដំណើរ​​ការ​​គ្រឹះ​ស្ថាន​​សិក្សា​​សាធារណៈ និង​​ឯកជន នៅ​​រាជធានី​​ភ្នំពេញ និង​​ទី​​រួម​​ខេត្ត​​កណ្ដាល ព្រម​ទាំង​​ការ​​ហាត់​​ប្រាណ និង​​លេង​​កីឡា​​នៅ​​ក្នុង​​បរិវេណ​​ពហុ​​កីឡ​ដ្ឋាន​​ជាតិ​​អូឡាំពិក ថ្ងៃ​ព្រហស្បតិ៍ 19 ខែវិច្ឆិកា 2020

Posted by សុភ័ក្ត្រ in អំពីស្រុកខ្មែរ.
1 comment so far

____________________________________________________________
អាន​ផង​ដែរ ៖
១. វិបាក​កូវីដ-១៩ ៖ សេចក្ដី​ជូន​ដំណឹង​ស្ដី​ពី​ការ​ផ្អាក​ដំណើរ​ការ​​គ្រឹះ​ស្ថាន​សិក្សា​សាធារណៈ​និង​ឯកជន ជា​បណ្ដោះ​អាសន្ន​រយៈ​ពេល​​០២​សប្ដាហ៍ នៅ​​រាជធានី​ភ្នំពេញ និង​​ទី​រួម​ខេត្ត​កណ្ដាល

In Memory of Princess Buppha Davi ថ្ងៃពុធ 18 ខែវិច្ឆិកា 2020

Posted by សុភ័ក្ត្រ in បុគ្គល​សំខាន់, វីដេអូ.
add a comment

បក្ស «​ស៊ូជី​» យក​ឈ្នះ​ភ្លូក​ទឹក​ដី​ ​បោះ​ឆ្នោត​នៅ​ភូមា ថ្ងៃអង្គារ 17 ខែវិច្ឆិកា 2020

Posted by សុភ័ក្ត្រ in မြန်မာဘာသာ.
2 comments

នានា​ប្រទេស​៖ នេប្យ្ញីតៅ​, ភូមា – គណបក្ស​​សម្ព័ន្ធ​ដើម្បី​លិទ្ធិ​ប្រជាធិបតេយ្យ​ដែល​ជា​បក្ស​គ្រប់​គ្រង​អំណាច​នៅ​ប្រទេស​ភូមា​នោះ បាន​យក​ឈ្នះ​ការ​បោះ​ឆ្នោត​៩២០​អាសនៈ និង​បាន​គ្រប់​គ្រង​សំឡេង​ភាគ​ច្រើន​ដាច់​ខាត​ នៅ​ក្នុង​ការ​បោះ​ឆ្នោត​ជា​សាកល​កាល​ពី​ថ្ងៃ​ទី​៨ ខែ​វិច្ឆិកា ឆ្នាំ​២០២០ កន្លង​មក​នេះ​។ នេះ​បើ​តាម​ការ​ប្រកាស​ជា​ផ្លូវ​ការ​របស់​គណៈ​កម្មាធិការ​ជាតិ​រៀប​ចំ​ការ​បោះ​ឆ្នោត​របស់​ភូមា​ដែល​បាន​ប្រកាស​ឲ្យ​ដឹង​កាល​ពី​ថ្ងៃ​ទី​១៥ ខែ​វិច្ឆិកា ឆ្នាំ​២០២០។

នៅ​ក្នុង​ការ​បោះ​ឆ្នោត​នៅ​ប្រទេស​ភូមា កាល​ពី​សប្ដាហ៍​កន្លង​មក មាន​​បេក្ខជន​ឈរ​ឈ្មោះ​ចំនួន​៥.៦៣៩​រូប ដោយ​ប្រកួត​ប្រជែង​អាសនៈ​ក្នុង​សភា​ទាំង​អស់​ចំនួន​១.១១៧​អាសនៈ ដែល​រួម​មាន​៣១៥​អាសនៈ​នៅ​ក្នុង​សភា​តំណាង​រាស្ត្រ ឬ​សភា​ជាន់​ទាប​, ១៦១​អាសនៈ​នៅ​ក្នុង​សភា​ជន​ជាតិ ឬ​ព្រឹទ្ធសភា​, ៦១២​អាសនៈ នៅ​ក្នុង​សភា​ភូមិ​ភាគ និង​រដ្ឋ និង​២៩​អាសនៈ​នៃ​ជន​ជាតិ​ភាគ​តិច​ក្នុង​សភា​ភូមិ​ភាគ និង​រដ្ឋ​។

បន្ទាប់​ពី​ការ​រាប់​សន្លឹក​ឆ្នោត​រួច​ស្រេច​មក គណៈ​កម្មាធិការ​ជាតិ​រៀប​ចំ​ការ​បោះ​ឆ្នោត​របស់​ភូមា បាន​ប្រកាស​ពី​លទ្ធផល​ដែល​ក្នុង​នោះ បេក្ខជន​ចំនួន​៩២០​រូប របស់​គណបក្ស​លោក​ស្រី​​អ៊ុង​សាន ស៊ូជី គឺ​គណបក្ស​​សម្ព័ន្ធ​ដើម្បី​លិទ្ធិ​ប្រជាធិបតេយ្យ​ បាន​​ឈ្នះ​ឆ្នោត​នៅ​ក្នុង​សភា​ទាំង​៣ ដែល​រួម​មាន​២៥៨​នៅ​ក្នុង​សភា​ជាន់​ទាប និង​១៣៨ នៅ​ក្នុង​ព្រឹទ្ធ​សភា, ​៥០១​អាសនៈ នៅ​ក្នុង​សភា​ភូមិ​ភាគ និង​រដ្ឋ និង​អាសនៈ​ជន​ជាតិ​ភាគ​តិច​ចំនួន​២៣​អាសនៈ​។

ចំពោះ​បក្ស​សហ​សាមគ្គី និង​ការ​អភិវឌ្ឍ ដែល​ជា​បក្ស​ប្រឆាំង​នោះ បាន​យក​ឈ្នះ​តែ​៧១​រូប ដោយ​ក្នុង​នោះ​មាន​២៦​, ៧ និង​៣៨​អាសនៈ នៅ​ក្នុង​សភា​ទាំង​បី​របស់​ភូមា​តាម​លំដាប់​។ នេះ​បើ​តាម​ការ​ឲ្យ​ដឹង​ពី​​គណៈ​កម្មាធិការ​ជាតិ​រៀប​ចំ​ការ​បោះ​ឆ្នោត​របស់​ភូមា​។ ចំណែក​ឯ​អាសនៈ​ដែល​នៅ​សល់​គឺ​ជា​របស់​គណបក្ស​ និង​បេក្ខជន​ឯករាជ្យ ដែល​បាន​ចូល​រួម​ការ​ប្រកួត​ប្រជែង​។

រដ្ឋធម្មនុញ្ញ​របស់​ភូមា​បាន​កំណត់​ឲ្យ​រដ្ឋសភា​ថ្មី​បើក​ការ​ប្រជុំ​សម័យ​ដំបូង​ក្នុង​រយៈ​ពេល​៩០​ថ្ងៃ​បន្ទាប់​ពី​ថ្ងៃ​បោះ​ឆ្នោត​ទូទៅ​៕

__________________________________
អាន​ផង​ដែរ
១. អបអរ​សាទរ​ប្រជាជន​ភូមា​ដ៏​ហាន​ក្លា
២. អនាគត​មួយ​ដ៏​ភ្លឺ​ស្វាង​របស់​ប្រជាជន​ភូមា

 

វិបាក​កូវីដ-១៩ ៖ កម្ពុជា​បរិច្ចាគ​បរិក្ខារវេជ្ជ​សាស្ត្រ​ជូន​លាវ ថ្ងៃចន្ទ 16 ខែវិច្ឆិកា 2020

Posted by សុភ័ក្ត្រ in ພາສາລາວ.
1 comment so far

នានាប្រទេស៖ នគរ​ហ្លួង​វៀងចន្ទន៍, ស.ប.ប. លាវ – ព្រឹក​ថ្ងៃ​ចន្ទ ទី​១៦​ ខែ​វិច្ឆិកា ឆ្នាំ​២០២០ នេះ នៅ​ឯ​អាកាស​យាន​ដ្ឋាន​អន្តរជាតិ​ក្រុងវៀងចន្ទន៍​ នៃ​សាធារណ​រដ្ឋ​ប្រជាធិបតេយ្យ​ប្រជាមានិត​លាវ (​ស.ប.ប.​លាវ​) មាន​ប្រារព្ធ​ពិធី​ប្រគល់ និង​ទទួល​អំណោយ​សម្ភារ​វេជ្ជ​សាស្ត្រ​ប្រយុទ្ធ​ប្រឆាំង នឹង​ជំងឺ​កូវីដ-១៩​ ដែល​ជា​ការ​បរិច្ចាគ​ពី​រដ្ឋាភិបាល និង​ប្រជាជន​កម្ពុជា។ លោក​នាយក​រដ្ឋមន្ត្រី​លាវ សមមិត្ត ថងលុន ស៊ីស៊ុលិត បាន​ចូល​រួម​ដោយ​ផ្ទាល់​ក្នុង​ពិធី​នេះ​។

ក្នុង​នាម​ជា​ប្រទេស​ជិត​ខាង និង​មាន​ប្រវត្តិ​ទំនាក់​ទំនង​ដ៏​ល្អ ជា​ពិសេស​នោះ រាជ​រដ្ឋាភិបាល​កម្ពុជា បាន​សម្រេច​បរិច្ចាគ​សម្ភារ​វេជ្ជ​សាស្ត្រ​មួយ​ចំនួន​ដែល​បម្រើ​ឲ្យ​ការ​​ការពារ និង​ការ​ប្រយុទ្ធ​ប្រឆាំង​នឹង​ការ​រាត​ត្បាត​នៃ​ជំងឺ​កូវីដ​-១៩​។ សម្ភារ​វេជ្ជសាស្ត្រ​ដែល​រាជ​រដ្ឋាភិបាល​កម្ពុជា​បរិច្ចាគ​នា​ពេល​នេះ មាន​១២​ប្រភេទ រួម​មាន ៖

  1. ម៉ាស់ ចំនួន​២​លាន
  2. ម៉ាស់ក្រណាត់ចំនួន ២០ម៉ឺន
  3. ម៉ាស់ N95 ចំនួន២ម៉ឺន
  4. វែនតាសុវត្ថិភាព ចំនួន២ម៉ឺន
  5. សម្លៀកបំពាក់សុវត្ថិភាព សម្រាប់មន្ត្រីសុខាភិបាល (ជាឈុត) ចំនួន២ម៉ឺនឈុត
  6. ម៉ាស៊ីនវាស់កម្ដៅ ចំនួន៥០០
  7. របាំងមុខចំនួន២ម៉ឺន
  8. ឧបករណ៍ជំនួយការដកដង្ហើម សម្រាប់​ប្រយោធនកម្ម ចំនួន២០
  9. ទូរទស្សន៍តាមដានសុខភាពអ្នកជំងឺ និងសម្ភារបន្ទាប់បន្សំម៉ូឌែល Vista 120 ចំនួន២០
  10. ម្សៅថ្នាំក្លរ៉ាមីនប្រភេទ B ៥០០កេស
  11. ស្បែកជើងកវែងសុវត្ថិភាព ១ពាន់គូ និង
  12. សាប៊ូលាងដៃ ២ពាន់

រូប ៖ AKP

_______________________________________________________________
អាន​ផង​ដែរ ៖
១. វិបាក​កូវីដ-១៩ ៖ កម្ពុជា​បរិច្ចាគ​បរិក្ខារវេជ្ជ​សាស្ត្រ​ជូន​ភូមា

វៀតណាម​អនុម័ត​ដំណាក់​កាល​ទី​១ អាកាស​យានដ្ឋាន​អន្តរជាតិ​ឡុង​ថាញ់ ថ្ងៃអាទិត្យ 15 ខែវិច្ឆិកា 2020

Posted by សុភ័ក្ត្រ in Tiếng Việt.
add a comment

នានាប្រទេស៖ ហាណូយ, សស. វៀតណាម – រដ្ឋាភិបាល​វៀតណាម​បាន​អនុម័ត​ហើយ​នូវ​គម្រោង​សាងសង់​អាកាស​យានដ្ឋាន​អន្តរជាតិ​ឡុង​ថាញ់ ជំហាន​ដំបូង​ដែល​មាន​ទឹក​ប្រាក់​ប្រមាណ​ ៤.៦០០​លាន​ដុល្លារ​អាមេរិក​។ អាកាស​យានដ្ឋាន​អន្តរជាតិ​ថ្មី​របស់​ប្រទេស​វៀតណាម​ នា​ភាគ​ខាង​ត្បូង​នេះ​នឹង​ត្រូវ​បាន​សាង​សង់​ឡើង​ឲ្យ​ក្លាយ​ជា​មជ្ឈ​មណ្ឌល​ដឹក​ជញ្ជូន​តាម​អាកាស​ដ៏​ធំ​មួយ​នៅ​ក្នុង​តំបន់​។

សម្រាប់​ការ​កសាង​ដំណាក់​កាល​ទី​១​នេះ មាន​​ផ្លូវ​រត់​ប្រវែង​៤​គីឡូ​ម៉ែត្រ ដែល​មាន​ទទឹង​៧៥​ម៉ែត្រ​។ ប្រព័ន្ធ​ផ្លូវ​តាក់ស៊ី និង​កន្លែង​ចត​យន្ត​ហោះ និង​អាគារ​អ្នក​ដំណើរ ខ្នាត​៣៧៣.០០៩​ម៉ែត្រ​ក្រឡា ដែល​នឹង​អាច​ទទួល​អ្នក​ដំណើរ​បាន​រហូត​ដល់​ទី​២៥​លាន​នាក់ និង​ទំនិញ​១,២​លាន​តោន​ក្នុង​មួយ​ឆ្នាំ​ ហើយ​ដែល​គ្រោង​នឹង​បញ្ចប់​នៅ​ឆ្នាំ​២០២៥​។

គម្រោង​សាង​សង់​អាកាស​យាន​ដ្ឋាន​អន្តរជាតិ​ឡុង​ថាញ់ មាន​សរុប​៣​ដំណាក់​កាល ដែល​នឹង​ត្រូវ​បញ្ចប់​នៅ​ឆ្នាំ​២០៣០ ដែល​ក្នុង​នោះ​មាន​ផ្លូវ​រត់​ចំនួន​៤​ខ្សែ អាគារ​អ្នក​ដំណើរ​៤​ខ្នង ដែល​អាច​ទទួល​អ្នក​ដំណើរ​បាន​១០០​លាន​នាក់ និង​ទំនិញ​បាន​៥​លាន​តោន​ក្នុង​មួយ​ឆ្នាំ​។

អាកាស​យាន​ដ្ឋាន​អន្តរជាតិ​ថ្មី​របស់​វៀតណាម​នេះ ស្ថិត​នៅ​ភាគ​ខាង​កើត​នៃ​ក្រុង​ព្រៃ​នគរ​ប្រមាណ​៤០​គីឡូម៉ែត្រ​៕

 

វឌ្ឍន​ភាព​ផ្លូវ​ល្បឿន​លឿន​លាវ វៀងចន្ទន៍​-​វាំងវៀង ថ្ងៃសៅរ៍ 14 ខែវិច្ឆិកា 2020

Posted by សុភ័ក្ត្រ in វីដេអូ, ພາສາລາວ.
1 comment so far

នានាប្រទេស៖ នគរ​ហ្លួង​វៀងចន្ទន៍, ស.ប.ប. លាវ – សាធារណ​រដ្ឋ​ប្រជាធិបតេយ្យ​ប្រជាមានិត​លាវ (​ស.ប.ប.​លាវ​) នឹង​​មាន​ផ្លូវ​ល្បឿន​លឿន​ទី​១​ជា​ប្រវត្តិ​សាស្ត្រ​នា​ពេល​ឆាប់​ៗ​ខាង​មុខ​នេះ ដែល​នឹង​ជួយ​សម្រួល​ការ​ធ្វើ​ដំណើរ​របស់​ប្រជាជន ក៏​ដូច​ជា​ជួយ​ជំរុញ​សេដ្ឋកិច្ច​របស់​ប្រទេស​ដែល​គ្មាន​សមុទ្ទ​មួយ​នេះ​។ ផ្លូវ​ល្បឿន​លឿន ឬ​ភាសា​អង់គ្លេស​ហៅ​ថា Expressway ពី​រដ្ឋធានី​នគរ​ហ្លួង​វៀងចន្ទន៍ ទៅ​​តំបន់​​ទេសចរណ៍​ដ៏​សំខាន់​មួយ​របស់​ប្រទេស​នេះ គឺ​វាំងវៀង បាន​កសាង​សម្រេច​យ៉ាង​លឿន​ស្ទើរ​១០០​ភាគ​រយ នឹង​ត្រៀម​បើក​ប្រើ​ប្រាស់​ជា​ផ្លូវ​ការ​នា​ពេល​ឆាប់​ៗ​នេះ​។

រដ្ឋាភិបាល​លាវ​បាន​សម្រេច​អនុម័ត​កសាង​ផ្លូវ​ល្បឿន​លឿន​មួយ​ខ្សែ​ត​ភ្ជាប់​ពី​រដ្ឋធានី​វៀងចន្ទន៍ ទៅ​កាន់​បតែន (ល. ບ່ເຕັນ) ភាគ​ខាង​ជើង​នៃ​ប្រទេស​លាវ ជាប់​នឹង​ទល់​ដែន​ប្រទេស​ចិន​ ដែល​មាន​ប្រវែង​សរុប​ចំនួន ៤១៤​គីឡូ​ម៉ែត្រ​។ ដោយ​ឡែក​ផ្លូវ​ល្បឿន​លឿន​​ពី​នគរ​ហ្លួង​វៀងចន្ទន៍ ទៅ​កាន់​វាំង​វៀង គឺ​ជា​ដំណាក់​កាល​ទី​១​នៃ​ផ្លូវ​ល្បឿន​លឿន​វៀងចន្ទន៍ – ​បតែន​។

​ផ្លូវ​ល្បឿន​លឿន​វៀងចន្ទន៍ – ​វាំងវៀង មាន​ប្រវែង​សរុប ១០៩.១១៩ គីឡូ​ម៉ែត្រ និង​​មាន​ទទឹង​២៣​ម៉ែត្រ ​មាន​៤​ខ្សែ​ចរាចរ (​ពីរ​ទៅ​ពីរ​មក​) ដោយ​​មាន​ពុះ​ចំណែក​ផ្លូវ​ទៅ​មក​ និង​មាន​របង​ព័ទ្ធ​អម​សង្ខាង​ផ្លូវ​ផង​។ ការ​កសាង​ផ្លូវ​នេះ នឹង​ត្រូវ​ឆ្លង​កាត់​វាល​ស្រែ ការ​សាង​ស្ពាន​ថ្មី ក៏​ដូច​ជា​ការ​ទម្លាយ​ភ្នំ ដើម្បី​ឆ្លង​កាត់ (​ផ្លូវ​ក្រោម​ភ្នំ​) ផង​។ នៅ​ពេល​ដែល​ផ្លូវ​ល្បឿន​លឿន​នេះ​សាង​សង់​រួច ការ​ធ្វើ​ដំណើរ​ពី​​វៀងចន្ទន៍ ទៅ​​វាំងវៀង​នឹង​ចំណាយ​ពេល​តែ​១.៣០​ម៉ោង​ប៉ុណ្ណោះ ដែល​បច្ចុប្បន្ន​នេះ​ត្រូវ​ចំណាយ​ពេល​រហូត​ដល់​ទៅ​៤​ម៉ោង​។

ផ្លូវ​ល្បឿន​លឿន​វៀងចន្ទន៍ – ​វាំងវៀង នេះ​គ្រប់​គ្រង​ដោយ​ក្រុមហ៊ុន​ Yunnan Construction Engineering Group ដោយ​មាន​ភាគហ៊ុន​៩៥​ភាគ​រយ និង​រដ្ឋាភិបាល​លាវ​៥​ភាគ​រយ​ ដែល​នឹង​ត្រូវ​ចំណាយ​ទឹក​ប្រាក់​សាង​សង់​ប្រមាណ​១,២​ប៊ីលាន​ដុល្លារ​អាមេរិក​ ដោយ​ក្រុមហ៊ុន​នឹង​មាន​សិទ្ធិ​កាន់​កាប់​ចំនួន​៥០​ឆ្នាំ​។

ការ​កសាង​បាន​ចាប់​ផ្ដើម​កាល​ពី​ចុង​ឆ្នាំ​២០១៨ កន្លង​មក ដោយ​គ្រោង​នឹង​បញ្ចប់​ក្នុង​រយៈ​ពេល​៣​ឆ្នាំ​។ តែ​ទោះ​បី​ជា​យ៉ាង​នេះ​ក្ដី​ការ​កសាង​មាន​សន្ទុះ​លឿន​គួរ​​ឲ្យ​កត់​សម្គាល់ ដោយ​រហូត​មក​ដល់​ខែ​មិថុនា ឆ្នាំ​២០២០ កន្លង​មក​នេះ​បាន​សម្រេច​៧០​ភាគ​រយ ហើយ​ដោយ​គ្រោង​នឹង​បញ្ចប់​ជា​ស្ថាពរ​ ព្រម​ទាំង​បើក​ឲ្យ​​ប្រើ​ប្រាស់​ជា​ផ្លូវ​ការ​នៅ​មុន​ទិវា​បុណ្យ​ជាតិ​លាវ ថ្ងៃ​ទី​២ ខែ​ធ្នូ ឆ្នាំ​២០២០ ខាង​មុខ​នេះ​៕

____________________________________________________________
អាន​ផង​ដែរ ៖
១. លាវ​គ្រោង​សាង​សង់​ផ្លូវ​ល្បឿន​លឿន​ហ្លួង​ព្រះ​បាង – ឧត្ដម​ជ័យ

សេចក្តី​ប្រកាស​ព័ត៌មាន​ស្តី​ពីលទ្ធផល​នៃ​កិច្ច​ប្រជុំ​កំពូល​អាស៊ានលើក​ទី​៣៧ និង​កិច្ច​ប្រជុំ​កំពូល​ពាក់ព័ន្ធ ថ្ងៃសុក្រ 13 ខែវិច្ឆិកា 2020

Posted by សុភ័ក្ត្រ in អាស៊ាន.
add a comment

_______________________________________________
អានព័ត៌មាន
១. វៀតណាម​បើក​កិច្ច​ប្រជុំ​កំពូល​អាស៊ាន លើក​ទី​៣៧

%d bloggers like this: